الهلالي الثقفي ..

موضوع رائع ..

استانس اذا شفت معرفك في ثنايا المجلس .. حتى لو م ارد على مواضيعك .. بس الصراحة مواضيعك .. كل موضوع يبي له قعده في الرد .. وم اتوقع رد ابو سطرين يكفي .. عشان كذا اقراء واهج

من ناحية اول قمرية ..

كل شيء عظيم يبداء بفكرة بسيطة .. يعني مثل هالشيء الي سويتوه .. ان شاء الله بعد 50 سنة تلقى احفادك يسوون نفس الشيء .. لان هذا الشيء اعجبهم كـ فكرة .. ومن ناحية خويكم الي يخجل ..

انا صراحة شفت موقف بعدها تأكدت ان المشاعر في الانسان مهما حاول انه يتحكم فيها راح يبقى لها أثر .. يعني خويكم هذا يمكن هو خلقه انسان سحاوي .. ويوم جاء وقت تطبيق الفكرة م يقدر يجي من الخجل .. وم يقدر يتغلب على هالشيء في نفسه

بقول لك الموقف واحكم ..

احد المرضى عنده رهاب الاماكن المغقلة .. يعني لما يدخل اي شيء ويتقفل عليه خلاص يحس نفسه بينخنق .. مع انه الوضع عادي .. << زي بعض الناس .. وفيه ناس يموتون بسبب هالشيء لو طولوا
الموهيم ..

جاء مرة كان عنده اشعة بالرنين المغناطيسي .. الي يدخلونه داخل حاجة زي الاسطوانة ويخلونه تقريبا نصف ساعة ..

المشكلة ان الممرض والدكتور يعرفون ان عنده رهاب .. قالوا له عادي تقعد داخل نصف ساعة ؟

قال ايه ايه عادي خلاص م صرت اخاف ..

دخلوا الرجال تقريبا لمدة نصف ساعة
قعدوا ياخذون منه الاشعة
.. يوم راحوا يطلعونه لقوه قد مات ..

كله عشان هذا الرهاب .. سبحان الله شيء بسيط جداً في عين البعض .. في المقابل هذا الشيء البسيط قتله ..

فـ يعني ل تلوم خويك


القمرية الثانية ..

عبدالله الفيصل ..

لا أستطيع الا ان اقول رحمة الله عليك رحمةً واسعة


القمرية الثالثة ..

عبوود ..

الله يصلحه ..

سبحان الله يقال انه الله حينما جعل الاغنياء والفقراء .. فقد جعلهم لحكمة ..

حتى لا يغتني الفقير فـ يفسد ..

او يفتقر الغني فـ يتبدل وضعه وحاله الى الاسواء ..

وهنا ليس كمثال على سالفة خويك .. ولكن كثير من الناس يتغيرون بمجرد ان يحس انه تميز بشيء عن الآخرين ..

عموما معليك مصيره يعقل


أخوي ياسر كان ودي اعلق على كل القمريات .. بس وراي دوام الحين .. وودي اهج قبل الزحمة

لأنهم حاطيني في اخر جنوب الرياض في الشميسي الله ياخذهم


بس بعلق على القمرية الـ سابعة

لنا كل الفخر بتواجد شاعر بـ حجمك هنا في ثنايا المجلس ..

قصيدتك قرأتها وأعدت قرائتها ..

لله درك .. وصح لسانك أخوي ياسر ..


دخيلك لا تردين الأمل في داخلي مكسور
دخيلك لا تشبين القهر في موقد أوجاعي


..

يقال .. القصيدة بيت !

وقصيدتك هي ذاك البيت ..

تحفة

عموماً أخوي ياسر ..

الله يوسع صدرك .. وسعت صدري على هالصبح

تحياتي