أبي توصيف ملعب الملك فهد الدولي الله يخليكم - نادي الهلال السعودي - شبكة الزعيم

مجنون فارس · #1 14/10/2008, 04:51 PM

أناااااااا جاااي من القصيم ومعي جيش نبي نحضر مباراة الزعيم أمام الي منب قايل

ودي توصيف شباااااااااااب ونشاء الله هلاليه

oooASHooo · #2 14/10/2008, 04:57 PM

أنت جاي من القصيم شف امسك خريص وانت متجه شرق الى ما تظهر لك أنوار الملعب على يسارك بعد ما تتعدى الجفالي بكم مخرج ..

The Blues · #3 14/10/2008, 04:58 PM

ياخوي لو تبي ارسم لك كروركي رسمت .. بس مابي اخرتها هالموضوع يصير هياط .. مع ان اهل القصيم نشامى وفيهم الخير والدليل مباراة الهلال والرايد ..

عالعموم وانت جاي مع الملك فهد من طريق القصيم ووجهك جنوب .. تعد الفيصلية .. (بتصير على يسارك) .. يجيك عاليمين مخرج لوحته (الخرج - الدمام) .. ادخل معه .. وامسكه ليييين تشوف (سوق جيان) على يسارك ..ان شفت هالسوق فوضعك بالسليم ..(لاحظ انك تحتاج حوالي ربع ساعه من طريق الملك فهد لين تشوف جيان على يسارك ).. بعد جيان هذا ابيك تنتبه للوحات والمخارج اللي بتجيك عاليمين .. لآنها بتعلمك انك وصلت للملعب ..

بالتوفيق .. وان حبيت ايضاح راسلني عالخاص واعطيك رقمي لو بغيت تستفسر وانت بالطريق ..

مع اني (وحتى كتابه هالرد) ما اشوفك موجود بموضوعك!! .. لكني بسوي اللي علي ،،

وتراني بحضر بالملعب ،، ان تأخرت خمس دقايق فأنت (آبسنت) .. واسمحلي بــ اعطيك حرمان من الدخول للمباراه النهائيه ..

$الأسد (المفرج)$ · #4 14/10/2008, 05:02 PM

والله ياخوي هلا والله فيك في ديرتك الثانيه
واذا كان ودك توصيف الملعب
باعطيك ايميلي واذا ماعرفت الوصف اضفني وكلمني

ان كنت تعرف طريق خريص امسكه ومش سيده بتجيك مطاعم على يدك اليمين وامش سيده لين تشوف الاستاذ على يدك اليسار وبعدين في لوحات تعلم من وين تروحله

وشكرا

الايميل
[email protected]

هلالي_الفايزية · #5 14/10/2008, 05:05 PM

يعطيك العافية يالغالي
اذا دخلت الرياض تجيك لوحة الدمام رح مع الطريق اللي يروح الدمام تنزل مع الكبري وعلى طول يجيك كذا مخرج ويجيك مخرج طريق الشيخ جابر خذ معه يمين يجيك الملعب يسار
تاصل بالسلامة

هلالي من اصل هلالي · #6 14/10/2008, 05:07 PM

8
8
8

الاخوان كفوا و وفوا

و ازيدك , و انت ماشي بطريق خريص و بعد ما يجيك جيان على يسارك ( و السدحان و وكالة العيسى للسيارات على يمينك ) امش قدام سيييييده الين تجيك لوحة بوابات استاد الملك فهد ( 3.4.5 ) ادخل مع المخرج اللي بعد اللوحة علطول و بتشوف درة الملاعب على يسارك

و بالتوفيق للزعيم

bu.khalid11 · #7 14/10/2008, 05:17 PM

المشكلة أني من الشرقية ولا والله كان خدمتك
............................................
العفو ياخــو

زعـــــــــ502ــــيم · #8 14/10/2008, 07:34 PM

اذا دخلت الرياض وانت على طريق الملك فهد بيجيك مخرج الدمام الخرج رح معه تكون حاليا على الدايري الشمالي بتل سيده لين يجيك
مخرج شارع جابر الصباح خذ يمين ابتل الاستاد على يسارك اعتقد الوصف واضح