عجيبه أنك تشوف بنت موظفة تحب واحد من الشباب (( ربما تكون قريبته )) تدفع فواتير تلفونه وتشتريله الهدايا ( في الغالب أغلى تلفون في السوق ) ومع هذا تكون النهاية أن الشاب الوفي يخليها ويروح يتزوج بنت ثانية يصرف عليها دم قلبه !!

عجيبه لما تشوف حرمة ( عجوز ) والكحلة من الأذن للأذن والروج ( روج عيد الحب ) والعطر ( مخلط كمبودي ) والمشية ( خوز عنها ) والمصيبة أن الملف في المستشفى يثبت أنها مصابة بالضغط والسكري وتصلب الشرايين !!

عجيبه لما تشوف واحد من الشباب يرجع من أمريكا يشغلونه مدير قسم مع امتيازات ما يحلم بها رئيس أي دولة ثانية في العالم وواحد ثاني يدرس في جامعة بلاده ( يعفن ) في البيت وآخرتها ما يشتغل إلا بعد ما يمسحون بكرامته الأرض !!

عجيبه من أم خليجية متعلمة ويبدو أنها مثقفة جالسة مع زوجها وأطفالها في مكان عام وتشوفها تتكلم في التلفون بلهجه خليجية قحة وعلى الجانب الآخر تكلم العيال بلغة انجليزية أمريكية فصحى ... صحيح أنها امرأة عصرية ..!!


عجيبة أنك تشوف وقت أذان كل الناس رايحين باتجاه المسجد ماعدا اثنين جايين في الاتجاه العكسي يضحكون ويسولفون وكأنهم مش حاسيين بأي اختلاف بينهم وبين غيرهم !!

عجيبه لما تشوف شرطي يعطي مخالفة لأحد سائقي التكاسي وبعين باردة لأنه يقف في الممنوع بينما تقف أمام التاكسي مرسيدس بودمعة وتقف في ( أم الممنوع ) ولا يكلم سائقها أحد !! :p

عجيبه من محل يبيع زجاجة عطر بمائة درهم لأحد المواطنين بينما يبيع نفس زجاجة العطر بعشرين درهم لأحد المشترين الهنود !!

عجيبه لما تشوف اثنين شباب يتمشون في محل لا يبيع سوى الملابس النسائية الداخلية !!

عجيبه من ولد يرسب في الصف الثالث الإعدادي ثلاث مرات متتالية وفي كل سنة لا تخلو الشهادة من خمسة كعكات ومع هذا يقول أنه كان يدرس باجتهاد !! :p

عجيبة أن أحد الدكاترة المثقفين يضرب ولده بقوة ( بكوس + دوس في البطن + شلوت + عض + ضرب خيزران + العقال أحياناً ) ومع هذا يذهب نفس الرجل ليلقي محاضرة في كيفية تعامل الآباء مع الأبناء !!

عجيبة تلك المرأة التي تعلم أن زوجها عليه أقساط الزواج الميمون وأقساط السيارة وأقساط الأثاث وإيجار البيت ومصاريف الماء والكهرباء وإيجار التلفونات وأغراض البيت ومصاريف علاج الشيبة وراتب السواق ومعاش الخدامة و .... ومع هذا تريد تفصل ثوب مغربي بألف وخمسمية ريال !!

عجيبه من بيت يعيش فيه رجل وامرأة وثلاثة أطفال وخدامتين وسائق وحارس ومزارع وطباخ !!

عجيبه لما تشوف دايماً في شوارع الحارة سيارة تمشي من غير سائق وعندما تدقق أكثر في السيارة ترى يدان صغيرتان تقبضان المقود ( ياهل يتعلم السواقة ) !!


عجيبه منتخب يخسر بالخمسة والستة ودائماً يكون أدائه ضعيف ومهزوز وهجومه جبان ووسطه مقطوع ودفاعه شوارع للمنتخبات الأخرى ومع هذا قبل كل مباراة تقول الصحافة اليوم هو يوم ((( نجوم ))) منتخبنا الوطني .... هل سمعتم عن الثقوب السوداء !!



تحياتي للجميع ما عدا واحد

< ========== تراه ما يقلد البارق وسهل

كل الكلام اللي قلته صاير والله انك صادق
آآآآآآآآآآآآآآآآآآآآه يالدنيا ماتسوى
الله يعطيك العافيه برفسور

الله يعافيك اخوي النايف

ومشكور على ردك ما قصرت

يعطيك العافيه،،
ماقصرت وكل اللي قلت صحيح ،،
بس محد يتعجب منه لانه صار عادي عندنا0
وخصوصاً:-عجيبه لما تشوف شرطي يعطي مخالفة لأحد سائقي التكاسي وبعين باردة لأنه يقف في الممنوع بينما تقف أمام التاكسي مرسيدس بودمعة وتقف في ( أم الممنوع ) ولا يكلم سائقها أحد !!

إقتباس عجيبه من بيت يعيش فيه رجل وامرأة وثلاثة أطفال وخدامتين وسائق وحارس ومزارع وطباخ !!

آآه ياشين الحقيقه إذا صارت مرّه ..

مشكور يالبروفيسور على هالبسفره

تسلم ناصر بصراحه كلها مصايب
بس حبيت اعلق على البعض منها
اذا تسمح يعني

إقتباس عجيبة أنك تشوف وقت أذان كل الناس رايحين باتجاه المسجد ماعدا اثنين جايين في الاتجاه العكسي يضحكون ويسولفون وكأنهم مش حاسيين بأي اختلاف بينهم وبين غيرهم !!

الله يهدي شباب المسلمين ياااااااااااارب

إقتباس عجيبة تلك المرأة التي تعلم أن زوجها عليه أقساط الزواج الميمون وأقساط السيارة وأقساط الأثاث وإيجار البيت ومصاريف الماء والكهرباء وإيجار التلفونات وأغراض البيت ومصاريف علاج الشيبة وراتب السواق ومعاش الخدامة و .... ومع هذا تريد تفصل ثوب مغربي بألف وخمسمية ريال !!

لا مالك حق ناصر يامرون آمر حريمنا ( بس يخللونا على راحتنا )

إقتباس عجيبه أنك تشوف بنت موظفة تحب واحد من الشباب (( ربما تكون قريبته )) تدفع فواتير تلفونه وتشتريله الهدايا ( في الغالب أغلى تلفون في السوق ) ومع هذا تكون النهاية أن الشاب الوفي يخليها ويروح يتزوج بنت ثانية يصرف عليها دم قلبه !!

اجل صاروا هم اللي يدقون دقه


بس الحلوه بصراحه ذي

إقتباس ( ياهل يتعلم السواقة ) !!

الهلالي الاول
لا تضايقونه

مشكورين على الرد
وما قصرتوا
وبصراحه الدنيا مليانه عجايب وغرايب
واذا الله عطانا وياكم اعمار بنشوف اكثر واكثر


اخوي 888

يا كثر اقتباساتك انت
الظاهر لو ما فيه اقتباس بالمنتدى كان ما شاركت
بس بصراحه كل النقاط اللي اقتبستها بالفعل حساسه
واللي يضيق صدري صحيح الاثنين اللي راجعين والناس رايحه تصلي

صحيح والله ما يحسووووون باختلاف عن غيرهم ؟؟

يعطيك العافيه عمووووووووو ( ع ) وما قصرت ..

تحياتي / 999

يعطيك العافيه وما قصرت يا ( برفسور* او* ناصر ) اللى يريحك;) ;)

على العموم لازم التعليق على الموضوع حتى لو ما فيه شى ابعلق وانتقد

اول شى ابلشتنا عجيبه وعجيبه قلت الكلمات عندك الف كلمه وكلمه غيرها

ثانيا على قولتك عجيبه ولا غريبه ولا !!!!!! المهم اول مره اشوف واحد

يكتب بالون البرتقالى ( قلت الالوان )الله يهديك سببت للقراء عمى الوان من ذى

اللون انا اول ما شفت اللون احسب واحد كابس العالى بوجهى المهم علشان

ما نكثر على القراء غير الالوان اللى تجيب المرض

تحياتى لك .....

المــغــرم

هلا اخوي الداج المغرم خخخخخخخخخ

وش بلاك متفلت الله يهداك

روق شوي

بعدين انت وش عرفك للالوان وتنسيقها هههههههه

< ========= اي تنسيق

انت خلك بس على الخط الاسود ولا تحتك ههههههه

بعدين لا يهمك الالوان اقر الموضوع اهم شي
والله داج وما في راسك قرايه ههههههههههه

تشكرات اخوي ( ن )

ألف شكر لك أخوي البرفسور ,,

نقاط أكثر من رائعه وتحكي واقع حياتناالعجيبه ,,

كل نقطه تحتاج الى الوقوف ,,

إقتباس عجيبة أنك تشوف وقت أذان كل الناس رايحين باتجاه المسجد ماعدا اثنين جايين في الاتجاه العكسي يضحكون ويسولفون وكأنهم مش حاسيين بأي اختلاف بينهم وبين غيرهم !!

للأسف هذا هو الحاصل
هل هو عدم معرفه ؟؟ هل هو عدم علم ؟؟ هل هو أستهتار ؟؟
ما السبب ؟؟؟

تحياتي ,.,

سهل بسم الله عليك الرحمن الرحيم

مشكور اخوي صدى الامس على تعقييبك

الله يهدي الجميع انشاء الله

وبالفعل شي يؤسف عليه

إقتباس عجيبة أنك تشوف وقت أذان كل الناس رايحين باتجاه المسجد ماعدا اثنين جايين في الاتجاه العكسي يضحكون ويسولفون وكأنهم مش حاسيين بأي اختلاف بينهم وبين غيرهم !!

لا ما اعتقد انا مو شفت اثنين كانهم عشرة زين

على قولة أختي الحين المسجد يمين ولا يسار
قلت لها لا يمين بس ذولا منكوسين

تو شايفتهم في السوق يوم الأثنين

المهم نكمل

إقتباس عجيبه أنك تشوف بنت موظفة تحب واحد من الشباب (( ربما تكون قريبته )) تدفع فواتير تلفونه وتشتريله الهدايا ( في الغالب أغلى تلفون في السوق ) ومع هذا تكون النهاية أن الشاب الوفي يخليها ويروح يتزوج بنت ثانية يصرف عليها دم قلبه !!

أنا أسميه حمااااااار إلي يسوي كذا ومرشوش وجهه بمرق الحمار

يعني خلاص أمسح عليه ماكو أمل فيييه وةيستاهل إلي يجيه اللهم لاشماته

وتشكرات اخوي ويعطيك ربي العافيه إن شاء الله