السلام عليكم


مساكم الله بالخير // صبحكم الله بالخير

راح ابدأ هالموضوع

طبعا المكان مدينة الرياض

للمعلومية انا ادرس خارج المملكة لكن اجي بالصيف

المووووهيم<<توه ما بدا بس احسبو كم مره يقول هالكلمه

يا طويلين العمر

المشكلة ما اعرف اعبر بس ما فيه مشكله

<<خلصنا

الموووهيم

كنت ماشي على طريق الملك عبدالله

انا كنت ع الخدمه بعد تقاطع العليا العام ومتجه لتقاطع الملك عبدالعزيز

المووهيم

ويجي واحد طالع لي من الطريق الرئيسي وداق اشارة يمين

طبعا اللي يعرف المكان بالضبط اظن عند سناء

الموهم

اللفه ما يمديك تروح منها يمين على طول لازم تمشي على الاقل 20 متر عشان يمديك تروح لاقصى اليمين

وسناء تقريبا عن هاللفه بالظبط واللي يبي يروح له كأنه راح يقطع الطريق بالنص <<يحاول يجيبها من هنا عشان اوصلكم المعلومه ما عرفت

ان شاء الله تكون وصلت

الموووهم وحضرتي كنت داعس طبعا ع الخدمه <<اخاف نسيتواا

المووهم ويطلع اخونا في الله ويمشي وبكل برووود انا حطيت رجليني <<ركزوا الثنتين
على الفرامل

انا قلت خلاص صدمت فيه لا وكيف صدمت تخيلو كأن على شكل تعامد <<<يحسب نفسه بحصة رياضيات <<ما عرف انه خلص منها<<المشكله اتمنى ارجع واجلس بالصف مره ثانيه <<ما كنه طلع عن الموضوع حبتين

الموووهيم

الرجال وقف عند محل والظاهر انه سناء كما سبق ذكره آنفا <<متعوب عليها <<بس هي صح كذا !!!

طبعا انا مرتفع ظغطي واقوله ما تشوووف انا توقعت الرجال بيعتذر ويتأسف

تخيلووو وش رد







يقول انا داااااااااااااااااااااااااااااق اشاره

انا الصراحة تعجبت !!<<لازم العلامه

قلت وبعدين دقيت اشاره يعني خلاص

قال ايه وباخر شي قال معليش <<<انا الى الحين معصب منه ودي اعرف ليش يقول كذا من الغلطان انا والا هووو


هذي الاولى

وخلصنا منها

نجي للثانية

طبعا كنت طالع الصباح وكعادتي حفظني الله داعس وزهقان وطفشان لان لا عندي لا دراسة ولا شغل ولا مشغلة

طبعا <<شكله غير الكلمه

الموووهم <<ما اتوقع

كنت على طريق الملك عبدالله مع تقاطع العليا العام <<المواقف ما تصير الا هناك

الاشاره كانت حمرا وتقريبا كل سايد فيه سيارتين الا واحد اللي هو اقصى اليسار

وانا داعس على اني رايح له

الا ان واحد الله يهديه طلع من اليمين وراح له مشيناها مع اني حطيت رجلي على الفرامل ونفس الحاله اقول شكلي بركب بشنطة السيارة اللي قدامي

تخيلوا هذا اعتذر لكن اللي وراي مدري وش يبي يصارخ يقول انا داق اشاره

قلت رجعنا لـــ دااااااااااق اشارة

هذا ما لدي حاليا

لكن سؤال هل تكفي الاشارة عشان تلف؟؟؟؟ <<<تكفون عطوه كورس لغة عربية



المووووهيم <<اخر وحده

الموووضوووع مكتوب الحين

يعني لحد يقولي ما فهمت <<نعم !!! <<شكله يبغى يفهم الواحد على كيفه