#1  
قديم 06/10/2008, 01:51 PM
زعيــم متواصــل
تاريخ التسجيل: 14/08/2007
مشاركات: 66
لجنة الإنظباط يبيلها إنظباط

السلام عليكم ورحمة الله وبركاته

أسعد الله مسائكم بكل الود يازعماء القاره الآسيوه

كل عام وأنتم بخير < علمه فيكم زمان قبل رمضان

وأعرف ان بعض الزعماء اخذين بخاطرهم على أساس الهزيمه أمام نجران

لكن ماسمعتو أن لكل جواد كبوه ..؟

وأن الخيل الأصيله ماتسبق الا تالي

ريحو بالكم فديتكم وخلوكم مرتاحين .. رح ناخذ الدوري بإذن الله

.....

.

.

وأدخل بالموضوع ع طوووول وهو عن لجنة الإنظباط عندنا

الجميع يعرف وش حل بالهلال العام وقبل العام وقبلهم من عقوبات

بالجمله العامه نقول ( هسترو فينا )

كل يوم وفيصل العبدالهادي ناقز لنا بقرار جديد

مره يقول نقلو مباراتهم مدري وين فيه

ومره يقول وقفو اللاعب الفلاني أكثر من مباراتين

ومره يوقفون كوزمين ويخلونه يعمل فيهم كتاب كامل من غرائب قراراتهم

ومره يحطون مباراياتنا بدون جماهير .. ومازال لعمايلهم بقيه

طيب احنا ماعترضنا على كل اللي صار .. احترمنا وسكتنا

بس نبي شي واحد .. نبي العـــدل والمساواه بين الأنديه

مايخفاكم الأحداث الأخيره اللي صارة بمباراة الاتفاق والنصر قبل كم يوم

شفتم النصراويين شو عملو .....؟؟؟؟

يعني اذا فيه شي اسمه وقاحه صدق فهذا هو اللي شفناه

ومع ذلك ماصدر في حقهم القرار السليم

بس يلعبون مباراه من غير جمهور < صدق واسطه

والله لو انه جماهير الهلال كان شفتو الهوايل والعجايب في قراراتهم

طيب تذكرون مباراة الهلال مع الوحده اللي ضربو فيها التايب ؟؟

هم اللي بدأو مو احنا ورمونا بالعلب الفارغه وكل شي

وبعض جماهيرنا دافعو عن انفسهم بعلب فارغه

مو طراطيع والعاب ناريه < حشا رئيس فريقهم هتلر ^_^

وشو عملو فينا ؟؟؟

يشوفون اننا نلعب على مربع ذهبي ومع ذلك نقلو مباراتنا لملعب الاتحاد

والنصر بكل برووووووووووود يتركون مباراته على ارضه

ويقولون يلعب بدون جمهور < زي اللي يقول تسكيته للهلاليين

ياجماعه ..

هالشيء صحيح شرعا أم لا ؟؟ قبل ننظر له بقانون الفيفا الصفراويه

والله ظلم وعين الظلم كمان .. بس من يسمع لنا

طيب نشوف هالصور ونتذكر نقطه من بحر لظلم الهلال




يقولون ان الهلال هو نادي المشاكل ..؟

هل قد شفتو ليازر من جماهير الزعيم ..؟

طيب ليه النصراويين ماياخذو عقوبه بهالشي أو لأنه مو الهلال

نقول ( الله كريم )

طيب .. الجميع يذكر لاعب نجران لما عض ليلو

واسامه المولد لما عض ياسر القحطاني < حشا قطاوه مو أوادم

شو صدر بحقهم من قراراة ..؟

ولا شي .. طبعا توقيف مباراتين مو عقوبه

يا أخي هذا تعرض وإيذاااء مو تلفظ أو غيره

ومع ذلك سكت الهلاليين لعلاوة اخلاقهم وتسامحهم

.

.

السؤال .. !

إلى متى العقوبات لاتكون صارمه إلا على الهلال يالجنة الإنظباط .؟

متى يكون هناك لجنة إنظباط للجنة الإنظباط

لأن من الظلم نادي يدفع ملايين ماتعد على معسكرات ورحلات وتجديد عقود

وتجي لجنة الإنظباط وغيرها من ايادي الاخطبوط ويحطمون كل هالشي

مانبي شي فوق حقنا .. بس نبي العدل لاغير العدل

ما أدري الخلل في لجنة الإنظباط لحالها .. أم في الاتحاد السعودي بكبره

كل الطرق تؤدي إلى روما < أقصد إلى زعزعة الكيان الهلالي

لكن نحتسب الله بكل شيء ومايضيع عند الله حق

.

.

همسهـ

لجنة الإنظباط العزيزه بمنسوبيها

أما آن الأوان أن تحن قلوبكم على الزعيم وتنصفوه كباقي الفرق الأحرى ؟

........

إحترامي ومودتي للجميع

مما طاب لخاطري كتابته فدونته لكم

أخوكم .. فـهـد
اضافة رد مع اقتباس
  #2  
قديم 06/10/2008, 02:03 PM
زعيــم متواصــل
تاريخ التسجيل: 07/04/2008
مشاركات: 84
كلام جميل لكن ابي تعرف ان القرار مكافاة للنصر
النصر في مشكله مع شركة ماسه على دخل المباريات
الدعوه مطبوخه والله مطبوخه
عشان دخل المباراة مايروح لشركة ماسه قالك مباراة بدون جمهور
والعذر الي اقبح من ذنب يقولك فيه مباراة ثانية في جده مانقدر ننقلها جده
ياعبدالهادي تلعب على مين تعبنا ونحنا نطنش لكن بدا يطفح الكيل
والله قرارات مدروسه وكله للصالحهم ويقولك مباراة بدون جمهور والله قديمه لين يحلون مشكلة ماسه


صدقوني هذا مو عقاب هذي مكأفة للأدارة النصراوية
اضافة رد مع اقتباس
  #3  
قديم 06/10/2008, 03:02 PM
زعيــم فعــال
تاريخ التسجيل: 23/02/2008
المكان: ليه شايفني أتشادي..!
مشاركات: 420
ايه

هــذي الخطط المدروسه..

ولا سمعتوا يوم قول الامير الوليد ان الكره ليست حديديه....!!

((عذر اقبح من فعل))
اضافة رد مع اقتباس
  #4  
قديم 06/10/2008, 03:10 PM
زعيــم مميــز
تاريخ التسجيل: 29/04/2008
المكان: عايش بالرياض لكن زلفاوي
مشاركات: 2,658
ايه

هــذي الخطط المدروسه..

ولا سمعتوا يوم قول الامير الوليد ان الكره ليست حديديه....!!
اضافة رد مع اقتباس
  #5  
قديم 06/10/2008, 03:15 PM
الصورة الرمزية الخاصة بـ тнe ғαĻςόη
موقوف
تاريخ التسجيل: 28/10/2006
مشاركات: 1,317
إقتباس
هل قد شفتو ليازر من جماهير الزعيم ..؟


الهلال الظاهر مرة سووها...!


ولاتنسى ان اللي دفع الثمن نادي الأتحاد عقب الشغب لان جماهيرهم ممنوع يدخلون...!
اضافة رد مع اقتباس
  #6  
قديم 06/10/2008, 03:22 PM
زعيــم فعــال
تاريخ التسجيل: 09/04/2008
المكان: عنيزه :)
مشاركات: 220
يارجااااال باااااااينه وواضحه هم ماقصدوا غير الهلال وبان منهو الابن المدلل للاتحاد السعودي ومن ولد ((البطه الاسود)) <><>
/
‘‘‘‘‘
اضافة رد مع اقتباس
  #7  
قديم 06/10/2008, 04:45 PM
زعيــم متواصــل
تاريخ التسجيل: 03/04/2008
مشاركات: 120
والنصر بكل برووووووووووود يتركون مباراته على ارضهالنصر في القرار هذا ليس هو امتضرر النصر


المتضرر هو الاتحاد لأن جماهير الاتحاد ممنوعه مثل النصر ولاتحاد معروفه جماهيريته


النصر يتمنى يلعب مع الاتحاد بدون جماهير


لوانهم نقلوها لجده لكان تضرر النصر




تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:07 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube