ياويلكم ابو عزه جاااااا .. انحاشوا .. زبيريات تتطاير وقلوب تتراجف .. !! - نادي الهلال السعودي - شبكة الزعيم

عنترة الهلالي · #1 14/10/2008, 08:44 PM

السلام عليكم ..

ولد عمي تروك جاينا يلهث تقول تسنه كلب له يومين ما شرب وكنا مجتمعين مع عيال الحارة عند كراج ابو صويلح وولده المسعور يحاول يطردنا بطريقه مؤدبه عن باب الكراج قبل لا يجي ابوه ويلاقي بقايا كراث وفستق متقاطين فيه من سنه وحافظينه عند صلوح ومحلفينه على المصحف ما يطلعه الا اذا اجتمعوا كل عيال الحاره

>> شهوة نفاس بالثامن خخخخخ

تروووك .. : انحاشوا ابو عزة بيدخل الحارة بدتسن المطافي

>> من قوة الزبرقة اللي في الموتر سموه عيال الحارة دتسن المطافي

بذيك اللحظة التفت حولي لقيت الفستق والكراث طايح عند باب الكراج وفردة زبيريه مقطعه

>> اثاري صويلح من الروعه دخل بيتهم وذب الكراث والفستق عند الباب

وولد عمي واصلن عند عتبة الباب ومضيع مفاتيح البيت ويطالع لي من بعيد بنظرة ياس

الا ويدخل ابو عزة الحاره بموتر المطافي وولد عمي متعلق على باب البيت من الروعه تسنه ظاطور خايف من زبيريه

وقف عندي ابو عزة وقالي : وش تسوي يا ورع هنا ..

قلت .. : انتظر ابوي يطلع من الصلاه >> مالقيت عذر ثاني

شوي والا سمعت صوت جني يقول طول على المسجل يا بو عزة .. واطالع ضروس ادمي بالمرتبه الثانيه >> بعدها عرفت ان ابو عزة مهوب فاضي للمشاكل وجايب ولد خالته يمشيه بالحارة خخخخخ

دعس ابو عزة وسوى له كم عقده قدامنا اللي يشوفه يقول ليته يفحط بواحد يستاهل

>> هذي سواليف عيال الحارة

بعد ما مشى ابو عزة جاني تروك يركض

عنترة .. : وش بلاك تعلقت على الباب

تروووك .. : ياخوك كنت مضيع الكيلون خخخخخخخخخخ

عنترة .. : والله اني منيب احب هالعبد تصدق انه كفخ كل عيال الحارة الا انا ما يقدر يوقف قدامي قد سطرته بثاني ابتدائي وبعدها هجد مني

تروووك .. : يالنصاب يوم كنت بثاني كان ابو عزة بالمتوسطه

عنترة .. : اقول خل نلحق على المسجد ماله داعي يجي ابوي ويلعن جدفنا >> تصريف سريع ..

كان ابو عزة مشكل لكل عيال الحارة كابوس وكنت انا حاقد عليه بقوة المشكله انه كان قزم ونحيق لو تهفه طار بس عيال الحارة سامعين اشاعه انه داخل حرب شوارع وذابح اربعه بيوم واحد

مرت الايام وجت الاجازة الصيفيه وجانا محمد ولد عمتي من الديرة وابوي يوم شاف البزران كثروا بالبيت سجلنا بحلقات تحفيظ

طلعنا من المسجد ذاك اليوم ما عندنا من الشيطان طاري .. شوي الا ابو عزة قدامنا .. وكان عددنا ثلاثه انا وتروك ومحمد ومع ذلك مخترشين منه

أبو عزة .. : من ذ الورع اللي معكم

ترووك يضحك وياشر على محمد ويقول .. : يا ورع رد عليه خخخخخخخ

عنترة .. : هذا محمد ولد عمي جاين من الديرة

ابو عزة .. : كثرو الورعان بحارتنا !!

محمد ,,: ههههههههههههه والله انك صادق يا بو سمرة >> ولد عمتي كان خبل

المهم ابو عزة يمسك محمد ويقوله .. : قل لها الثنين اكرهكم

تروووك .. : ما عليك منه يا حماده هذا بيفرق بينا

شوي ويرفس ابو عزة محمد ويقوله .. : قل اكرهكم >> الموقف كان محرج ومحمد كان بورطه

عنترة وتروووك ..: محمد لا تقولها ما عليك منه ..

محمد يتكلم وهو خانقته العبرة .. والله ما اخلي هاللستك يفرق بينا

ويزيد عليه ابو عزة الطق ومحمد متماسك وانا وتروك نعطي دفع معنوي

شوي تركه ابو عزة وتفل على وجيهنا وقالنا ,, : ابوك يالرخامه وطلع وهو يضحك !!!

بها اللحظه حسيت ان السما طاحت على راسي وحسيت اني فعلا ما اسوى شي

تروووك .. : والله كفو يا محمد قسم بالله انك رجال ما نخلي هالاشكال تفرق بينا

محمد .. : الله لا يوفقه العبد والله ما يفرق لو يذبحني >> موقف رومانسي

تروووك .. : عنترة وراك ساكت

عنترة .. : اقول مشينا للبيت ..

جا اليوم الثاني وحنا طالعين من المسجد

عنترة .. : اليوم بنسولف قدام بيت ابو عزة ..

تروووك .. : ما كملت واجباتي

محمد .. : يالنصاب حنا باجازة

تروووك .. : ابوي يقول حل حقة السنه الجايه عشان ما اعيد دور خخخخخخخخخخخ

عنترة .. : انت خايف من ابو عزة صح

تروك .. : ما بقى الا اني اخاف من خال

عنترة .. : اجل قدام حنا ما راح نحارش احد بس بنسولف ونمزمز على كم حبة كراث

تروك .. : ياخوك صويلح وش نسويبه ضيع الفستق علينا خخخخخخ

عنترة .. : ماعليك جمعت الفستق اللي طايح ووزنته بالميزان وبخليه يشتري فستق جديد من حسابه

شوي الا ابو عزة .. واصل عندنا وما تكلم انا هنا انقهرت

>> معنوياتي كانت مرتفعه خخخخخخخخخخخخخخخخ

بعدها بدقيقه رجع وقال .. محمد لحد الحين تحبهم صح

عنترة .. : عندك مانع ..

ابو عزة .. : والله وصرنا نرد ..

بهاللحظه دفيت ابو عزة الا الرجال طاح بالارض وانجرحت رجله وقام ..

انا بها الوقت ارتبكت

ابو عزة .. : الله لا يحلك ولا يبيحك كسرت يدي وانا فيني سكر

بعدها جا تروك مسرع ويطب على ابو عزة ويضرب ويضرب ويضرب فيه لين ما تفل العافيه ..

محمد .. :حرام عليكم فكوه شوي

تروك .. : والله ما اخليه امس كان يهايط عليك .>> توه يلاحظ خخخخخخخخ

ابو عزة .. : والله لاوريكم الشغل ..

بعدها بخمس دقايق ما نشوف الا غبار اسود على لون بشرته خخخخخخخخخخخخ

تركي ,, وش رايكم فيني انا كنت انتظره بس يتنفس وما كنت ناوي اطقه بس هو جابها لنفسه

واخيرا رجعنا كلنا للبيت ووجيهنا مسفرة ومستانسين وتعشينا على حساب محمد من ماكدونالدز بهالمناسبه

>> كل واحد خذا تشيكن برغر ام اربع ريال

مافيها شي لو سدحت رايك قبل لا تطلع