و الله يا هي شلييييييخه - نادي الهلال السعودي - شبكة الزعيم

ولد حصه · #1 18/10/2008, 07:07 AM

السلام عليكم ورحمة الله و بركاته ..

اول الأمر اقول لاخي القاضي :
عظم الله اجركم و خفف عنكم مصابكم و رحم ميتتكم و جمعكم بها
في جنات النعيم بمنه و كرمه ...

ثانيا:

كـــل عــام و انــتــم بــخــيــر بعد الزحمة ...

و معليش و انا اسف و كل شي ادري انكم فقدتوني كثير

<=-=-= ممكن تظف وجهك برا قبل لا تنتل من كراعينك ؟؟

لكن جاني كم ظرف و نقلت من شقتي و جاتني امتحانات
يعني بالعربي كل شي تطربق فوق راسي

الموضوع الي انا ناوي ابطحه لكم يقرقع بخاطري منذو مبطي ...

هالحين حنا لين شفنا كشباب بنت مزيونة سواء في الشارع
او ف التلفزون

او في اي مكان انواع الاوصاف بتطلع
و الي بيقول شف المزيونة و الي بيقول دوك الغزال

و........... الخ

ما موقفك كشاب
لو سمعت بنت تقول عن واحد يا هو شليخة <=-= ما في امل تركب

او مزيون او يجنن ..... الخ ؟؟؟

و انتي ايتها الفتاة <=-= ما يمديني على العربي الفصيح

ما هو شعورتس عندما تسمعين شاب يقول عن بنت
يا هي مزة و لا يا ياهي زينة ؟؟ ...

و هنا سؤال يطرح نفسه :

هل من الممكن ان تصف احداً بأحد هذه الأوصاف
امام عائلتك أو أمام الأطفال ؟؟؟

ما هو شعورك عندما تسمع احد اخوتك و اخواتك
ينطق بهذه الأوصاف ؟؟؟

و لي عودة مرة اخرى ان شاء الله بعد الردود ....

و لكم اطيب التحايا و ارقها .... وردهورده

الــحـــايـــر · #2 18/10/2008, 07:24 AM

.
.

صباحك قرنفل و عدس ..

و الله ياخوووك ماهوب من زين الخشه عشان تقووول يا مزيووون ..!!
و لو قالت لي .. بطنشها ( مهوب ثقل ) .. لكن عشان شيئين :
الأول : إن مصطلح ( مزيووون ) مايركب عليّ

والثاني : لأن هـ البنت شكلها حولا أو فيييها خلل عقلي

و هـ الوقت .. لاتستغرب من لو تجيييك بنت و تكلمك
لأن فيييه بعض البنات ( هداهم الله ) وصلوا لـ درجة الجرأه
و خصوووصاً إذا شافوا واحد قطعه ( يعني حلو )
تلقاهم يناظرووونه بـ شكل ( مقرف ) <=== الله يصلحك بس

شوووي و يقلطووون في مخـباه من قو الجرأه
و لـ الأسف هذا اللي يحصل معي

عافاك ربي يـ أبو حصه ورده

.
.

..بقــ حرف ـايا.. · #3 18/10/2008, 07:47 AM

هلا بولد حصيصه

<< فيس يتلفت خايف ينطرد
من طول الغيبات جاب الغنايم << لايكثر والله ياهي غنايم

إقتباس


	اول الأمر اقول لاخي القاضي : عظم الله اجركم و خفف عنكم مصابكم و رحم ميتتكم و جمعكم بها في جنات النعيم بمنه و كرمه ...

اللهم آمين

إقتباس


	كـــل عــام و انــتــم بــخــيــر بعد الزحمة ...

مايمدي اركد بس وخله مع الضحيه

إقتباس


	<=-=-= ممكن تظف وجهك برا قبل لا تنتل من كراعينك ؟؟

مهيب شينه لو نعلقك مع كراعينك عشان ماتهف هالهفه نوبة أوخرى

إقتباس


	و انتي ايتها الفتاة <=-= ما يمديني على العربي الفصيح ما هو شعورتس عندما تسمعين شاب يقول عن بنت يا هي مزة و لا يا ياهي زينة ؟؟ ...

أنا يالفتاة ماحب الالفاظ ذي سوقيه جداً

ومايقوله الا العرابجه اللي يلبس طاقية وعقال

<< وش يحس بوه الللي تسذا

إقتباس


	هل من الممكن ان تصف احداً بأحد هذه الأوصاف امام عائلتك أو أمام الأطفال ؟؟؟

ابداً ابداً وعيباااااه بس

إقتباس


	ما هو شعورك عندما تسمع احد اخوتك و اخواتك ينطق بهذه الأوصاف ؟؟؟

بطلق عليه السيف الاملح عشان مايتعوده

ولد حصه
هاتس ورده

Z3EEM . FC · #4 18/10/2008, 08:29 AM

عن نفسي ان شفت بنت حلوه بالتلفزيون اقول انها حلوه حتى لو قدام امي واخواني مافيها شيء ...!

لكن ان شفت بنت قدامي على حسب الي طالع معه ان كان مع اخوياي عادي لكن مع الاهل لا

هذي الصراحه والصراحه الراحه

مشكور اخوي على موضوعك

ولد حصه · #5 21/10/2008, 03:14 AM

إقتباس

الرسالة الأصلية كتبت بواسطة الــحـــايـــر


	. . صباحك قرنفل و عدس .. و الله ياخوووك ماهوب من زين الخشه عشان تقووول يا مزيووون ..!! و لو قالت لي .. بطنشها ( مهوب ثقل ) .. لكن عشان شيئين : الأول : إن مصطلح ( مزيووون ) مايركب عليّ والثاني : لأن هـ البنت شكلها حولا أو فيييها خلل عقلي و هـ الوقت .. لاتستغرب من لو تجيييك بنت و تكلمك لأن فيييه بعض البنات ( هداهم الله ) وصلوا لـ درجة الجرأه و خصوووصاً إذا شافوا واحد قطعه ( يعني حلو ) تلقاهم يناظرووونه بـ شكل ( مقرف ) <=== الله يصلحك بس شوووي و يقلطووون في مخـباه من قو الجرأه و لـ الأسف هذا اللي يحصل معي عافاك ربي يـ أبو حصه ورده . .

حياك الله اخوي

و الله يا انك انبرشت و خليت العالم تنبرش

اخوي انا كان قصدي وش شعورك و انت تسمع
بنية تقول مزيون عن واحد ثاني موب انت

اسعدني مرورك اسعد الله ايامك وردهورده

إقتباس

الرسالة الأصلية كتبت بواسطة ..بقــ حرف ـايا..


	هلا بولد حصيصه << فيس يتلفت خايف ينطرد من طول الغيبات جاب الغنايم << لايكثر والله ياهي غنايم اللهم آمين مايمدي اركد بس وخله مع الضحيه مهيب شينه لو نعلقك مع كراعينك عشان ماتهف هالهفه نوبة أوخرى أنا يالفتاة ماحب الالفاظ ذي سوقيه جداً ومايقوله الا العرابجه اللي يلبس طاقية وعقال << وش يحس بوه الللي تسذا ابداً ابداً وعيباااااه بس بطلق عليه السيف الاملح عشان مايتعوده ولد حصه هاتس ورده

هلا هلا بوجه النحس

انتي الي بجي بعلقك من عرادتك (( شوشتس ))

وه بس انتي الي فاهمتن اويلاوه

اجل السيف الاملح اجل

اسعدني مرورك اسعد الله ايامك وردهورده

إقتباس

الرسالة الأصلية كتبت بواسطة Z3EEM . FC


	عن نفسي ان شفت بنت حلوه بالتلفزيون اقول انها حلوه حتى لو قدام امي واخواني مافيها شيء ...!

إقتباس

الرسالة الأصلية كتبت بواسطة Z3EEM . FC


	لكن ان شفت بنت قدامي على حسب الي طالع معه ان كان مع اخوياي عادي لكن مع الاهل لا هذي الصراحه والصراحه الراحه مشكور اخوي على موضوعك

حياك الله اخوي ...

ومشكور على سدحك لوجهة نظرك

اسعدني مرورك اسعد الله ايامك وردهورده

بريماكس · #6 18/10/2008, 09:49 AM

هلا بالغائب الحاضر

سلامات .. وينك طولت بغيااابك ؟ ماودك تطول زياده بعد

امزح حبيبي .. منوره الحته بحضورك

من ناحية المواصفات لاصرت عند اخوياي استهبل واعلق وخاصه لاصارت مربـر ...

طبعاً كله حق استهبال وضحك

ولا بالاسواق مافيه احسن مني سواء مع اهلي ولا مع الشباب

---> ايه هين

محترم وماسك طريقي رغم ان علي ابتسامات معلونة صير

--> باللهي

لاتفهموني غلط .. الابتسامه في وجهك اختك صدقه

---> لا ياشيخ

وبعدين مدري ليه بعضهن تبتل تناظرك تقول مرآه قدامه خير ان شاء الله

--> هههاي

وتلقاك اذا ناظرته تشوفه تتحرك وتنقهر

مثل ماتناظرنينن انا ابناظرتس

--> عيب غص البصر

بس بعض الاوقات تحدك الظروف تسوي شئ ههههههههههههههههههههههههههه

-->

الحمدلله ماذكر سويت شئ

الا مره رقمت وبالاخير طلعت شغاله

ولا وله وجه تقولي يبغى شحن

--> صدز والله

قلت كم تبين بس .. تامرين ياللي ماتفارقين الفازلين

---> ماشاء الله سجع

--> امزح ترى

هل من الممكن ان تصف احداً بأحد هذه الأوصاف امام عائلتك أو أمام الأطفال ؟؟؟

لا .. اعتقد نظرتهم لك راح تنزل

والثقل زين عند الاسره والاولاد والزوجه

--> كفو ياثقل

ما هو شعورك عندما تسمع احد اخوتك و اخواتك ينطق بهذه الأوصاف ؟؟؟

بليزززز ماقدر اجاوب

--> لا لا تكفى جاااوب

بيرت بلس · #7 18/10/2008, 10:43 AM

أهلا وسهلاً بولد حصة

حياك الله وعساك لقيت شقة شليخه

واستقريت .

الرجل و المرأة سواء في هذا الموضوع فكما يحب الرجل الجمال فالمرأة كذلك .

رأيي في الموضوع ان تعبير الانسان عن رأيه في شخص ما سواء رجل أو امرأة يخضع لماهية ووضع وظروف المتلقي.

كما ان اسلوب وصف (الشليخ (صح ؟) أو الشليخة

) احيانا يجعل المتلقي رجلا او امرأة يشعر ان المتحدث معجب بالشليخة وليس يبدي رأيه (فيها او فيه) فقط وهنا قد تحدث مشكله .

حياك الله مرة أخرى اخي سواء كنت شليخ او غير شليخ

جعلنا الله وأياكم من الشلخاء

لك تحياتي ,,

محمد الشلهوب..!! · #8 18/10/2008, 11:24 AM

هلا والله ..,,

شوف انا لما اشوف وحده حلووه ما اعلق وهي تسمع الحيين تصدق عمره

وعادي لما اي شخص يعجبه شخص بس العييب لما يجلس يبقق عيونه عليه وهو يشووفه

خـآآصه للبنت يعني لو تستحي ماجلست تشوفه ووهو يدري انها تقز فيه

إقتباس


	ما موقفك كشاب لو سمعت بنت تقول عن واحد يا هو شليخة او مزيون او يجنن ..... الخ ؟؟؟

ههههههههههههههههه

>>يضحك لانه مافيه امل

بسوي عمري ثقيل ويعنني ماسمعت شي >ايه هييين

إقتباس


	هل من الممكن ان تصف احداً بأحد هذه الأوصاف امام عائلتك أو أمام الأطفال ؟؟؟

اوهوووو

ايزي نوبربلم

>>يمديكم على الانجليزي هههههه

إقتباس


	ما هو شعورك عندما تسمع احد اخوتك و اخواتك ينطق بهذه الأوصاف ؟؟؟

جواب معروف من دون كتاابته

مشكوور على الموضوع

وربي يسهل عليك امورك

ورده

بنت فهد · #9 18/10/2008, 01:32 PM

هلا والله ولد حصه

و انتي ايتها الفتاة <=-= ما يمديني على العربي الفصيح

ما هو شعورتس عندما تسمعين شاب يقول عن بنت
يا هي مزة و لا يا ياهي زينة ؟؟ ...

شوف طبعاً أكيــد راح انبسط وابز بنفسي الحين اذا صارت البنت تقولي ماشاء الله مملوحه وتهبلين وابز عند الناس >>طبعاً مو غرور

كيف لو يكون شااااب طبعاً انا مافي امل اسمعه من ولد تعرف الستر ذابحنا

الا ان شاء الله من خطيبي

و هنا سؤال يطرح نفسه :

هل من الممكن ان تصف احداً بأحد هذه الأوصاف
امام عائلتك أو أمام الأطفال ؟؟؟

شوف انا لو اشوف ولـد خقه وعاجبني >>ياكثر ماشفت

أنا وماما فاهمين بعض يعني اقولها وتقول اما قدام بابا عييب

مشكور على الموضوع

تقبل مروري بنت فهد

الغرناطي · #10 18/10/2008, 03:59 PM

و أغض طرفي ان بدت لي جارتي .. حتى يواري جارتي مثواها

الهلالي الثقفي · #11 18/10/2008, 04:33 PM

هههههههههههههههههههههههههه

هههههههههههههههه

أضحك من شيئين

اسمك رهيب

و أسلوبك أرهب

إقتباس


	ما موقفك كشاب لو سمعت بنت تقول عن واحد يا هو شليخة <=-= ما في امل تركب او مزيون او يجنن ..... الخ ؟؟؟

أنقهر

>>>> غيور

هنادي الهلاليه · #12 23/10/2008, 03:03 AM

إقتباس


	و انتي ايتها الفتاة <=-= ما يمديني على العربي الفصيح ما هو شعورتس عندما تسمعين شاب يقول عن بنت يا هي مزة و لا يا ياهي زينة ؟؟ ...

عربيتك الفصحى خطيره ههههه ,,شعوري عـــادي لانها ماوقفت عليه اغلب الشباب مثله

صار الشي easy
وبصراحه هذي النوعيه من الشباب غالبا ماتكون .......<

إقتباس


	و هنا سؤال يطرح نفسه : هل من الممكن ان تصف احداً بأحد هذه الأوصاف امام عائلتك أو أمام الأطفال ؟؟؟

مممممم, مثلا لما اكون مع صديقاتي ع التلفزيون عادي << انواع العزل والمدح والانتقاد

لانه مارح يدري عنا

بس مع اهلى وفي مكان عام ..{ مستحيل } << ماتبي تصير من هذاك النوع

إقتباس


	ما هو شعورك عندما تسمع احد اخوتك و اخواتك ينطق بهذه الأوصاف ؟؟؟

آكيـــد رح يطيح من عيني

يـ إني هلاليه ـلوموني · #13 23/10/2008, 07:27 AM

إقتباس


	و انتي ايتها الفتاة <=-= ما يمديني على العربي الفصيح ما هو شعورتس عندما تسمعين شاب يقول عن بنت يا هي مزة و لا يا ياهي زينة ؟؟ ...

أتحمس أشوفها عشان آقيّم ذوقه حلو ولا نص

إقتباس


	و هنا سؤال يطرح نفسه : هل من الممكن ان تصف احداً بأحد هذه الأوصاف امام عائلتك أو أمام الأطفال ؟؟؟

( وسيييم يجنن خققآآآن يطير العقل قمر ... وإلـخ

طبعـا عادي~

بالذات إخواني الصغار والكبار حتى أمي والشغاله

آمـا الوالد حفظه الله < ماجربت ولا آفكر

مايمدحون الفله الزايده مع الأبـاء

بشكل شبه يومي فـ اليوتوب والنت بشكل عام والتلفزيون
نشوف شباب غير شكل

وآكيد إذا شفتهم لابد من الإستعانه بالأوصاف ذي

خارج حدود بيتنا مستحيل < لأن مافي ذاك الزود

أو بمعنى أخر مافيه شي يستاهل الخقه مره
وغير كذا ماله داعي < يمكن يسمع ولا شي عاد من جد بيقول ذي خبله

إقتباس


	ما هو شعورك عندما تسمع احد اخوتك و اخواتك ينطق بهذه الأوصاف ؟؟؟

اتحمسس كثيير< عشان اشوف آوصف معهم ولا أنتقد

الموضوع بالأخير يبقى تعبير عن رأي

( هذي حلوه هذا شين ... و و إلخ

ولـد حصـه ورده

يعطيك العافيه‘

control 20 · #14 23/10/2008, 09:30 AM

هلا بولد حصيصه ..

<-- ذب الميانه ..

شف تبي الصرآحه ..

حنآ يالسعوديين ما ننعطى وجه ..

من نشوف وحده بالتلفزون حقينا ..

وحتى لو تطلع شينه نخق ..

يعني خاقين خاقين ..

وانا الصرآحه ودي اعترفلك بشي ..

تراني خآق مع ( منى ) اللي في مسلسل لامكان لا زمآن ( التركي ) ..

نرجع لموضوعك ..

إقتباس


	و هنا سؤال يطرح نفسه : هل من الممكن ان تصف احداً بأحد هذه الأوصاف امام عائلتك أو أمام الأطفال ؟؟؟

ايه عآدي فري الدعوى ..

إقتباس


	ما هو شعورك عندما تسمع احد اخوتك و اخواتك ينطق بهذه الأوصاف ؟؟؟

والله شف ما فيه بنت ما تخق مع احد يعني لو اسمع احد خواتي تقول زي هالكلام

بتقبله لاني ما احب يكون بيني وبين خواتي حواجز بس طبعآ ما تتعدى حدودها..

وشووكرن على هيك موضوع ..

موديل توب · #15 23/10/2008, 12:49 PM

اعذروني على الصراحه بس والله الموضوع في الصميم

وكنت افكر في طرحه وافضفض ماعندي من خرابيط وكلام وبربسه

نبدأ بسم الله

إقتباس


	ما موقفك كشاب لو سمعت بنت تقول عن واحد يا هو شليخة <=-= ما في امل تركب او مزيون او يجنن ..... الخ ؟؟؟

بصراحه في فرق بيني وبين الاعضاء قصدي في الثقة بنفس

هي ماراح تقول لغيري دامي موجود

^ ^ ^

فاهم الثقة بنفس غلط

إقتباس


	و انتي ايتها الفتاة <=-= ما يمديني على العربي الفصيح ما هو شعورتس عندما تسمعين شاب يقول عن بنت يا هي مزة و لا يا ياهي زينة ؟؟ ...