|؛¤ّ,¸¸,ّ¤؛| قـمـريـات ( 3 ) |؛¤ّ,¸¸,ّ¤؛| - نادي الهلال السعودي - شبكة الزعيم

الهلالي الثقفي · #1 19/10/2008, 10:49 PM

هـــلا و الغــلا

أعضاء منتدى المجلس العام

أهلاً و مرحباً بكم في قمريات 3

القمرية الأولى

الخجل

في هذي السنة إتفقت مع ثلاثة شباب من جيراننا على أن نعمل شي جديد في العيد

بحيث نعمل برنامج شيق و مرح يبدأ بعد صلاة العيد , يجدد روح الترابط و التكاتف بين أفراد المجتمع ,

و يجمع الأطفال و يدخل فيهم البهجة و السرور و يحقق المعنى الجميل للعيد .

حضر إثنين فقط من الثلاثة الذين إتفقت معهم . فقمنا بعمل طاولة كبيرة جداً داخل مصلى العيد

و وضعنا فيها القهوة و التمر و الـ( الحلويات ) , و أحضرنا متطلبات الدعم لإنجاح هذه المغامرة

و بعد الصلاة لاقت بضاعتنا رواج كبير وسط فرحة الأهالي و سعادة الأطفال

قدمنا خلال هذه التجربة عمل جيد من خلال المباشرة على الأهالي و توزيع الإبتسامات

و الضحكات و الفقشات اللطيفه

و كسرنا حواجز كثيرة من ترسبات فكرية قديمة

و قمعنا بحمد الله جهل كان يعيش في أدغال العقول بأن ( العيد ) فقط صلاة و نوم

و الأهم من هذا و ذاك أننا كسبنا ود الجميع و حظينا بترحيب كبير منهم

و لاقت هذه ( الحركه

) صدى إعلامي كبير

و تناقلها القاصي و الداني ,

أنا و صاحبيّ فرحنا كثيراً بنجاح المهمة و لمسنا المعاني الجميلة في العيد

و عشنا طوال أيام العيد في ( جو ) عائلي و حميمي و سعادة بالغة بما قدمناه

صاحبنا الغائب , غاب عنا بحجة ( الخجل )

ليش الخجل ؟

كثير من الشباب للأسف يخجل من أنه يقدم عمل جيد يخدم مجتمعه و لكنه للأسف

لا يخجل من ( عمل ) غير أخلاقي , سواء في البيت أو السوق أو المدرسة أو العمل .

من واقع تجربات كثيرة أقول للشباب ( العمل الرائع ) هو الذي تقدم من خلاله الراحة للآخرين ,

ستشعر حينها بمقدار السعادة الحقيقية .

القمرية الثانية

محروم

أجمل ( مانشيت ) قرأته بعد وفاة الشاعر الأمير عبد الله الفيصل كان في جريدة الرياضية

بعنوان ( مات الإنسان ) .. حينها دمعت عيني ..

لماذا دمعت عيني ؟

منذ طفولتي كنت أرى نفسي تعيش في قلب ( عبد الله الفيصل ) الإنسان

كان من المتزامنات الكثيرة ما أتعرض له في حياتي من صدمات , أقرأها في سيرة حياته .

كنت أكتب ( الشعر ) و ألمس معانيه في كتابات ( عبد الله الفيصل )

كان يعمل في ( صمت ) و يبكي في ( شموخ ) و يعتز بما يقدمه , و لا يخجل من عمل الخير .

لم يعرف الناس حقيقة ( الانسان ) الذي مات , الا بعد وفاته , لأن المحرومين فقدوا مصدر إلهامهم

لقد كان طبيباً يداوي الناس و هو عليل ,

عندما إلتحقت بالجامعة و أنا في أول سنة , كنت أرى أنني سأحقق ( حلم ) عبد الله الفيصل

الذي لم يكمل دراسته , إنه ( أمير ) و لكنه ( إنسان ) لم تحن له الفرصة أن يحقق ( أهدافه ).

و لكني خذلت ذلك ( الشخص ) . و لم أكمل دراستي الجامعية لظروف ( متباينه )

شعرت حينها بـ ( الحرمان ) الذي لازم حياة ذلك المحروم .

نبضة من قلب المحروم :

أنا بليت بحبكم من ( هبالي )

و الا انت ظلٍّ مالنا فيه مقيال

خيرك لغيري و الشقا و العنا لي

و المشكلة إني عارفٍ كل الأحوال

أرمي بهمي في بحرك الزلالي

و تأخذني أمواجك على شاطي الجال..

القمرية الثالثة

عبووود .. !!

تحدثت في موضوع سابق عن صديقي الغالي ( عبووود )

تربطني به علاقة قوية يعرفها الأهل و غالب الأصدقاء و الزملاء

لكن

, حدث موقف و صار الناس يتناقلون تداعيات هذا الموقف .

كنت في الطايف عند الوالد , بينما عبووود كان في ( جدة )

إتصل بي و قال ( بارك لي )

, شريت ( فياقرا )

قلت : ماشاء الله , الله يبارك لك فيها و يعطيك خيرها و يكفيك شرها ..

إنتشرت الأخبار إن عبووود إشترى فياقرا

, و صار ينفخ

>>>> هذي من عندي

المهم قلت له : لو جيت الطايف لازم أشوفك و اشوف السيارة

و عدني إنه يمرني

,

و في يوم من الأيام , كنت واقف عند باب البيت مع أحد الشباب و أشوف فياقرا تمر من عندي

و عبووود يسوق

, ناداه صاحبي , و لمن طالع شافني واقف

أشّر بيدّه و اتصل بي ع الجوال يعتذر و يقول إنه جا للطايف و راجع جدة و ما يمديه يمرني

( و انهى المكالمه )

و بعد عشر دقايق أرسلت له هذي الأبيات ....

مرّ , و ( غصب نفسه ) و لوّح بيدّه

لمحت شعره من وراه و كتوفه

على ( فياقرا ) ( 2001 ) , تودّه

و تغليه و تحبه و تعشق كفوفه

جت من مطار أبو ظبي لين جدة

قد جابها اللي ما حسب وش ظروفه

صوت المكينه يو وقّف و هدّه

أنفاس ( مهمومه ) حزينه , شغوفه

بوديّها ( ملمسه ) مثل المخدّه

يبان فيه اسم الموديل و حروفه

( شمعاتها ) مثل البحر يوم مدّه

و ( الوجه ) مثل الجيش كامل صفوفه

و ( اصطبّها ) مشدود من غير شدّه

مثل القمر من قبل يلقى خسوفه

و ( اللون ) مدري لونها وش تعدّه

( أخضر ) تداخل فيه غامق طيوفه

إذا مشت في الخط لازم تسدّه

الله يكافيها الزمان و صروفه

ما هي بحق الله ( موتر ) مكدّه

سواقه المجنون يحرق ( بلوفه )

سافر عليها و انا قلبي يحدّه

سافر و خلّى في خفوقي ( حسوفه )

لو كان يدري ( صدق ) وش كثر أودّه

على الأقل خلّى عيوني ( تشوفه )

تم الارسال

راح أقول لكم وش صار بالجزء الرابع

القمرية الرابعة

البنت المثالية

من أفضل الكتب التي قرأتها خلال الشهر الماضي كتاب قيّم و رائع و لطيف بأسلوبه

إسمه ( البنت المثاليه ) للكاتبة : خولة درويش و صادر عن دار المحمدي للنشر و التوزيع

تتحدث فيه الكاتبة عن دور فتاة اليوم و امرأة المستقبل و دورها الفعال في إصلاح المجتمع .

و الكتاب عبارة عن رسالة تعتبر الرسالة ( الثالثة ) من رسائل الأسرة المثالية .

أنصح بإقتناء الكتاب لأنه من جد ( رائع ) يتكلم عن الفتاة المثالية

و الاهتمام بدينها و تربيتها و احترامها للآخرين و إنشاء علاقات متينة على أساس قويم ,

و تعرضت الكاتبة للحديث عن الحجاب و الحذر من التبرج و السفور بأسلوب تربوي جميل .

و دعت الفتيات إلى تحمل المسؤولية و تزكية النفس و كتمان أسرار الآخرين

>>>> هذي معاها حق

أيضاً وضّحت الكاتبة المبدعة حقوق الفتاة و دعت إلى مراعاتها و الاهتمام بها .

القمرية الخامسة

التوأم

راح أكشف لكم سر خطير من أسرار حياتي

يوم كنت بالطايف زارنا الأخ العضو الكريم اللطيف ( سعد ) ( الفارس الحائر ) شقيق الكلاسيكي .

و حددنا موعد للقاء , و لكن الموعد صادف قرب زواج ( أختي ) ,

و كان البيت مليان حريم و أطفال و كوافيرات

و لا يوجد من يقوم بتلبية مطالبهم إلا أنا و أخوي الأكبر مني , ( اثنين ضد مية

)

حكيت للأخ ( سعد ) الوضع و اتفقنا على لقاء سريع

رحت لسعد بيته و وقفت سيارتي و ركبت معاه بحجة إنه يبي يعرف شوارع المدينة

أو على قولة أهل الرياض ( يدل )

و احنا نتمشى فجأة أهلي يتصلون و يبكون

و يقولون ( محمد ) ولد أخوي تشنج و أغمي عليه و إن أخوي أخذه ع المستشفى .....

على طول أنا و سعد رحنا المستشفى بعدما اتصلت بأخوي أتطمن على ابنه .

و لمن وصلنا قلت لسعد هذي فرصة تتعرف على أخوي ...

دخلنا الغرفة و لمن دخل سعد عند أخوي ....

وقف

و انبهر

و استغرب

و طالع فيني و قال : هذا أنت ؟

قلت : لأ , هذا أخوي

بس أنا أحط سكسوكه

عشان يفرقون بيني و بينه

طبعاً ( سعد ) ليس الضحية الوحيدة

سبحان الله

كثير من الناس يفكرون ( ياسر و ناصر ) توأم حتى الصوت مرة شبه

و هذا يخلينا نقوم بتبادل الأدوار

كثير يمسكوني الدوريات و ما عندي رخصة و كنت آخذ رخصة أخوي

و في مرة من المرات لمن كنت بالتوجيهي , مسكوني و عطيتهم رخصة أخوي

و كان من ضمن الموقوفين معنا ( مدرّس الحاسب )

و هو يعرفني لأنه يدرسني .

و جاء و سلم علي و جلسنا نسولف و شوي يجي العسكري و يقول :

فين ناصر محمد الثقفي

قلت : هنه .. و أعطاني الرخصة ..

طالع فيني مدرس الحاسب و هو منبهر و قال :

ياسر ما عمره قال إنه توأم

هههههههههههه

قلت : هذي خصوصيات

و المواقف كثيرة ..

القمرية السادسة

قالوا و قلنا

كنت ابكي حباً لـ المدرسه وان ارافق اخي كل صباح الى المدرسه

جرح يشكي

و اليوم تبكي ( فرح ) إن الله فكك منها

هآذا الله يسلمكم .. بيتنا عنده حساسيه من الجاليه الاندونسيه عموما

كل الحياة

تغارون حتى من الاندنوسيات

رحلتي المحبوبة إلى سويسرا

عز الهلال

عقبال ما نشوف رحلتك المحبوبة إلى ( المجمعه )

أبشركم حفظت ( 1000 ) كلمة إنجليزي

لاعب حواري

معقولة

... كل شي ما شي لحد هلأ ...

dal3_uae

تكفين يا ( نانسي الإمارات )

بنات الملك يُعفين الشيخ (الكلباني) من الإمامة بعد عودته من مكة

مصدر موثوق

عقبال ما يعفون أبو الهش بعد عودته من لبنان

لكن ماحدث فعلا هو أن هناك تحركا سريا للمسؤولين جنوب المملكة ..

صمت الرماد

كل شي عندنا سري

عشان محد يدقق

القمرية السابعة

موقد أوجاعي

أنا ما جـيـت أبـيـّـن لك خـفايا قلبي الـمقهور
و لا جيت أكشف أسراري و أسولف لك عن أوضاعي

أنـا جـيـت أفـتخـر باسـمي و أحقـق رغبة الجمهور
مـع اني مآ أحب أحـكي لـمـن حـولي عـن أطباعي

و انا مـاني بـذاك الشـاعر االمعـروف و المشهور
و لاني مثل أسير الشوق / و الا مثل ملتاعي

أنا جيتك و أنا كلي غلا صافي / و صدق شعور
تـنـاديني و أنــا قـلبـي يـلـبـي لـهفـة الداعي

صحيح اني فقير و راس مالي حالي المستور
و لكـن مـاآآآ ( أغـطـي ) وجـهـي البـرّاق بقـناعي

أنا ماني ولد تاجر و لا اسكن في فلل و قصور
و لا لي حارسٍ شخصي / و يمشي حولي أتباعي

أنا ما أخذت في الروضة دروس أسماء و ماما نور
و لا تحـكـمني الشهوة و لا تلـوي لي ذراعي

و لا عشت الطفولة / طفل يتهادى دلع و غرور
أنا عشت الطفولة رجل لي همي و أطماعي

أنا / و أنا طفل نار التحدي في حشاي تفور
بنيت من الأمل دولة / و همي يسكن أضلاعي

أنا جيتك / و أنا كلي على بعضي فرح و سرور
أنا جيتك / و أنا بعضي ضحية كذب وخداعي

دخيلك لا تردين الأمل في داخلي مكسور
دخيلك لا تشبين القهر في موقد أوجاعي

كم انسان انتصر لاسمه و هو في نظرتك مغمور
و كم شخص أكرمه ربي / و هو في نظرتك راعي

القمرية الثامنة

همسة

لـ ( طلال الرشيد )

لو قلت لك : إني جريح ..

أخاف تفهمني خطأ ,

و أخاف تفهمني ..

صحيح .

و شكراً

abo_nasser · #2 19/10/2008, 11:09 PM

هلا وغلا بـ فتى الردّف..

موضوعك بطل يا شنب..

وربي من زمان زمان ما قريت موضوع طويل وكملته ..

بس موضوعك طويل بس خفيف وبسيط...

نبدا بالحفله

إقتباس


	الخجل

شوف يا حبيبي بسبب لوون التكارنه هذا ما راح اعلق هالفقره..

هونت

..للافس فيني هالطبع..لكن صدقني مو خووف تقدر تقوول ما فيه جرأه..

المشكله اوقات المزاجيه تتحكم فيني..فمرات اكون جريئ الى درجة الوقاحه(الحمدلله قليل تصير معي)

وفيه مواقف تحصلني راكد او خجول او ما فيه جرأه وقتها..

الي سويتوه انت واخوياك عمل اكثر من رائع..

وصدقني لو كنت معكم تحصلني ساحب مع خويكم ..

إقتباس


	مرّ , و ( غصب نفسه ) و لوّح بيدّه لمحت شعره من وراه و كتوفه على ( فياقرا ) ( 2001 ) , تودّه و تغليه و تحبه و تعشق كفوفه جت من مطار أبو ظبي لين جدة قد جابها اللي ما حسب وش ظروفه صوت المكينه يو وقّف و هدّه أنفاس ( مهمومه ) حزينه , شغوفه بوديّها ( ملمسه ) مثل المخدّه يبان فيه اسم الموديل و حروفه ( شمعاتها ) مثل البحر يوم مدّه و ( الوجه ) مثل الجيش كامل صفوفه و ( اصطبّها ) مشدود من غير شدّه مثل القمر من قبل يلقى خسوفه و ( اللون ) مدري لونها وش تعدّه ( أخضر ) تداخل فيه غامق طيوفه إذا مشت في الخط لازم تسدّه الله يكافيها الزمان و صروفه ما هي بحق الله ( موتر ) مكدّه سواقه المجنون يحرق ( بلوفه ) سافر عليها و انا قلبي يحدّه سافر و خلّى في خفوقي ( حسوفه ) لو كان يدري ( صدق ) وش كثر أودّه على الأقل خلّى عيوني ( تشوفه )

رووووووووووعه يا فتى الردّف..

ما شاءالله عليك الله يحفظك..

إقتباس


	راح أقول لكم وش صار بالجزء الرابع

الله يهبلك قنبله..

إقتباس


	و كان البيت مليان حريم و أطفال و كوافيرات

اييييييييييييييييييييييييييه..تذكر يا معلم شغلتنا ذي

..كنا نطلع من وراها ذهب..

بس الله يسامح شعر التكرونيه اللي عدمت علينا العده

(----ان شاءالله عرفت نفسها..

إقتباس


	معقولة

قسم..

فكره روووعه ..وتعليقاتك اروع خيووو..

إقتباس


	و انا مـاني بـذاك الشـاعر االمعـروف و المشهور و لاني مثل أسير الشوق / و الا مثل ملتاعي

بالله..مصدق ان هذا شاعر..؟؟

إقتباس


	صحيح اني فقير و راس مالي حالي المستور و لكـن مـاآآآ ( أغـطـي ) وجـهـي البـرّاق بقـناعي أنا ماني ولد تاجر و لا اسكن في فلل و قصور و لا لي حارسٍ شخصي / و يمشي حولي أتباعي

مبدع الله يحفظك..

ياسر..

مبدع بكل شيء الله يحفظك..

على فكره تراني اشتقت لهجائك..اذا عندك شيء اجلدني ببيتين وانت ترد علي لا هنت..

سلاااااااااااااااااااااااااام

أول العنقود · #3 19/10/2008, 11:57 PM

القمرية التاسعة :

وجود الشاعر الكبير بشعره ياسر الثقفي بيننا

بس إذا تسمح لي أخوي ياسر بيكون ردي فقط عن القمرية الأولى و لا قصور في القمريات الأخريات الرائعات !!

بالقمرية الأولى ذكرت أن الخجل يمنع آناس كثر من عمل الخير , من ناحيتي أنا كنت من أشد المتابعين لـ برنامج خواطر في شهر رمضان الماضي -أعاده الله علينا كل عام و نحن بصحة و سلامه - و مقدمه الأستاذ أحمد الشقيري و في إحدى اللقطات قبّل رأس عامل النظافة بمدرسة ثانوية أمام الطلاب و ما أن انتهى من كلامه إلا و قاموا الطلاب بتقبيل رأس عامل النظافة

كيف حصل هذا الشيء ؟

حصل بعدما رأوا شخص قدوة لهم قام بالعمل !!

و إحنا للأسف من نعتبرهم لنا قدوة يخجلون حتى من رفع الآذان بالأماكن العامة وقت الصلاة

نشد بأيدي بعضنا للعمل الخيري التطوعي و المساعدة فيه و لو معنويا

كل التقدير و الإحترام ورده

متآبعه بصمت · #4 20/10/2008, 12:06 AM

هلا والله فيك يالغالي

تو ما نوًر المجلس بوجود طلتك الحلووووة

الحين يحق لي أبتســـم من قلب لأني أشوفك مبسووط }~ عساه دوووم إن شاء الله

بسم الله نبدأ

إقتباس


	أنا و صاحبيّ فرحنا كثيراً بنجاح المهمة و لمسنا المعاني الجميلة في العيد و عشنا طوال أيام العيد في ( جو ) عائلي و حميمي و سعادة بالغة بما قدمناه

ما فيه أحلى من البسـاطـه يا شيــخ

إقتباس


	صاحبنا الغائب , غاب عنا بحجة ( الخجل ) ليش الخجل ؟

بـِ غ ض النظر إنو صاحبك

هذي أعتبرها حاله يبيلها علاج

إقتباس


	مات الإنسان ) .. حينها دمعت عيني .. لماذا دمعت عيني ؟

لأنك تحبَه كثيــــــــــر

وترى فيه الشيء اللي انحرمت منه !

إقتباس


	نبضة من قلب المحروم : أنا بليت بحبكم من ( هبالي ) و الا انت ظلٍّ مالنا فيه مقيال خيرك لغيري و الشقا و العنا لي و المشكلة إني عارفٍ كل الأحوال أرمي بهمي في بحرك الزلالي و تأخذني أمواجك على شاطي الجال..

يا حلوها قصيدته رغم قساوة الأبيات فيها !

بس الشكوى لله

إقتباس


	مرّ , و ( غصب نفسه ) و لوّح بيدّه لمحت شعره من وراه و كتوفه

صح لسانك يا شاعرنـــا

بس لو أنا مكانك كان لحقته بسيارتي البانوراما

إقتباس


	راح أقول لكم وش صار بالجزء الرابع

لا مو على كيفك نبي نعرف ألحين

إقتباس


	من أفضل الكتب التي قرأتها خلال الشهر الماضي كتاب قيّم و رائع و لطيف بأسلوبه إسمه ( البنت المثاليه ) للكاتبة : خولة درويش

إن شاء الله أقدر أقــراه

ومنـــكم نستـفيــــد

إقتباس


	و تعرضت الكاتبة للحديث عن الحجاب و الحذر من التبرج و السفور بأسلوب تربوي جميل .

وينكم يا بنات اسمعوا وافهموا لا بارك الله في ابليس اللي مشًاكم على عجين ما يلخبطكومش

إقتباس


	و دعت الفتيات إلى تحمل المسؤولية و تزكية النفس و كتمان أسرار الآخرين >>>> هذي معاها حق

أقول لااااا يكثر بس

إقتباس


	التوأم

ما شاء الله تبارك الله

الله يحفظكم ويحميكم ..

إقتباس


	قالوا و قلنا كنت ابكي حباً لـ المدرسه وان ارافق اخي كل صباح الى المدرسه جرح يشكي و اليوم تبكي ( فرح ) إن الله فكك منها هآذا الله يسلمكم .. بيتنا عنده حساسيه من الجاليه الاندونسيه عموما كل الحياة تغارون حتى من الاندنوسيات رحلتي المحبوبة إلى سويسرا عز الهلال عقبال ما نشوف رحلتك المحبوبة إلى ( المجمعه ) أبشركم حفظت ( 1000 ) كلمة إنجليزي لاعب حواري معقولة ... كل شي ما شي لحد هلأ ... dal3_uae تكفين يا ( نانسي الإمارات ) بنات الملك يُعفين الشيخ (الكلباني) من الإمامة بعد عودته من مكة مصدر موثوق عقبال ما يعفون أبو الهش بعد عودته من لبنان لكن ماحدث فعلا هو أن هناك تحركا سريا للمسؤولين جنوب المملكة .. صمت الرماد كل شي عندنا سري عشان محد يدقق

هذي صراحه يبيلها تصفيق

بالذات عشان محد يدقق

إقتباس


	و انا مـاني بـذاك الشـاعر االمعـروف و المشهور و لاني مثل أسير الشوق / و الا مثل ملتاعي

لا والله أبشرك أنت شاعر مشهور

إقتباس


	لو قلت لك : إني جريح .. أخاف تفهمني خطأ , و أخاف تفهمني .. صحيح .

يا ليت يفهمك صحيح

~,

موضوع قمٍـة في الرووووعه

أستودعك الله الذي لا تضيع ودائعه ~,

~,

إقتباس


	على فكره تراني اشتقت لهجائك..اذا عندك شيء اجلدني ببيتين وانت ترد علي لا هنت..

قداااااااااااام

واجلدني معه إذا ما فيها كلافه يعني

وأنا بأرد عليك

< من ألحين أعصًب عشان يطلع الهجاء بالغصب

عريب عبدالله · #5 20/10/2008, 01:06 AM

المتألق في سماء إبداعة

ياسر

قمريات مختلفة وجميلة وتناقش قضايا جدا جميله

سأنتقل لنقاط أثارتني كثيرا وما لن أعلق عليه سيكون فقط لضيق الوقت وقد أعود له لاحقا

محروم

كم بكيت لفقدان هذا الإنسان تعلقت فيه منذ الطفولة

ورأيت نفسي في بعض ذلك الحرمان

الحرمان ليس حرمان مال او سلطة او أهل

الحرمان مختلف تماما ولا يشعر به الا المحرومين فقط

إقتباس


	نبضة من قلب المحروم : أنا بليت بحبكم من ( هبالي ) و الا انت ظلٍّ مالنا فيه مقيال خيرك لغيري و الشقا و العنا لي و المشكلة إني عارفٍ كل الأحوال أرمي بهمي في بحرك الزلالي و تأخذني أمواجك على شاطي الجال.

من أجمل ما كتبه محروم

أحبها كثيراً

ننتقل للأخ الذي يخذلنا فجأة وبدون سبب

تذكرت أبيات فهد المساعد لما قال
حتى رفيقــــــي ضمــاد القلــــب وعلاجه

’’’’’’’’’ على كثر مـــااتمســـكـ فيه صدقنــــــي

لــــو ادري انــــه مرافقنــــي على حاجه

’’’’’’’’’ لامسكـــــــــــه حاجته واقووول فارقني

ما أقسى ذلك الموقف ما يخففه على الأقل أشر لك

بس أشخاص كثيييير ننصدم فيهم والمواقف تبين نوع صداقتهم

أخوي صار له حادث المهم أن صديقة قال له أركب أوديك المستشفى بس لا توسخ المراتب

بأوديك لأبو ريالين نشتري لزاق جروح

أخوي ينزف وحزت في خاطرة كلمته ونزل

قال أنا بأتصرف

تحسبة قال له خلك بأوديك أصلا ولا همه

المهم هذا اللي خايف على المراتب سيارته كامري عادية جدا

يقول أخوي ويجي واحد أعرفه معرفة سطحية زميل في المدرسة مو مثل صاحب الكامري

المهم هذا سيارته بانوراما وجديده أخذ أخوي ووداه للمستشفى وخاطوا راسة

ما خاف على سيارته بقدر ما خاف على أخوي وفضل يكون تصرفه إنساني

من عقبها وأخوي صار صديق هذا الولد اللي أنقذه وعرف أن هذاك اللي عادة صديق ما يستاهل

أحيانا المواقف تبين الناس على حقيقتهم

قمريات أنتزعتها من سماء الإبداع لتنثرها هنا بين أيدينا

المتألق دائما

شكرا لك

بالحب والإشراق

المـشـاكـس · #6 20/10/2008, 01:22 AM

اول شيء القصيدة مكررة

..
نزلها عضو هنا اسمه الهلالي الثقفي ..

عاد ممكن يكن انت او ممكن يكون اخوك التوأم .. لازم تثبت هويتك

..

لي عودة لك انت وقمرياتك

..

خلاص عدنا ..
عوافي يا ياسر على هالقمريات

..

نأخذها قمرية قمرية

..

الخجل ..
يا ابو سعيد ترى الناس ماهم سوا ..
فيه ناس عندها مشكلة كبيرة في " مقابلة الجمهور " .. وبعضهم يقدر يتجاوزها ..
اما الباقين تبقى معه طول حياته ..
لكن ومع كذا .. يقدر انه يخدم المجتمع بطرق ثانية ..
مثلا في موقفكم هذا ..
يقدر انه يتكفل بجزء اكبر من غيره في النواحي المادية او التنظيمية

..
<<< واضح اني ادافع عنهم .. صح؟!

..
لأني احيانا اكون واحد منهم .. ومهوب لازم جمهور واجد

.. شخص واحد يكفي ..
ما اعرف وشهو الاحساس بالضبط ..لكن ما اقدر اسميه خجل

..

عبوود ..
سؤال .. هل عبود هذا اسمه " عبدالعزيز " ؟!

..
بيني وبينك ..
هو ما سوى شيء غلط .. انت قلت له نبي نشوفك ونشوف السيارة ..
وهو حقق لك طلبك .. مر عليك .. وانت شفته وشفت السيارة

..

انت الغلطان اصلا ..
المفروض تقول له ابي اقابلك واشوف سيارتك

..
<<< لو انه عبوود براسه .. ما دافع عن نفسه بهالكلام

..

صراحة قصيدة رائعة

..
بس وش هالمدح كله .. والله لو انها كريسيدا

..

إقتباس


	راح أقول لكم وش صار بالجزء الرابع

إقتباس

عندي احساس يقول انه سحب عليك

..
وبعدين صرفك بأي عذر

..
بانتظار الجزء الرابع ونعرف وش صار

..

قالوا وقلنا ..
بدعت وربي بدعت بالفكرة هذي

..
من جد هالحركة استانس معها بالجرايد

..
وانا اقترح - من بعد اذنك طبعا - انهم يضمونها لموضوع اخبار المجلس

..

موقد اوجاعي ..

إقتباس

الرسالة الأصلية كتبت بواسطة المـشـاكـس


	ما شاء الله تبارك الله قصيدة رائعة صح الله لسانك عليها على فكرة .. تراني سجلت ابي اصوت لها بس والله ما رضي الموقع اني ادخل صفحة التصويت يا رب تفوز لان القصيدة تستاهل والله ;)

وما زال نفس الرأي الان

..
امتعتني واعجبتني ..
الا وش صار عليها .. فازت والا لا ؟ ..

اخرتها ..

فيه قمريات مالي ومالها

..
اجل وش تبيني اعلق على " الفتاة المثالية "

..
اقول لبلد القلق يتعلم من هالكتاب مثلا

..

قبل ما اضيف الرد ..
ياسر الثقفي ..
الله يعطيك الف عافية ياخوك ..
وعوافي على هالقمريات .. وبانتظار الجزء الرابع

..

ناصر الثقفي .. <<< احتياط لو انه هو اللي كاتب الموضوع

..

الله يعطيك الف عافية ياخوك ..
وعوافي على هالقمريات .. وبانتظار الجزء الرابع

..
بس ترى " موقد اوجاعي " مهيب لك .. بلاش زرف

..

السمسار الهلالــي · #7 20/10/2008, 01:34 AM

موضوع منسم

<-- يبي ينجلد

-----------

موضوع رائع اخوي الثقفي

إقتباس


	التوأم

أبوي وعمي نسخة من بعض

يعلم الله أكثر من مرة , يجون ناس شباب يسلمون على أبوي هلا أستاذ منصور كيف حالك

ابوي مو مدرّس ’ عمي المدرس

|| مواقف كثير تضحك

..!

عاد يقولون اذا اخوان توأم لازم ينجب واحد منهم توأم سمعته انا

لان أخواتي الصغير [ توأم

]

تحياتي الهلالي الثقفي , لاتحرمنا من مواضيعك ورده

أعذرني لمروري البسيط

.

هلاليه كووول22 · #8 20/10/2008, 02:24 AM

اهلا فيك وفـ القمريات ورده

الخجل
يكون ع حسب الناس والمكان بعد
واحيان المزاج

مااقول غير قاتل الله الخجل

عبوود

متى قمريات(4)؟؟

انتظرها

قالوا و قلنا
فقرة بطله

وتعليقاتك روعه

كان ودي اعلق ع التؤام بس كتبت رد طويل وطار

اعتبر نفسك شفته

الهلالي الثقفي
صح لسانك
والله يعطيك الف عافيه

والف شكر لك ورده

..بقــ حرف ـايا.. · #9 20/10/2008, 03:16 AM

هلا فيك الهلالي الثقفي ..
قمريات حلوه ..
توسع الصدر

إقتباس


	الخجل

إقتباس

موقف مره طيب منكم وقفة جميلة في يوم العيد
حلو إنك تملك الجرأه تسوي كذا ..

ماشاء الله عليك يرزقك ربي الأجر ..

إقتباس


	عبووود .. !!

إقتباس

عبود هذا لحاله

تحمست بقووه معه قلنا وش صار

بس من جد قصيدة روعه أحسه طلعت من قلب

إقتباس


	التوأم

هههههههههههههههههههههههههه
كثير من الأخوان يتشابهون بس شكلكم أنتم قدر وغطاه

أوما الرخصه ششششششششئ
عاد فيه بعض الناس تبالغ

أجل وحده بالكلية أسلم عليها تقولي لسى أنتي مسلمة علي

تقصد ريري

قلت ياشيخه بلانصب مانتشابه لهالدرجه

بس من جد فله اللي يتشابهون
لما طلعت تربيه ميداني للمرحلة المتوسط
صرت أطبق على طلاب توأم

قسم هستروا بي

وحده هادية ووحده شيطانية

واعاقب الهاديه أحسبه الشيطانيه

الموهيم أنهم فله
حتى بنات جيراننا كانوا تؤأم ومجنين المديره

يتبادلون الفصول والمراييل ومسووين أكشن خطير

إقتباس


	موقد أوجاعي

هالقصيدة بالذات ..
من زمان وأنا أقول أكثر من روعة ..

إقتباس


	دخيلك لا تردين الأمل في داخلي مكسور دخيلك لا تشبين القهر في موقد أوجاعي

دخيلك لا تقولين الجفا في ناظرك معذور ..
دخيلك لا تدفين البرد بضلوعي وانا عاري ..

إقتباس


	لو قلت لك : إني جريح ..

إقتباس


	أخاف تفهمني خطأ , و أخاف تفهمني .. صحيح .

الهلالي الثقفي ..
كل الشكر لـ قمرياتك ..
لا عدمنا تواجدك ..

البقايا ..

فجر الرياض · #10 20/10/2008, 05:20 AM

هلا الهلالي الثقفي

إقتباس


	الخجل

جزاكم الله خير على العمل الحلو اللي سويتوه ورده
ومثل ماقالوا قاتل الله الخجل

إقتباس


	سافر عليها و انا قلبي يحدّه سافر و خلّى في خفوقي ( حسوفه ) لو كان يدري ( صدق ) وش كثر أودّه على الأقل خلّى عيوني ( تشوفه )

رائـــــعه رائعـــــــه

بليز استعجل بالرابع نبي نعرف وش صار

إقتباس


	قالوا و قلنا

حلوه هالفقره

إقتباس


	موقد أوجاعي

اكثر من رائعه

الهلالي الثقفي
يعطيك العافيه على هالقمريات الرائعه ورده

الهنوووف · #11 20/10/2008, 05:48 AM

وعليكم السلام ورحمه الله وبركاته

هلا اخوي الهلالي الثقفي
ماشاء الله مدهر بالمواضيع

وتنسيق وحركات

ندخل بالقمريات

الخجل

الخجل خطر يهدد حياه الشعوب >>لاتتحمسين يابنت
الخجل والله مصيبه خصوصا لاارتفع مؤشرهـ وعند الشباب بالاخص
البنات يمكن يهون الوضع شوووي
ولكن ممكن يكون هذا صفه بالشخص صعب التغيير صحيح فيه امور تساعد على كسر الخجل بس ابوطبيع مايجوز عن طبعه
ومانستهين بهالصفه لان الي بيعاني منها بيعرف ان صعب التخلص منها

احيانا الواحد بقراره نفسه يعرف ان هالصفه سلبيه
ويقول من بكره بغيرهـا ولارحت للمكان الفلاني بسوي وبسوي
اول مايدخل تطقه النفضه

بس اختلف معاك بسالفه ان الي يخجل من عمل هالبرامج مايستحي من الاعمال الغير اخلاقيه
غالبا الي يخجل يخجل بكل شي سوا عمل خيري عمل غير اخلاقي اي حاقه

محروم

الله يرحمه
الله لايجعلنا من عباده المحرومين

القمرية الثالثة

عبووود .. !!

الله يخليكم لبعض ولايغير عليكم
صح لسانك

البنت المثالية

ان شاء الله طال عمرك

التوأم
هههههههههههههههه راح فيها سعد
ياشين هالمواقف الواحد يتنح لاشاف شي غريب
الله يخليكم لبعض
وكثير تصير اخوان مو تؤام بس حركاتهم كلامهم طريقتهم وحدهـ

قالوا و قلنا

اعجبتني هالحركه ليتني منزله موضوع

مدري وقفت هنا وارسلت ردي واقرا الموضوع مره ثانيه
اكتشفت اني ماكملت ردي

موقد أوجاعي

صح لسانك ماشاء الله

بس ابعد عن هالنمط الحزين بالكتابة

\

/

يعطيك العافيه اخوي الهلالي الثقفي
قمريات استمعت فيها >>>تحب التنويع ماتحب الحديث بسالفه وحده

ان شاء الله تكون بدايه الغيث مدري الخير

مو تقطع 6 شهور

مثل العادهـ
الله يوفقك

برايفت مو مخفي

خساره حبر ابيض يعني
ماحولك قصيدة عن الرياض

الهنوووف

كانت

هنا

ورحلت

DR.KHALID · #12 20/10/2008, 05:49 AM

الهلالي الثقفي ..

موضوع رائع ..

استانس اذا شفت معرفك في ثنايا المجلس

.. حتى لو م ارد على مواضيعك .. بس الصراحة مواضيعك .. كل موضوع يبي له قعده في الرد .. وم اتوقع رد ابو سطرين يكفي .. عشان كذا اقراء واهج

من ناحية اول قمرية ..

كل شيء عظيم يبداء بفكرة بسيطة .. يعني مثل هالشيء الي سويتوه .. ان شاء الله بعد 50 سنة تلقى احفادك يسوون نفس الشيء

.. لان هذا الشيء اعجبهم كـ فكرة .. ومن ناحية خويكم الي يخجل ..

انا صراحة شفت موقف بعدها تأكدت ان المشاعر في الانسان مهما حاول انه يتحكم فيها راح يبقى لها أثر .. يعني خويكم هذا يمكن هو خلقه انسان سحاوي .. ويوم جاء وقت تطبيق الفكرة م يقدر يجي من الخجل

.. وم يقدر يتغلب على هالشيء في نفسه

بقول لك الموقف واحكم ..

احد المرضى عنده رهاب الاماكن المغقلة .. يعني لما يدخل اي شيء ويتقفل عليه خلاص يحس نفسه بينخنق .. مع انه الوضع عادي .. << زي بعض الناس

.. وفيه ناس يموتون بسبب هالشيء لو طولوا
الموهيم ..

جاء مرة كان عنده اشعة بالرنين المغناطيسي .. الي يدخلونه داخل حاجة زي الاسطوانة ويخلونه تقريبا نصف ساعة ..

المشكلة ان الممرض والدكتور يعرفون ان عنده رهاب .. قالوا له عادي تقعد داخل نصف ساعة ؟

قال ايه ايه عادي خلاص م صرت اخاف ..

دخلوا الرجال تقريبا لمدة نصف ساعة
قعدوا ياخذون منه الاشعة
.. يوم راحوا يطلعونه لقوه قد مات

..

كله عشان هذا الرهاب .. سبحان الله شيء بسيط جداً في عين البعض .. في المقابل هذا الشيء البسيط قتله

..

فـ يعني ل تلوم خويك

القمرية الثانية ..

عبدالله الفيصل ..

لا أستطيع الا ان اقول رحمة الله عليك رحمةً واسعة

القمرية الثالثة ..

عبوود

..

الله يصلحه ..

سبحان الله يقال انه الله حينما جعل الاغنياء والفقراء .. فقد جعلهم لحكمة ..

حتى لا يغتني الفقير فـ يفسد ..

او يفتقر الغني فـ يتبدل وضعه وحاله الى الاسواء ..

وهنا ليس كمثال على سالفة خويك .. ولكن كثير من الناس يتغيرون بمجرد ان يحس انه تميز بشيء عن الآخرين ..

عموما معليك مصيره يعقل

أخوي ياسر كان ودي اعلق على كل القمريات .. بس وراي دوام الحين .. وودي اهج قبل الزحمة

لأنهم حاطيني في اخر جنوب الرياض في الشميسي الله ياخذهم

بس بعلق على القمرية الـ سابعة

لنا كل الفخر بتواجد شاعر بـ حجمك هنا في ثنايا المجلس ..

قصيدتك قرأتها وأعدت قرائتها ..

لله درك

.. وصح لسانك أخوي ياسر ..

دخيلك لا تردين الأمل في داخلي مكسور
دخيلك لا تشبين القهر في موقد أوجاعي

..

يقال .. القصيدة بيت !

وقصيدتك هي ذاك البيت ..

تحفة

عموماً أخوي ياسر ..

الله يوسع صدرك .. وسعت صدري على هالصبح

تحياتي

المحبره · #13 20/10/2008, 07:45 AM

قمريات ممتعة .. أخوي الهلالي الثقفي ..

الخجل

.. يشتكي الكثير منه .. وفيه بنات كثير مايتحركون من أماكنهم في المناسبات ..!
أو ما تتكلم في مكان فيه ناس كثير ..
لكن .. الحركة اللي سويتوها يوم العيد ..
حركة حلوة الصراحة .. وإن شاء الله تستمرون عليها .. في الأعياد المقبلة
ويكون معكم صاحبكم الخجول

محروم

رحمه الله ..
الشاعر الإنسان .. ديوان ( محروم ) كان عندي من المتوسط ..
أحس كلماته يغلبها الحنان ..
هو اللي قال ..
وإن قيل .. وإلا بدل أحباب بأحباب ..
قلت .. آآآه .. لكن من يسد بمكانه !!

عبووود .. !!

أنتظر الجزء القادم

بس عادي لا يضيق صدرك .. إذا كانت ردة فعله مو حلوة ..
ترى عادي .. جداً .. وتصير

البنت المثالية

أحاول أقرأ الكتاب ..
إن شاء الله ..
بس مو أكيد كل شي صح .. ويعجبني

التوأم

حلو إذا التوأم يشبهون بعض ..
منها تميز .. ومنها فك أزمات

الله يخليكم لبعض

قالوا و قلنا

فكرة حلوة .. أحسن من قول على قول

موقد أوجاعي

أكثر من روعة ..

أنا جيتك / و أنا كلي على بعضي فرح و سرور
أنا جيتك / و أنا بعضي ضحية كذب وخداعي

دخيلك لا تردين الأمل في داخلي مكسور
دخيلك لا تشبين القهر في موقد أوجاعي

صح لسانك ..

همسة

لـ ( طلال الرشيد )

لو قلت لك : إني جريح ..

أخاف تفهمني خطأ ,

و أخاف تفهمني ..

صحيح .

للأسف .. مايفهم خطأ .. ولا صحيح ..!!

أشكرك أخوي ..
جداً استمتعت في الموضوع ..

ورده

بريماكس · #14 20/10/2008, 08:14 AM

هلا اخوي ياسر

حبيت ارحب فيك وفي قلمك المميز

بالتاكيد لي عوده

بس القصيده الاخير وقفت متامل لها

مره حلوووه

مَاهِينُورْ · #15 20/10/2008, 09:01 AM

..
وعليكم السلام ورحمة الله وبركاته
هلآ والله ومرحبا الهلالي الثقفي ورده
كل عام وأنت بخير ورده > بعد الزحمة

عوداً حميداً، وإن شاء الله نشوفك دائماً متواصل

.
..
ندخل بالقمريات على قولة هنو

..
الخجل
عمل رائع ماقمتم به

ما شاء الله أهنئكم

أتمنى يكون عندي الجرئه أسوي مثلكم

لأن دائماً أجيب الأفكار والمسابقات لكني مثل صاحبكم أعاني من الخجل

صدقت بأنك ستشعر بالسعادة عندما تقدم الراحة للآخرين

ومالذي يمنعنا من الألعاب المسلية لأطفالنا والترفيه عن أنفسنا

خاصة في يوم العيد ووقت تجمع الأهل والأقارب

البعض يظن بأن اللعب والترفيه للصغار فقط !!
أو أن عمل المسابقات للكبار عيب

لا فالصحابة رضوان الله عليهم كانوا في وقت فراغم يلعبون ويرمون على بعضهم بقشور البطيخ

.
ودّنا والله نسوي فقرات ترفيه لكن المشكلة لا نجد أحياناً التشجيع

~>مشكلة اللي يدورون لهم أي عذر

إن شاء الله بسوي مثلكم بعيد الأضحى

~> تحمّسَت

..
محروم
الله يرحمه ويغفر له

وإن شاء الله ربي يعوضك وتحقق ما هو أكبر من تحقيق حلم إكمال الجامعة

..

عبووود .. !!

الله يهديك حمّستنا

عساه بس رد عليك بقصيدة ؟

عجّل علينا الله يجزاك خير بالجزء الرابع ؟؟

قصيدتك وتغزلك رائع ماشاء الله

صح لسانك

.
والله لايفرق بينكم ورده
..

البنت المثالية
الكتاب باين من عنوانه

شكله حلو

إن شاء الله أقدر أحصل عليه

..
..
التوأم
ما شاء الله " الله يخليكم لأهلكم "

أنتم مثل ثنين من إخواني الكبير والصغير

> بينهم ما شاء فوق الـ 8 سنوات

لما كبر الصغير إذا دخل عندي لازم أتمقْل فيه عشان أعرفه

هذا غير الصوت ما شاء الله نفس بعض تماماً إذا دقيت على أحد منهم
بعد مايرد لا زم أشوف الشاشة من أنا داقتن عليه ؟

أقوول للصغير ليتك بقيت صغير ولا كبرت

هذا وأنا إختكم عجزت أعرفكم من بعض ما شاء الله

..
قالوا و قلنا
مثل صح لسانك اللي بالجزيرة

> بشري أمتس

صح لسانك

روووعة هالفقرة

..

موقد أوجاعي
نكتفي بقول ما شاء الله تبارك الله

..
أبو عمّار ورده
شُكراً جزيلاً

قمريات جداً جميلة وننتظر القمريات الرابعة

> بكتب الرابعة كتبت الرائعة

> من الحين نقوول عنه رائعة

..
وإنتظروا شمسيات نور الشمس الأولى

>

..

في أمان الله ورده .