هلا هلا

ياويلي عارفهـ بالسالفهـ قبلكم
<< وش تحس فيهـ هالبزر


كلكل بعد قليبي انتي
تلقينها من اندونيسيا وإلا من الهنود
كل أحد العن من الثاني

بس شغالات هنود ماقد جربت
خلينا نفتكـ من سواقينهم وعجزين عن شغالاتهم


المصيبة اذا كان كل النموذجين الي عندكـ شيون

سواق هندي يقلب السالفهـ لمصلحتهـ ويطلعكـ انتي الغلطانهـ
ويجي التهزيئ والهواش كلهـ على راسكـ
ويقال لكـ يعني السواق هالمسكين هو الي يكذب << مسكين من وين
لا أجل انا الي اكذب

والطامهـ الكبرى تدقين عليهـ ويسكر في وجهكـ
سوواويق أخر زمن والله




واذا جيتي للخدامهـ

ماتسوي شيء إلا لازم انتي تقولين لها
وليتهـ تضبطهـ شغل مشي حالكـ بس

بس كل شيء يهون ولا إنهـ تتلقف في اشياء تقصها بالبيت وإلا تعدل فيها
هذا الي جيدهـ فيهـ بس تخرب اما شيء نبيهـ تصلحهـ




قد جتنا شغالهـ وسواق
كلهم اندونيسيين
طبعاً مو ازواج لا كل واحد لحالهـ

لو افر العالم كله مالقيت مثلهم
السواق يحترم المواعيد ويحترمنا حنا قبل وراعي كشخهـ بعد
من زود الكشخهـ يطرد من مدرسة اخوي اذا راح يشيلهـ
يقولون لبسكـ تشبهـ بالكفار
وماتخافين منهـ والله لو اسافر معاهـ لحالي ماخفت
تثقين فيهـ
بس راااااااااااااااح


والشغالهـ
وش اقول ووش اخلي
تعتمدين عليها في كل شيء
بيت - برزان - طبخ - كل ابو الاشياء


بس قهر ذهبوا ولم يعودوا


الله يعوضنا خير


كلكل
وش اطول من هالرد عاد
مافيهـ بيرد كثرهـ
تعبت وانا اكتب

يالله عقبال ماتبشريننا انها طست يوم السبت

هلا والله أختي كل الحياة ( الخدامات شر لا بد منه )

بس خلي عنك البيت بدون خدامه قسم بالله مايسوى شي بالوقت هذا اذكر قبل

فتره سافرت خدامتنا ديفه ( دمووع ) قسم بالله انحاس البيت مافيه الا شباب وامي

وكل شي صاار ع المغاسل والمطاعم لين جت الخدامه الجديده وفكت ازمه فالبيت

بدون خدامه يصير ضايع

إقتباس فيه فئه يعدونهم زي أي فرد بالعائله .. حتى مايحقد عليهم ولاشئ

بس حلووه مايحقد عليهم يعني تبينا نحقد عليهم ولا تقصدين ان امك ماتحقد ؟؟

بس حتى لو اخوي يصير بثر ووسخ أول من بيحقد عليه انا بس مدري وشفيها امك معطيه هالخدامه وجه اكثر من الازم

بعدين اصلاً عندنا المكاتب الي تجيب منها الخدامات هم الي يخلون الخدامه تسوي كذا

يعني انا اعرف كم خدامه نحاشت والي كلاها مسكين هو الكفيل اما المكتب ماخذ فلوسه ومبسوط

اذكر مره عمي عنده خدامه توها جايه وقالت بروح ومدري وش بعد ورحنا المكتب وقالو جيبوها وجبناها

يوم جت ويقومون ينادون اندنوسي يتفاهم معها ويكلمها بـ لهجتهم قلت خير إن شاءالله وحنا مانفهم يمكن يقولها اقعدي عندهم 3 شهور وبعد 3 شهور انحاشي !!

فـ قلنا لا معليش قالو مافيه الا كذا فقلنا خلاص بس كل شي مسجل وسجلنا كلامه وقلت له شف بتقولها شي ترى هالكلام كله بيترجم

وبالاخير الظاهر انها اقنعتهم ورجعوها وجابو غيرها فـ الكويت نظام حلو تروح المكتب وتلاقي عنده 30 خدامه وانت تدخل وتختار سريع سريع ماعجبتك رجعها وخذ غيرها يعني المواطن حقه مهوب ماكول مثل عندنا

الله يعطيك العافيه ع الموضوع وتشكراتي

بس نصيحه لا تخلين حتى ظلالي ترد اول وحده <==

عيوني تعورني من كثر ما أدقق بالكلمات ..
بس ليه حاذفه حرف الألف من موضوعك .. بعض الأحيان أحس أنكـ تتكلمين عن
طباخ مو شغاله ..

على العموم موضوع جميل والحمد لله بيتنا ماقد طبت فيه شغاله ..
مشاكلهم واجد وسمعنا قصص كثيرة وأخبار أيضاً كثيره عن خبث الخادمات
ومكرهن .. ناهيكـ عن جرائمهن اللي ماتخلص ..

أما شغالتكم هذي فهي من النوع اللي من الأفضل ترحيلها وتفتكون من غثاها
وزي ما فيه خدامه زينه وشغيله فيه العكس تماماً ..

على فكرة نتمنا من اللي يجيبون خادمات أنهم يتقون الله فيهن ويضعوا في الحسبان انهن بشر ويمكن أن ترفع إحداهن يديها إلى السماء وتدعي على كفيلها الذي لم يقدر
تعبها وكرفها ولم يتق الله فيها .. وما يعطيها راتبها .. ( ودعوة المظلوم مستجابه ..}
{ .. تحياتي وتقديري

.
.
السـلام عليـكم "

و الله الشغالات ( شرّ لا بد منه ) ,,
بـ صراحه مالنا غنى عنهم في وقت ( تدلّع بناتنا )
لكن في نفس الوقت يجب الحذر كل الحذر منهم ..!!
يعني لايأخذووون راحتهم + شوووية إستقعاد ( بس على خفيف )
و مشاكلهم هـ الأيام كثيييره و بـ شكل مروووع جداً "

آآآخرتها شغالتنا تقووول لـ أمي أبي جوااال
أحس إن أمي كمختها على خشتها و هوّوونت
يعني أكيييد إنها مابغت الجوال إلا يوم علمتها شغالة ثانيه "

و قبل مدّه يسووولف لي ولد عمي .. يقول :
كل بين فتره و فتره نفقد شي من البيت .. يـ جوال أو سواره أو شي ثمين
و شغالتنا مافيييه أزين من صلاتها .. و هذا اللي خلانا مانشك فيييها ,,
و يوووم دارت الأيام ,, و تدخل عليها أمي فجأه و تلقى في حضنها جوالين
و فيها أرقام .. و طلعت الأرقام يجيبها عامل البقاله ( ملعون الصلايب )
و المصيبه يوم فتّشوا شناطها قبل لا تسافر !! قسم بـ الله أشياء تشيييب الراس !!
أهمها سروال لـ ولد عمي ,, بنت الأبالسه كانت ناويه تسحره ..!!
بس ربك ستر ..

آآآسف ع الخرابيط و السوالف .. و ألف شكر على طرحك المفيد
عوافي .. ورده
.
.

اللحين اللهجه لهالدرجه مو مفهومه ..
انا قصيميه ولن احتسي بغير هذه اللهجه
واللي مو عاجبه يفتح ترجمه بصفحه ثانيه ويترجم



برب
لي عوده لردود مفصله

بآآآآك ..{}
حيالله من زارناهلت علينا البركه تو مانور الموضوع..
القهوه يابنات ولاتنسن الحلى بالثلاجه


..



حتحوته



تجاكرينهم فه ياشيخه اهم شئ عارفته قبلهم
حسيتك هذاك الشئ لآبغى شيئ..
يآحبيلتس بس



والله اثر هالاستاذ به حقه يختي ماش شكله انواع الطفوله
ماتوقعته نجس لهالدرجه بس زي ماقلتلتس الله الله
لآتنسين ..نفذي والوصايا .. قبل يجي البراد ..


عاد مدامكم ذيك بلحاله توحفه مستتحفه
كن جانا من خوياته كثار..

يازين الابضايات معهن والله ..
وان ماجازلتس الشغل خليه تعيده مرتن ثانيه لين يزين
خل تحلل هالراتب ..وهي وش وراه يعني..
بترقى فوق تدهن بفازلين لاقضت.

إقتباس بس قهر ذهبوا ولم يعودوا

ترررآآ ترا را را .. تخيلي ذاك المقطع الحزين اللي بالبلس


الله يعوظكم باللي ازين منهم ياحئ
شدة وتزول يابنتي انتي اصبري..



وه بس
يآزين طلتس بس ياخويتي
<<تسمع بالمدح..




وردهمواصل من عام 1413هـورده


مدري ليه احسك زعيم طارة ابو نجل ذاك اللي بشريط حورنيات تعرفه


انا ودي اعرف بالضبط جنسيتك وشي بالضبط ..!
قصمان وقصمان
وماغير انتقاد لهقصمان
والله انهم كلهم ملح وقبله

اقولك شئ..
عندي احساس انك قصيمي..
وإحساس قوي بعد ..

صدق والله مآدريت !؟
بس عادي سامحتكم تحذفونه لو ماجازلكم
بعدين ياخي خل نحيي التراث شويي من زمان ما سمعنا عنه
عذرا صدق ماكنت اعرف ..

بعدين بالخال
انت كد شفت امريكي يكتب موضوع بألماني..
ياحليلي وانا اسوي مقارنات..
هنا نفس القضيه كلن يتكب بلهجته ويفتخر به .. وإلا.!؟



ورده ورده ورده .. بستان زهور لمرورك اللي افتخر فيه دوما يآزعيم الطاره



وردهابوصالح222ورده

شدعوى شايفني كاتبته بالتركيه..!

حيآك الله ابو صالح ورده << ترى الترجمه حياك الله ابو صالح يعني اهلا وسهلا لغير الناطقين بالسعوديه


أحلاهم واتحداهم

هلا والله وغلا

ايه يابثرهن وهن مخملات على شر ..
ذي أساسا ماعطيناها مدري من وين جايها .!؟
بس هن يفضحن ارواحن ومصير أي غلط يبان ..

عاد السواويق انواع المنب قايله
اجل كد شفتي سواق مايلف
الا لاقلتيه والله لو قدامه جدار


ياحبيلتس ماطولتي والله البيت بيتس اجلسي بنجيب الشاهي بعد شوي

حياك ربي طلتك اكيد غير ..



ورده أبوشلاخ الهلالي ورده

قطر فيهن غسول العيون ذاك اللي استخدام مره واحده زين تراه
خخخخ مدري ماأنتبهت اني حاذفه الالف
بس عموما تراني ماش بالاملاء يعني لاتدقق بالحيل..
ان شاء الله طيارته السبت الله يجيب السبت على خير
والله اننا خايفن الله بهن بس قلهن هن يخافن الله بنا ومايهبلن بنا زود


حياك الله اخوي الكريم ورده

يـ إني هلاليه ـلوموني

وانتي الصادزه اخيتي
يآليل الليل ياسيبريا.!؟
كاتبته بالعربي وقسم



اتحفتيني بمرورتسورده


وردهالــحـــايـــرورده

ياهيك الكلام يابلا..
بردت تسبدي يارجال


سالفه هالجوال اللي طايحاتن بهن مدري وش يحسن فيه بالزبط.؟!
ودي ارن الوحده بطراق حتى تفهم << درينا انتس قويه اخلصي


شغاله ولد عمك ذي زي سالفه شغاله عمتي
بالزبط مابقى شئ ماأخذته
الى شئ مدري وشو أخذته
والارقام حدث ولا حرج الله يستر علينا بس..
ياحول وش هو مسوي فيها ..سرواله .!؟
شكله جايزن له وتبيه على سنة الله ورسوله


حياك الله اخوي
جدا امتعتنا ورده


كَلْ اَلْـ حَ ـيَاةْ

حي الله كلكول ..
سنايدي يالقصيميه اثبتي ولاتهزك الرياح
تيت
لاتطولين ترى نتشاق لتس

<<مشكله التنكيت والفراغلآعب بنا لعب اللهم ياكافي..!


ورده بريماكس ورده

حي الله ولد ولايتنا


الله يبقيك ياخيي .. في انتظارك .. ورده


ايوه يالله قرب العجره وجيب المركا اضربه فيه
<<براسه حرش اشد

لالا عاد كلش الا زعيم الطاره ورده
والله ونعم بالمواصلين كلهم

<< اخلصي علينا زادت بثارتس اليوم..


حيآكم الله ورده نورتونيكلياتكم كلياتكم
اللي مايفهم اللهجه يدق بيجر اترجم

هلا وغلا باختي كل الـ ح ـياهورده

ياحليلكم يالقصمان تحبون تبرزون لهجتكم بأي طريقه

يختي ودي اتعلم اتكلم قصيمي

اما بخصوص الخادمات

هو شوفي حبيبتي شغاله عن شغاله تختلف

بتكلم عن الخادمات الاندنوسيات<<عجزت اكتب الكلمه

هم يقدرون شي اسمه أكل ورجال يعني هم بالذات مايعرفون يعيشون من دون رجاال
طبعا هذا من كثر ما اقرا عنهم >>وانا اختك اول ما تتزوجين لا تفكرين بشغاله والله تطير زوجك منكـ
انا اذكر شغالتنا جايه وشكلها كأنها عود أسنان من نحفها قعدت شهرين وطلعت كأنها برميل زباله وانتو بكرامه من كثر ما انهم يفرمون فرم

بس ماما للاسف ما تبي غير الاندنوسيه

لانها ماخذه موقف من الفلبينيات

وأذكر السنه اللي فاتت مقدمين على فلبينيه ماقعدت ولا اسبوع الا ومسفرينها

لانهم اصلاً قليلات ادب كانت بنت اللذين تحاول تغري ابوي باي طريقه

عاد امي مابدهاش اهم شي زوجي مايطير مني يقطع ابو الشغالات واللي يجيبهم


على العموم الشغالات شر لا بد منهم

والصراحه ما نقدر نستغني عنهم مين نبدي تنظيف المطبخ او كنس الصاله او...
او الاطفاال

يعني مهما كرهناهم مافي امل نستغني عنهم

كل الـ ح ـياة مشكوره على الموضوع

تقبلي مروري بنت فهد

هلا والله بااهل القصييم

خليتس منهم وخلي حتسيتس دائما كذا >ما ادري كيف كتبته

واذا فيه كمله سبه بعد احسن واحسن علشان مايفهموون شي

>>حشى طلعت لغه بنقاليه

نجي لشغالات ..

بقوولتس انه مو على الجنسيه والله

اخووي جاته فلبينيه وصخه وحقيره بعد وبغيضه

لانها تدخل رجال بالبيت

ميير هذي بايعته مره وحدهـ ولا تهاب احد

بس اكتشفها اخووي وعلى طول سفروها

الزبدهـ انه مو على الجنسيه فيه اندونيسيين طيبيين وفيه منهم الخبيث

وفيه فلبيين نفس الشي بعد..

وبقولتس بعد نبذه عن حقارتهن

وحده جته شغاله سنعه حد النخااع وتحاول منا منا اقعدي وازوود الرااتب ذي التسلب رااكبه راسه تطس قالت له باللي مايحفظتس

المهم كانت من زين طبخه تكتب المقادير بدفتر بلهجه اندنوسيه عشاان اللي بعده تعرف على طوول بدوون صداع نصفي <<عاد ليش نصفي الله العالم


المهم جت اللي بعده وهي داجه هاجه ماتدري وين المطبخ من الحمام وانتم بكرامه

عطته الدفتر وقالت زيني اللي تبين وذي تشووف الدفتر وفتحه عيونه 10متر من جميع الاتجاهات قالت وش بتس مااعجبتس شيء ؟؟!!

قالت هزا في سب مال إنت <<ووهم هذي اللي بتكتب الطبخاات


وانتهت حتوتي اللي تسنه فيسي من الحلا

مشكووره على الموضووع..

ورده

أهلين كلكل ورده
شوفي الخدامات والله صاروا جزء مهم في الحياة ومافيه بيت يستغني عنها ولا يهونون السواويق بعد

عننا صراحة مانسغني عن الإندونيسيه تشيل البيت صح أما الفلبينيه يبيلها دلع يعني مامنها منفعه

أذكر شغالتنا هذيك وش حليلها والله أكثر وحده فقدتها يعني تحسين أنها وحده من البيت موب شغاله اسمها "ميمونه "<<--فيس ماسك منديل وينخر صياح بس القهر إنها سافرت برمضان وعاد لاحظي وقت سفرها برمضان أنواع التوقيت الغلط خاصة عاد تعرفون شغل رمضان اللي مايخلص هي راحت بأوله بس جتنا وحده بأخره
ما أبي أطول ولا أبي أنافس حت حت بطول الرد
آآهـ صح نسيت أقولك والله لين شفت موضوع مكتوب باللهجه القصمنجيه الشقيقه انبسط مع إن بعض الكلمات تصعب علي واجلس ساعه اتهجاها يالله لين افهمها بس كذا أحب أقراها

كلكل باين ان الموضوع مكتوب من قلب يعني من معاناة شاقة
ورده ورده ورده