سلم على حايل وسلم على شمر :: ابناء شمر وسكان حايل وقتكم :: - صفحة رقم 2 - نادي الهلال السعودي - شبكة الزعيم

الـمـشـاغـب · #1 02/10/2008, 03:47 PM

من ضحك عليك وقال هذي الصورة من حايل؟

أشوفك تمدحين حايل مرة وانتي ما شفتيها .. شوفيها أول ثم احكمي ورده

حايل أحبها مرة لأسباب كثيرة

.. لكن موضوعك مدري ليه أحس بعضه مبالغ فيه ..!

على العموم ان شاء الله تستانسون في حايل وتنبسطون ورده

وعاد الله الله بالصور لا تنسين تصورين

ورده

هلاليه خياليه · #2 02/10/2008, 09:51 PM

إقتباس

الرسالة الأصلية كتبت بواسطة الـمـشـاغـب


	من ضحك عليك وقال هذي الصورة من حايل؟ أشوفك تمدحين حايل مرة وانتي ما شفتيها .. شوفيها أول ثم احكمي ورده حايل أحبها مرة لأسباب كثيرة .. لكن موضوعك مدري ليه أحس بعضه مبالغ فيه ..! على العموم ان شاء الله تستانسون في حايل وتنبسطون ورده وعاد الله الله بالصور لا تنسين تصورين ورده

بيني وبينك فيه كثير يمدحونها << احلفي

ياخي متحمسه نبي نطلع نتمشى

FINAL10 · #3 02/10/2008, 08:46 PM

ايه هذ1 حايل بآلشتآءً.. يآ زينها تراني اروح لها كل سنـه

..

هلاليه خياليه · #4 02/10/2008, 09:52 PM

إقتباس

الرسالة الأصلية كتبت بواسطة ولد عنزة


	ايه هذ1 حايل بآلشتآءً.. يآ زينها تراني اروح لها كل سنـه ..

ماشاء الله عليك

طيب عطنا الاماكن الزينه زي هالصور وينها فيه

محمد رفحاء · #5 02/10/2008, 10:22 PM

يعطيك العافيه اختي

ما شفتي شي تعالي حايل وشوفي المناظر اللي تشرح الصدر

هلاليه خياليه · #6 03/10/2008, 01:09 AM

إقتباس

الرسالة الأصلية كتبت بواسطة محمد رفحاء


	يعطيك العافيه اختي ما شفتي شي تعالي حايل وشوفي المناظر اللي تشرح الصدر

طيب اعطينا بعض الافكار

عن المناطق الحلوه

мя.ħάίţħάм · #7 02/10/2008, 10:27 PM

هلا والله باهلي !!

يازينك يا حائل ويا زين شوفتها !!

والله مشتاق اروحها !!

مبطي عن ديرتي ديار الكرم والجود !!

™® عــذب الســـجايا ®™ · #8 03/10/2008, 01:42 AM

والله واحد مدحلي مناظر حايل وربي ضحكت عليه >>>>> لكن بعد ماشفت هالصور

بصراحة دخلتن مزاجي ...

هلاليه خياليه · #9 03/10/2008, 07:07 AM

إقتباس

الرسالة الأصلية كتبت بواسطة متعصب لسمو الهلال


	والله واحد مدحلي مناظر حايل وربي ضحكت عليه >>>>> لكن بعد ماشفت هالصور بصراحة دخلتن مزاجي ...

حلو جبنا الاثباتات

الحايلي 700 · #10 03/10/2008, 08:05 AM

الله يحيييييييييييييييييييييييييك
بحايل

زعيم الشمال الهلالي · #11 03/10/2008, 12:15 PM

إقتباس

الرسالة الأصلية كتبت بواسطة هلاليه خياليه

يعطيك العافية اختي والله يحيكم بحايل

بالنسبة للصور الي حاطتها فهذي كلها بالربيع

يعني ما فيه شي اخضر الايام هذي لا بحايل ولا بالجوف

واغلب الصور الموجودة موجودة على طريق حايل-المدينة

اذا بتستمتعون بالاجواء هذي تعالو بعد اكثر من شهر

تاصلون بالسلامة

الاسطوره ''SAMI ''9 · #12 03/10/2008, 03:13 PM

الله يحييكم بحايل.

....

من يجي حايل ابد مايطلع منها ..

بالشتاء الله على حايل كأنك قاعد في ابي احول في النمسا <<هاهـ

أقصد ابنزل في النمسا

سمعت ان حايل دخلت ضمن أجمل مدن العالم 2009<<<معقوله (قسم)

على العموم اذا جيتوا حايل عليكم بعقدهـ ... الرصف .. طريق الحفير لأهل النفود ..جو ..طريق المدينه .. طريق القصيم... نفود جبه ..

رحله سعيدهـ في ربوع

حايل

لاتنسون القهوهـ والغداء والعشاء بأي وقت مروا تلقون الذبايح معلقهـ

والف شكر لك أختي على الدعايه الجميله لحايل

Carlitos 32 · #13 03/10/2008, 04:11 PM

والله راح تنوّر حايل .."

الصور اللي حاطتها أختي هلالية هذي بالربيع ..!!

إذا تبين الأجواء الحلوة تعالي لحايل وقت الرالي

أذكر العام وحنا نتمشى بالرالي كان الجو مطر وخياااال

في أماكن كثير حلوة ومتأكد راح تعجبك .."

مثل عقدة ومشار والرصف والودي و قناء وردمية الجوف ..!!

هذي صور لحايل وأغلب الأماكن الحلوة اللي فيها .. :

^
^

الصورة هذي من مشار من تصوير الغالي الوليد ..

وللإفادة أكثر هذا موضوع الغالي الوليد عن أمطار هطلت على حايل ..!!

امطار حائل ( صور ) خاصه بشبكة الزعيم

وهذي صور أخرى

^
^

هذي بأحد الشعبان بحايل .."

^
^

هذي داخل المنطقة وتحديداً بحي أجا ..!!

^
^

هذي بالقاعد ..!!

^
^

هذي بـ مشار ..!!

^
^

هذا دواّر القربة ..!!

أتمنى أفدتك إختي وفيه أماكن كثير لكن ماتحظرني الحين

أي إضافة عندي ماراح أتردد وأنزلها هنا بالموضوع

تحياتي لك ..

ورده

" MANAL " · #14 06/10/2008, 08:55 AM

مشكوره اختي على الدعايه الحلوه

وكل هالصورلحايل وهي بالربيع .. يابعد حيي والله

حايل كل مابه حلو ويكفي ان فهـ

ـد الشمـري منها ...

الســـفــيـر (969) · #15 06/10/2008, 10:19 AM

حياك الله هلاليه خياليه ,,ومنورين حايل ...

بما أني من حايل ,, حايل حلآتها في الربيع والشتاء ,, وغالبا يحلو جوها في عطله الرالي الجايه إن شاء الله ,, أما ألحين مافيه إلا الجبااال والصحاري ,, حتى السنه الماضيه ماجاء ربيع يسوى ,, لكن إن شاء الله هالسنه (شيباننا) متفائلين خير...~

لكن المناطق السياحيه في حآيل ,, فيه قريه مشار السياحيه , عقده , القاعد , السمراء , جبه(تبعد 100 كيلو عن حايل لكن فيها أثار حلوه) , الخطه(مزارعها ومنظرها محضونه من النفود) .. تقريبا هذي الاماكن اللي في حايل سياحيه ,, ولكن إذا الله رزقنا بمطر حايل تحلو ...

ومثل ماقلت لك حايل حلو وقتها حزة الرالي ,, اللي في عطله الربيع ,, لآنها تغتص من الزحمه ناس خليجين وعالم ...

.
.
.
.

حياكم الله كلكم في حايل ,, وإن ماشالتكم حايل تشيلكم عيوننا ,, وعلى قولت سليم عين فراش وعين غطاء .. وميت أهلين وسهلين ...

.
.
.
.