*** لقد ابدع نجم دفاعنا عبدالله الشريده ايما ابداع في نهائي كاس ولي عهد قطر ومعه محترفنا ادميلسون . عوايدكم يابني هلال .
بعكس قائد فريقهم اللي حتى ضربات الترجيح ماتجرأ انه يلعبها ( لا ويبون الجوهر يضمه للمنتخب ) صحيح لا قالوا .... نصر شين وقوى عين .

*** ابدعوا اهل قطر بنهائي يبيض الوجه ... يااللي تدعون انكم فاهمين كوره ليه ماتشوفون القطريين وين وصلوا .
الحكم هو احسن حكم في العالم وعلى مااظن اسمه كوليينا ...ماهوحنا لنا سنيين مانعرف غير عمر المهنا وابراهيم العمر . والتصوير ياعينى على التصوير احتراف بكل ماتعنيه الكلمه , لواني ماشفت الشريده كان قلت انها مباراة بالدوري الاسباني ... والجمهور كنه جمهور الهلال والنصر ,ماهو جمهور الاتحاد اللي كل واحد منهم معبي جيوب ثوبه قراش بيبسي وهات ياحذف على اللاعبيين , وفوق هذا يروح لهم سمو ملكي يترضاهم .

*** ياناس وش يبى يقول عبد الرحمن بن سعود الليله في صدىالملاعب ..... حسافه اننا لازم نكتب ونقول الامير !!!!!!!!!! . اتمنى انه مايجيب طارى المشجع اللي تركهم وراح للزعيم ( ويقول عنه ابوقربه ) .
كلمه اخيره وصلوها للمثقف والشاعر صاحب السمو الملكي الامير عبد الرحمن بن سعود ان يخاف الله في نفسه وان يبتعد عن اهانة البشر بالمسميات وخصوصا اعراضهم .......... .

متى استعبدتم الناس وقد ولدتهم امهاتهم احرارا