فـيـك جـيـوب أنـفـيـه ( لـحـمـيه ) ، فـيـك صـداع مـعـجـزك ومـا لـقـيـت لـه حـل ،، أدخـل هـنـا والـحـل مـوجـود !! بسم الله الرحمن الرحيم مساء / صباح ،، الخير للجميع ، عاد كلا بوقته :d كل عام وانتم بخير وصحه وسلامه والامه الاسلاميه يارب ، وينعاد عليكم .. بعد الديباجه المختصره والمزركشه ندخل بصلب الموضوع :: انا انسان عانيت من صداع براسي من 11 سنه ، وبشكل يومي وتختلف قوة الألم من يوم لآخر ،، المهم أنواع المسكنات ، بنادول ( مو خوينا اللي بالشبكة :d ) ، سلوبادين مدري شسمه ، الوكاد مافيه نوع حبوب مسكن للصداع الا جربته .. ومن شدة الوجع أحيانا آكل الى 14 او 15 حبه من شدة الصداع .. لين صابتني حساسية من المسكنات الله يبعدها عنكم ,, قلت ياولد خلن أنقز لأقرب إستشاري( أذن وأنف وحنجره ) ،، ورحت للأردن عند 3 إستشاريين وكلهم قالوا لي إن سبب الصداع هي ( الجيوب الأنفية (( اللحميه )) + الغضاريف ) .. وأني احتاج لعملية علشان يصير الوضع تمام .. ورجعت لمدينتي الحبيبه ، وقلت خلني اروح للرياض يقولون عندهم مستشفيات من تسع أدوار ومصعد وحركات ،، ورحت لثلاث مستشفيات ( ماني قايل اساميهن او اشفر واجيب العيد مثل نيوتن :d ) .. وكل الإستشاريين بالثلاث مستشفيات قالوا لي نفس الكلام إستشاريين الأردن وأني احتاج عملية .. قلت أمر الله من سعه لين تزين الأمور واسويها ،، وأجي قبل كم يوم ، أقرا بكتاب أحاديث للرسول الكريم صلى الله عليه وسلم ،، وفيه شي اسمه القسط البحري والقسط الهندي .. ولقيت هالحديث :: عن جابر رضي الله عنه قال : قال رسول الله صلى الله عليه وسلم : ( أيما امرأة أصاب ولدها عذرة أو وجع في رأسه فلتأخذ قسطاً فتحكه بماء ثم تسعطه إياه ) رواه أحمد وأصحاب السنن . قلت خلني ابحث :: إقتباس:
واستخدمته ثلاث مرات باليوم ،، كل مره تقطير بالخشم ، وكوب صغير أشربه .. والله الذي لا اله الا هو ان الصداع راح ، وارتحت ورميت كل المسكنات اللي عندي ولله الحمد .. ومن اول احد فتحات خشمي ( < أجل كشف سبور ، يبو :d ) مسكره ولا اقدر اشم منها او اتنفس ، ومن بعدها الحمد لله فتح خشمي ( مبروك الافتتاح ) ، والصداع راح .. واللي فيه يا اخوان صداع او جيوب ، يجربه مو خسران شي ويشوف ، يمكن الله يكتب له شفاء .. بس قبل كل شي استشيروا ، لحد يجيني باتسر ويحطها براسي .. وابحثوا بالنت ، وخارج النت عن القسط البحري ، او القسط الهندي طولت عليكم .. اتمنى إني افدتكم ، واللي يستفيد منه يدعيلي :) .. مــســتــانــســيــن ؟؟ :d فمان الله ،، لكم ودي ،،، فتكو بعفيه |
اللهم لك الحمد والحمد لله على السلامة وهذا هو العلاج النبوي اللهم صلي وسلم وبارك على نبينا محمد |
مبروكـ الأفتتاح :d والحمد لله على السلامه:clapping: وجزاكـ الله خير ع المعلومه |
الحمدلله على سلامتك اخوي وكل عام وجميع المسلمين بخير |
هلا بالعطر حظرت وعطرت المجلس المبارك :d من ناحية الصداع والله اني ااعاني منه حتى ماتصدق لو اقولك وانا اكتب هالرد وراسي مصدع :yes: لاتقولي قلة نوم ، اروح للفراش احاول اريح بس مايجين نوم اقوم يوجعني راسي :) الفه بربطه وعلى عالحال !! من ناحية المسكنات مانب من هاللي يستخدمون المسكنات وغيره ولا ودي اعود نفسي عليه .. والله لعلي اجرب وابحث زيااده عن طريقك وان شاء الله مادام انك مجرب فعلى قولة المثل : اسال مجرب ولا تسال ( استشاري ) :razz: ان شاء الله تفيددني وتبعد عني صداااع الراس ! وترى اذا صارلي مكروه والله لايقوله ابقولهم كل من العضو العطر :d ( تحمل مايجيك الله يخليك ) :d وبعدين ياخوي مالك داعي تسجيلك 2002 ومالك حس هنا :d نبي نشوفك نبي مواضيع مثل هالموضوع هذا ماشاء الله تبارك الله s60s اول موضوع اشوفه لك واعجبني وافادني مره :clapping: لاتحرمنا الله يعطيك العافيه وتقبل مروري ، |
الحمد لله على السلامة فيه طريقة سمعت عنها تخفف الصداع خصوصاً إذا كان بسبب مخابي أنفية قصدي جيوب أنفيه :d وهي تدليك فوق الأنف في طرف كل حاجب وما تشوف شر وكل عام وأنت بخير |
الله يعطيك العافية على تجربتك اللي إن شاء الله راح تفيد والدتي المريضة والله يشفي مرضى المسلمين |
الله يـعـطـيك العــــافيـــة ...." |
جزاك الله خير :) والادويه الشعبيه افضل من الكيميائيه |
الوالد يعاني من اللحمية طول عمره ومتعبته :( راح اكثر من استشاري ونصحوه بالعملية بس قالوله انها مررررة صعبة واحتمال كبير تاثر على حاسة الشم:( الله يجزاك الجنة يااااارب وعسى الله يكتبله الشفاء |
هلا فيك اخوي عطر :smilie47: اخوي بقولك عن معاناتي انا ياطويل العمر قبل رمضان يجيني ضيق تنفس مع ان خشمي مفتوح وصدري مافيه شيء وبعدين خفقان واجهاد ونفاضه بيدي رحت للمستشفى قالو السكر منخفض شوي رجعت لبيتي سليم جا من بكره رحت المستشفى جاني نفس هالشيء وحللوني كللي وماطلع فيني شيء كل تحاليلي سليمه وسو لي تخطيط قلب وطلع قلبي مافيه شيء ولله الحمد ورمضان كله يجيني ضيق تنفس خفيف المهم الحاله ذي تعبت منها وكرهت نفسي كل شيء عندي سليم وصدري مافيه اي شيء ولكن يجيني ضيق التنفس واحس اني اعرق يجيني بوقت النوم ويزيد اذا قمت اهوجس واذا جلست بعض الاحيان على النت تتوقع هالعلاج ينفع ولا ياخي حتى اهلي يقولون اني موسوس وانا منيب رايح المستشفى عبث ..! المهم هل تتوقع ان هالعلاج ينفع به ربي لي لاني اعاني من زكام والحين صرت استخدم الي هو رشات لخشمي وبخاخ لصدري ومع كل هذا يجيني ضيق التنفس وصدري نظيف وش السوات :d عاد انا اشك ان ذي عين لان كل المستشفيات قالو مافيك شي :bigeek: واخوي عندي تسائل على كلامك انت تقول بس قبل كل شي استشيروا ، لحد يجيني باتسر ويحطها براسي يعني نقول ماتفيد هل تضر ..! |
الحمد لله ع سلامتك اخوي .. وماتشوف شر \\ صداع وضيق تنفس وانواع الامراض عندنا هع ان شاء الله ينفع هالعلاج معنا .. \\ الله يعطيك العافيه ويبعد عنك كل سوء |
الحمدلله على السلامه اخوي بصراحه عمليات اللحميه قد تسبب اشياء كثيره ابوي كان يعاني منها رح لاحد المستشفيات وسوو له عمليه وبعدها بشهر دخل العنايه المشدده لأ ن العمليه سببت له فتحه في الراس وصاااارت ترتفع حرارت راسه بس وجسمه بااارد حتى ماصار يعرفنا وبعدين صاار احسن وطلع بس للأسف تكررت معه الحاله وكل مره بزياااده واخذه اخوي لمستشفى احسن وسوو له عمليه لسد الفتحه الي براسه وكل الدكاتره قااالو انها بسبب عملية اللحميه والحمد لله ابوي الأن بأحسن حااال الله يخليه لنا:smilie47::smilie47: انا قلت القصه هذي عشان مو اي واحد يروح يسوي عمليه ولا تسونها في اي مستشفى اسفه على الأطاله الف شكر اخوي على موضوعك المفيد تحيااااااااااتي |
إقتباس:
سوري عالخشة .. اخوي فيه شيء مضيق صدرك ؟ مشكلة .. شيء تفكر فيه .. تعرق كثير ؟ م ادري بس اتوقع المشكلة نفسية .. اذا حسيت ان هالشيء تفاقم تقدر تمر اي عيادة نفسية .. ------------------------------------- اخوي العطر .. انا عندي صداع يوميا :) .. كل يوم لازم اصدع وبعض الاحيان اصدع لدرجة اني م اشوف .. بجرب هالشيء وبشوف :stoned: .. ي ويلك لو صار لي شيء :d شكرا |
العطر سلمت وسلمت أناملك ........... جزاك الله خير الجزاء وان شاء الله تكون الوصفه مفيده مو نروح فيها :d ......... خالص مودتي وتقديري |
الوقت المعتمد في المنتدى بتوقيت جرينتش +3.
الوقت الان » 09:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd