رحلتي الى أم الدنيا ..صيف 2008 (الجزء الثاني) - نادي الهلال السعودي - شبكة الزعيم

بتيل · #1 20/10/2008, 03:33 PM

السلام عليكم ورحمه الله وبركاته
عدت كما وعدتكم بالجزء الثاني من رحله الصيف الساخن

ونبدأها بالتالي :

رحلتنا الى كريزي ووتر
كريزي ووتر عبارة عن مدينة ألعاب مائيه

تصلح للاطفال لانهم هم اللي بيفرحون فيها
كلها مسابح وزحاليق وطرطشة ...

هذا مدخل المدينه والدخول

وبالنسبة للوجبات أسعارها ( 40 ) جنيه للوجبه الصغيرة
و ( 60 ) جنيه للجامبو واثاريه نصب كلها سوا

وهذي صور من جوا المدينه

وده حماده ئاعد يطرطش بالميه

اما ذي شي وش رايكم باللقطه ؟
من كبر العيون صاكتها

وهذي صورة للمسبح اللي مليان من كل الاعمار ما شاء الله

بعد ماسبحوا البزارين وملوا من السباحه طلعنا من المدينه على المغرب
باليوم التاسع زرنا مدينة الانتاج الاعلامي
وهي مدينة فيها مواقع التصوير للافلام والمسلسلات المصريه واول ماتروح يسوون لك جولة هناك بالباص يورونك
اماكن التصوير مع ذكر المسلسلات اللي تصورت فيها ...."

وهذي صور من الجولة

بعد ما خلصنا دخلنا عروض الدلافين اللي ماشفت فيه عجبه دلفين يناقز ولا يسلم ولا يلقط كور....

اما ذا مدر ي من لاعب عليه وقايله انه خفيف دم

ما أدري وش موقعه أتوقعه جاي ( مع الديكورات )

بعد ما خلص العرض طلعنا نلعب لعبةالديناصورات

ولقيت هالاشكال المليحه باللعبه

الله بالخير يالربع

وعقب ماطلعنا لقينا ذرة مشويه
يقول صاحبها :طب ياست الكل ماتكلي ذرة ترمي فيها عظمك
( أرم عظمي بذرة )

الله يخلي الحلبة

بروح لأقرب قهوة شعبيه وبطلب ( حلبة حصى )
قلنا لا
قال: طيب بطاططسايا دي طعمها قنان وشهر الخير جااي

عاد ماادري الا والمبثر اللي وراي قاشين خمسة حبات

(قال ايش قالوا لازم نذوق كل شي غريب

)

فاصل

اذكر الله (لا اله الا الله )

نعود

خان الخليلي والحسين

واللي يعتبر اهم مكان مزار تاريخي بمصر لانه كله تذكارات وتحف

وش رايكم نكورع مع مع مسمط

<<الله يكرم النعمه

وأنا واقفه وانا واخواتي ما ادري الى الفلاشات اللي تصاقع بعيوني ابدكني بالريد كاربت

... اتاري هالاجانب يصورون يحسبوننا معلم تابع للحسين

وانا قاعده اصور ومتحمسه مادري الا وراي مصري حاط خشته بالكاميرا

ويقولالحمدلله دي بتصور ايه ويبوس راسه حاقه غريبه والله

)

بعدها طلنا من الازعاج والكتمة والبزران

اللي مافي شي مايبون يشترونه

ونصيحه اللي يبي يروح له لاياخذ بزران معه كله قرابيع تجوز لهم ويله عاد فك نفسك ...

طلعنا من الحسين دوغري على جنينه مول اللي بمدينة نصر وهو عبارة عن سوق وسينما ومطاعم

القرية الفرعونيه
هي جزيرة وسط البحر ..تركب فيها سفينه تآخذ فيك لفه على النيل تروق ..
بعدها يركبونك قارب ويتم فيها التعريف عن حياة الفراعنه وقصة سيدنا موسى والقاءه في اليم ....

وذولي هم من ملوك الفراعنه كاني منب واهمه

ما غير أسمع عن ( خفرع وخوفو ...... والشله الباقيه )

أهم شي ركزوا على عمنا اللي بالوسط ما أدري ليه مصغرينه

وهنا عندما يلقى سيدنا موسى في اليم ...

وهنا تمثيل لكيفية حرث الارض ...

بعدها نزلنا من القارب وصرنا نمشي ومعنا مرشد يورينا المتاحف والاماكن
وهذا هو بيت الفقير ...

بعدها زرنا متحف للفراعنه..

طلعت كبر رجولنا

وهذا رمسيس.... كاني منب واهمة

بعدها تمشينا على باقي القريه ورحنا على بعض المتاحف الموجودة فيها ومنها(متحف الريس أنور السادات ,المتحف الاسلامي ,.متحف الخط العربي )وفي باقي
بس ماكملنا من الجوع وتغدينا في مطعم في القريه...
( ملا تلاحظون إن أكثر شئ تكلمت عنه المطاعم والأكل )

مناظر عامة من مصر

هذا هو الجندي المجهول ..وقدامه المنصه اللي اغتيل عليها انور السادات

أكيد ما راح اغمض عيني من اللون البرتقالي <<أهم شي الحمدلله

أهم شي
لا مكان للعمل ( للشيون ) سمعتوا يالشيف

التك تك

مدري ليه لاشفتها تذكرت البيبسي

مواقف في مصر
مره كنا بالسيارة على ميدان طلعت حرب وحنا بندخل النفق جانا لشرطي ويوقفنا وماسك الدفتر ويقول : عليكم مخالفة تلتمية جنيه ( عسى ماشر )

قال : ايه ده الحزام ماربطوهوش !!!
وابوي اللي يقوله يابن الحلال ما يحتاج مخالفة خرابيط

ويجيك الوالد و يلفز في يده خمس جنيه

وقال مهو يعني مش مخالفه مخالفه بس تاني مره انتبه
وطلعنا براءه

الموقف الثاني
مره كنا بالسيارة و جانا واحد يطر
قالي : حئولك نكته وتديني جنيه
قلت : زر مابي اسمع نكت

قال : خلاص خلاص طيب اسمعي مره في واحد رايح البحرين ئام اخد معاه ميوهين

الموقف الثالث
برضوه وحنا بالشارع جانا واحد يطر
قال : لخالتي الله يقوزك اللي بتحبيه ويعيشيك معاه طول العمر يارب

وزوج خالتي واقف جنبها يناظر وهو معصب

وهي ميته من الضحك

شوي وقال الطرار لخالتي : خودي وردة واديها للي تحبيه ورده

الموقف الرابع
كنت أنا واختي الصغيرة نقيس جزمة ( الله يكرمكم ) وأمي تسأل إذا تصلح لنا أولا
إلا الحبيب قاط وذاب وجهه ولا يدري وش السالفه

قال : الله دي جميلة دي احلى جزمة شفتها بحياتي
هو يتكلم وهو لاهي يحاسب الزباين ولا إلتفت لنا ، بس سمع سالفه شراء قام يحتسي

وبس وه الحمدلله خلصت تقرير رحلتنا الى مصر 2008 وانشالله يكون عجبكم

وردهوردهورده

الهلالي دائماً · #2 20/10/2008, 03:50 PM

هلا وغلا بتيل ورده

وشكرا لك على الجزء الثاني من الرحلة

بصراح الكوارع امنتي اشوفه واكله بس من محل غير سمطمط

مدري ها الصورة ماسكه معك غلط والا انا عيوني فيها شي

انا جاتني 19 مرة

دمت بخير ,,,

صمت الرمــاد · #3 20/10/2008, 03:59 PM

إقتباس

الرسالة الأصلية كتبت بواسطة ماجد مقبل


	هلا وغلا بتيل ورده وشكرا لك على الجزء الثاني من الرحلة بصراح الكوارع امنتي اشوفه واكله بس من محل غير سمطمط مدري ها الصورة ماسكه معك غلط والا انا عيوني فيها شي انا جاتني 19 مرة دمت بخير ,,,

ههههههههههههههههه

صحيح كلام ماجد والا نفس المرض اللي فيني فيه

إجازة سعيدة بتيل والحمدلله على سلامتكم ..

أوَار · #4 20/10/2008, 04:46 PM

مرحَباَ بتيل

جزءَ ثاني ممُتع

ماشاء اللهَ صَوركَ كثيرة

يعطيِكَ العافيهَ يالغلا ورده

فتاه هلاليه · #5 20/10/2008, 05:47 PM

بتيل ورده

رحلة حلوه لدولة حلوه

<<--

اللي يعجبني بمصر هو بساطة أهلها وناسها

إقتباس


	مدري ها الصورة ماسكه معك غلط والا انا عيوني فيها شي انا جاتني 19 مرة

على بالي الغلط من عندي

أثاري الجماعه كلهم زيي

إقتباس


	قالي : حئولك نكته وتديني جنيه

والله مساكين يدورون الجنيه باللي هي به

بس مشكلتهم مسبلين انفسهم يعني أي أحد مار بالشارع بقولك نكته

لاعاد ليتها نكت زينه

إقتباس


	ويجيك الوالد و يلفز في يده خمس جنيه وقال مهو يعني مش مخالفه مخالفه بس تاني مره انتبه

خخخخخخخخخخخخخخخخخخخخخخخخخخخخخخ
والله البخشيش ماشي عندهم هالمصارية

----------
بت بت<<--على وزن حت حت ,فت فت
رحلة ممتعه والصور حلة عيشتينا جو معك صراحه ..ورده
شكرا يالغاليه ورده

بتيل · #6 20/10/2008, 06:21 PM

اعتذر من الجميع على تكرار الصور بسبب خطأ تلقائي مدري من وين جا مع اني متاكدة منهم

وتمت اعادة تحميل الصور

S K Y · #7 20/10/2008, 06:38 PM

ما ادري مصر وش فيها زود

الله يعطيك العافيه بتيل على الصور والرحله الجميله

دمتِ بخير

Hilali88 · #8 20/10/2008, 06:39 PM

والله إنه دلخ وشكله غبي

هذا يمكن يكون رمسيس الثاني فرعون المذكور في القرآن

{ فاليوم ننجيك ببدنك لتكون لمن خلفك آية وإن كثيرا من الناس عن آياتنا لغافلون }

معقولة ما خفتي يوم شفتيه

مصر بلد حلو وسياحي لكن مخربينه شعبه

شكراً على التقرير
ويعطيك العافية

x kaito kid x · #9 20/10/2008, 06:51 PM

مرحَباَ بتيل

جزءَ ثاني ممُتع

ماشاء اللهَ صَوركَ كثيرة

يعطيِكَ العافيهَ يالغلا ورده

الغدير الازرق · #10 21/10/2008, 12:43 AM

وعليكم السلااااام

هلا وسهلا وخيتي بتيل ورده

جزء ثاني ممتع وشيق ومازلت عندي رأيي إن مصر ماتصلح عوايل

خخخخخخخخخخخخ وش فيها متحمسه هالدبه

جزء ثاني بطل ومتميز وشيق .. متشكره قووي بتيل ورده

لاخلا ولاعدم ,,

أبوشلاخ الهلالي · #11 21/10/2008, 01:11 AM

ألف شكر أختي بتيل على التقرير ..

مصر حلوهـ بس ينقصها أشياء كثيرة حتى تكتمل السياحة فيها ..
طبعاً المصاريه يحسبون أنفسهم خفيفين دم وهم مافيه أثقل من دمهم ..
مشكلتهم يحبون الجنيه حباً جما وهذا يخليهم يكذبون كثير .. واللي راح مصر يدري عن هالشيء ..

على العموم عجبتني الصور .. وبصراحه برنامجكم جميل وأحسن شيء أنكم نوعتوا ما بين التراث والترفيه .. فيه بعض الناس يروح عشان الترفيه فقط بس ترفيه من نوع آخر

واللي قال مصر ماتصلح للعوايل صادق ..

وهم الاماكن · #12 21/10/2008, 02:19 AM

رحلة جميلة يا بتيل

بس ابي اسالك كريزي وتر هاذي مو الي بطريق الساحل الشمالي او تبعد عن الاسكندرية 50 ك اذا غلط

لا هنتي بالله عطينا موقعها هاذي لازم لها زيارة خاصة ((( اووخص يالسباح

انا لي 3 سنوات ما طلعت لام الدنيا وفي صور اشياء غريبة اول مرة اشوفها مع اني قعدت 40 يوم مابين القاهرة والاسكندرية والساحل اشمالي

وصراحة هاذي الرحلات ولا بلاش الصور ذكريات لك والموضوع للفائدة للجميع للي بيروح لمصر

وفي النهاية

مصر ام الدنيا

وام اوروبا

وام امريكا

قالها احمد آدم

مع تحياتي

اخوكم

وهم الاماكن