إقلطوا حياكم .. طلعتنا أمس .. بالصور o _ 0 - نادي الهلال السعودي - شبكة الزعيم

DR.KHALID · #1 08/10/2008, 11:01 AM

بسم الله الرحمن الرحيم

صباحكم / مسائكم ورد
..

الهدف من الموضوع / تغيير الرتم الي يسير عليه المجلس هالايام .. وتجديد نوعية المواضيع .. والشيء الثاني وهو الأهم

أرائكم من ناحية التصوير بما إنها أول محاولة تصوير فوتوغرافي لي ..

من ناحية .. تصوير
1- الأشخاص أو الهدف الي انا بصوره
2- فكرة الصورة
أو اي شيء تحسونه مهم يتعدل بالصورة

طبعاً من زمان ودي أصور بس للأسف م فضيت

و طبعاً أبدا م تعنيت من ناحية الكاميرا ول تعبت عمري

الكاميرا المستخدمة / كاميرا الجوال حقي

كتجربة أولى يعني
دقة الوضوح فقط 2 ميقا بيكسل

.. NOKIA CLASSIC 6120

وأعتذر عن رداءة الصور من الحين .. لأن الكاميرا أي كلام

بس التصوير عالمصور موب عالكاميرا << ورا م تروح تنام بس

وثالثاً .. بما إنه آخر موضوع لي خلال هالشهرين الجايات .. إلين نشوف وش الأوضاع ..
والله ييسر بس

البداية

يالله حيهم

..

يوم الثلاثاء 8-10-1429 هـ ..

قررت إني أطلع برا المدينة .. كعادتي اذا طفشت حفظني الله ورعاني

..

جهزت الأغراض الساعة 2 الظهر .. ودقيت على 2 من الشباب ..

إلي اذا قلت من هنا قالوا قدام <<

مريتهم ومسكنا الخط ...

الساعة : 4 العصر

إلى : منطقة برا الرياض تقريباً عن الرياض 50 كيلو أو شيء كذا .. بإتجاه الثمامة ..

المنطقة إسمها (

العاذرية

) .. وأكيد أغلب أهل الرياض يعرفونها ..

طبعاً ميزة هالمنطقة مزارعها الي موجودة بوسط صحراء !

ومبانيها القديمة .. أغلبها لها تاريخ قديم .. وأُعيد ترميمها ..

وأبارها الإرتوازية ..

طبعاً المزارع أغلبها للأمراء ...

أكبر مزرعة هناك للأمير عبدالعزيز بن فهد حفظه الله ..

طبعاً الخطة كانت نتقهوى في العصر في مزرعة أو خلا خالي

.. ونتعشى الليل في أبعد محل يوصله موترنا البطل الي دفع رباعي ودبل وكل شيء ... قسم لو أمشي في ملعب مدرستنا الابتدائية إن يغرز

<< خطة مختصرة

طبعاً بما إنه الواحد أول مرة يصور .. بيبثر الي معه

.. م فيه شيء يتحرك إلا يصوره

أول م مشينا ..

البنزين

!

عبينا من أقرب محطة

طبعاً مباشرة توجهنا لمزرعة دايم نجيها .. موب كبيرة .. صغيرة .. تقريباً بس نخل ونعناع مدري حبق المهم انه شيء ينحط عالشاهي

..

يقال والعهدة عالراوي انها لسمو الأمير عبد العزيز بن فهد ..

طبعاً فيها عامل مصري .. والمزرعة مفتوحة موب مسورة بسور وحتى المصري يجي يتقهوى معنا داخلها

..

من الخارج
..

طبعاً بجانب المزعة .. توجد ( قصبة ) .. حنا نسميها قصبة مدري شتسمونها

..

يعني عبارة عن بناء مخروطي للأعلى .. تحسون إنه برج المراقبة البحري الي نشبت فيه منار وتالا حقين مدينة النخيل

.. << الله يخلف على شيبانك بس

طبعاً .. نزلنا عزبة الشاهي .. وتوغلنا في الداخل

...

طبعاً قبل الشاهي .. <<< أهم شيء الفصفص

طبعاً يوم جيت بصور وشفت إسم البسكويت لميس !

جاني مغص

...
ورش السيارات .. البقالات .. الإستراحات .. محطات البنزين ..

حتى المدارس التمهيدية الأهلية !

نعنبوا بليسكم م خليتوا شيء

..

عاد من زينها هالسلقة الي طايرين فيها

.. قسم ان شغالتنا أشخص منها

تقهوينا البايسن

وبعدها

سوينا الشاهي في ذا الجو الي يرد النفس صراحة .. موب جو الصيف الله يخلف

..

على فكرة .. الوسمي باقي عليه 4 ايام

.. والله يجيب المطر

طبعاً البلح .. من المزرعة

.. أصلاً م جبنا قهوة .. وم كان في خطتنا المختصرة

قهوة ..

بس لقيناه في المزرعة قلنا هات بس

..

طبعاً الي بيعرف وش نوع ذا النخلة الي منها البلح له
دعوة << م يقلد شريط المجد حق المبرزة

..

بين الشوطين

على طاري المجد

(( مره وحده كاتبة ...
ي بنات الي تبي زوجها يصير خاتم باصبعها عندي لها خلطة .. وتتوقعون
ذا الخلطة وش؟
طلعت كمون وقرفة وسنوت ومُرة وخرابيط حريم

وتشوفون الشريط مدهر ..
مدري يستهبلون ول مشت عليهم صدق

هههههههههههههه
قسم اني فطست ضحك

))

الشاهي

^^^^^^^
طبعاً هالصورتين الي فوق انا الي مسويها كذا بالكمبيوتر

بعد م تقهويت .. سحبت عالشباب .. قلت بروح أصور

طبعاً ابد م جتني البيالة ول شيء .. بس يالله أهم شيء أصور

رحت للـ ( القصبة )

..

من الداخل ..

تحس إنه قديم بس مهتمين فيه ومسوين له ترميم ..

طبعاً بما إنها مزرعة ..

فــ أكيد بيكون فيها ماطور موية

..

هالنوع أقدم نوع .. أخبره عند جدي وانا عمري 5 سنوات

هالماطور يصب في بركة كبيرة ..

ومن البركة

لـ المزرعة

بعدها .. رحت أشوف الإبل الي جنب المزرعة ..

طبعاً أحسها تلعن ابو اليوم الي جابوها فيه للرياض

كل شوي جايها ملقوف << مثلي وشرواي

طبعاً أكيد تقولون .. هالملاقيف أول مرة يشوفون إبل !

وبما إني ملقوف خلوني أجاوب

..

الإبل هذي موب مثل إبلنا

هذي إبل بسنامين

الظاهر السفينة الي كانت موديتها لديرتها
وقفت في كورنيش الرياض ( منتزه سلام

)
بالغلط

<< مسوي فيها بطل ..
قسم بالله ل ترمحك

.. إن تعرف ان الله حق

بالمؤقت الذاتي حق الجوال ( the timer )

طبعاً إلى هنا وقفت البثارة قصدي التصوير

.. لأنه أذن المغرب ول مالي نيه أوقف << قايل لكم م ينعطى وجه

طبعاً بعد المغرب غيرنا محلنا وتعشينا في محل ثاني

..

إن شاء الله أعجبتكم الصور ..

والله الله بالمدح .. قسم يلي بيسب إن ينفرش

..
أمزح

..

بـ إنتظار نقدكم للصور ..

أي نقد غير وضوح الصورة

مثلاً الزاوية المستخدمة في التصوير,فكرة الصورة
.. الخ

كان معكم من أرض الحدث

تحياتي
ورده