عائلتي كلها تسممت من مطعم البيــ... في ينبع قصة طريفة - نادي الهلال السعودي - شبكة الزعيم

تــركــي*الشلهوب* · #1 30/09/2008, 02:19 AM

السلام عليكم
بسم الله الرحمن الرحيم

طبعاً القصة حصلت قبل شهر بس مافضيت اكتبها اعذروني
الابطال: خوالي وخالاتي وجميع ابنائهم وانا منهم

ذهبنا لينبع لما فيها من شواطئ ترابية جميلة وكنا قد استأجرنا باصين 2007 تويوتا

من كثرنا

ماشاء الله
المهم كنا على الشاطئ اللي يسبح واللي يلعب دبابات والاطفال على الرمل يبنون البيوت (افلام كرتون)

وجا وقت العشاء

وقمنى نغني :

ياناس انا مشتاق للي له بقلبي ذكريات
ذكريات ذكريات
في ارض ينبع شوقي له في حياتي والممات
في حياتي والممات
ياناس انا والله اهواه ياناس والله ما أنساه
ياناس انا والله اهواه ياناس والله ما أنساه
البيك .... البيك .... البيك
البيك .... البيك .... البيك
الخ...
الخ...

http://www.lail-alsahara.com/file16864.html
هذا طلب العضو سعودي اصيل: مقطع صوت علشان تكونو بالصورة

لأننا من القصيم ونموووت على شي اسمة البيـك المهم رحنا للبيك ووصلنا ووالله ما اكذب عليكم طلبنا 60 مسحّب هذا غير اللي طالبين طلبية ثانية قايللكم (ذر ماشاء الله) المهم واكلنا ذاك العشاء اللي يحبه قلبك (قصيمي

) (الحين يجي واحد يقول: تسمموا .. مسوي ذكي

) لاتخاف ماجانا شي

الحمد لله على السلامة وصلنا لللشقة وللحين الاوضاع تمام

صحينا الصبح بدري (دجاج

)
افطرنا والحمد لله على النعمة وجاء وقت الغداء وقلنا البيك البيك البيك

وصار فيه باقي طلبية من امس والخدامات ماقصروا سخنوها على قصديرها

وتغدينا وعيّنا من الله خير وجاء وقت العصر مشينا للبحر وبعد ماغابت الشمس رحنا للملاهي (ازعجنا مهنى كل شوي مستفرغ (مهنى اصغر واحد فينا رضيع)) لاتحوم كبدك لأنك تبي تسمع منها واجد

المهم للحين الوضع تمام جاء وقت النوم رحنا للشقة ومن بكرا حملنا عفشنا (اغراضنا) مشيننا للمدينة لأنها على الطريق قريبة وفي الطريق استفرغوا هؤلاء : عبد الرحمن ورشيد ومحمد هذولا توهم بادين يمشون

كل مالهم يكبرون

ووصلنا المدينة وريحنا وصلينا بالحرم وبالليل مشينا لملاهي ووناسة وسعة صدر ويوم خلصنا رجعنا للشقة وذهبنا الى النوم

وانا نايم قمت بالليييل قبل الفجر وبطني يمغصني

وقمت وتعرفون الواحد اذا قام ماله نفس يفتح عيونة

المهم والتفت على يميني(فيه اربع سراير) مالقيت احد

وصار خالي قاعد لحاله على سرير ويسولف (استغربت هالحزة مانام) قلت خال قال هلا قلت احس بطني يقرصـ(ن) وقام تقطع من الضحك

وانا انهبلت

قلت وش فيه شي يضحك؟؟

قال : ماجبت شي جديد

انت اخر واحد صحى من النوم
والتفت على الدورة تكرمون ولقيتهم ماسكين سرا (والله كلهم عند الدورة صغير وكبير)
واسمع قسم النساء بنات خالاتي وخالاتي نفس الشي
وضحك وتنكيت على اللي داخل واللي طالع
(موقف لاينسى)
للمعلومية سبب التسمم ليس مطعم البيك بل الخادمات(مسخنين الوجبة على قصديرها)
واعذروني على بعض الكلمات
السلام عليكم

الســفيرة · #2 30/09/2008, 02:26 AM

وعليكم السلام والرحمة

إقتباس


	للمعلومية سبب التسمم ليس مطعم البيك بل الخادمات(مسخنين الوجبة على قصديرها

لوووووووووول الحمدلله على سلامتكم ماتشوفون شر

اما البيك

اعشقه اخ بس لو يفتحله فرع عندنا

قبل اسبوعين تقريبا رحنا ناخذ عمرة وتسحرنا منه طبعا بعد العمرة والتعب ماشاء الله كلواحد اكل عن شخصين

بس النكبة ماجا الصبح الا واحنا ميتييييين عطش

حتى فكرنا نفطر ذاك اليوم

بس الحمدلله صبرنا للأخير

سعودي أصيل · #3 30/09/2008, 03:06 AM

إقتباس


	ياناس انا مشتاق للي له بقلبي ذكريات

أقول وش رايك تجيب النشيد عشان تحطنا في الصورة

ههههه الله يعينكم على خداماتكم

والله انكم رحتوا وطي ..

إقتباس


	لأننا من القصيم ونموووت على شي اسمة البيـك

الحمدلله البيك جنبي لا بغيت شيء منه في نص ساعة يصلني ..
الله يستر لا أتزوج قصيمية وربي تحصلني مسوي صحبة مع عمال البيك .. حتى عامل النظافة يعرفني ..

إقتباس


	وجاء وقت الغداء وقلنا البيك البيك البيك

حتى وقت الغداء بيك .. هذا وأنتم متعشين 60 مسحب .. تدري ايش معنى ستين مسحب .. أي ما يعادل 420 قطعة دجاج على أقل احتمال

لا وبعد الأنشودة ماسكة معكم لوقت الغداء ..
ما أقول إلا .. مــــــــا شـــــاء الــلـــه .. تبـــــارك الــلـــه ..

إقتباس


	قلت احس بطني يقرصـ(ن)

ما شاء الله .. يعني أنت أحسن واحد عندك مناعة قوية .. جسمك يقاوم وفي النهاية خربها .. القصدير ما يمزح

إقتباس


	سبب التسمم ليس مطعم البيك بل الخادمات

إيه .. خلك كذا شاطر .. لا تتكلم على البيك .. تراه يعز علينا

على طاري البيك .. عيد مبارك علينا وعليك .. << ايش رايك في السجع ..

كلنا هلاليين · #4 30/09/2008, 03:09 AM

عاد ماخش مخي البيك

والحمدالله على سلامتكم

B A R H O OM · #5 30/09/2008, 05:37 AM

أووووووووووووووف يالبيك يااهو فللللللله انا من القصيم واذا رحنا مكه انا وقرابي 24سااعه بالمطعم

Hictar · #6 30/09/2008, 10:18 AM

ما شاء الله تبارك الله
على هالمطعم
ما شفت ولا راح تشوف مطعم مثله
تكره عمرك لما تدخله من الزحمة تبي تخلص !!!
الله يزيد راعيه ويرزقنا معه

أما بخصوص المسحب ، فحدث ولا حرج

من كثر ما أجي للبيك بسوق المساعدية بشكل يومي ، صار المحاسب
يسجل الطلب من يشوفني عند الباب والعمال يرحبون فيني ويهلون

بغيت أخربها مره وأخذ رقم عامل عندهم علشان أطلب قبل ما أوصل
خبرك المسحب ( تتلحط 7 ) دقايق لحد ما يخلص

أما بخصوص المغص ، فهو بسبب الحراق ، تراكم ظلمتوا الشغالات

لما تكثر منه يتعب الباطنية

تــركــي*الشلهوب* · #7 30/09/2008, 11:25 AM

إقتباس

الرسالة الأصلية كتبت بواسطة سعودي أصيل


	أقول وش رايك تجيب النشيد عشان تحطنا في الصورة

ولايهمك شيو وراح تلقاه في الموضوع

أبوخـــلـــودي · #8 30/09/2008, 02:25 PM

الحمدالله على السلامه

وكل عام والجميع بخير

(اسير& المحبة ) · #9 30/09/2008, 11:30 PM

اه يالبيك لو يفتح بس بالرياض فللللله

اول واحد بكل تاكيد انا

دايم اتمنى اروح الغربيه اول سبب البيك حتى قبل مااظبط وضع الشقه لازم بيك

ونخنخ معه شوي وبعدين استاجر شقه

على طاري البيك ناس اعرفهم سافرو مسافه 800 كيلو وتعشو بيك ورجعو في نفس

الليله بس لعيون البيك

وهم ماينلامون على الشي هذا ومستحيل مطعم يجي مثله

كريزي هلالي · #10 01/10/2008, 12:44 AM

والله اني خشيت جو مع سالفتك

ههههههههههههههههههههههه

az3eem-4-ever · #11 01/10/2008, 01:38 AM

ااااااااااااه يا البيك
والله انه فلللله
بس ياخي والله انهم جيدين تدخل تلقا المطعم مليان تقول بتتلحط ساعه على طول يجيك الطلب

المشجع الكبير · #12 01/10/2008, 02:00 AM

الحمدلله على السلامه
انا لاحظت عشق اهل القصيم والرياض للبيك لما اشوفهم بالحرم يتسحرون على بروست البيك
تخيل احد يتسحر على البيك الحمدلله والشكر

Los Merengues · #13 01/10/2008, 02:38 AM

اااااااااااااه يا البيك متى تفتح في الرياض

تــركــي*الشلهوب* · #14 01/10/2008, 10:35 PM

إقتباس

الرسالة الأصلية كتبت بواسطة المشجع الكبير


	انا لاحظت عشق اهل القصيم والرياض للبيك لما اشوفهم بالحرم يتسحرون على بروست البيك تخيل احد يتسحر على البيك الحمدلله والشكر

مستانس انت ووجهك ساكن بالحجاز

لوتجرعت المرارة
وسكنت بعيد عن الحجاز
واكلت من مطعم البيك مرة
كان عرفت طعم المرارة

اقول طلعت قصيدة وانا مدري

بس وش رايكم

المشجع الكبير · #15 02/10/2008, 10:34 AM

إقتباس


	مستانس انت ووجهك ساكن بالحجاز لوتجرعت المرارة وسكنت بعيد عن الحجاز واكلت من مطعم البيك مرة كان عرفت طعم المرارة

اطلع من الحجاز !!
الله لايقوله والله يضيق صدري اذا ابتعدت عنها لأكثر من يوم
وبعدين اتمنى من صاحب مطاعم البيك يحن على اهل الرياض ويفتح لو بوفية