بسم الله الرحمن الرحمم

بـــعد التحـــيه :





اولا..احب اعرفكم على بطل هذي القصة وهو ((عزوز)) الخبل يبلغ من
العمر 27 ونص ويدرس في الصف الثالث ابتداثي وتحديدا اولى(ب)
يتميز بجميع مواصفات البعير...


فهو ضخم الجثة عريض المنكبين والخصرين وكل شيئين<---هذي جت عشان
تركب القافية...واهم ما يميزه...انه وبكل بساطه خبل....اسمه
الكامل خالد بن سعد بن فهد <=== ابغى افهم من وين جا اسم عزوز


ما علينا وخلونا نخش في الموضوع دوووغري...مرة من المراريت كان
عزوز يشاهد كابتن ماجد مع اخوانه الصغار وبينه وبين اقرب واحد من
اخوانه 10 متر...بتقولون ليه....السبب ان عزوز اذا شاف كابتن
ماجد ينهبل...


وما ادري مين اللي لاعب عليه وقايل له انه هو وكابتن ماجد زي
بعض...لأنه ما يشوف كابتن ماجد يسوي حركه الا ويطبقها عاد اكثر
ما في ذاك الكرتون الدبل كيك ((ملاحظه للجوعانين...ترانا ما نوزع
كيك..دبل كيك=ضربة مقصيه خلفيه))...


عاد احلى حركة عند عزوز الدبل كيك...وما تشوف الا طول
المسلسل....

عزوز: نياااااا الضربة المقصية...

دردووووووب <------ على وجهه

عزوز: الضربه الخاااارقه...

ستتاااااح

وزززززز

طررراااااخ

آآآآآآآي

<====== مع الحماس شات اخوه الصغير بوز وما تشوف الا اخوه ملزق
بالجدار

وبعد ما هجد...بدا يحك هالدميجه ويفكر...

عزوز: الحين انا فنان وتقريبا زي كابتن ماجد...وش معنى هو راح
لايطاليا يحترف وانا لأ...معصيييي والف معصي...خلاص انا من بكرة
رايح لايطاليا...


بعد ايام....

الزمان: ثنعش بعد نص المغرب
المكان: مطار الملك خالد الدولي

عزوز: الى اللقااااء يا يمه العزيزه <---- اموت على الفصحى

ام عزوز: مع السلامة يا وليدي تروح وترجع بالسلامة جعل الطيارة
تقبع باول عماره في ايطاليا<---- بعذرها حاقده :افكر:

طبعا عزوز الخبل راكب الطيارة بتكمليته المحظوظه ((فنيله علاقي
منتفه معه من يوم ما انولد+شورت اخضر اللون ومخطط باخضر <--- كيف
تجي ذي + شراب العائلة ابو خمسة ريال <--- ماخذه من المحل ب3
ريال)) طبعا بتقولون ليه هذي تكمليته المحظوظه والسبب:

1- ما عنده غيرها

2- موب عارف يفصفخها <---- معه من اول ما انولد

3- دايما اذا لبسها يفوز فريق حارتهم على فريق الحاره اللي جنبهم



وفي الطيارة...

عزوز: بليييييز وين إز ماي مكاني؟!

المضيفه: هناك في آخر الصف يله روح هناك وانثبر..ما ابغى اسمع
منك ولا حرف فاهم <---- الظاهر انه راكب درجة سياحي

عزوز: طيب...بس آي وانت واحد قهوة ويذ آوت هيل وتمر برحي لا هنتي
<----قاعد ببيت ابوه

المضيفة طنشته زي العادة ((واحد مجرب:افكر) وهو راح لمكانه
وتواسى...و......{خخخخخخخخخخخخ} <------- فقع امها نومه

ومادام عزوز الخبل نام...اجل استلم انواع الاحلام والخيالات....

عزوز: نيااااااا سوف اوريك يا بسام...الوعد بالطلعة سوف اصفقنك
تصفيقا مبرحا...

عزوز: هيا يا كابتن ماجد..ناااااول انا هناك...سوف اشوتها بضربتي
الصاروخية....

عزوز: من انتي...هل تشجعيني ((احم..المسألة فيها انتي))....انا
خوليو يا ماريا...وانا اوحبكي جدا <------ قلب الموجه على مسلسل
مكسيكي


طرررراااااخ

عزوز: آآآآي...وشو...كيف..مين....((قام ولقى نفسه خام المضيفة
و.....))

المضيفة: يا قليل الحيا.....يله برا الطيارة يا سافل <---- حلوة
سافل

عزوز: هاه؟!....اقول...روقي روقي روقي....ترانا في طيارة مو بيت
ابوك....على كيفك هي تطردين في الناس <---- اخسسسس يا شديد

المضيفة: والله؟؟!! انت قد هالكلام اللي قاعد تقوله....

عزوز: ايه...براس امك شي سويه...<---- مب عاقل عزوز


وبعد 5 دقايز...

عزوز: وااااااااع...والله ما سويت شييييي..فكوووووني <-----
حبسوه مع الشنط

وبدون ما نطول عليكم...وصل عزوز الخبل لايطاليا سالما معافى.....


==================

وش بيسوي عزوز الخبل في ايطاليا؟! <=== في الجزء القادم














































(( تبون نكمّل وإلا لا ؟؟ )
أ
يللا نكمّـــل ..

مستعديّــن . . . ؟


هذا الجزء الثاني من يوميات محترف سعودي....

والي ما قرا الجزء الاول يقراه


الجزء الثاني...ان شاء الله يعجبكم...

==============

المكان: مطار الملك باجيو الثالث <--- يعنني اعرف المطار اللي
بايطاليا
الزمان: توه مأذن العصر <---- يا شين النصب

نزل عزوز من الطيارة بكل هدوووء وبرود اعصاب..ولا كأنه قبل شوي
فقع اذان الركاب من الصياح والنياح...طبعا تخيلوا شكله وهو نازل
بالفنيلة العلاقي ومسوي فيها ثقل ((اشوا انه ضايع في
الخلطبيطه))...و يفكر...{وين تروح يا عزوووووز وين
تروووووح..فكر..فكر..فكر} وآخرتها قرر انه يلحق له اول واحد
يشوفه في خشته وبدون تعقيدات وصل للجوازات و......

موظف الجوازات: بخبيخو سنيوري

عزوز: هاااه؟!

موظف الجوازات: سنيوري بيكادللي سورانيلو همبراش...

عزوز: وشو؟!

موظف الجوازات: سنيوري بيكادللي سورانيلو همبراش... <---- قفلت
معه

عزوز: اييييه تتكلم ايطالي...اصبر اصبر...اتذكرها...وشو يا
ربي....وش كانت الجملة....ايييييه تذكرت....دل بييرو مالديني
روبيرتو باجيو<---- كل هالحماس وهذي آخرتها

موظف الجوازات: ؟!؟!؟!؟!

عزوز: الظاهر انه ما يعرف ايطالي <---- يا شين
الفلسفة......رافنيللي البرتيني دي بياجيو موسوليني <=== الله
على الايطالي

موظف الجوازات: اقول..لا يكثر بس وعطني جوازك اتكلم انا عربي
اهون...

بعد ما خلص عزوز راح وركب له تاكسي....

السواق: على فين سينيوري <---- ام شغالة جده اصلها صومالي ماخذ
جنسية

عزوز: آآآآ...كابوتشينو سباقيتي ماكاروني <=== الظاهر وقتها كان
جوعان

السواق: اهااا...تبي ماطعميتا عشانو تاكليتا وتملي الكرشيتا هذي

عزوز: عليك نوووووور...وبعدها ذبني عند يوفينتوس ولا ميلان لا
هنت <---- مصدق عمره

بعد ما ملى الكرش راح عزوز الخبل لنادي يوفينتوس يدور
وظيفة..آآ..اقصد يبغى يحترف عندهم...

عزوز: بلييييييييز...ابغى احترف عندكم...على كم الشهر؟!

مسؤول الاحتراف: وط؟!

عزوز: ما تسمع انت....ابغى احترف هناااا

مسؤول الاحتراف: وط؟!

عزوز: ايييييه..هذا اكيد ايطالي....لو سماحيتا انا ابغيتا
احترفيتا عندكميتا...

مسؤول الاحتراف: اوكي...بس لازميتا تكونيتا تعرفيتا تلعبيتا
زين...

عزوز: افا عليكيتا انتا بس دخلني الملعبيتا وانا العبيتا احسنيتا
من اي لاعبيتا عندكيتا...

واول ما دخل عزوز الملعب...

عزوز: مييييييين...هذا انت..مو معقولة

========================

ان شاء الله اعجبكم هالجزء...



ملاحظة للي ما يعرفون ايطالي: اذا ما فهمتوا الكلام شيلوا (( يتا
)) من كل كلمة وان شاء الله تفهمون













































ملاحظة: هذا الجزء يحتوي على العديد من الفقشات
الملتهبة...لذا..يرجى م مرضى القلب والسكر والملح
والزكام..والكحة...واي مرض آخر عدم مشاهدته...وقد جرى التنويه
لذلك <<< لا تصدقونه تراه نصاب


المكان: نادي يوفينتوس الايطالي
الزمان: بلا لقافة <<< ما يبغى يقول ما اعرف
الحدث: عزوز فاتح فمه 4×4 متر وعيونه مبققه زي كذا ويقول: هذا
انت...

مين تتوقعون لقى؟!

الكابتن ماجد بشحمه ولحمه

وينقز لك عزوز ذيك النقزة من بين الحضور ويتعلق بكابتن ماجد مع
رقبته....

عزوز: هلااااااع كابتن ماجد...كيف الحال..اخبار علوم...والله من
زمااان وانا ودي اشوفك على الحقيقه...تصدق اني حافظ
اغنيتك...{الكابتن ماجد طمبق طمبق...عاد اليكم من جدييد...طمبق
طمبق طمبق طمبق} <<< استنزل عزوز في وسط الملعب

الكابتن ماجد: يا هلا فيك...بس مين معي؟!

عزوز: انا واحد معجب...وتراني احسن من ياسين ذا الخكري جربني..

الكابتن ماجد: كيف؟!...طيب بس بشرط...لازم تورينا مهاراتك...

عزوز: اكيييييد..انت ارفع وانا اشوووووت...يله بسرعة...

بس...فجأة..((وانا لما اقول فجأة...يعني فجأة...مو فجأة
عادية..لأن الفجآت انواع..و..)) <<< اقول لا يكثر وكمل القصة..

زي ما كنا نقول...

وفجأة

نياااااااااااا...

لن اسمح لك يا ماجد...حلى هي...كل سنة تفوز بالبطولة...

كابتن ماجد: من....بسام...يا لك من وقح...هل تقطع علي تدريبي...

بسام: نعم...اني اقطع تدريبك...واعلى ما في خيلك اركبه...فاهم
<<<شديد بسام

كابتن ماجد: اذن فالوعد في الطلعة...انا ما صفقتك...لن اكون
ماجد...

عزوز: ماجد ((صار يمون يقول ماجد حاف))...تبي فزعة...ترى عندي
فزعااااات على كيفك <<< اخسسس يا فزعة

عزوز تهيض....ويقوم على بسام....

عزوز: هيه انت...اقول...مسوي شدة على الرجال...تحسب ما عنده
فزعات...

بسام: الحمدلله على نعمة العقل ((قالها وهو يبوس يديه وجه
وظهر))...انا من يوم ما رأيت الفانيلة العلاقي..وانا غاسلون يدي
منك <<< هذي الحين يسمونها فوصحى

عزوز: اقووووول....اعرف من تحاكي... <<<< قفلت معه بو عزيز

بسام: اني احاكي خبل ((في هذي صح :افكر)...

عزوز: خبل في عينك يا......

درررردووووووب

قرباااااااع

تشششششششششششت

واااااااااااع

طرررااااااااخ



غباااااار <<<< ما نشوف















راح الغبار...

عزوز متعفط على الارض...وبسااام قاعد ينفض الغبار من يدينه....



و....











{عزوز....عزووووووز...عزوووووووووز...عزييييييز وصمخ}


عزوز: هاه...ويني فيه؟!...بسام...كابتن ماجد...فكوني عليه

ام عزوز: وش فيك يا الخبل....انا كم مرة قلت لك لا تقعد تطامر
وانت تناظر ذا الزفت ماجد...هذي اللي جاك منها...كسرت رجلك وفغصت
اخوك...

عزوز: يعني كل هذا كاااااان حلم
================

تمت..

نستفيد من هذه القصة....

1- اذا كنت خايف على مصلحتك لا تناقر بسام..
2- الكبتن ماجد خكري..
3- ان عزوز...خبل <<< لا يا شيخ
4- انكم احلى ناس عشانكم قريتوا القصة



(( القصّــة من الإيميــل ))

====================================



تحياتي"