هذي قصة واقعية ومخجلة لبنت مع صديق اخوها‍‍‍....

القصة حصلت قبل ثمان سنوات .. كانت البنت تدرس في الجامعة وكان عندها اختبار .. وأهلها ذاك اليوم بيطلعون للمزرعة .. فقالت لهم ابي اقعد بالبيت أدرس .. وفعلاً راحوا اهلها للمزرعة وخلوها تقعد بروحها بالبيت .. بعد كانت متأكده ان اهلها كلهم في المزرعة البعيدة عن البيت .. خصوصاُ إن فيه تليفون في المزرعة .. ولذلك فهي متأكدة أنه ما راح يجي أحد للبيت في هذا الوقت .. ومتطمنة تماماً من هالناحية .. وهي قاعده تذاكر جا على بالها انها تاخذ لها دش بارد علشان تصحصح مع المذاكرة .. وبما إن أنسب حمام وانتم كرامة في بيتهم هو حمام مجلس الرجاجيل فيه بانيو وحركات .. والبيت مثل ما قلت لكم فاضي وما فيه خوف ان أحد يجي .. كل اسرتها كانوا في المزرعة .. وابواب البيت مقفولة .. البنت فصخت كل هدومها في غرفة الجلوس وراحت للحمام ربي كما خلقتني ..بعد ما كانت منسجمة بالحمام .. وفي هالوقت بالذات جا اخوها اللي يدرس في مدينة ثانية ودخل للبيت و كان معاه واحد من أصدقائه ..رغم انهم كانوا بوسط الاسبوع يعني من غير المتوقع انه يجي في هالتوقيت .. ولا فيه خبر انه راح يجي .. ابو الشباب دخّل خويه بالمجلس وراح يدور بالبيت يشوف فيه أحد ولا لا ..ما حصل أحد بعدين راح للمطبخ يسوي جاي وقهوة وحركات لخويه .. بهالوقت طلعت البنت من الحمام عريانة ولا على بالها إن فيه أحد بالبيت .. يوم راحت تبي غرفة الجلوس شافت اخوها في المطبخ ارتبكت وبلشت وين تروح .. ( المطبخ كان بطريقها لغرفة الجلوس يعني لو حاولت تروح لغرفة الجلوس بيشوفها اخوها ) .. على طول رجعت ودخلت للمجلس ومسكت الباب وصارت اتطل من المجلس من فتحة صغيرة بالباب ما يطلع الا عيونها .. وما أخذت بالها من اللي جالس وراها بالمجلس اللي هو صديق اخوها ... الرجال انصدم بالموقف شنو هالبنت اللي واقفة قدامه بدون ملابس ربي كما خلقتني تماماً وجلس بدون شعور يطالع في جسمها شوي يوم استوعب الموقف ان البنت متغبيه عن اخوها وانها ما درت عنه نزل عيونه بالارض وكتم النفس وصار ينتظر الفرج من الله ينتظر الموقف يعدي على خير .. هو كان بقمة الاحراج وده تبلعه الارض فما بالكم بالبنت المسكينة لا درت فيه ... البنت حست كن فيه احد .. كوّش جلدها.. يوم التفتت وراها شافت الشاب الغريب وراها على طول طلعت من المجلس من غير فكر ودخلت بالحمام مرة ثانية وهي تبكي ومنهارة تماماً من الموقف .. اخوها بعد حس بالموقف قبل تطلع من المجلس وما قدر يتصرف ما يدري وش يسوي .. انتظر لين طلعت من المجلس ) لاحظوا ان كل الموقف صار بلحظات ) .. بعدين وبعد وقت ما هو قصير تحامل الاخو على نفسه وراح لزميله اللي قاعد بالمجلس يوم دخل للمجلس ما حصل زميله اللي راح بتصرف يدل على ذوقه ما يبي يقابل زميله بهالموقف البايخ .. والاخو بعد يوم شاف زميله راح طلع هو بعد وما رجع الا بعد كم ساعة وجلس يهدي اخته اللي لقاها حالتها حالة .. البنت بعد هذا صارت بحالة نفسية مايعلم بها الا الله وما راحت للاختبار من بكرا .. وحتى بعد هذا استمرت حالتها النفسية مو زينة .. واخوها ما شاف خويه بعد اللي صار ..وبالنسبة للشاب اللي شاف البنت .. صار على طول يفكر بالبنت والموقف اللي صار بينهم وما قدر يشيل صورتها من عينه .. صار يفكر فيها بشكل ثاني .. بعد هذا كله صار شي رائع حل كل الاحراج .. الولد واهله تقدموا لخطبة البنت .. وبعد هذا صارت الملكة .. في يوم الملكة كان الاخو يقول لصديقة الناس توري الخاطب وجه البنت ..

و احنا وريناك ..

البنت كلها...

هههههههههههههههههههههه
الله يستر على بنات المسلمين يارب