يالله حيهم خشة خشة .. وبصراحة شرفتوا هالموضوع الـ ( single ) بمروركم .. واوعدكم اني راح انزل ( البون ) في الفترة القادمة .. وجاري التحضير لهالالبون .. اجل حسين الاحمد احسن مني .. الله يثبتنا بس ..
طبعا جينا هالحين للشيء اللي يخلي الواحد يفكر مليون مرة قبل لا يكتب موضوع .. الرد على الردود ..
بس فيه نقطه قبلها ابي اتكلم عنها .. كثرت الاشاعات والاساءات لي انا الاستاذ : عبيط ..حول الصورة اللي فيها التسمية .. واحب ان اشجب واستنكر وانفي اي علاقة لي بهالصورة .. اصلا وربي ما ناظرت فيها الا يوم تكلمتوا عنها ..
كنت احسبها مكتوب كلمة النذالة .. فقلت خلها حلوة .. انا كتبت الموضوع وكتبت فيه التسمية .. لكن كله من فياض .. بالله يا فياض ما تستحي على وجهك .. والله لو ان يوزري " المشاكسة " يوم تسوي لي هالحركات ..
ارجوكم .. اي شخص له اي ملاحظة على التنسيق .. وجهوها لفياض .. والا بالله عليكم ناظروا في الالوان .. <<< تراها نذالة يا فياض ..
شوف يا فياض .. هذا التنسيق اللي ظهر للناس .. اجل وش تقول في تنسيق البقية .. كلش ولا الهنوف .. اجل قلوب وفراشات ..
<<< من اليوم وطالع .. راح يفكر اي عضو الف مرة قبل لا ينسق ..
نبدأ الردود على بركة الله ..
ابو ريمان ..
شفت ردك وقريته .. وسعدت كثير بوجودك كأول شخص يرد .. وانصدمت اكثر بحذف الرد ..
وعاشت ايامك انت كذلك ورده ..
فيااااااض .. هلا وغلا بالمنسق ..
إقتباس
َأضحك الله سنك يا عبيط والله يسعدك دنيا وآخرة
كل ما أقرأ لك مشاركة أو موضوع أضحك وأقول ما شاء الله على الأسلوب
تضحك وتقول ما شاء الله .. والا تقول الحمدلله والشكر ..
إقتباس
حرااآآآم عليه ما عنده قلب ماعنده احساس ؟ وين والدينه ؟ وين الشغالة لاهية عنه ؟ <<== تعليقات العضوات يا عبيط
تصدق يوم شافوا الكلام هذا .. ولا وحدة منهم علقت على المقطع .. يقالهم اننا " قلوب ميتة " وما نخاف ومتعودين على مقاطع العنف .. <<< ضغطهم الف بعد هالكلام
ادري ان التنسيق احرق عليك الموضوع .. لكن .. تراك شرفتني بمرورك .. ولا تحرمنا هالطلة ..
الهنوووف ورده ..
إقتباس
ههههههههههههههههههههههههههههههه
هههههههههههههه ههههههههههههههههههههههه الله يصلحك تنسيق موضوعك سبب لي ازمه نفسيه وبالاخير تسحب علي لاورد ينفع لك ولاقلووووب ولافراشااات برب يانذل
تعيشين وتاكلين غيرها .. هذي تهون .. الا الاقتراحات حقت العنوان .. قالت ايش قالت عشان الفواصل .. <<< وربي نذالة صدق .. فوق السحبة كمان تريقة ..
تيت ..
إقتباس
باك بكتب ردي مرتين بكيفي
عناد فيك مابعلق على ولافقره بمووضوعك بسوي نذله . >>نقطه الشيبان
ولكم باك ورده .. اللي يسمعك يقول انه فيه فقرات صدق .. ما فيه الا السوالف من راسي .. والباقي مزروف منك ومن الغريب ومن الجوال ..
وش سالفة نقطة الشيبان ؟ ..
إقتباس
اني مره لعبت على بنات عمي واختي بالمسن
على اني ولد واعرفهم واعرف اسمائهم والخ عاد هم خافوا وطلعوا من المسنجر هههههههههه وااخلي صديقتي ترسل مسج لجوال اختي تقول وينكم ههههههههههههه انا فيصل طبعا فيصل الي هو أنا هم طبعا انهبلوا وانجنوا وشوي ويبكون ويدعون هههههههههههههههه وليومك يتذكرون الموقف واحس فيهم حقد علي هههههههههههه لاني بصراحه طيرت عقولهم وكانوا وقتها يكسرون خاطري لما اشوفهم خايفين بس كنت خايفه من رده فعلهم لما اخبرهم انها أنا اخاف يجلدوني يعني تقريبا توهقت ماعرفت اقولهم لما شفت الوضع صار كذا
انا من رأيي بعد انك ما تقولين لهم .. لمصلحتك بس ..
حياك الهنوف .. شرفتي .. وعاد الله بالمسامحة في حركة النذالة .. بس انا بغيت اعلمك انك ما عاد تنسقين لأحد ..
شسمه ذا .. في يوم من الأيام كان فيه واحد جاي من جدة أم الرخاء والشدة للرياض أم السواد والبياض
الزبدة .. هذا الواحد كنت أعزه حيييل وأغليه .. وكنت متواعد أنا وياه نتقابل لأول مرة بالشرقية أو الرياض ..
جاء الموعد وكنت أنا المسؤول عن تنسيق الموضوع يعني أشوف المكان المناسب وأكلم العيال
بيوم الموعد كان هالواحد مشغول لكنه تخلص من ارتباطاته عشان يقابلنا .. أنا صارت لي ظروف وسحبت كعادتي المصونة في السحبات لا كلمت العيال ولا علمتهم أن هالواحد جاي من جدة وموعدنا اليوم
وصل الواحد للمكان المحدد في الوقت المحدد وما لقى أحد .. دق علي عشرين مرة لقى جوالي مقفل ( ) دق غلى نفر ثاني .. وما قصر النفر الثاني وجمع العيال اللي تفاجؤوا بحضور هالواحد وتفاجؤوا أني ما علمتهم مع أن هالواحد محرص علي أقول لهم والحمد لله اجتمعوا على طاولة د.كيف الملز وحشوا فيني لين قالوا بس
هالموقف أظنه عاجبك يا عبيط صح؟ تتوقع يا عبيط من هالواحد اللي تمنذلت أنا فيه وزعل مني؟
سوري يا عبوطي ترى هالرد مزح لا تصدق انها نذالة عاد .. تراي حلفت لك وعلمتك بالظروف << كب العشاء
خلاص تعبت والله
لا عاد تنزل مواضيع تراها آخر مرة آرد عليك يالشين بس آخر محادثة خلتني أعرف أنك تعزني فقلت لازم أبين معزتك وأرد عليك يا نذل
حبيبك عريس الخليج العربي : سولتانوفيتش
حيا الله سليطين بيّاع اليوزر "الهــاديء"
بالله بكم بعت يوزرك ؟!!! وهل تنصحني بالبيعه عند قصر الحكم؟!
لا جد أنا داخله في مشروع بيشغلني عن المنتدى فـ حبيت أستغل الفرصة وأبيع يوزري "متآبعه بصمت" <والله إنه يواجه يعني يطلع لي بـ تقريبا السوم أربع آلآف على أقل تقدير بس البيع على خمسة آلآف ونص <تراها من جدها
فمن يرى في نفسه مواصفات أياً كانت بس أهم شيء الأخلااااااااااااق فـ ليتقدم بطلبه مشكوراً
يا بنات من قدها اللي بتاخذ يوزري < قسم ما يمديكم على الثقه وتحمل الإسم من بعدي (فيس خانقته العبره)
عاد يا صاحب الموضوع يالمشاكس وش رايك نتنيذل عليك على المدى البعيد
بصراحة عليك مواقف تقهر من جد الله يصبر الي حولك بس
>> بتكفخ
إقتباس
ورحت البيت وخليت اهلي يفطرون لكن بدون تميس يا حليلهم اكلوه مع خبز البارح ..
ياحرااام اهلكـ هذول
وربي رحمتهم
تنيذل مع الكل مو مع اهلكـ
إقتباس
.,، بالمناسبة .. انا افطر هالحين وانا اكتب هالموضوع .. وفيه فكرة نذالة جديدة لمعت براسي وهي اني ارسل هالموضوع لكم عضو ينسقونه .. وبالاخير اخذ واحد منهم والباقين اسحب عليهم كلهم ..
ههههههههههههههههههههههههههههههههههههه الله يغربل عدوينك
لو اني مكانهم احرم اعطيك وجه مرة ثانية
إقتباس
عيب عليكم .. وربي عيب .. موضوع عن النذالة .. وتبوني احط لكم الرابط كذا على طول .. ليتني ما تكلمت من الصبح عن احساس النذالة بداخلي ..
هه هه هه باااااااااااااااايخة
ماافتحتها اصلا ولا فكرت هع >> فيس يمد لسانه يتحدى
إقتباس
مرة كلمني واحد من الشباب يبيني احضره في الجامعة .. وقلت له دندن يا ولد ارسل لي اسمك ورقمك الجامعي وازهلها ..
احنا طريقتنا بالحضور تمر ورقه فيها اسامينا بس نوقع جمبها
لما تمر جمبي واشوف بنات مو حاضرين اوقع لهم اقول حرام ينحسبون غياب لان مو كل محاضرة يجي الدفتر حسب المزاج .. بس بعد سالفتك ذي توبة افكر اوقع لاحد اخاف وحدة تتنيذل تروح للدكتورة تقول وحدة وقعت عني وانا ماحضرت
>> صارت توسوس
إقتباس
~ طبعا اكيد مثل ما [( تمنذلنا )] مع غيرنا .. لابد ما ناكلها مرة ..
تستاهل كما تدين تدان
اممممممممممممممم
بالنسبة لمواقفي ماتذكر اني تنيذلت لاني طيوبة >> برااا
مرة من المراريت كنا مختبرين ميد تيرم ووحدة من خوياتي مرررة عفست بالاختبار ،، عاد بعد اسبوع جيتها ووانا معبسة وشوي وابكي اقولها ترى طلعت الدرجات هي مسكينة انصرعت تقول كم كم جبت ؟؟ قلتلها ان شاء الله تعوضين شدي حيلك
عودة اخرى مع حفنة من الردود .. ولو انه ودي اخربها في هالموضوع .. ويجون المشرفين ويقفلونه .. ويصير معي عذر .. آآآه بس من سياسة الشبكة .. اجل اللي يسجل لازم يحط يوزر .. وش هالنظام ..
خارج النص .. ليش ما يحطون بالمنتدى قسم خاص بالانتخابات الامريكية .. يعني بالله عليكم وين نحط تبريكاتنا لمحبي اوباما .. بمناسبة تقدمه في استطلاعات الرأي اللي سوتها شركة زغبي .. <<< يعني يصدقهم الشعب الامريكي في مصير دولة .. واخويانا مكذبينهم في عدد " جماهير " ..
عموما .. ابارك لكل من.. الهاوي .. بلد الوليد .. جرح يشكي .. هامور البورصة .. ليو ميسي .. بتقدم مرشحهم اوباما حسين .. تصدقون انهم حافظين اغلب تصريحات ابو حسين ..
نرجع حق محور حديثنا ..
واحد مهجول ورده ..
إقتباس
ه الله يرجك ضحكت وانا بي نوم
مالي خلق اسوي شي
على فكره المقطع حلو واحس ان النذل انت يوم انك صغير
يرجنا ويرجك بالعافية حبيبي .. بعدين رسنا على بر .. فيك نوم والا مالك خلق ..
اضحك الله ضرسك .. <<< يقاله عدلها عشان يبين اننه ما اخذها من رد فياض .. ودوم الضحكة وانا اخوك .. ولا تحرمنا تواجدك ..
وليد القحطاني .. هلا والله .. اول مرة اشوف يوزرك موب موقوف ..
إقتباس
برجع لك بعد المباراة إن شاء الله دل بيرو برب يانذل
حلوة " بيرو " .. ذكرتني باللي كانوا يسمون البوري " بيرو " .. يا كنت احقد عليهم .. مع انه احيانا مالي ومالهم ولا اعرفهم اصلا ..
تيت ياللي ما عرفنا لك .. تشجع روما والا يوفنتوس ..
إقتباس
باك , وألف مبروك لـ جرح يشكي فوز اليوفي وهنيئاً لكم بلاعب مثل ديل بيرو
احلى باك .. والف الف مبروك لمحمد ..
بيني وبينك مصخروا بريال مدريد .. وخلوهم ما يسوون ريال .. هذا ويوفنتوس نادي صاعد .. اصلا ريال مدريد فريق مدري وش يبي .. مجمع لي من هالجحلط ويفوزون بالصدفة ..
<<< تذكرت سالفة سلطان يوم يروح العالمية ويقول انزاجي قرد .. انا حاس هالحين ان رابطة مشجعين ريال مدريد راح يستقعدون لي بهالموضوع .. بس انا ما اخاف .. لأنه مو من شروط المجلس اني ما اتكلم على نوادي عالمية .. واحب اقول - بقلب ميت بعد - لكل من تسول له نفسه انه يرد علي بخصوص ريال مدريد ..
" هون عليك .. ترى ما طرا لي .. وانما هي مزوح تأتي وتذهبو "
بالنسبة لموقفك .. ياخوي ما عرفت لك انت واخوياك .. الظاهر كل ما قابلتهم حاولوا يسوون فيك حركة ..
مرة بغوا يغطسونك في الماء ومرة يبون يتركونك في مخطط للوحوش .. <<< وحوش اجل ؟!! ..
بس طلعت انت " صاحي لهم " ..
إقتباس
عبيط يانذل الله يعطيك العافية
الله يعافيك يا بعدي .. ونورت الحتة يا باشا ..
عز الهلال .. هلاوووين .. يالله انك تحييه .. اجل تنسق هاه .. تستاهل ..
إقتباس
حسبي الله عليك ...
الله يلوم اللي يلومك .. بس ماله داعي هنا تقول حسبي الله عليك ..
وبالخاص تسب .. <<< من جد نذل .. ومفتري ..
شرفتني با بعدي .. واهم شيء انك عرفت اني سويتها فيك .. وعاد سامحنا يالغالي .. على السحبة .. وعلى الافتراء اللي قبل شوي ..
هنا اتوقف للصلاة .. <<< نصاب .. وش هالصلاة اللي الساعة 4 .. بس اخذها حلا .. لي عودة فيما البكرة ..
مشرف سابق في منتدى الرياضه السعوديه ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,935
الله يصلحك ...
بصراحة موضوع بايخ ...
وهالعلامة لازم نضغط عليها ونكتب تقرير عن مشاركتك ..
عبيط من زمان ما شفت لك موضوع وآخرتها تصدمنا بموضوع نذالة ..
صدق نذل ..
عموماً أقدّر لك إرسالك رسالة خاصة لي (( مرتين )) وكذلك رسالة على الجوال للرد على موضوعك ..
وكأنك أول مرة تكتب موضوع ..
عموماً أذكر موقف نذالة صلحناه في مطعم عندنا بالديرة .
المطعم هذا تطلب منه شاورما مثلاً يقولك ربع ساعة وتصدق إنه ما يجيب الطلب الا بعد ساعة أو يمكن ساعة ونص ..
بصراحه موضوعك جاء على الجرح .. المشكله اللي اعاني منها كثير نذالة بعض الناس معي انا بالذات
يعني تتوقع عشاني معطيتهم وجه ولا وش السالفه ...!
اعطيك موقف عشان ابسطها لك .. مثلاً
قبل كم يوم جتني اضافه على المسن وقبلت لأني الفتره الاخيره اي وحده تطلب ايميلي ماردّها خبرك هالفتره فترة انتشار
المهم ..
قالت وجدان انا وحده معك بالجامعه وتراني اخذت ايميلك من فلانه بس بوريك شيء وبعدها بكيفك اذا تبين تحضريني ..!
قلت اوكي وش عندك ؟
ارسلت لي 5 صور تتوقع وش هالصور .......؟
مصورتني بالجامعه بنت الايه بس مصوّره من بعيد مو واضح شي ابد ابد بس انا اعرف وش كنت لابسه .. بس مو هذي النذله ..
النذله هي اللي تحدتها تصورني عشاني قلت لها : انتم متفتحين بالرياض مره لان بحايل ممنوع جوالات الكاميرا بالجامعات امـّا عندكم بالرياض الدعوه خربانه والبنات مو كلهم ثقه ..!!
طيب حتى لو حقدت علي بس انا عند ربي صادقه!!
وسوت هالحركه عشان يعني ياوجدان افهمي ولاتتكلمين علينا .. وجع اي والله الدعوه خربانه ومتنيله بستين نيله بعد
يعني من النذله اكثر اللحين البنت اللي صورتني وفضحت صديقتها قدامي وقالت هي اللي تحدتني اصورك
ولا صديقتها اللي حاولت تطلع منها وتوهق البنت معي ..!!!
تبي الجد كل وحده انذل من الثانيه
وترى على فكره كل شي له حدوود الا النذاله ماظنتي تتوقف لحد ..
يسلمو خيو المشـاكس وكثر من هالمواضيع اللي تخليني افضفض لكم
لأني من زمان مافضفضت لازم انزل موضوع فضفضه << بعض الناس بينجلطون لاسمعوا هالخبر