بسم الله الرحمن الرحيم

ياكثر مانسمع عن طير شلوى وطير شلوى
وانا اجزم تماما ان كثييير مننا مايعرف قصه هالشلوى
القصه هذي بطوليه نادره وتناقلتها الناس وصار طير شلوى لفظ مألوف ودائم
يستشهدون فيه الشعراء الشعبيين بقصائدهم

وانا راح اقولكم قصه هالطير بشكل مختصر عشان اذا احد فيكم استشهد فيها يكون يعرف الكلام اللي قاله
مو كذا بس مع الخيل ياشقرا طقها والحقها

السالفه انه كان فيه ثلاث اطفال اكبرهم عمره ثلاث سنوات ومات ابوهم وبعده بست شهور ماتت امهم
اخذتهم جدتهم اللي هي ام ابوهم وكان اسمها (شلوى) عشان تربيهم
وكانت فقيره ولجل قلة حيلتها كانت تلف على البيوت
وتدق ابوابهم عشان يعطونها اكل لاحفادها الثلاثه
ومن باب الاستعطاف كانت تقول ماعندكم غدا لطويراتي ؟
انتشر خبرها بين الناس ووصل لشيخ القبيله وامر بتوفير سكن لها قريب من بيته
وكان بنفسه يشرف على ايصال الغدا لهم
ويقول لا تنسون طيور شلوى
كبر الاطفال وصار رجال وهم : شويش ... وهيشان ... وعدامه
الين انتقلوا القبيله لمكان فيه الربيع والماء بكثره وكان فيه جماعه من الاتراك العثمانيين
وبسبب قلة افراد قبيله الشيخ وتواجدهم دايم خارج القبيله وافق على دفع (الودي) اللي نسميها الضريبه

للاتراك اذا ارسلوا لهم مرسال .. وبعد فتره طالبوا مضاعفه الضريبه هذي فوافق الشيخ وماكان يبي يدخل في حرب معهم
بتحوسه هو ورجاله ولكن بعد اسبوعين ارسل الاتراك رساله يطلبون فيها ( خاكور ) ومافهم الشيخ وش يبون
وسال حامل الرساله قال انهم يبون نساء لوقت محدد للمتعه
وبهالوقت كان فيه عجوز سمع هالكلام والطلب فقال بيتين من الشعر يقول فيها بما معناه ان الموت افضل ولا هالطلب
وكان الشيخ يسالهم من لهذا الموت ؟
فقفز شويش وصاح انا لها وانا طير شلوى واخذ سيفه وركب جواده وشق طريقه بين الاتراك ويقطع رؤوسهم هم وطرابيشهم الحمر
ولحق به اخوه عدامه وهويش وبعدها اغارت القبيله كلها على الاتراك وانتصرت عليها وهنا وضحت
شجاعه طيور شلوى وصاروا مثال للاقتران بالشجاعه والاقدام

الحين فهمتوا من طيور شلوى

---------------------------------------------------------------------



تحياتي"


==================================

المشرف : موضوع مكرر لأكثر من مرة . ولم تذكر المصدر.. واحد السببين يكفي لإغلاق الموضوع..!!!