مـوبـايـلـي الـهلال .. والـفـجـوهـ .. هـل تـــسـتـمـر .. !!؟ - نادي الهلال السعودي - شبكة الزعيم

S U L A I M A N · #1 02/10/2008, 07:49 AM

..,..

...,,...

بسم الله الرحمن الرحيم

السلام عليكم ورحمة الله وبركاته ..

صباحكم ورد ومساؤكم عسل .. يتجدد مع إطلالة كل يوم .. وكل مساء ..

كُُل عام ومملكتنا الحبيبه بخير وامنٍ وامان .. كل عام وشبكتنا الغالية من تطور إلى آخر .. وقبل ذلك وذاك كل عام وأنتم بخير بمناسبة عيد الفطر المبارك .. اعاده الله علينا وعليكم وعلى الامتين العربيه والاسلاميه بالخير واليُمن والمسرات .. تقبل الله منا ومنكم الصيام والقيام وصالح الاعمال إنه جواد كريم ..

في البداية لعلي اوضح أمرا بسيطا حول عنوان صفحتي البسيطه .. فـ ما أقصده بـ الفجوه هي الفجوه مابين الواقع المُُر .. والمُُستقبل المأمول .. تفصيلا ساتحدث معكم حولها في هذه الخربشات .. عَلها تحُُل جُزءا من الازمة التي يمر بها الشعب الهلالي قاطبة .. والشركة المدعوه بـ سارا او ماشابه .. وموبايلي الهلال .. قبل أن يقع الفأس بالرأس ويتم توقيع العقد قبل الإتفاق حول عقد شراكة موبايلي الهلال مع النادي ومالشركة الأفضل في تسيير اخبار النادي عبر الهواتف المحموله ..

فرحنا كثيرا عندما استحدث نادي الهلال السعودي أمرا جديدا على المستوى المحلي وهي اخبار النادي عبر الهواتف المحموله .. وذلك عبر مُُشغل آخر غير الحالي .. بدء المشروع وتكلل بالنجاح ولله الحمد والمنه وكنا باتم الفرح والسرور بهذه الخطوه المميزه .. حيث أصبح الجميع يعرف اخبار النادي الاكثر شعبيه في المملكة .. برساله نصيه عبر الهاتف المحمول ..

مرت الأيام .. بل السنون وشاء الله ان يفسخ النادي عقده مع تلك الشركة ليتعاقد مع شركة موبايلي المشغل الحالي لموبايلي الهلال .. في صفقه تعتبر الأقوى للشركة بالطبع .. والعقد الأقوى بين الانديه لما يمتلكه النادي من شعبيه كبيره في المملكه وخارجها ..

منذ استلام شركة موبايلي وتنفيذها لـ موبايلي الهلال وغالبية الجماهير الهلاليه غير راضيه عن مستوى الخدمه التي تقدمها الشركه بكل أسف .. نعلم أن موبايلي متعاقده مع شركة مشغله لـ موبايلي الهلال لإرسال اخبار النادي او المنتخب او الكره السعوديه او العالميه او او او .. لكن وبكل أسف نقولها بالفم المليان كما يُُقال في هذه الحاله .. موبايلي الهلال فشل فشلا ذريعا في تسيير هذه الخدمه لعشاق الهلال ومحبيه .. ! .. للأسف موبايلي الهلال أصبح نقمة بعد ان كان نعمة .. أصبحها نتحاشى التحدث حول مميزات موبايلي الهلال لعدم الكفائه في التعامل مع الجمهور الهلالي الراقي بكل اسف ..

لا ادري هل الإشكاليه هي بالأصل عن طريق الشركة المُُشغله لـ موبايلي الهلال أم ان المُُشكله من شركة موبايلي بالأصل .. لكن ما أعرفه تمام المعرفه ان المشكله تاتي بالسلب على الجمهور الهلالي العظيم .. وما العظمه الا لله سبحانه وتعالى .. لكن هل يُُعقل ان تكون هكذا خدمات لهكذا جمهور وهكذا نادي .. !؟ .. بالطبع لا .. !

الكثير والكثير من مشتركي الخدمه عانوا مع هذه الخدمه حتى يكونوا على تواصل دائم مع اخبار الهلال او اخبار المنتخب او اي خدمه من خدمات موبايلي الهلال ..

استبشر الجميع خيرا بعد موضوع سنترال موبايلي الهلال حول الإيميلات اللتي عن طريقها يمكن للجميع التواصل عن طريقها وانه يتواجد مسؤولين عن هذه الخدمه على مدار الساعه .. للرد على استفسارات الزعماء حول مشاكل مشغل خدمتهم .. لكن للأسف يبدو أن هذا الموضوع ماهي الا اداة استخدمها القائمون على هذه الخدمة لإيهام الزعماء أننا على قدر كافٍٍ من المسؤوليه .. بينما الواقع يقول ان ذلك محال .. حاليا .. للأسف .. أعلم ان الكثير والكثير سبق وأن راسلوا تلك الإيميلات الموضوعه في ذلك الموضوع لكن لم تصلهم شيء .. علمت ذلك من تذمر الكثييير والكثييير من الاعضاء الاعزاء في عدة مواضيع ذات صله .. وانا منهم ..

اشتركت في موبايلي الهلال منذ فتره لكن وبعد شد وجذب وعدة اتصالات .. بدأت الخدمة بالسريان في هاتفي المتنقل ! وتلك ليست مشكلتي وحدي بل مشكلة الكثييير من المواطنين ممن تهمهم اخبار الزعيم القاري .. لكن للأسف اصبح البحث عن اخبار الهلال عن طريق هذه الخدمه .. محاطا بالمخاطر والصعاب .. !

قال لي احد الأصدقاء أنه كان مشتركا في موبايلي الهلال .. وتحديدا في باقة الرياضه الاوروبيه .. لكن يبدو أن القائمين على تلك الخدمه لايوفرون مجودا بسيطا من وقتهم لإرسال الاخبار والنتائج الصحيحه .. اولا بأول .. وكانوا يخطؤون في نتائج بعض المباريات .. يصححونها بعد قليل وفي بعض الاحيان بدون تصحيح .. ! ..

لم آبه بما يقوله صاحبي وآثرت الاشتراك رغما عن المغريات التي واجهني بها عن طريق عدة مشغلات لخدمات الدوريات الأوروبيه وبعض المجلات المحليه التي تطلق خدمة المباريات والجولات الاوروبيه وانها تفوق موبايلي الهلال .. اشتركت مع موبايلي الهلال .. ومن هنا ابتدأت المشاكل .. لم يسري مفعول رقمي لديهم الا بعد عدة اتصالات اجريتها بنفسي .. وأخيرا بدات الخدمه بالسريان .. بعد اسبوعين من تاريخ اشتراكي بالخدمه ..

اشتركت بخدمة الدوريات الاوروبيه .. وكانت تصلني رسائل بالنتائج والمباريات وما شابه .. إلى ان وصلنا إلى الطامه الكبرى ! ..

وصلتني قبل عدة أيام نتيجة مباراة لعبها برشلونة ضد فريق اسبانيول في الدوري الاسباني لكرة القدم .. الرساله نصت على ان الفريق البرشلوني خرج متعادلا من تلك المباراة بهدف لكلا الفريقين .. لم اشاهد المباراة حينها لكن وصلتني الاخبار ان الفريق البرشلوني قد فاز ولم يتعادل كما يدعي مسؤولوا موبايلي ..! ..

خطأ والكل خطاؤون .. لكن هذا اليوم وفي مباريات دوري ابطال اوروبا .. يخطؤون ايضا بمعظم الاخبار حول النتائج .. واخطاء فاضحه .. وبدون تصحيح .. !! اعتقد أن هذا يُُسمى استهتار واضح للعيان بالجمهور الهلالي عموما وبمشتركي الخدمه ومتابعي الدوري الاوروبي خصوصا .. !! ..

كتابتي للموضوع لم تأتي كـ تجريح او ماشابه .. بقدر ماهي لفتح الأعين على هذه الخدمة .. وتحويلها نحو المسار الصحيح قبل توقيع العقد مع شركة موبايلي وتصحيح خدمة موبايلي الهلال .. وآمل واتمنى من كل قلبي حقيقة أن يتم الإشتراك والتعاون بين الجهتين .. لكن مع تعديل أمر خدمة موبايلي الهلال .. كونها احد اهم المحاور التي من المُُفترض أن يتم التناقش حولها وتوفيرها بأفضل الطرق .. للشعب الهلالي الكبير ..

دُُمتم في رعاية الله وحفظه

..

ورده

Fo0oRzA JuVe · #2 02/10/2008, 08:03 AM

سليمان ..

أنا والله كنت مشترك أيام جوال الهلال ، وكنت أعاني معاناه غير طبيعية كل ما فتحت جوالي لقيت 15 رساله وافرررررح .. واخر شي يطلع جوال الهلال الصويلح بيحترف لا موب محترف نفى واكد .. كل شوي رسايل كل شوي رسايل واغلبها مكررة ..

قلت يبن الحلال ريح راسك واتركهم .. طلب افصل الخدمة مالقيتهم الا يراسلوني مه ثانيه .. قلت يؤ وش ذا ؟!

ادق على الاتصالات ارسل حرف الـ خ مع مسافه مافي فايده ..

اخر شي نزل موضوع في منتدى الجمهور الهلالي واطب فيهم واقول طرارة هي طرارة ؟

..

ومدري وشلون ماعاد يرسلون لي رساله ..

والظاهر انحرمت من المشاركة في منتدى الجمهور الهلالي فتره ..

بعدها حرمت اشترك في اي شيء لا جوال الهلال ولا موبايلي الحق الجمهور لا يروحون عليك

..

وانت الآن تتكلم عن مسوائ موبايلي وبصراحة اذا كانوا يرسلون النتايج غلط وبدون تصحيح واكثر من مره فهذا استخفاف في عقول الهلاليين ..

ولكن مهما كان عندي التعاقد مع موبايلي افضل من الاتصالات .. خصوصا ً بعد فضيحة الاتصالاات يوم تحط رقم جوالات الاتحاد على بلونات زرقاء وتوزعها على الجمهور

..

هذي طامه بحد ذاتها ..

واحسن شي في موبايلي الـ 200 مليون

والاتصالات كانو يعطونا 60 مليون وعلى جوال الهلال 6 مليون !!

الشباب والله اللي مريحين خالد بن سلطان 200 مليون والجوال بعد

..

على العموم الله يكتب اللي فيه خير للهلال ..

يعطيك العافية سليمان ..

بس مدري وش جاب الوضوع للعالمية

؟!

ALQannas Mesh3al · #3 02/10/2008, 08:15 AM

مشكور اخوي سليمان ع الموضوع

موبايلي الهلال من استلمت الخدمه وهي فاشله بكل صراحه وفيه اكثر من تعاقد للاعبين مع الهلال واخبار مهمه توصلنا من جرائد قبل موبايلي الهلال وبكذا المشجع الهلالي ما يدري عن أي مصـدر
فـ موبايلي هي المستفيده لأن اكثر الهلاليين اشتركوا في موبايلي لكن بدون اي فايده من الاخبار الحصريه واستفادت من عدد شركائها وعملائها

يسكتونا بـ 10 دقايق مجانيه ويقولون توكلو ع الله

وبالنسبه لمباراه برشلونه الاخيرة واضح ان الي مسؤول عن النتايج ما كمل المباراه وتوقعها توقفت بالتعادل

فـ ياليت من العملاء في موبايلي ينتبهون لـ نقطه خدمه الاخبار عبر الجوال لأنها بكل صراحه فاشله ... اتذكر ايام الهلال مع الاتصالات كانت الاتصالات مبدعه في الاخبار والنتائج واوقات المباريات ... فياليت يستفيدون منهم

الــف شكـــر

أسيــ الزعيم ــر · #4 02/10/2008, 08:15 AM

هلا سليم

ورده

اول شي هلابك معنا وان شاءالله نشوفك متميز << خير

والله شف يا السلمي .. انا نقلت لـ موبايلي بسبب الهلال .. كنت ابي ادعم النادي و لو بشيء بسيط جداً .. و اغلب اللي نقلوا كانوا بنفس السبب .. والحمدلله كان التشغيل على طول .. خابرك خذيت معهم شهور الظاهر انت و ماجد

و للآسف الغيت اشتراكي بـ موبايلي الهلال و اذكر ان كثير من االاخبار مغلوطة .. مشكلتهم اي خبر ينشرونه .. فيه اشاعات كثير ينشرونها و يمكن هـ الشيء ينفع للبعض اللي يبي يعيش حتى الاشاعات لكن انا ما احب هالحركات .. عموماً خليت الوضع على ما هو عليه و واصلت الاشتراك لمدة حوالي 3 شهور كنت اسدد فيها بإنتظام

في الشهر الرابع تقريباً ما قدرت اسدد .. و فصلوا عني جوال الهلال .. المصيبة مهيب هنا و بس .. كلمتهم و قلت ليه تفصلونها .. قالوا بنرسل لك طلب .. قلت طيب كلمت اليوم الثاني قلت لهم المشكلة مرة ثانية قال بنرسل لك طلب

قلت خير البارح مرسلينه .. قال ما فيه طلب مسجل .. قلت مع السلامة و سكرت

كلمت بعدها بدقائق و قلت المشكلة .. قال لي الموظف لأنك ما سددت .. هنا مصيبة بعد .. اذكر ايام الجوال صار جوالي استقبال لفترة طويلة و الرسائل لا تزال متواصلة .. هنا شيء يحسب للجوال .. قلت للموظف طيب 24 ساعة .. قال لي كل الخدمات متوقفة عنك ما عدا الاستقبال بما ان الفاتورة نزلت .. يعني سدد غصب

ما علينا .. موبايلي الهلال افضل ما فيها مباريات اليوم و نتائجها .. و هذي و لله الحمد متوفرة في موضوع الغالي ابراهيم ورده .. فـ ألغيته و ريحت راسي من اخبارهم و غثاهم

اما اللحين صار فيه نتائج مغلوطة بعد و بدون تصحيح

مصيبة قسم بالله و اعرف ناس كثير جداً .. الغوا هالخدمة و نقلوا لخدمات الرسائل الاخرى زي الرياض مثلاً و الرياضية و ما إلى ذلك

أفضل شيء ان اللي يتولى هـ الرسائل شخص محب للهلال .. و هذا هو الحل .. وقتها بتشوف على الاقل نتائج صحيحة و لو حصل خطأ تلقى التصحيح

اما اي شخص يمسكها هذي مصيبة .. للآسف و يمكن الكلام ما يقتنع فيه البعض .. اذا كان اللي ماسكها شخص [ كاره ] للهلال هنا بتلقى الكثير من الخلل في الخدمة .. على الاقل يكون شخص يشجع فريق ثاني عادي جداً لكن ما يكون كاره للهلال و هذي نادرة .. اغلب اللي يشجعون الفرق الثانية كره للهلال فقط

مشكور يا سليمان ورده و ان شاءالله يوصل هـ الموضوع لهم و يعدلون الوضع اللي صاير

عاشق الأمير الأسيوي · #5 02/10/2008, 08:54 AM

عليكم السلآآم ورحمة الله وبركاته .. ورده

بـ النسبه لي انا ماشتركة الا باقة الزعيم .. آخبار العالمية اتصفحها هينا آفضل بكثير عن
خدمات الجوال الي تنشرها عن طريق صحفنا المحلية الله لاتضيق علينا ..

صارت لي مشكله نفس مشكلة ابو عابد ..

لكن المشكله بالأساس منهم ومن سستمهم الغبي .. مشترك بجوال الهلال بس ..

وهـ الرقم مطلعه خاص من الاتصالات ومحوله لموبايلي ..<< الرقم مميز وصاخه للأتصالات نقلته ..

وانقطع يوم انتهى الموسم ولا سددته وشاطفه لين قبل الرمضان .. يوم سددته ويرجعون لي خدمة اخبار الهلال الي هي رقم واحد .. يومين وتنقطع سلآآمات ..

ادق عليهم يقولي اقدم طلبك .. وانتضر ساعات وادق قال اقدم طلبك .. صار كل موظف اكلمه يقدم طلبي .. واكلمهم اليوم الثاني وطحت باجودي قال لي انا شيكت ومقدم لك طلب لكن ماردو للحين ..

قال تبي نصيحتي اشترك بـ كرة القدم الهلالية الشاملة والإخبار العاجلة ..

وافضلك من الاخبار الموجزهـ .. قلت شورك وهداية الله .. بيضاءالله وجه ع الشور الطيب .. وخليته يفعله ..

لكن من فضل ربي صارت خيره لي .. ل

كن اتفاجأة بعد اول اسبوع عسل من الاخبار الموجزة العالمية .. اسحبو علي ولاعاد شفة اي خبر موجز عالمي رغم ان الباقة تشملها ..

فـ هذي سلبية منهم ايضاً .. وإن شاءالله نرى ماهو جميل بـ المستقبل ..

وبكل صرآحة ياسليمان موضوع بيفيدهم كثير لو اطلعو عليه لانهم بيقرون كثير من اخطائهم عن طريق الإعضاء الي هم غافلين عنها ..

SNEIJDER10 · #6 02/10/2008, 08:58 AM

بصراحة أنا اشتركت بجوال الهلال وكانت رسايله بالهبل ولافيه أي فائدهـ ..:s

أخوي حول رقمه لموبايلي تضامنًا مع الزعيم يقول قعدت فتره وأخبارهم ياإما مغلوطه أو تعدل بعد فترهـ !!

بالنسبة لي أخبار الزعيم آخذها من منتدى الجمهور الهلالي وبالتحديد من إدارة الأخبار والمركز الإعلامي ..

شاكر لك سليمان وأتمنى إن رسالتك وصلت للجهات المعنيّة ..

ورده

f*y*d · #7 02/10/2008, 09:01 AM

يا السلمي ولا تزعل انتم بس مسكوني كنترول موبايلي الهلال
ولكم اللي ينقلكم آخر أخبار الدوريات الأوروبية من المواضيع المثبتة بالعالمية
ويرسلها لكم مسجات

وبالنسبة لأخبار الهلال عندنا يوزر إدارة الأخبار

إلا السلمي ليه ما تشتري جوال كفي فيه خدمة الـrss وتحدث كل ما بغيت آخر الأخبار وانتهينا

وكل عام وانتم بصحة وسلامة ووئام

.
.

قفلة / لا أتوقع أن شركة موبايلي تقصد التخبطات بقسم كنترول أخبار الجوال
ولكن اللوم يقع على أنهم وكلوا المهمة لأناس لا يستحقون !!

:: فتّكمـ بـ ع ـافيـة ::

Carrick 16 · #8 02/10/2008, 12:13 PM

بغض النظر عن خدمة الرسائل ذي .. موبايلي حتى الآن تعتبر شركة اتصالات
ناشئة وما بعد وصلت للتوب ..

خويي في الدوام حول من الاتصالات لموبايلي ويتشكى من الشبكة واحيانا يقول
تستمر 12 بدون شبكة على ماقال ..

الشي الثاني خدمة الرسائل اشتركت فيها اول ما طلعت وكانت ولا اسوأ فتركتها
لهم لأني ببساطة مهما كانت هالخدمه ممتازه .. بتكون بدون فائدة لي لاني اشوف
الاخبار في المنتدى قبل ما يفكرون يجيبونها .. فـ كيف لو كانت استخفاف بالعقول
وشفط المال فقط !

في موضوع الاستفسارات ناس تستفسر عن خدمة رسائل اخباريه رياضيه
غير موبايلي ؟؟ في المجالس الناس تتذمر !! في المنتديات ايضا ولعل هذه
احدها وابرزها !! معقول مسؤولين موبايلي ما التفتوا لهالنقظة !

يجب على موبايلي طرد الاعضاء الاخباريين في هالخدمه والبحث عن اخريين
افضل منهم اذا كان المشترك يهمهم !!

شكرا سليمان ورده

(اسير& المحبة ) · #9 02/10/2008, 01:15 PM

جوال الهلال في شركه الاتصالات كان افضل جوال من ناحيه الانديه وناس كثير اعرفهم ماهم

هلالين بس مشتركين عشان الاخبار العالميه لانها صراحه الافضل بس بعد مانقلت موبايلي

صارت سيئه موبايلي مع ان سنترال موبايلي يقول نفس الاشخاص اللي كانو في جوال الهلال

صارو في موبايلي الهلال بس مااعتقد الشي هذا لسو الخدمه فيه ونتمنى تتحسن ان شاء الله وتكون

قد اسمها وطموحاتها

الزعيم القاريMILAN · #10 02/10/2008, 09:25 PM

وعليكم السلام ورحمة الله وبركاته ..

يعطيك العافية أخوي سليمان ..!!

فعلاًاً كثير من مشتركي موبايلي يعانون جداًاً من الرسائل ..

على سبيل المثال .. عندك أنا .

.!!

بعد ماتم شهر من تحويل الرقم لموبايلي .. جت الفاتورة .. به 110 ريال زيادة ..!!

من أسباب اشتراك قنوات الزعيم .. بدون ماتوصلن أي رسالة منهم ..!!

بينما الإتصالات من بداية إطلاق خدمة جوّال الهلال بالإتصالات وأنا مشترك معهم ..!!

ماشين معهم تمام التمام .. ورسايل أوّل بأوّل ..!!

أمّا مع موبايلي .. ماشفت غير النكد والنصب للأسف ..!!

ورده

skroo · #11 02/10/2008, 09:38 PM

وعليكم السلام والرحمه

من ناحية الفواتير موبايلي افضل ومريحتني كثير

لكن الاخبار ؟ سيئة جدا !!

انت تقول اسبانيول وبرشلونه تعادل؟ انا جتني رسالة ان امس انهزم البرشا 2-1 بدوري الابطال وانبسطت

بس يوم شفت الملخص اكتشفت انها عكس !!

عموما جوال الهلال كان حلو

بس موبايلي الهلال اشتركت فيه والغيته بعد فترة , صراحة كانت تجي رسايل احسها موجهه للاطفال , مثلا :

نواف التمياط : جمهورنا العزيز عندما ادخل الى الملعب واراكم احس بشعور جميل فلاتحرمونا حضوركم
خالد عزيز : لاتعلمون مقدار سعادتنا عندما نشاهدكم في المدرجات
.... الخ

صراحة رسائل للبزراين واول ما جتني هالرسايل الغيت الخدمة

ولازلت مشترك في الدوريات الاوربية وموش بطالة رغم انهم ما يجيبون كل النتائج ولا اعلنو خبر تعيين مورينهو للانتر !!

وش تنصحوني للاخبار الرياضية ؟

شكرا سليمان ورده

الزعيم القاريMILAN · #12 02/10/2008, 09:50 PM

فيه خدمة خورافية جداًاً من موبايلي .. وهي موبايلي عـ الهوا ..

المشكلة الوحيدة هي إن كل دوري لحاله .. مثال ..:

الإيطالي .. الإنجليزي .. الإسباني .. السعودي ...
إلخ ..

والعيب الأكبر .. خدمة نتايج وخدمة ثانية أخبار .. كل الثتين بـ 15 ريال بالشهر ..

لكن والشهادة لله .. إن الأخبار والنتايج أوّل بأوّل ..

وهذي أنصح أي مشترك موبايلي بالإشتراك به ..!!