أين لجنة الاستعباط من معاقبة النصر على الشغب الجماهيري - نادي الهلال السعودي - شبكة الزعيم

هاوي بلادي · #1 20/10/2008, 01:13 PM

الكل منا أخذته فرحة الفوز على النصر ونسي دور لجنة الانضباط
ودورها في سلامة الجماهير
ومعاقبة النادي صاحب الالعاب النارية في مدرجات الدمام والرياض
والان اصبحت الملاعب مرتع لللالعاب النارية
فهل هذا التجاوز
هي فرحة العيد بأعين الاطفال والسماح بالمفرقات
أم
لغة النظام موجود ولكن لا نستطيع تنفيذه
اللائحة واضحة جداً
ولكنها تطبق على الزعيم المثالي
وتتنحى عن أصحاب الابواق الفضائية
أتمنى أن تعود الثقة في لجنة الانضباط
بحصر كل مشاكل والتجاوزات ما يحدث الدوري السعودي بدون استثناء

زعيم المستديرة · #2 20/10/2008, 01:15 PM

اقول ياليت نتكلم عن الهلال لان هاذا منتدى الجمهور الهلالي

فيه منتدى خاص للرياضه السعوديه

تقبل مروري

شنيور1 · #3 20/10/2008, 01:17 PM

نبي نصبر ونشووف وش يصدرون

جابر الكويت · #4 20/10/2008, 01:18 PM

لو كان جمهور الهلال من فعل ذالك لانزلت العقوبات

ولكن نرجو ان تكون اللجنه منصفه وان تحرم النصر من جمهوره مباراتان حتى تكون عبره لغيرهم

اسأل الله الهدايه للجميع

Yasser Aldaajani · #5 20/10/2008, 01:19 PM

والله بيني وبينك هذولي لجنة الإنحطاط صراحه .. وآسف على الكلمه القويه .. يعني عينك عينك .. شغب ولا فيه عقوبه .. وش معنى نادي الهلال يعاقب وتنقل مباراته من الرياض إلى جده الموسم الماضي .. اما النصر بعد الشغب في مباراة الإتفاق نقلوا المباره من استاد الملك فهد الى الملز ..!! يا الله عقوبه شنيعه صراحه .. وغير كذا اللي صار في مباراة الهلال .. وانا متأكد 100% ماراح يسوون شي .. لانه نادي النصر ..

.. لكن الله دايم مع المظلوم .. والله على الظالم .. وبيحاسبهم ربهم على التفرقه والظلم الواضح في صدور القرارات على انديه .. وانديه قراراتها لحال ..

♥ N E V E S ♥ · #6 20/10/2008, 01:31 PM

مستحيل يقولون شي....!!!

لأانهم اصلا يشتغلون عشان ذا النادي الغبي..!

هلاليه زي القمر · #7 20/10/2008, 01:43 PM

والله جماهير متخلفه ومحد يعاقبها ولو انه صدر من جمهورنا كان تشوف

القرار نزل بعد المباراة الساعه ثلاث الفجر

مااقول الا الله يعينا على تخلف جماهير النثر

عـ الهلالي ـبادي · #8 20/10/2008, 01:44 PM

ما حولك أحد

.. أصلاً أنا غاسلـ(ن) يدي منهم بعد مباراتنا مع الوحدة الموسم الماضي

لو إنها من جمهور الهـلال كان العقوبة مولمينها قبل ما تنتهي مباراتنا مع النصر

الله يعين بس ..

خالد القريني · #9 20/10/2008, 01:49 PM

اي لجنه

هذي مو لجنه انضباط هذي لجنه عقوبات الهلال بس

زعـيم الزعـماء · #10 20/10/2008, 01:50 PM

هذا مكانه النسيان : ) ,,
انسى مـُعاقبة جمهـور الـحـالمي ,,

شيء [ متوقع ] .. و لم يكـن مُستغرب أبدا ً .
فقد اعتدنا على ذلك

ورده

ابونوواف الهلاالي · #11 20/10/2008, 02:06 PM

اي لجنه واي خرابيط هذيلجنه ماينشرررهه عليها الشرهه على اللي حطهم فيهاااا

ملكي هلالي سعودي · #12 20/10/2008, 02:12 PM

اتحدى لجنة الاستعباط تعاقب جماهير الحفائظ