13/10/2008, 09:40 PM
|
زعيــم مميــز | | تاريخ التسجيل: 23/03/2005 المكان: ..
مشاركات: 2,640
| |
* الحي من الحي * .. قريب !! هـــــلا و الغــــلا أعضاء منتدى المجلس العام
أكتب ( قمر ) و أنجرف في مستقر اسمها
أحب ,, لكن مالي بين ( الأسما ) حبيب
يشدني ( عالم الأحلام ) .. يا ظلمها
و استشرف الحب .. و أدري مصدره ( علم غيب )
و اخطف لها ( هالة ) التفكير من حلمها
و أهيم فيها و أعيب الناس !! و أخطي و أصيب
تكوينها , زينها , سلسالها , جسمها
ما كنها ( بنت ) .. تشعر بـ ( الشعور الغريب ) !
أشوفها ( طيف ) و أتحدى ( سنا ) حزمها
أشوفها ( موطن الود ) و ملاذ ( الغريب )
( تخفض ) جناح السلام اللّين لـ ( خصمها )
و ظنونها .. من ( صفا نيّاتها ) .. ما تخيب
خطواتها .. يمشي الساري على ( نجمها ) !!
و أفكارها .. ( بوح طفل ) و تيه .. و إحساس طيب
أضحك لها .. و أبتسم .. و ( أحتار ) في علمها ..
و تضحك لي .. و تبتسم .. و تقول في ( صمت ) عيب !!
كل ( القصايد ) بها .. تحييك من ( نظمها )
كل ( المعاني ) لها .. ( صدر و دموع و نحيب )
عيونها .. يشرق العالم على ( رسمها )
و نظراتها .. ( داء ) .. يسمع بالدوا و الطبيب ..
( تبني ) مدارات حب .. و ( يجمعك ) هدمها ..
تهدم ( مسارات وعي ) ... و ( فكر واقع رتيب )
من ( اسمها ) .. ( نورها ) يعطيكم .. من ( اسمها )
يا ( شين حظ ) الذي .. ماله من اسمه نصيب ..
باقي لها ( ترم ) .. يالله ينتهي ترمها ..
يا رب .. و أنت الكريم المعطي .. ( المستجيب )
تشد عزمي ( لها ) ..و أشد من ( عزمها )
و مصيرنا ( نلتقي ) .. و الحي من الحي .. قريب .. !! و شكراً
اخر تعديل كان بواسطة » الهلالي الثقفي في يوم » 13/10/2008 عند الساعة » 10:20 PM |