السلام عليكم ورحمة الله

طيبين انشاء الله ومستعدين للمباراة اليوم ....

انا الصراحة قراءة موضوع عن حضور المباريات واكتشفت ان كثير من الجمهور راح يحضر من خارج الرياض فانا اعتقد ان لو كل منطقة حددوا لهم مكان ينطلقون منه للملعب وبقة محدد راح يساعد على ان الطريق يروح بسرعة وحتى فيه خدمة لبعض الاشخاص اللي ودهم بالحظور ومشكلتهم مايدلون الملعب وهذي حصلت عندنا بالزلفي ( متحدث زلفاوي ) انه طلعت انا ومعي كم واحد للمباراة والصراحة ششفت كثير من الزلفاوية ريحين للمباراة المهم وصلت الملعب انا وربعي على الساعة 5 العصر الساعة تقريبا 7:30 يدق علي واحد من اللي صاقط عليهم بعد صلبوخ يقولي وصفلي الملعب كان ضايع له ساعتين تقريبا على ماوطل الملعب الا المباراة بادية ومن بعدها حرم يروح للملعب الا معه واحد يدل ..

المهم انا اقول اهل الزلفي يتواعدون عند محطة العنقري بالوقت اللي يبغون ومثلهم اهل بريدة عاد ماشاء الله اهل بريدة كلهم بيحضرون للملعب ومثلهم عنيزة والرس وكثير من المناطق اللي حولها وترى فيها فايدة يمكن تحصل طوارى او شيء واحد ممعة استبنة واحد مايعرف يفك الكفر( مثلي الله يجز اللي علمني خير ) يعني وهي متعة بالطريق

ومشكورين على المرور

بالــــــــــــــــتـــــوفـــــــــــــــيـــــــــــــــــــــق لـــــزعـــــــــــــيــــــــــــم الليلة

كلام جميل وفكره اكثر من رائعه بس ودي تطبقونها وكم واحد انتم بتحضورن الي تعرفهم بالزلفي

طريقه جميله جداً وياليت يحركون بدري اللي من خارج الرياض يمكن ما يلقون محل الجمهور اليوم راح يكون مثل كذا

إقتباس الرسالة الأصلية كتبت بواسطة شااايع بعض الاشخاص اللي ودهم بالحظور ومشكلتهم مايدلون الملعب وهذي حصلت عندنا بالزلفي ( متحدث زلفاوي ) انه طلعت انا ومعي كم واحد للمباراة والصراحة ششفت كثير من الزلفاوية ريحين للمباراة المهم وصلت الملعب انا وربعي على الساعة 5 العصر الساعة تقريبا 7:30 يدق علي واحد من اللي صاقط عليهم بعد صلبوخ يقولي وصفلي الملعب كان ضايع له ساعتين تقريبا على ماوطل الملعب الا المباراة بادية ومن بعدها حرم يروح للملعب الا معه واحد يدل ..

شكله انت اللي مضيييع

انت شاايع المرور ؟؟ولا ثاني

فكرة حلوووووووووه