|
إقلطوا حياكم .. طلعتنا أمس .. بالصور o _ 0 بسم الله الرحمن الرحيم صباحكم / مسائكم ورد .. الهدف من الموضوع / تغيير الرتم الي يسير عليه المجلس هالايام .. وتجديد نوعية المواضيع .. والشيء الثاني وهو الأهم :surprised: أرائكم من ناحية التصوير بما إنها أول محاولة تصوير فوتوغرافي لي .. من ناحية .. تصوير 1- الأشخاص أو الهدف الي انا بصوره 2- فكرة الصورة أو اي شيء تحسونه مهم يتعدل بالصورة طبعاً من زمان ودي أصور بس للأسف م فضيت :stoned: و طبعاً أبدا م تعنيت من ناحية الكاميرا ول تعبت عمري :razz: الكاميرا المستخدمة / كاميرا الجوال حقي :razz: كتجربة أولى يعني دقة الوضوح فقط 2 ميقا بيكسل :stoned: .. NOKIA CLASSIC 6120 وأعتذر عن رداءة الصور من الحين .. لأن الكاميرا أي كلام :surprised: بس التصوير عالمصور موب عالكاميرا << ورا م تروح تنام بس :d وثالثاً .. بما إنه آخر موضوع لي خلال هالشهرين الجايات .. إلين نشوف وش الأوضاع .. والله ييسر بس :) البداية يالله حيهم :stoned: .. يوم الثلاثاء 8-10-1429 هـ .. قررت إني أطلع برا المدينة .. كعادتي اذا طفشت حفظني الله ورعاني :razz: .. جهزت الأغراض الساعة 2 الظهر .. ودقيت على 2 من الشباب .. إلي اذا قلت من هنا قالوا قدام << :smilie47: مريتهم ومسكنا الخط ... الساعة : 4 العصر إلى : منطقة برا الرياض تقريباً عن الرياض 50 كيلو أو شيء كذا .. بإتجاه الثمامة .. المنطقة إسمها (:smilie47: العاذرية :smilie47:) .. وأكيد أغلب أهل الرياض يعرفونها .. طبعاً ميزة هالمنطقة مزارعها الي موجودة بوسط صحراء ! ومبانيها القديمة .. أغلبها لها تاريخ قديم .. وأُعيد ترميمها .. وأبارها الإرتوازية .. طبعاً المزارع أغلبها للأمراء ... أكبر مزرعة هناك للأمير عبدالعزيز بن فهد حفظه الله .. طبعاً الخطة كانت نتقهوى في العصر في مزرعة أو خلا خالي :smilie47: .. ونتعشى الليل في أبعد محل يوصله موترنا البطل الي دفع رباعي ودبل وكل شيء ... قسم لو أمشي في ملعب مدرستنا الابتدائية إن يغرز :razz: << خطة مختصرة :d طبعاً بما إنه الواحد أول مرة يصور .. بيبثر الي معه :d .. م فيه شيء يتحرك إلا يصوره :razz: أول م مشينا .. البنزين:d ! عبينا من أقرب محطة طبعاً مباشرة توجهنا لمزرعة دايم نجيها .. موب كبيرة .. صغيرة .. تقريباً بس نخل ونعناع مدري حبق المهم انه شيء ينحط عالشاهي :razz: .. يقال والعهدة عالراوي انها لسمو الأمير عبد العزيز بن فهد .. طبعاً فيها عامل مصري .. والمزرعة مفتوحة موب مسورة بسور وحتى المصري يجي يتقهوى معنا داخلها :d .. طبعاً بجانب المزعة .. توجد ( قصبة ) .. حنا نسميها قصبة مدري شتسمونها :d .. يعني عبارة عن بناء مخروطي للأعلى .. تحسون إنه برج المراقبة البحري الي نشبت فيه منار وتالا حقين مدينة النخيل :d .. << الله يخلف على شيبانك بس :razz: طبعاً .. نزلنا عزبة الشاهي .. وتوغلنا في الداخل :d ... طبعاً قبل الشاهي .. <<< أهم شيء الفصفص :d طبعاً يوم جيت بصور وشفت إسم البسكويت لميس ! جاني مغص :bigeek: ... ورش السيارات .. البقالات .. الإستراحات .. محطات البنزين .. حتى المدارس التمهيدية الأهلية ! نعنبوا بليسكم م خليتوا شيء :bigeek: .. عاد من زينها هالسلقة الي طايرين فيها :d .. قسم ان شغالتنا أشخص منها :naughty: تقهوينا البايسن :d وبعدها سوينا الشاهي في ذا الجو الي يرد النفس صراحة .. موب جو الصيف الله يخلف :surprised:.. على فكرة .. الوسمي باقي عليه 4 ايام :stoned: .. والله يجيب المطر:smilie47: طبعاً البلح .. من المزرعة :d .. أصلاً م جبنا قهوة .. وم كان في خطتنا المختصرة :razz: قهوة .. بس لقيناه في المزرعة قلنا هات بس :razz: .. طبعاً الي بيعرف وش نوع ذا النخلة الي منها البلح له دعوة << م يقلد شريط المجد حق المبرزة :d .. بين الشوطين :d على طاري المجد (( مره وحده كاتبة ... ي بنات الي تبي زوجها يصير خاتم باصبعها عندي لها خلطة .. وتتوقعون ذا الخلطة وش؟ طلعت كمون وقرفة وسنوت ومُرة وخرابيط حريم :d وتشوفون الشريط مدهر .. مدري يستهبلون ول مشت عليهم صدق :d هههههههههههههه قسم اني فطست ضحك :d )) الشاهي ^^^^^^^ طبعاً هالصورتين الي فوق انا الي مسويها كذا بالكمبيوتر :razz: بعد م تقهويت .. سحبت عالشباب .. قلت بروح أصور :d طبعاً ابد م جتني البيالة ول شيء .. بس يالله أهم شيء أصور :d رحت للـ ( القصبة ):stoned: .. من الداخل .. تحس إنه قديم بس مهتمين فيه ومسوين له ترميم .. طبعاً بما إنها مزرعة .. فــ أكيد بيكون فيها ماطور موية :razz:.. هالنوع أقدم نوع .. أخبره عند جدي وانا عمري 5 سنوات :stoned: هالماطور يصب في بركة كبيرة .. ومن البركة لـ المزرعة بعدها .. رحت أشوف الإبل الي جنب المزرعة .. طبعاً أحسها تلعن ابو اليوم الي جابوها فيه للرياض :d كل شوي جايها ملقوف << مثلي وشرواي :d طبعاً أكيد تقولون .. هالملاقيف أول مرة يشوفون إبل ! وبما إني ملقوف خلوني أجاوب :razz: .. الإبل هذي موب مثل إبلنا هذي إبل بسنامين :stoned: الظاهر السفينة الي كانت موديتها لديرتها وقفت في كورنيش الرياض ( منتزه سلام :d:d ) بالغلط :razz: << مسوي فيها بطل .. قسم بالله ل ترمحك :d .. إن تعرف ان الله حق :razz: بالمؤقت الذاتي حق الجوال ( the timer ) طبعاً إلى هنا وقفت البثارة قصدي التصوير :d .. لأنه أذن المغرب ول مالي نيه أوقف << قايل لكم م ينعطى وجه :surprised: طبعاً بعد المغرب غيرنا محلنا وتعشينا في محل ثاني .. إن شاء الله أعجبتكم الصور .. والله الله بالمدح .. قسم يلي بيسب إن ينفرش :d .. أمزح :razz: .. بـ إنتظار نقدكم للصور .. أي نقد غير وضوح الصورة :razz: مثلاً الزاوية المستخدمة في التصوير,فكرة الصورة .. الخ كان معكم من أرض الحدث :d تحياتي ورده |
رحله موفقه وجميل,,,,, بس ماتلاحظ انك استعجلت على البر شوي:d الى الحين مادخل الشتاء ولا طاح مطر... بس مالومك دامك بالرياض طلعه البر ترد الروح:smilie47: تقبل مروري |
طلعه جميلة ياليتني معكم خخخخخخخخ والله دام انك في الرياض مالك الا العاذرية والا الطعوس هذا اذا معك موتر بران بس خل عنك الجو ذا الايام كاااايف يخليك تروق وتنسى زحمة الرياض بس فيه ملاحظة على ماطق الثمامة كلها تفتقد النظافة يعني اذا تكوو نا س في محل مافيه امل ينظفونه اذا قامو يعني الي بيجي بعده بيعاني الله يوفقنا وياك تقبل مروري لموضوعك المرح |
بس كذا اصلا عادي طلعتكم <<<<منقهر لانه مداوم المهم ياااخوي مبروك الطلعه:d:d مشكوور وموفقين باذن الله لكن اذا بغيت تطلع علمني والا اجر اذنك:d:d موفق حبيبي |
صور جميلة يادكتور s60s هذا المصري اللي مصور جنب البعير والا انت مسوي فيها حلو :d بس تصدق ....... نصف موضوعك ( طبعا ) :d الله يعطيك العافية s13s ,, لك تحياتي ,, |
ما شـــــــــــــــــــــــــــــاء الله عليك يا ختير انته :D يا دكتور First >>> يحيكم والله اول ما يدق في راسكم تطلعون لأي مكان طلعتو Second >>> بالنسبة للصور الصور حلوة يكفي انها من تصويرك >>>>>> لازم اتكون واثق مب اتقول الكيمرة والتصوير ومب من الكيمرة من صاحب الكيمرة >>>> خلك واثق يا زلمي :D 3 >>>> والله ياليتني كنت معاكم >>>>>>. عادي أهلي بيخلوني حتى لو قلت ويا سعوديين تحياتي ولد + بنت ( اختارو الاجابة الصحيحة ) :D |
ما شاء الله .. رحلة جميلة بصراحة رحلة بنت كلب :D << مدح العرابجة :D الصور حلوة وزاوية الرؤية واضحة << ( أقول لا يكثر, أدري بتقولون جايبها من برنامج صافرة خلاص بشروا أماتكم ) :D أعجبتني العصبة على راسك s45s .. بس ياخي ترى ما يصير عصبة وبيجر وسكسوكة مايلة :D اما خل السكسوكة والزلف والبس جنز وكاب :D .. أو ربّ الشوارب واعصب العصبة .. يا كذا يا كذا .. أما بدوي موديرن ترى ما تجي :Ds45s لا ما عليك كل الصور حلوة .. خصوصاً الجملة هادي اللي واقفة جنبك .. هي تطلع من ديودها حليب؟ :D والا هي بعيرة وأنا مدري؟ :D http://up5.m5zn.com/photos/00323/p8cr316y3e3h.jpg إلا مين هادا الدوبة اللي ركب على الجملة هادي وقسم ظهرها أو سنامها نصين؟ حرام عليه s16s الا ودي أسألك يا خلودي .. هذا الشعر اللي في رقبة الجملة لحية ؟ والا ايش هو بالضبط؟ يخوّف مرررررة s16s << إلا بالغصب يبي يصير كول :Ds45s ما عليك من المصالة اللي فوق يا د.خالد ورده أنت بخير وطيب؟ ورده متشكر أوي على الموضوع القميل ورده |
إقتباس:
ههههههههههههههههههههههههههههههههههههههههههههه الله ل يسفهكم يلي فوق .. بس برد على ذا المرجوج :d ... الي بالصورة ذي يوم نشدت المصري .. تتوقع وش قال قال ماهيب بعير ول ناقة .. طلعت شِكـّر:d:d في الجنوب يسمونها شِكـّر.. يعني على بداية الوسمي في موسمها تصير لقحة وبعد الشتاء تصير فحل :d .. يعني تنفع تصير بعيره :d وينفع تصير ناقة :d .. وعلى سالفة الجنز .. خلني البسه ويصير خير .. قسم لو البسه ان يصير انقسام سياسي في البيت .. هـع ممنوع عندنا :d لاهنت عالمرور .. واول واحد يعلق عالصور انت :razz: .. لي ردة على باقي الردود .. لي راحوا الضيفان الي عندنا :razz: |
السلام عليكم و رحمه الله وبركاته ..,, .. آآآهـ يالعاذريه القديمه .. :smilie47: و اللـه ذكرتنـي بــ الأيام الخوالي .. :stoned: أياآآم استراحه الفيرومانسيه الظاآآآهر :happy: .. بــ خصووص الموضوع .. فــ الظاآآهر بقى ع الطلعااات شوي :razz: و لا أنتمـ لـ هــ الدرجه مستعجلين :d .. بـس أهم شي أستااانستوا .. و بيني وبينك أعجبني الماطوور s60s و أهم شي أشتر جوآآل زي الناس المره الجااايه :d .. سلاميشو ... :) |
هلا والله بالدختر :smilie47: :razz: ياخي فيهـ شيء من زمان معقدني ودي اقولهـ لكـ :surprised: بس ماجت فرصهـ :d أنت وش مشكلتكـ مع الحروف ..؟! :d متهاوش مع نصها وراضي على نصها ..؟! :razz: وإلا يوم انكـ بالابتدائي متعقد من الاملاء وزعل عليهـ :razz: الاحظ في كلامكـ اذا بتقول (ما) = م (والا) = ول (لا) = ل :razz: احس اني دققت لين قلت بس :d نجي للموضوع :d أول شيء صوركـ ماتطلع لي :wallbash: مدري وش فيها بس من عندي :no: وإلا على التعليقات شكل الصور والطلعهـ فله :clap: طيب ابي اشوف هدا الدوبه الي راكب على الجمله :naughty: :razz: وهدا الشعر الي في رقبة الجملهـ :naughty: :razz: << ماتذب ابد :d بس شسوي ماتطلع لي :( برايفت لــناس :naughty: / وش رايكم بالتفتح بالرد :razz: صارت الانطلاقهـ على ايدي :d بس تراني بريئة من فعايلكم :d تحياتي يالدختور :smilie47::d |
أهلين دكتور خالد :wub: :d بصراحة ردي تسجيل حضور وإعجاب بالتصوير حتى ولو كانت 2ميغا بكسل العبرة بمن خلف العدسة :razz: وأغبطك ع الطلعة الرايقة s60s ووالله نعرف العاذرية :razz: يعطيك العافية خالد واستمر مواضيعك بدت تتكون قاعدة المعجبين :smilie47: :razz: . . :: فتّكـ بـ ع ـافيـ’ة :: s34s |
أهَلا خالدَ الصورَ كلّهاَ حلوة ماشاءالله اللهَ يعَطيَكْ العافيَه طلعَة حلَوةَ وفلّه :d العاذريه :smilie47: أسَمّع عنَها بسَ ماكَدت جيِتهَا ..! أهَم شيِ إستانسَتوا :) شٌكراً يـ مٌبدعَ ورده |
أهلين ورده DR.KHALID ورده مشكوووور ع الصور الرايقه s60s .. شكل الطلعه روقان وفله :clapping: .. ياحظكم ماشاالله تقدرون تطلعون :d >> منقهرهـ محدطلعها :upset: .. آهـ :smilie47: يالعاذريه :smilie47: وهـ بس يازينها .. أهم شي استانستوا وفليتوها .. هو أحد يروح :smilie47: العاذريه :smilie47: ومايستانس .. الله يعطيك العافيه ع هيك موضوع وهيك صور .. يسلموا ورده .. اختكـ كيان الأزرق ... s13s |
88888 إقتباس:
:d ّ< موب لحالــه .. ~ هلا فيكـ .. DR.KHALID :smilie47: < طايح في القلــوب من تالي .. ~ :razz: إقتباس:
من وين جايبــه .. ؟ :razz: أجل مغص هااا .. ~ نمشيها مو مشكلــه .. ~ :stoned: إقتباس:
أيــه اللي يبيعها على الحكــومه .. والحكومــه تهديها لها هديــه .. ثم يبيعها .. وعلى ذا الحــال .. ؟ ~ < الحايــر يالحبيب .. ~ :d إقتباس:
أشخص .. ؟ يعني أحلى .. ؟ :surprised: بعدين لاتسبها الله يهديك .. ~ :d الا تقول لي شغلتكم من وين جايبينها .. ؟ ..~ :stoned: المشاغــب..~ إقتباس:
8 8 8 لحــس أم الاقتباسات .. ؟ ~ :stoned: إقتباس:
أكيــد أعجبتنا .. ~ بس لا عــاد تصور مــره ثانيــه .. علشان ما تنفرش أنت .. ~ :d يعطيك العافيــه .. ْ~ مشكور وماقصرت .. ~ :smilie47: |
هلا والله دكتور وش ذا الطلعه الي ترد الروح نفسي اطلع البر من سنه ماطبيته :no: انسبه للعاذريه مافي زيها تجنننن والقعده فيها ماتنمل نجي لصورك http://http://up5.m5zn.com/photos/00...xp2swsqd7u.jpg هذي عجبتني بس يبيلها كم بيت حزين وموسيقى حزينه وتصير كنها الوقوف على الاطلال :razz: http://http://up5.m5zn.com/photos/00...9esvlts441.jpg وذي مرره حلوة زاويتها بس لو انك مرقيها شوي<<اقالي تنقد الحين:razz: http://http://up5.m5zn.com/photos/00...cr316y3e3h.jpg اما ذي هههههههههه شي كن احد خافسها من النص :d ماقول الاسبحان الله اللذي في خلقه شؤؤن يعطيك العافيه دكتور |
| الوقت المعتمد في المنتدى بتوقيت جرينتش +3.
الوقت الان » 04:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd