انصرو نبيكم محمد - نادي الهلال السعودي - شبكة الزعيم

Ayoub8 · #1 09/10/2008, 11:06 AM

بسم الله الرحمن الرحيم

السلام عليكم ورحمة الله تعالى وبركاته

المهم ندخل بـ الموضوع على طول ..

جريدة اسبانية تطلق استفتاء حول افضل الشخصيات و من بينهم

رسول الله .. و اعلى نسبة سوف تقوم هذه الجريده بأجراء برامج

تعريفيه للاسبانيين و الاوربيين .. فهاذي فرصتنا صوتوا للرسول ,,

أختراوا ( Mahomad و من ثم الضغط على Votar في الاسفل )

أنصروا نبيكم ولو بصوت ..

من هـنا

رجل من عالم آخر · #2 09/10/2008, 12:03 PM

أنا صوت و لكن في قلبي قول آخر ..

نبينا منصور فوق كل أرض و تحت كل سماء ..

الهلالي 11 · #3 09/10/2008, 12:15 PM

كعادتي احب الرد على اغلب مواضيع التصويت لانها تحمسني على المشاركه ... لكن للاسف ردودي على مثل هالمواضيع دائما ما تكون قاسية

يا غالي اكثر هالمواقع يا نصابين او هدفهم يزيدون عدد زوار مواقعهم ...

والادهى من كل هالشي ان مرات ينزل تصويت عن موضوع والناس هنا ما شاء الله يحبون الابداع في الترجمه ... تلقى كل واحد يترجم على مزاجه

يعين انت عارف وش معنى السؤال ! بعدين الخيار المطروح اسمه ماهوما !! وش جاب محمد لماهوما والا الاسبانيين كذا

الاسم بكل اللفات ما يتغيير

مرة تصويت يقول هل تؤيد الاطفال ان يذهبو للمدرسه ويقطعون الشارع يدون ابائهم

وواحد منزله يقولون القران بيمنعونه بهولندا تكفى صوتو

يا اما تكون قد التصويت والترجمه والا لا تنزل مواضيع ما تدري وش معناها ...

والله مرة احد المواقع منزلين تصويت وحاطين على جنب العرب يدخلون هنا ...

اذا دخلت تلقاهم كاتبين ان احنا كل اسبوع ننزل قضيه اجتماعيه ونتفاجئ بان اكثر المصوتين نو نو

وانتو تخربون علينا التصويت انه رجاء افهمو وش السالفه

عشان تتاكد ... فوق باول الموقع اللي حطيته كاتبين جمله كبر راسك وبالاحمر اللي هي هذي !!

El debate ya ha sido cerrado. No se aceptan más votos

انت عاف وش معناها !! معناها انه خلاص اقفلنا التصويت واكتفينا وما رح ناخذ اصوات زياده

ارحمو عقولنا

والمشكله ان ماهومو ذا فوزتوه بركات اشاعاتكم ... ما حط مصوت الا له واضح ان الاسبان نفسهم ما اهتمو بالتصويت العرب ما قصرو فوزو ماهومو واخذ 88 %

صدقني يمكن ماهومو نفسه يتعجب من شعبيته بالسعوديه ويطلب فيزا من السفاره

عموما هالرد اتمنى يكون توضيح لك ولكل من يقراه ... افهمو وش سالفة التصويت قبل لا تصوتون ... اللي ما يعرف وش السالفه يترجم

ابو طـــــلال · #4 09/10/2008, 12:26 PM

الهلالي ... كلامك على عيني وراسي .. وبعد قرائتي لك إتضح لي انك فاهم ومركز ..

لكن لاتقسو على شخص حب ينصر نبيه حتى بنقل مثل هالرابط وهو في باله انه يخدم دينة .. ومن باب المحبة للرسول ..! صلى الله عليه وسلم

طبعا ماقصر صاحب الموضوع واللى نقل الرابط .. بس لابد من اخذ كلام الأخ الهلالي 11 مأخذ النصيحة الاخوية واللى قد نقع في فخ التصويت بشكل لانقصده او بقصد الخير بشكل يسيء لنا .. كما فهمت من اخوي الهلالي

ماودنا نطير بالعجة في كل شي .. هذا بإختصار

شكرا لكم أثنينكم

الهلالي 11 · #5 09/10/2008, 12:34 PM

^
^

يا غالي والله وصلني ان احد
منتديات الشيعه مرة واحد نزل موضوع انه شوفو انا بحط هالرابط للتصويت وبنشره بين الناس واهل السنة وافهمهم اياه لشكل خاطء وشوفو النتيجه

وفعلا هذا اللي صار

كل واحد يرسله للثاني وما يدري وش السالفه ...

انا التصويتات هذي تعبت منها والله ... ويا كثر ما تجيني اخش واتاكد من الموضوع بعدين اصوت

المشكله بعض الناس يقولك يبون 100 الف صوت ... وتدخل الرابط تلقى الاصوات وصلت مليون وما زالو يصوتون

انتشرت هالظاهر كثير وللاسف الاكثر يصدقها

انا ما اقولك ان كل التصويتات كاذبه ... لكن 90 % وقد تزيد

هو الله يجزاه خير نيته ينصر دينه ... لكن مسالة التاكد من صحة التصويت ما تاخذ اكثر من دقيقه على اي مترجم

افرض ان التصويت مثلا نشر عن موضوع ديني فعلا والناس فهمو طريقة التصويت غلط !! وصوتو لشيء ضد دينهم برضو هالشي يصير

يعين التاكد نطلوب بكل الحالات ... ومستعد اقلب موضوع اخونا الى نقاش حول مواضيع التصويت وانا بطلع الكسبان

والله ثم والله ... الاغلبيه ينشرون مثل هالروابط بين الناس عشان يزيدون عدد زوار الموقع

ناس فاضيه مرات تلقى مثل هالروابط وتنشها تلعب على الخلق ... تلقى اهل البلد نفسه واللي يهمهم التصويت ما درو عنه

Ayoub8 · #6 09/10/2008, 02:41 PM

والله أخــوي الهــلالي ,,

أنا جبته من الإيميل على طول هــنا ,,

(((9الهلال15))) · #7 09/10/2008, 03:23 PM

جزاك الله خيرا,,

لكن يوجد منتدى مختص بذلك..