₪۩۞…§۞۩₪»: : :اشــرب شــاي وروووح : : :«₪۩۞§…۞۩₪ - صفحة رقم 8 - نادي الهلال السعودي - شبكة الزعيم

وردة الهلال · #1 26/10/2008, 12:20 AM

إقتباس

الرسالة الأصلية كتبت بواسطة هامور البورصه


	^^ اول شي اعتذر منك والله اني كنت شااك بس قريت اسمك فكرتك تقصدين الكرز ( مجموعة بكتات ) [ تتن ] عشان كذا قلت شكله ولد بعدين قريت ردك ابي اعرف انت ولد ولا بنت وحسيت انك ولد لما قلتي اني اطلع اطفي المويه واسمع صوت جارنا

ماشاء الله والله..تعرف تخمن

لا عآدي اخوي ماصار شي خخخخخخخخخخخخخخخخخخخ

نطفيها بالزراعه مع خواتي

اتحدى ولد يجي يقول اطلع مع خواتي اطفي موية

بيمسكونها عليه الاعضاء

شكرا لك مرة ثآنيه على هالموضوع الرآيق. وكثر لنا منه..

سلمت لاهنت..

المغناطيس · #2 26/10/2008, 01:40 PM

مشكور على الموضوع ماتقصرت .............

قوي ماهزني غيرالهلال · #3 28/10/2008, 04:02 PM

التخويف له فؤائد وله مضاار بس صراحه انا ماحب اخوف الاطفال

اما الاعلانات اغلب الاعلانات بايخه وبالذات اعلانات ام بي سي

شكرا هامور البورصة على الموضوع

ازرق+ابيض=عشق الهلال · #4 31/10/2008, 12:02 AM

خخخخخخ يازينك انت مواضيعك وربي انك واحشني
ياعسل

ممممم الاعلانات والبزران هذي مشكله بحد ذاته خاصتن ان مبزره الايام يعادلون بالغ من الف سنه
الي بقوله دعايه المزاز اكبر مشكله مواجهتني بحاياتي مع اخوي اللطيف

خخخ اما سالفه الصيدليه صارتلي بالاجازه خخخ
ياحبني لهم هالشيبان

اما حماره القايله كانت العن من دراكولا

طارق يحبني لك

اليزابيث هيرلي · #5 01/11/2008, 07:12 PM

مراااحب هامور ..

يسعد مساك ..<<<< أدري تو ما نور موضوعك ما يحتاج تقول لي

بالأول عليك مقدمات نو كومنت

وبالنسبة لمواقف التخويف ما قد حصل معي شي حيث اني من يوم أني وأنا مؤدبه وأخلاق

وأكيد التخويف ضروري عندك مبزره لزوم تأدب وما ينفع مهم إلا هالأسلوب يعني ما نستغني لا عن الشرطه

ولا عن الشطه

ولا عن العوي اللي يقول أعووووووو

وأذكر بوقتي كانوا يخوفوننا بـ ...................

<<<<ما أقدر أقول إحتراماً لمشاعر الغير

ههههههههههههههههههههه , مسوي لي فيها زعلان وأبو كرامه وحالتك حاله , يا قلبي

تبي تدلع بس ما حولك أحد , مزديتن بك أمك والله

هويمر

موضوع خفيف وظريف ..

عودة أسعدتنا جميعاً ..

ابو طـــــلال · #6 03/11/2008, 02:17 AM

من الظلم ان يذهب موضوع بهذا الروعه والجمال للصفحة الثانية ...

هامور يعطيك العافية ... إستمتعت على مقطع إشرب الشاي ورووووح .. صدق اني ( حقدت) عليهم أثنين .. واضح انهم ( وإلا بلاش )

ننتظر المزيد من ابداعك طارق

هامور البورصه · #7 03/11/2008, 01:16 PM

^^^

هلا دلع

ماشاءالله عندك بنوته بالشهر الخامس وشفيك شلتي الصوره خليها نشوف بنتك ترى ماننضل

ترى المنتدى يسمح بوضع صور الاطفال بس لا تحطين صورتك انتي

لانه ممنوع <== قل قا

dal3_uae · #8 03/11/2008, 01:31 PM

^ ^

اهلين هامور ... من زينها عشان تحسدهاا ...

في بيت ابوية كلما اقول فديتج أنا قلبي حلوة قمر >>>>> اخوية يقولي القرد في عين امه غزال

هيه في الشهر الحامس ... توها داشة الخامس
لا والله مب عشان تحسدونها لااا ... >>>>>>> من زينهاااا

والله قمر بنتي قمر >>>>>>>>>> ( فيس واثق من نفسه )
عشان شي ثاني خاص ..

اذا شفتها خبرني رايك فيهااا

..بقــ حرف ـايا.. · #9 04/11/2008, 12:46 PM

هلا بالبورصة هلا باالدراهم وريحتهن

موضوع طيب يتوجب رد يناطح الشعبان
^^ تسمع بمواكبة الحدث

إقتباس


	.. بعض الإعلانات إذا جت ما تدري تسكر عيون المراهق اللي عندك ولا تسكر اذانيه

ايييييييي قسم مايستحون

لا حياء ولا دين وخزيآآه بس

ذكرتني بالمبزرة إذا فيه شئ هاه ولا هاه
قبرناهم بالبطانيه لا يسمعون ولا يشوفون

<< ماكنه كانت تنطرد من المكان كله

إقتباس


	ام بريقع بتجيك عاد اذا قالت ام بريقع طقني ام الركب وابدأ اتخيلها

اللحين أنت تتقنعنا إنك بزرٍ مثل بزران خلق الله تخاف وتذل

نعنبو حيك والبربري الضعيف والفلقه والعصابه وشليوح وطقة هلي لا تحرموني منه

حاولت اصدق منا مناك بس ماش كبيره كبيره

منااك بس والله ام بريقع الظاهر أن شافتك هجت ليت السلامة بس

إقتباس


	ツ】ઇ需: : :حمار القايلة : : :需ઇ【ツ

ههههههههههههههههه
حمار القايله مع اختلاف المصطلح

أول نرجف منه اذا طلعنا القايلة
ماغير نتلفت يمين ويسار وماسكين عتبة الباب
لكن اللحين تغير حمار القايله لمصطلح الزوج المنتظر

<< تتصفق

وحمار القالية لو يشوفنا كان هج منا
شهبان لهبان حافين لاوجود للنعال( وانتم بكرامة ) في قاموسنا

شوش طايرة والبكلة والشبرات باخر الشوشة متعلقه

^^
شطحه نصابه
ياخي حسيت إني صلبيه قلت بعدل الصوره

الصدز والله اني احب الكشخه

عندي الزي الرسمي حق الشارع
بنطلون جنز وبلوزة حمراء لعنت ابو جدفهن
بس اهم شئ نكشخ قدام الحاره << يقاله كاشخه اللحين

وعندي صورة باللبس ذا مع صندل أحمر يحبة قلبك هههههههههههه
تسمية امي مريول الشارع
اهم شئ مانطلع بالبجامة << يقالنا كيوت

والشعر عاد ناعم مابوه بكلات ولا شبرات قاصينه فرنسي<< ويني عند روحي هالفرنسي مشغلتن بنات الحارة عنده

عاد الشارع العشق الابدي

حتى واجباتي أطلع افلهن برى واقعد أحل واذاكر

والله يا انا فاقدته

إقتباس


	ツ】ઇ需: : :الشرطة : : :需ઇ【ツ

مالكم داعي ذا حبيب الشعب

حنا عندنا مقدسين << الله من الدجة عاد

إقتباس


	وكان بالحاره بيت طين ومهجور وكنا قاعدين جمبه مرت دوريه قسم بالله إني داخل في بيت الطين من خوفي منها عاد شوفو وين تخبيت ببيت

أحمد ربك مارقصك ابو اذان

عشان تعض الارض وتقول ياحلاولاتي يالدورية
ذكرتن بسالفه ولد عندنا>> تتسولف

<< وش ورانا الهرج ببلاش

تحدوه العيال يطق الوتد ببيت الطين اخر الليل
ويروح يدخل بالليل وبيطق الوتد عشان الصبح يدخلون العيال يشوفونه
ويوم طق الوتد جاء بيطلع فيه احد مسك ثوبه وعجز يقوم طار عقل الولد الضعيف
صار داق الوتد على ثوبه ويحسب هذولاك ماسكينه
واللحين الضعيف يدور بالشوارع مهوب صاحي

^^ أتعب على الروايه أنا

إقتباس


	وترى ولد الفلان معاد لقوه اهله اسرقه ابو خيشه ولا تطلع بالليل

خخخخخخخخخخخخخخخخ
كل العوائل تسذا حنا نخوف عيال اختي
شوفوا عيال ال...... طلعوا ولا عاد رجعوا

بس بزارين هالوقت يرده عليك حارة مابردت

مايهابون شئ
يخوفك هو ماتخوفه

إقتباس


	الا على طاري الكيس اذكر مره زعلت على اهلي ودايم اذا تهاوشة او زعلت اقولهم خلاص انا بروح اعيش لحالي انتم مهوب اهلي وانا مهوب ولدكم اعترفو لاقيني وين وكنت اروح اقعد عند الباب احتري امي تجي تراضيني ودايم تجي تراضيني وارضى

الله يقطع هالفره
والله لو انك ولدي لا اخليك تقطن على عتبة الباب

مرة أنا نويت اهاجر لجدتي >> بالحي اللي جنبنا

عاد مدري وش السبب بس والعلم عند الله أنهم صافقينن

هههههههههههههههههههههه
ذكرت سالفه
ياخي احس اني صدز عنيدة وقته
خواتي بيرحون للسوق وعيوا ياخذونن يقولون ماحنب مسرحبين بزارين

قلت طيب روحوا وتشوفونن هناك هين بس
ويروحون واروح الحقهم رجلية الى السوق >> الله من الشطانة

وأدخل السوق وتطير بوهتي أدورهم مالقيتهم
واحوس واتشوف مالقيتهم واجي وأرجع للبيت مع نفس الطريق ومشتبه تسبدي

لقيت ولدين كبار واقفين ويناظرون
حطيت حرتي بهم

قلت خير وش تناظر لا افقع وجهك

<< ماشفت مثل تسذا وساعة وجه

إقتباس


	والمشكله الثانيه ان الوالده ( ياكثر ماقلت امي ) ما جت تراضيني ومثل اللي متشاينها بحقي

أنا لو أنام بالشارع بكيفه أهم شئ تجي تراضين

بقولك سالفه>> موضوع بقايا ذا موب موضوع هامور

انكبيت على خشتي اصييح واناظر بطرف عيني اشوف امي جت تراضين ولالا

وياااااحول الله ماجت وانا انكتمت من ريحة الفرشة وينه ذي

ماجت والتفت واحتري واحتري جت تراضيني وش عقبه يوم دقت خشتي القاع

بس أشين شئ لازعلت بالقايلة يذبحك الجوع والحر وانا بالشمس بالشارع

مثل مرة تذابحنا انا والعنز ريري
طردتنا اختي بالشارع الظهر قعدنا نتهاوش بالشارع الى العصر
يوم تراضينا دخلونا

إقتباس


	هل سبق وان حصل لك موقف تخويف مثل كذا ..؟؟

أرحم حالنا حنا يخفوونا بشئ اسمه العافيه
اذا طاااارت صيااااااااحي قالت امي اسكتي لا تسمعتس العافية
اللي تسمع صياحة تجي تاخذة
وانا اصيييييح وارجف أخاف تجي
بس مااااش عزت نفسي ماتسمح لي اسكت
اصير كني ددسن تنتع شوي اصيح وشوي اتلفت

والرعب الثاني البلدي ابو لحية حمراء
كله منك يامحمد ولد جيرانا
مرعبني بس اذا مر من عندنا يسحبني يودين لمه

صرت ياويلي العصر ما اطلع معهم والعب اخاف ابو لحية يجي

والرعب الثالث الابرة
مرة سمعت البثرة ريري تصيييح<< اصلا متى سكتت ارحم حاله
قلت أنا ايييه اكيد انهم باطينة أبرة

وأقوم واركض واتغبى عند الخزانات

والخ والخ والخ

إقتباس


	هل تؤيد اسلوب التخويف .. وهل له فؤائد ..؟؟

والله يابني مهوب شين وبنفس الوقت يرعب
بس مامتنا حنا يوم خوفونا
هذانا عايشين مصتصحين مابنا رجة

إقتباس


	ياليت الكل يقولنا وش كانو اهله يخوفونه به ...؟؟

تلقاه أعلاه مدري أدناه

هويمر يامال العافيه على هيك تسذا

أعتبر ماسبق عنااد موصيّة عليه

سمعاً وطاعة ياأختي الكبيره ماأرفض لتس طلب

وجــدان · #10 04/11/2008, 01:54 PM

كنت ناويه ارد رد طويييل تسولف بوه المنتديات اللي جنبنا بس عقب رد بقايا رحمتك

قلت يمكن يسحب عليها فمالها داعي يسحب عليتس انتي بعد

..

والله موضوعك رهيب وحلو وكل ابو شيء زين بوه ورده
احب الموضوع اللي زي كذا فقرات عشان يطير الملل من المواضيع الطويله

بس موضوعك طويل ومسلي ماشاء الله

..
بالنسبه للموضوع ..
اقول الاتصالات وبس بلا زين بلا شين
< اول مره احد يمدح الاتصالات لو قلت موبايلي ارحم شوي

بالنسبه للدعايات الله يهديهم بوه مية فكره وفكره بس مدري وش يجيهم احياناً

تمسك معهم افكار غبيه
والله ان عندي كم فكرة لبعض الاعلانات كان تبون مني اطرحها لكم وتستفيدون انتم من الشركه انا جاهزه

بس فيفتي فيفتي

التخويف وماادراك مالتخويف بما اني كنت مؤدبه وشوارعنا ماكان فيها مبزره كبري
فكنت منثبره بالبيت اغلب الاوقات العب بعروستي فله > نصابه على ايامتس ماكان فيه فٌله

بس كانوا يخوفوني عشان ماالعب مع العيال اللي اكبر مني بسنتين او ثلاث

لأن عيال حارتنا كانوا ديناصورات مهوب اوادم ماشاء الله صحه

اسلوب التخويف تراه زين/شين بس ينفع كثير للوغدان الأشقياء مو البنات البريئات

مشكور هامور موضوعك رهييييب ورده
ترى ردي صغير مقارنةً بالاخت الفاضله اللي فوقي

لاتسحب

دمت بخير

القاضي · #11 04/11/2008, 06:04 PM

الموضوع أخذ حقه من المشاركة و الإطلاع ، نشكر صاحب الموضوع و الأخوة المشاركين.