اتذكر اول ماطلعت موبايلي ازعجونا بالاعلانات البايخه الي بينهم وبين الاتصالات الحين عاد ازعجنا زين كل برنامج لازم يكون برعاية زين ليه مايكون موضوعي برعاية زين بعد
۞۞
ツ】ઇ需: : :خطر الأعلانات : : :需ઇ【ツ
.. بعض الإعلانات إذا جت ما تدري تسكر عيون المراهق اللي عندك ولا تسكر اذانيه
يعني مثل الإعلان اللي يدخل الشايب على بزرانه ويقولهم هاه حليتوا الواجب ؟ وترد امهم ايه حلو الواجب بس باقي آنت ما حليت الواجب !! الحين لو سديت عيون هالمراهق وسمع المره تقول باقي انت ما حليت الواجب
وسألك وش بتقول ؟؟ طيب هو وش بيفكر فيه ؟؟ طيب واذا سكرنا اذانيه المشكله ان الحرمه تقولها بكل نعوومه ودلع وتضحك على جمب وتغمز وتمشي والشايب يضحك ويلحقها !!
طبعاً هذا كله مقدمه مو الموضوع ترى لأني تو شفت الإعلان و جمبي ولد اختي وقلت له قم قم انقلع عاد يا هو قلق يسألك على أي شي يشوفه وعمره 13 سنه والله إن ينشب لي
وعاد اذا بقعد افهمه مشكلتي استرسل بالكلام و اخاف اجيب العيد وهالمواضيع محرجه بقووة
ツ】ઇ需: : : الصيدليات : : :需ઇ【ツ
مره رحت الصيدلية وخذيت لي كم غرض وجيت بحاسب وقدامي واحد متقدم بالعمر
المهم اشوفه متردد يسأل ووده يقولي ياخي حاسب وامسك الباب .. ومدري وش يقول وبالأخير شكله خربها .. ويوم سأله عن الحبوب قام يقوله طيب هالحبوب فيها ضرر .. ولا تسبب مشاكل وانا ماسك الضحكه مابي احرجه ( انصح الشباب اذا شفتولكم شايب متردد بالصيدليه حاول تحجرله ولا تحاسب قبله عشان تحرجه )
الحين ننتقل لـ تخويف الاطفال أو الصغار
انا ايام الطفوله كنت اعاني من كذا حاجه بتكلم عنها بـ عدة نقاط
ツ】ઇ需: : : .. ( أم بريقع ) : : :需ઇ【ツ
اذكر أول ايام ما كنت بالديره كنت اقضي وقتي كله برا البيت إما بالمزرعه ولا مع عيال الحاره نلعب كوره
المهم ان امي إذا طفشتها وماتبيني اطلع تقول .. ام بريقع بتجيك عاد اذا قالت ام بريقع طقني ام الركب وابدأ اتخيلها
انها عجوز ولابسه برقع ولها انياب ولسان طوويل ولها قرون وكنت اتخيلها بتجينا بيووم لدرجة اني صرت احلم فيها ان لها ذنب ولها جنحان
وتطير وكانت مسببه لي ازمه .. عاد ام بريقع هذي اخف الوحوش اللي كانت امي تخوفنا بهم
نجي لـ ,,
ツ】ઇ需: : :حمار القايلة : : :需ઇ【ツ
طبعاً هذا يطلع بالظهر اذكر من تناحتنا كنا نلعب كوره الظهر بهالشمس
وكانوا يخوفونا ( بـ حمار القايله ) انه يجي الظهر ياكل البزران وكنت لين تذكرته صرفت الي معي ورحت البيت
طبعاً هذول كلهم اشياء عاديه يمكن تخوفك اذا بتتخيل اشكالها .. مثل حمار القايله ,, كنت اتخيله حمار وحشي المخطط هذاك الي كنه ( نادي الشباب )
بس اللي ماكنت اهظمه انهم كانوا يخوفونا من
ツ】ઇ需: : :الشرطة : : :需ઇ【ツ
إذا سوينا شي ..قالو بنادي لكم الشرطه !!
اذكر مره كنا بالليل متأخر وجانا مطر قوي وإذا جاء مطر كلنا نطلع بالشارع طبعاً محرومين المطر مايجي الا بعد طلعت الروح وكان بالحاره بيت طين ومهجور وكنا قاعدين جمبه مرت دوريه قسم بالله إني داخل في بيت الطين من خوفي منها عاد شوفو وين تخبيت ببيت طين ومهجور بعد حسيت انهم بيركبوني اللي يشوفني يقول مهرب مخدرات طبعاً الحين الدوريه تخوف لانها ماتوقفك إلا تبي تصكك قسيمهً كل اللي فووق مايصفوون مع ابو خيشه ( كيسه ) هذا الله يحيكم وقته الليل عشان ندخل كانوا يقولون بيجيكم ابو خيشه وبيحطكم فيها وترى ولد الفلان معاد لقوه اهله اسرقه ابو خيشه ولا تطلع بالليل
عاد اذا جيت بنووم اتخيله يمشي بالصاله و بالحوش او يمشي وراي لدرجة اني معاد ابي التفت عشان ماشوفه وكان مطير النووم من عيني وكنت اتخيله مثل الي في الافلام كرتون عصا وحاطها على كتفه وباخرتها خيشه يحطنا فيها
الا على طاري الكيس اذكر مره زعلت على اهلي ودايم اذا تهاوشة او زعلت اقولهم خلاص انا بروح اعيش لحالي انتم مهوب اهلي وانا مهوب ولدكم اعترفو لاقيني وين وكنت اروح اقعد عند الباب احتري امي تجي تراضيني ودايم تجي تراضيني وارضى
مره من المرارير زعلت وقلت مافيه امل ارجع ومن زود التناحه اخذت كيسه وعبيتها ملابس لي وقلت خلاص بطلع وبعيش لحالي والمشكله اني يوم طلعت وشفت الظلام قلت اذكر ربك يا ولد وين رايح تبي تصير عشاء للكلاب ولـ دشير ..
والمشكله الثانيه ان الوالده ( ياكثر ماقلت امي ) ما جت تراضيني ومثل اللي متشاينها بحقي ارجع البيت بدون ما يراضوني وبالأخير طالت بي الطويله ورجعت أنا وكيستي بدون محد يراضيني
المهم اللي ابي اعرفه .. هل سبق وان حصل لك موقف تخويف مثل كذا ..؟؟ هل تؤيد اسلوب التخويف .. وهل له فؤائد ..؟؟ ياليت الكل يقولنا وش كانو اهله يخوفونه به ...؟؟
خارج الموضوع .. فيه مقطع حبيت انزله هوني يمكن يكون الكثير شافه بس هالمقطع ياني تسدحت عليه من الضحك قبل ماعطيكم الرابط بقولكم قصته وليه هم سوو كذا .. هذا الله يحيكم بالكويت واحد لاعب على اثنين مقنع الاول اللي هو صاحب الـ غنم ان الشخص الي جايك هذا نضول وحلف انه نضول وقاله لا تخليه يروح إلا متقهوي شاهي عشان تاخذ غساله .. ولاعبين على الي يقولون انه نضول قايلين له لا تشرب شاهي انتبه .. ترى هالشخص معروف انه حق مخدرات ويحط المخدرات بالشاهي وإذا قالك اشرب شاهي ولزم عليك ادر انه حاط لك حبوب بالشاهي عااد اخليكم مع المقطع
يوووووووووووه وش هذا انت خواف بالمرررررره
ضروري تعيش في شيكاغو لمدة سنتين علشان يروح عنك الخوف وتتعود على الجرية
عاد يمكن انا اشد منك اذكر اول يومين دراسة في اولى ابتدائي انواع البكاء والانيين
الشيء المرعب بالنسبة لي هي سيارة البلدية .. مادري ليش
ترى الخوف زين ويقولك من خاف سلم
غريبة ليش مو شغال عند الي فوق المقطع انا شغال عندي
باكوو
إقتباس
ツ】ઇ需: : :خطر الأعلانات : : :需ઇ【ツ
اكره الموقف هذا بقووووووووووووة وخاصة لما يكون بزر جمبكـ ويجلس يسأل بالبداية اطنش اسوي نفسي ماسمع وبعدين يجلس يعيدلك السؤال كلشوي تحس نفسكـ بموقف باايخ وبصراحة يكون الموقف اصعب لو العايلة كلها متجمعة عاد اقوى واحد الي يقوم ياخذ الريموت ويغير القناة
إقتباس
المهم اللي ابي اعرفه .. هل سبق وان حصل لك موقف تخويف مثل كذا ..؟؟
ايييييه مرررررة واجد بعد
[QUOTE]
هل تؤيد اسلوب التخويف .. وهل له فؤائد ..؟؟
[/QUOTE]
عن نفسي جاب والله نتايج طيبة يكفي انه يخلي البزر يعقل شوي
إقتباس
ياليت الكل يقولنا وش كانو اهله يخوفونه به ...؟؟
وش اقول ووش اخلي
لما كنا صغار نطلع الحوش واجد وساعات نروح بيت جيرانا وامي تخاف علينا ،، عاد مرة قالت في اسد منحاش من حديقة الحيوانات وللحين مالقوه من عقبها حرمنا نطلع حتى بنت الجيران من الخوف ماعادت تجي
ايام حرب الخليج ظلت شوي ذكريات منها مع اني صغيرة مرة بس مدري شلون اتذكر المهم اليييين وصلت ثاني ابتدائي يمكن وهم يخوفوني بالعراقيين اووف وربي رععععععب موطبييعييي لو اطلع الحوش واعيي ادخل تقولي جوجو العراقيين اسمعي صوتهم وربي ركضضض ادخل
بعد وشووو
ايي المستشفى
عاد المستشفى لحد فترة بسيطة س ادخله واشم ريحته يجيني مغص ولا احب ادخل على اي طبيب الين يتأزم الوضع
انت الي الله يهديك قاعد اقول افكر اكتب موضوع وتروح تكتب الرد وتجي تقول طارق بقولك شي بس لا تقول حرره تراني نزلت رد اقول انك بتكتب موضوع
إقتباس
نجي للموضوع
الوالده الله يطول بـ عمرها .. ما كانت تخرعنا ابد ابد
بس البلاء من خوالي .. من نجي عندهم في البيت الا .. ابن قباع بيطلع لكم ان ما رقدتم وقسسسسم قسسسسمات اني الى الحين ما انام عندهم
يا حليل امك بس امي مالها حل اقولك مشقت ورجلي تقطعت من اقوم وانا برى البيت
لا اكل ولا شرب مالها الا تخوفني ولا على طاري الخوال والعمان اذكر عمي كان اذا جاب الاجارات او الراتب كان يقولي طارق ترى لك حق فيها لا تخلي امك تاخذ الفلوس هو يقولها باستهبال عاد تعال شفني قسم بالله اقلب البيت مناحه ابي فلوسي
ماتراضيني الا جدتي تجي تعطيني فلوس وبسكوت وارضى ( الله يرحمها )
يالله لا عاد تقاطع المجلس .. والا انا وانت ما فيه نتفارق الا اقول يسلم وينه
يا رجال بالاستراحه اول مره شفت المقطع كان عندنا رجاجيل وكنت العب بلوت وشفت المقطع ضحكة لين عورني بطني والله ياهم مخفات ومشاها عليهم صح
يسلم وش يبي فيك ووش يبي بالزعيم تبيه يقابل خشتي وخشتك من زينا يا رجال الله يوفقه ويسعده تلاقيه نايم بالعسل مهووب يمنا الله يذكره بالخير
إقتباس
تزوج وجحدنا .. طارق نتزوج مغربيات خوات ..؟؟!!
اعوذ بالله انت تحثني على الفسق <== سمع مغربيات وفهم الموضوع غلط يا رجال ليه هالفه الطويله عندك هينا سعوديات نتزوج مسيار ان لقينا ثنتين زين على زين وان مالقينا الا وحده يوم لك ويوم لي <== وش قاعد يخمبق
أحلى دبلات الولاااااكم .. عاش من شافك يالقاطع والله كل ماجيت ابي اسأل عنك ينقطع الأتصال < نصاب بس للأمانه لك فقده
الصوره هذي تذكرني بحرب الخليج .. التلفزيون والباب والسجااد معاناااااه
إقتباس
يعني مثل الإعلان اللي يدخل الشايب على بزرانه ويقولهم هاه حليتوا الواجب ؟ وترد امهم ايه حلو الواجب بس باقي آنت ما حليت الواجب !!
هههههههههههههههههههههههههههههههههه والله حنا يالكبار صرنا نستحي من هالأعلانات
إقتباس
المهم ان امي إذا طفشتها وماتبيني اطلع تقول .. ام بريقع بتجيك عاد اذا قالت ام بريقع طقني ام الركب وابدأ اتخيلها
انها عجوز ولابسه برقع ولها انياب ولسان طوويل ولها قرون
وكنت اتخيلها بتجينا بيووم لدرجة اني صرت احلم فيها ان لها ذنب ولها جنحان
هذا اللي زاد نسبه الهياط في السعوديه .. الولد عندنا ينفضخ عقله وهو صغير ثم يكبر ويصير هبيله ماهمه أحد لو تقول له ام بريقع يقول ألعن أمه
شوفوا بس بزران الغرب اذا صار الولد عندهم مزعج تدخل فيها واسطات عشان يعقلونه
إقتباس
المهم اللي ابي اعرفه ..
إقتباس
هل سبق وان حصل لك موقف تخويف مثل كذا ..؟؟
هل تؤيد اسلوب التخويف .. وهل له فؤائد ..؟؟
ياليت الكل يقولنا وش كانو اهله يخوفونه به ...؟؟
بصراحه كثيره مواقف التخويف وتكاد لا تخلى من كل بيت
وانا بصراحه لا أؤيد هذه الطريقه لأن بعض الأطفال تصيبه عقده منها وتلازمه طول عمره
بالنسبه لي انا كنت عنيد وانا صغير يجلدني ابوي والا مايجلدني ما أزرط العلم
وكانوا يخوفوني بأسلوب مختلف علشان ما أطلع من البيت كانت امي تربط رجلي في قاعده الدولاب بحبل وتقول اذا حاولت تجر الحبل ترى بيطيح عليك الدولاب وانا صدقتها وكنت ما أقاوم اخاف يطيح علي الدولاب طبعا الدولاب ثقيل مره والله لو ادفه بشيول ماتحرك
اما المقطع والله يا اني تمصعت من الضحك هههههههههههههههههه
أقوى عزيمه في العالم .. أشرب شاي ياثور أشرب لا أصكك على عينك ههههههههههههههههههههههههههههههههههههههههاااي
×××
هامور .. أستمتعت والله بالموضوع الرايق الله يعطيك العافيه والحمد لله على السلامه ولا تطول الغيباات
۞
: : :需ઇ【ツ
ولا مع عيال الحاره نلعب كوره 
انه يجي الظهر ياكل البزران
اضغط هنا 
انا وابوك | وابوك ماخلاها لـ بوران 
الوضع العادي
