أعلم جيدا ان هذا الخبر بمثابة الصدمة للكثير خصوصا نحن في المملكة العربية السعودية ف شاي ليبتون يعتبر شي رئيسي في كل بيت .. وقل ما تجد بيتا اخر يستخدم غير هذا الشاي ...

اليكم نص الخبر

(( أثبتت التحاليل المخبرية بولاية خبل انت الكندية بأن شاي ليبتون يحتوي على مادة " هيدرول"المسرطنه واثبتت التحاليل انه لم يتم ادراج هذه المادة الا للبضاعة التي تصدر الى الدول العربية فقط ...!!! ))


والجدير بالذكر ان مستشفى الملك فهد بالحرس الوطني بالرياض اكتشف 4078 حالة هذا الإسبوع ... واغلبيتهم من النساء .. وتشير البوادر الى اكتشاف المزيد من المصابين خلال أيام ...











طبعا كل الحكي اللي فوق نصب بنصب ... السالفه ومافيها ان مستر بلوتوث مسوين شاهي ومروووق وادور لي موضوعن جديد اكتبه ولا لقيت خصوصا ان الاخلاق هاليومين تجاريه والواحد ماله خلق يضحك ...

فقلت ما فيه الا اني اكتب عن هالظاهره اللي منتشره هاليومين .. وللاسف يا كثر الناس اللي تطبل ولا تدري و السالفه وخايفن احد يرد اللحين يقول حسبي الله ونعم الوكيل ليه ينشرون السرطان بيننا ويصدق الموضوع من عنوانه


يا اخوان ....
انا كتبت لكم عن شركة ليبتون كضرب مثال لانها شركة ناجحه .. ولنفرض اني انا يا مستر بلوتوث صاحب شركة شاي الربيع .. وللاسف اشوف ان سوق شركتي ماهوب ذاك الزود ومالي الا حل واحد اني اجي هنا وانصب عليكم واقول ان شاي ليبتون فيه مادة مسرطنه واكتب وانصب واحط شي ما صار ولا استوى او اكتب انهم للاسف يستخدمون فيه زيت الخنزير ..!!! وانشر هالخبر في منتديين بس ومن بكره القاه في عشرين الف منتدى والسبب ان ربعنا ما يكذبون خبر اي شي يجيهم يروحون ينشرونه .. ولا احد منهم يفكر انه يروح يسأل يتأكد من صحة المعلومة ... وفيه ناس كثير كتبت عن شركة بيبسي وان شركة بيبسي تستخدم مواد مسرطنه واحيان يكتبون انها تحتوي على لحم خنزير او جلد خنزير او سمن خنزير الخ الخ الخ من النصب .. وللاسف هم بالاساس نيتهم اننا نترك البيبسي لانه امريكي ويبغوننا نقاطع البيبسي لانه امريكي فقط ... طيب مالها داعي من الاساس انكم تكذبون علينا .. ياخي تعال وقول يا ناس اتركوا البيبسي على شان قضيتنا ... موب تكذبون علينا ... او يكون بالاساس مثلا صاحب هالكذبه واحد هنا منافس لشركة البيبسي مثلا نقول الكولا .. هم اللي كاتبين الكلام هذا على بيبسي على شان على طول احنا نروح ندور البديل عن البيبسي وما نلاقي قدامنا الا الكولا او اي شي من مصنع الجبر او اي كان .. بس اكيد لما تنجح كذبتهم راح تتحول الناس لهم وتترك الشركة الأخرى ....



زبدة الحتسي يا اخوان الموضوع اللي انت تكتبه من هالنوعيه تراه امانه برقبتك .. ان نقلت خبر كاذب بدون لا تتأكد منه فأنت تساعد في خراب بيوت .. بغير وجه حق ...





---------- الموضوع منقول من أخوي .. Mr Bluetooth------------

,’ الله يكافينا الشر , ماظنتي كل العالم عليها

شاي لبتون له كم سنة ونحن نشرب فيه يعني ماجاء السرطان إلا الحين , وكيف يسوون مادة مسرطنه للي تجي للدول العربيه بس , لعب بزران هي , اكيد فيه رقابه , مو كل شيء قلتوا عليه سرطان , اول شيء ما خلوا شيبس إلا وقالوا مسرطن وبعدين راحوا لمعجون الأسنان , وبعدين للحلاوة الطحينيه , والحين ليبتون , وبكره علك باطوق أبو ربع ريال

عوده بعد قراءة التكمله

ذي اليومين كل من شاف موضوع لقطه ورزه بأي منتدى عشان يحس انه راعي مواضيع وهو مادرى عنها بس المشكله إن فيه ناس تصدق سريع وتروح تذب اللي في البيت كله

لو على قولك الشاي مسرطن كان الشعب السعودي خاصه اهل الاستراحات تلقاهم موديعين واول

استراحه استراحتنا لانها براد رايح وبراد جاي يعني مستحيل يخلص البراد والثاني ماوصل

قوة ادمان


بالنسبه لموضوع الاشاعات هذه المنتديات كلها كذب في كذب تبغى تاخذلك سمعه في المنتدى كذب

كذبه كبيره شوي يعني تسبب صيت وابشر باشراف حتى وربعنا ماشاء الله منافسين cnn في نشر

الاخبارولا تعب نفسك انشر في المنتدى وابشر بنشر بدون تعب

والله انك صآدق ..].ْ~..

عنـدنآ حقـد آعوذ بآلله [.~ْ.ْ. .

تقبـل .. مروري ..~~ْْْ{}

ياعمي شاي الكبوس وبس

هلابك اخوي .. اخو مستر بولوتوث

بالفعل عندنا الان كل شوي طال خبر ..

يوم الاندومي ويوم عن البيبسي ويوم عن الكورن فلكس

وحقيقة في السوق التجارية تكون مصدر هذه الشائعات في الغالب المنافسين ..

من اجل الاضرار بالمنافس .. والشعب المسكين ما عنده مشلكة

يصدق اي خبر على طول .. وينشره من اجل المصلحة العامة ...

يا اخوان ويا احباب ...

ياليت كل واحد قبل ما يكتب او ينشر او يروي يتأكد .. حتى لايضر غيره .. ويضع نفسه في موقع خطأ ..

وكل عام وانتم بخير ,,,

برايفيت

اللحين العضو اذا نقل الموضوع من اخوه ما يعتبر منقول ويروح صيد الانترنت

إقتباس الرسالة الأصلية كتبت بواسطة السمسار الهلالــي ,’ الله يكافينا الشر , ماظنتي كل العالم عليها

امين ... مع اني ما فهمت هالكلمة ..(((ماظنتي كل العالم عليها ))

إقتباس الرسالة الأصلية كتبت بواسطة الـسـلـطـان شاي لبتون له كم سنة ونحن نشرب فيه يعني ماجاء السرطان إلا الحين , وكيف يسوون مادة مسرطنه للي تجي للدول العربيه بس , لعب بزران هي , اكيد فيه رقابه , مو كل شيء قلتوا عليه سرطان , اول شيء ما خلوا شيبس إلا وقالوا مسرطن وبعدين راحوا لمعجون الأسنان , وبعدين للحلاوة الطحينيه , والحين ليبتون , وبكره علك باطوق أبو ربع ريال عوده بعد قراءة التكمله ذي اليومين كل من شاف موضوع لقطه ورزه بأي منتدى عشان يحس انه راعي مواضيع وهو مادرى عنها بس المشكله إن فيه ناس تصدق سريع وتروح تذب اللي في البيت كله

للأسف صرنا نعتبر نقل المواضيع ماهو الا شي كمالي للمنتديات ونحاول اننا نكثر المشاركات مير عاد بموضوعن سنع ولا لاقطينه ما ندري وش قصته

والبلا ان الاغلبيه يعتقدون ان نقلهم لمثل هالمواضيع يقدمون رساله سامية للمجتمع ويحاولن حمايته .. وهم للأسف .. دبش <-- ماهوب دبشه ذا

إقتباس الرسالة الأصلية كتبت بواسطة h_s y t_2008 هلا فيك أخوي ba7ral3sheq طبعا الأسباب منطقية جدا في ظل التنافس المحموم على جيوب المستهلكين لكن الناس وش دورهم حنا علينا مسحة من تصديق الإشاعات لاسيما وإن الإشاعات تعتبر مصدر رزق أحيانا بمجتمعنا جت فترة قالو زيتون كوبليفا مسرطن وجت فترة قالو أكوافينا مسرطن عاد الببسي مافيه شئ بالخنزير إلا وحطوه فيه لحم..زيت..دم..جلد..وهلم جرا لا ووصل الجهل لبعض الناس إنهم يزودون طبعا موب كذب <<حسب إعتقادهم لكن تقدر تسميه كذب أبيض يعني للمصلحة <<كلمة مصلحة تعني أن الشركة أمريكية والناس اللي تصدر منهم تختلف منهم له هدف تجاري ومنهم متحمس الله يجزاه ألف خير ضد الشركات الأجنبية وتختلف الأهداف ويظل الجهل المغذي الوحيد لمثل هذي المشاكل لكن أقول إنها مشكلة وحلها بسيط جدا (التوعية) هذا اللي حبيت أوضحه شكرا لك أخي على الطرح الجذاب أنت ومستر بلوتوث تحياتي......ورده H_S Y T_2008

يعطيك الله الف عافيه حبيبي
كلامك عين العقل وفي محله ...
وطبعا ما نغفل ان يمكن يكون في بعض الأحيان مصدر الاشاعه قد يكون المنافس ...
وبيجد الأمعه الذي سيروج هذه الاشاعه .. مع حسن نية .. في أغلب الأحيان

إقتباس الرسالة الأصلية كتبت بواسطة (اسير& المحبة ) لو على قولك الشاي مسرطن كان الشعب السعودي خاصه اهل الاستراحات تلقاهم موديعين واول استراحه استراحتنا لانها براد رايح وبراد جاي يعني مستحيل يخلص البراد والثاني ماوصل قوة ادمان بالنسبه لموضوع الاشاعات هذه المنتديات كلها كذب في كذب تبغى تاخذلك سمعه في المنتدى كذب كذبه كبيره شوي يعني تسبب صيت وابشر باشراف حتى وربعنا ماشاء الله منافسين cnn في نشر الاخبارولا تعب نفسك انشر في المنتدى وابشر بنشر بدون تعب

اما من ناحية الادمان الله يستر علينا والله صدز مدمنين


تسلم لي يا بعدي على الرد

إقتباس الرسالة الأصلية كتبت بواسطة ولد عنزة والله انك صآدق ..].ْ~.. عنـدنآ حقـد آعوذ بآلله [.~ْ.ْ. . تقبـل .. مروري ..~~ْْْ{}

الله يسلمك يا بعدي ...........................

قسمن بالله العظيم من شفت إسممك وانا ودي أرد عليك أول واحد ... مير خفت الربع يمسكوني بحق يقولون وراك تعدانا وترد على الرجال

إقتباس الرسالة الأصلية كتبت بواسطة ماجد مقبل ياعمي شاي الكبوس وبس هلابك اخوي .. اخو مستر بولوتوث بالفعل عندنا الان كل شوي طال خبر .. يوم الاندومي ويوم عن البيبسي ويوم عن الكورن فلكس وحقيقة في السوق التجارية تكون مصدر هذه الشائعات في الغالب المنافسين .. من اجل الاضرار بالمنافس .. والشعب المسكين ما عنده مشلكة يصدق اي خبر على طول .. وينشره من اجل المصلحة العامة ... يا اخوان ويا احباب ... ياليت كل واحد قبل ما يكتب او ينشر او يروي يتأكد .. حتى لايضر غيره .. ويضع نفسه في موقع خطأ .. وكل عام وانتم بخير ,,,

عين العقل كلامك يا بعدي

إقتباس الرسالة الأصلية كتبت بواسطة ماجد مقبل برايفيت اللحين العضو اذا نقل الموضوع من اخوه ما يعتبر منقول ويروح صيد الانترنت

قسم بالله العظيم اني انا هو بلوتوث بس تخبر اسمي بمنتدى ثاني مير تكاسلت احرر في الموضوع لان به اسمي وقلت خلني انقله زي ماهو

والله اني خفت حسبته صدق
ثلاث مرات اقراء العنوان واسكره ما ادخل
بصرررراحه قلت موب معقول كل الناس تشرب شاهي ليبتون

بس
هالمره قلت الي فيها فيها اقراه غصب
ذبحني الفضول

بصراحه هذا حال بعض التجار
عشان يرفع نسبة الميعات لبضاعته
حتى لو على حساب غيره

ما اقول غير الله يهدي الجميع



والف شكر لك اخوي على هذا الطرح الرائع
يعطيك العافيه








تحيااااااااااااااتي

سؤال داخل بسالفة الإشاعات

الحين صدق إن البيبسي فيه دم خنزير يعني فيه أشياء مضره ولا نرجع نشربه لأني والله لي فترة مقاطعه

ياريت أحد يجاوبني بالجواب الكافي