10/10/2008, 01:43 AM
|
زعيــم مميــز | | تاريخ التسجيل: 17/05/2007 المكان: تـايه .. !!
مشاركات: 1,876
| |
فضفضه عن مدرستي " ....... " !!! السلام عليكم ورده اقتربت المدارس وبدأ العد التنازلي لإنتهاء العطله وبدء المدارس صراحة العطله طويلة جدا , مننا من استفاد منها ومنهم لأ , وأولهم انا كان عندي قبل بدء العطله مشاريع وأفكار إني بنفذها وبأتقنها بإذن الله بالعطله , لكن بدت العطله وخلصت وانا لسى أفكر الوعد إن شاء الله العطل الجايه ابي افضفض عن مدرستي " المخيسه " ومالقيت إلا المجلس العام اللي افضفض له المهم إني بحكي لكم الحصص لكن ع طريقة طلاب مدرستنا وجدولنا الممل اولا يبدأ يومنا الدراسي بمجيء معظم الطلاب بدري جدا لا تحسبونهم عشان الشطارة لا والله , عشان ياخذون الواجبات من دوافير الفصل ويحلون وبعد الإنتهاء كلنا نلقي بالشنط في الفصل ونذهب إلى البقاله المجاورة وأكثرنا يجيب علك وحلاوة عشان نتونس فيها بالحصص , واللي يدخن , واللي يفطر لوزين واللي يركب السيارة ويجي بعد الطابور , عشان الوكيل يوقفه ولا يحضر الحصة الأولى والحين نفصل لكم جدولنا الدراسي في مدرستنا يعني الأشياء اللي نسويها وقت الحصص القرآن / هذي وللأسف حصة حل واجبات الحصص اللي قبها واللي بعدها , وللسواليف الجانبيه , وللنوووووم المواد الدينيه / هذي للعلوك والفصفص وما شابهها اللغه العربيه / هذي معظم الطلاب ينحاش من الحصة , وأغلبهم سواليف الإجتماعيات / نووووم من الدرجة الأولى وبلوتوث بين الطلاب إنجليزي / هذي حصة يجي المدرس نفسه ويسولف , مو حنا يجي يفقش علينا , ويحكي مغامراته بالحياه كيمياء وفيزياء وأحياء / هذي الحصص يجي وقت تطفيش المدرس " يهبلون فيه " اللي يصفر واللي ينتف واللي يطلع اصوات مدرس وش تبي رياضيات / هذي من قبل ما يدخل المدرس والطلاب نايمين عاد فيه حركة يسوونها اللي عندنا تتأكد إن ماحد حولك في الدراسه بعضهم يشترون مويه ابو ريال ومعجون اسنان قبل لا يجي المدرسة ويخلط المعجون مع المويه ويرشها ع كراسي الطلاب وأولهم المدرس والحركات كثيره جدا لو تبون تكلموا بس ومن الحركات اللي في مدرستنا تصير مضاربات بين الفصول بس مزح وكل اثنين يمسكون لهم واحد ويشوتونه شوت ويقولون مزح وحركات الطلاب واجده جدا ويأكد لك إن طلابنا " أي كلام " الله قدر علي يوم خشيت ذي المدرسة ؟ لا مدرسين محترمين , ولا نظام ماشي ع الكل , وظلم واضح جدا بالدرجات , تخيلوا إنك تختبر وتجيب درجة كامله , ويجي المدرس بكل برودة ويقول ورقتك ضاعت وبتاخذ صفر وانا وش ذنبي يوم إنك انت تضيعها , وهذا حصل لكثير من الطلاب وأولهم انا , ويوم تروح عنده تقول ابي تعويض يقول لا وتروح عند المدير والا الوكيل وإلا واحد من الإدارة , يقول إنك انت غايب , كيف غايب والسجلات قدامك تقول انا جاي ؟! والطلاب كلهم شهدوا إني اختبرت معهم !! لكن في النهايه انظلمنا وراحت علينا 20 درجه ظلم من المدرس وغيري راحت عليه اكثر وبصراحه كانت سبب في نزول نسبتنا لكن ما نقول إلا " حسبنا الله ونعم الوكيل " ومن المشاكل اللي نعاني منها بمدرستنا " الكمبيوترات " كمبيوتر عليه 4 طلاب جالسين يمكن في غرفة الكمبيوتر 25 كمبيوتر , 10 شغال والباقي خربان وكل ما قلنا للإدارة قالوا " يصير خير " , وعندك البرادات تشرب المويه مخلوط مع تراب لكن للأسف " لا حياة لمن تنادي " وبرضه كمان المكيفات تشتغل يوم وبقيه السنه الدراسيه لأ ولكن " ماحد عطانا وجه " والمشاكل كثيرة جدا جدا جدا لكن اكتفي باللي قلته حبيت أفضفض لكم ع الأشياء اللي بنعيش فيها الإسبوع القادم وعلى روتين مدارسنا الممل جدا ماغير نقرأ الكتب ونحفظها وننزلها بالإختبار بعدين بح وفي النهاية نلاقي الدرجات متلخبطة من المدرسين نصائح مدرسية مني لكم 1/ اول يوم بتروح بتنظف طاولات الفصل فأنصحكم بالسحب والنوووم العميق 2/ اول يوم إذا بتروح رح مواصل ولا تنام وإذا رجعت من المدرسة طقها نومة للعصر بس عشان في الليل ما يجي 9 وإلا انت نايم ومع الأيام ضبطه ع كيفك 3/ اتركوا عنكم المسلسلات والنت والخرابيط ما بينفعكم إلا الدراسه حتى لو كنا نكرهها مصيرنا بندرس الله يصبرنا ع المدرسة والمدرسين ويصبر المدرسين علينا برايفت اللي بيجي وبيتكلم عن الرموز بأتوطى ببطنه فهمتوا كلكم وسلامتكم |