19/10/2008, 09:29 PM
|
| في انتظار تفعيل البريد من قبل العضو | | تاريخ التسجيل: 12/09/2008 المكان: زلفــاوي
مشاركات: 537
| |
|
الفــوز على النصــر لا ينسينا أخلاقنا الرياضيــه...
الســلامــ،،، عليــكمــ،،,,,,,,
أول شي ألف مبروك على الفوز
وعقبال التصدر والدوري... والله وأنا من أمس وأنا أحاول أكتب موضوع
وعجزت أفتح المنتدى... ما أدري ليش...لكن أشوى عرفت السبب
وأشوى زال وألف شكر للمشرفين.... لكن موضوعي هذا هو حنا صحيح
فزنا وأستانسنا وكل شي....
لكن صراحه ميب الا هذي الدرجه من السخريه
بالنصر والنكت صدق أنها تضحك شوي
لكن والله ما تليق بنا ولا هي من أساليب الرجاجيل...
واحد يقول كوبري الناصريه ما أدري كوبري الخوجلي؟؟؟
والثاني يقول سروال أبو شهاب أنتم بكرامه؟؟؟
ليش كذا دايم نفكر سلبي؟؟(أنا ما أعمم)
ليه ما يكون تفكيرنا أيجابي..؟؟؟
ليه يوم ما خلصت المباراه ما قعدنا نكت
ليش ما تكلمنا عن حركة الخوجلي الأخلاقيه
يوم طلع الكوره بالدقيقه 93 والفريق خسرااااان....؟؟؟
يمكن طلع واحد أثنين ؟؟؟ ما أقول شي...
لكن الأغلبيه..وين راحو؟؟؟؟ قعدو يتريقون؟؟؟؟
والله لو كنا لا سمح الله خسرانين
وشفنا النصراوين قاعدين ينكتون علينا
والله أنها تحز بالنفس....صدق أنها مسخوها قبل المباراة ..
لكن حنا أكبر من ذللك.. والكبير الله سبحانه...
حنا جماهير الزعيم... الجماهير الحضاريه لاا التخريبيه...
والله أدري ما أحد معطيني وجه لأن الموضوع
يمكن ما يعجب أحد ..لكن ؟؟؟؟؟ ودي أحد يرد ويعلق..
وشكـــرا لكمــ،،...... |
الوضع العادي
