قراءة عاجــله [ عبدالرحمن بن مساعد] ابيك شوي ..الفريدي الوثب الطويل !!! - نادي الهلال السعودي - شبكة الزعيم

بـــاريـــس · #1 12/10/2008, 11:50 PM

عن الفلسفة :

1- الهلال لم اجد فيه حتى الان الروح ثم الروح ثم الروح
2- وهو الاهم كوزمين وبداية حركات باكيتا
ياخي خلاص فكنا وإلعب بمهاجمين وريحنا وريح اعصابنا
ياخي تنزل مهاجم ثاني بعد ارهاق المهاجم الوحيد
ابعرف شلون راح يأثرون بخط الهجوم
كل الفرق تلعب بمهاجمين الا انت..

لا احد يجي يقولي تكتيك مدربين :

لاعب مسوي عمليه ولعب مباراتين مع ايران والامارات
وتجي تزيد الطين بلَه وتلعبه اساسي ووحيد بالهجوم
هل يعقل يا عالم ...

الرجال صرح فيها قال انا ماني رجل آلي ..!!

اراهن والكثير راح يشاركني لو تلعب اساسي بمهاجمين صدقوني
راح نكسر حاجز الفرص الضائعه واعادة الفوز والنقاط..

الفريدي / لاعب ما قلنا شي رفعناك وتعرف ان الجمهور راح يوطيك ..

حبيبي اسمع سامي وهو سامي الله يحفظه شلناه وجت ايام ووبخناه
ياسر شلناه ولم طاح علمناه درس ورجع
وغيره وغيره

حركات التمشي والانانيه الواضحه مع خط الهجوم
هذي خلها بملعب الفريان والملاعب اللي بمخرج 5 و 6
يعني لعب حواري مانبي ياخي فك كورة لاصار فريقنا متقدم بالنتيجه
رح جندل وتبختر على كيفك ..
لكن! ( اظن كلمة الاسد الامير بندر بن محمد هذي نهايتها معك)
بصراحه مبدع بالوثب الطويل انت وابو زوري !!\\\\

وهاهو الكاتب الكبير عادل التويجري في مقاله يقول عن الفريدي
تصديقاً لما قلته :

عادل التويجري - - 14/10/1429هـ
Communicant@hotmail.com

. الفريدي في حاجة لإعادة حساباته في طريقته في اللعب، والتفكير جدياً بروح الجماعة، لا لغة الأنا، والاستعراض غير المجدي.

الخثران/ اشوفك من مباراة نجران وانت تستخدم خدمة زحلطن عسى ماشر ..

الزوري/ نفس الداء اللي بالفريدي فيك خطوتك تقعد فيها 6 دقايق وانت تاخذ خطوة
ياخي خف رجلك انت تلعب عالطرف واللعب عالاطراف يبي له سرعه ..

صالح الدوسري / بدري عليك تصير التايب والكورة اللي حصلت بالشوط
الاول لا تتكرر ..

الشلهوب / ولا تمريره صح ..

ياسر / عاذرينك واليوم بديت تتحرك والحظ عاندك
صويلح / استمر يا بطل
عنبر/ اقول والله يازين خط الخرج

عبدالرحمن بن مساعد / طلبت طال عمرك حضور الجمهور
والجمهور الهلالي جمهور ذواق وجمهور فوز اذا تبينا نحضر اول مطالبنا
الروح الروح الروح من اللاعبين والقتال
اللي ما شفناها من ابتدا الدوري

كوزميــن الغلط الكبير فيــك

يا هلاليين وربي احب اللاعبين كلهم واحترمهم
ولست ممن يفضل لاعب على احد
اقسم انني احيي اللاعب القتالي وانتقده اذا قصر
بس ليش المهزلة اللي قاعده تصــير
الى متى ونزف النقاط بدأ بانحدار
4 نقاط الى الان في مهب الريح !!
خلاص وقفوا التصاميم بلاش
ترفييع

فيه فرق بين مؤازرة ودفع معنوي وبين مع الخيل ياشقراء

والله ثم والله اني واثق اني راح اشوف ردود اللي يقول:
ما عندك سالفه / ياعمي طير/ بلا مهايط

لكن! انا هنا احضر وأطقها مشاوير لعيون الهلال
هنا المؤازرة امام تصاميم وتطبيل خلوها على جنب لين وقتها

النصــر بالطريق اعتبره فريق منتشي وقدام الهلال فوزه علينا
بطولة تسجل بتاريخهم ,

ابي عودة الروح والانتصار من بوابة النصر
الجمهور لعيون عبدالرحمن بن مساعد والتايب احضروا
وخلونا نشوف تاليها مع اللاعبين ..

وانا هنا واثق ان لاعبين الهلال رجال وقدها وراح يحسون
ويعرفون اننا زعلانيين عليهم وراح يعوضونا
بحضور رهييييييب امام الفريق النصراوي الذي لا نعتبره
منافس بل الله يفكنا من المرافس حقهم

اللي بيعلق يقول رايه بس من دون تعقيب ( وجهة نظر)!!

هلالي إلى أمد بعيد · #2 12/10/2008, 11:53 PM

كلام بعضــة سليم

وبعضــة غير سليـــــــم

يا إخوان

معليش نتكلم بمنطـــق

الهلال يعاني يعاني من لعنة الإصابات من بداية الموســــم

بس تبون الصراحـــة

أنا متفائل هالسنـــــــــــة وبقوووووووووووة

بـــاريـــس · #3 12/10/2008, 11:58 PM

البديل موجود فاقدين التايب وربي

زاوية حادة · #4 13/10/2008, 12:04 AM

بدأت الهجمة الشرسة المسعورة تتجه صوب اللاعب احمد الفريدي .
وكأنه هو المتسبب في مستوى الفريق ..

كره زرقاء · #5 13/10/2008, 12:07 AM

ياخي لاتقسى على الفريدي يعنى أنت مبسوط عشان قلت هالكلام عن الفريدي

انت متحمس وزعلان عشان الهلال مانبيك ياخي وتشجيعك مدام هذي آرائك وتحليلاتك

أنت تحطم الاعبين وتقتل فيهم الروح وبعدين تجي تطالبهم بالروح قمة التناقض

لاتحط حرتك بالاعبين وخاصه الفريدي ماقصر وأدى اللي عليه

بطئ والوثب الطويل عاد الله خلقه حركته بطيئه تبيه يركب ماكينة جربوع وإلا شرااايك ...!!!

الله يهديك بس

إحترامي

مجـ ـ نونــهـ11 · #6 13/10/2008, 12:11 AM

احس انك قوي

????????????????

nsm.99 · #7 13/10/2008, 12:12 AM

كلامك سليم

اما تقول (( الشلهوب / ولا تمريره صح .. ))

لاتظلمه ياخوي الشلهوب صح مستواه نازل بقوه لكن تقول ولا تمريره صح !!

الحين لازم نرفع معنوياته مهب نقسو عليه وكذلك الفريدي

الله يوفق الشلهوب وان شاء الله يتحسن مستواه ويرجع لنا شلهوب 2006 و بالتوفيق للزعيم في المباريات القادمة

تحياتي

بـــاريـــس · #8 13/10/2008, 12:22 AM

هذا رايي مو غصب تقتنع فيه

موبايلي عالم الهلالي · #9 13/10/2008, 12:26 AM

ياشيخ إطلع برا وضف قشك معك !

هلالي مـــووت · #10 13/10/2008, 12:27 AM

مع احترامي لك كل الي كتبته اخطاااااء

الفريدي والخثران هم من شال الهلال وغطا اخطاء الدوسري والشلهوب وياسر داااااايخ

واقوول استمر يابطل يافريدي

AL KING KHALED · #11 13/10/2008, 12:37 AM

آآآآآآآآآآآآآآآآآآآآآه يالهلال

ويومآ سيخبرك الهوى اني عشقتك في دمي

وربي اني احبكـ من قلبي ولو كانت المواضيع الي مثل كذا مالي خلقه

بس وربي من زود ضيقة الصدر كل موضوع الرد عليه

الأسد1 · #12 13/10/2008, 12:41 AM

والله ما عندك سالفة الله يخليك لأهلك

لا تعودها

صـدى الصـمـت · #13 13/10/2008, 12:42 AM

كلام كله سليم

وخيرها بغيرها

تحياتي
لكــ

محرر الهلال · #14 13/10/2008, 12:45 AM

كلاااااااااااااااااااام متعصب على غير فايده

هلالي + ودعاني · #15 13/10/2008, 12:49 AM

حلوووووووووووه

والله كلام سليم