بسم الله الرحمن الرحيم ورده
أول زياره لي لقسم المغتربين وافتتاحية مشاركاتي بهالقسم على موضوعك
طبعا موضوعك يعبر عن وجهة نظرك واختلاف الرأي لايفسد للود قضية

إقتباس الشباب </B>الي يهوون العلم ويدرسون بالخارج فهم يفضلون الزواج من الخارج لانها</B>

هنا ياليتك سبقت الكلمة الأولى بكلمة {بعض} .. أخوي مغترب بس مايفكر هالتفكير

إقتباس فبعد الزواج تكون افضل صديق لانها تبادله ما يريده من موده بين الاصدقاء</B>

جلست ساعه على هالجملة !!
كيف زوجين وأصدقاء !! اللي يتبادله الأزواج بينهم ليس صداقة عزيزي هنا من الأفضل إنك تقول تقدر تفهمه أكثر من غيرها أو أي شيء ثاني بس صديقة لا .ممكن قبل الزواج, بس أنت كتبت بعد الزواج تكون أفضل صديق له !!

إقتباس فلذلك معظم زواجهم ناجح ولي اصدقاء متزوجين من الخارج وهم سعداء جدا ً

شوف الزواج الناجح مو شرط تاخذ لك وحده أجنبيه عشان ينجح الزواج وأكبر دليل عندنا هنا بالسعوديه ياما ناس تزوجوا زواج تقليدي ونجح زواجهم وسعيدين مع بعض ,.

إقتباس فالزواج من الأجنبيه هو الأفضل من الزواج من بنت البلد</B> بالنسبه للشباب المثقفون والمتعلمون لانه ليس زواج أكشط وأربح</B> فهو زواج واقع اختيار وتوافق بمن يفكرون بالزواج والاختيار بحكمه

طيب أفضل عندك ماقلنا شيء رايك وانت حر ,
بس مسألة أنك تقول عن الزواج من بنت البلد أكشط وأربح لا .يعني كل اللي تزوجوا الحين مغصوبين على الزواج ومايبون زوجاتهم ولا لازم الواحد يعيش قصة حب قبل الزواج!عشان يكون زواج ناجح !!
طيب قبل ما انهي كلامي بسألك سؤال .
أنت الحين وغيرك من الشباب المؤيدين للزواج من الأجنبية ,أهل الأجنبية تهقون بيوافقون عليكم ! ؟
أكيد لا وبيرفضون لأن عندهم الزواج من عربي مصيبة وشدني شيء بموضوعك هو أنك ذكرت أنها ممكن تسلم على يدك يعني الحين اهلها بيوافقون تغير دينها عشانك لنفرض إنها عاندت أهلها وغيرته وراحت معك اصبر لها كم سنه وبترجع لدينها ..
عني صراحة اعتبر الزواج من الأجنبية فاشل وله جوانب سيئه كثير ..

تحياتي ورده

إقتباس الرسالة الأصلية كتبت بواسطة قصيعاوي كل كلامك صححححححححححح يجوونك لبراالين !!!!!!!!! الله يهديهم بس وانا اقول وراه بنات السعودية يقعدن عاانسات واثر شبابنا يرووحون يتزوجون من الخارج!!!!!!!!!!!!!

لبراليين مره واحدة ؟!!

الله يهديك بس استغفر ربك

بالنسبة لك أخوي كاتب المووضوع

كلامك سليم .. أهم شيء حاول تدخلها الإسلام و راح ترتاح في حياتك

و أحب أقولك إن فيه ناس عندهم مبدأ غلط

اللي هو مسلمة = سعودية !!!

و يستدلون بالأحاديث علشان يقوولون لك تزوج سعودية !!

المسلمة تظل مسلمة بغض النظر عن جنسيتها

أعرف بنت صومالية سمراء ما تتكلم عربي ووالله إنها أخير من بنات لبنانيات عربيات

حاول إنك تتزوجها و تأثر فيها عشان تسلم و الله يوفقك

بالنسبة لزواج اللخبط و اللزق هذا ما ينفع لنا بعد ما صرنا نشوف الزين و الشين و نفهم أكثر من اللي بيخطبون لنا

إذا لك نية في الزواج .. دررربك خضر و الله يوفقك و منك المال و منها العيال و لا يهمك أحد !!

الله يوفقك

إقتباس الرسالة الأصلية كتبت بواسطة فتاه هلاليه أكيد لا وبيرفضون لأن عندهم الزواج من عربي مصيبة وشدني شيء بموضوعك هو أنك ذكرت أنها ممكن تسلم على يدك يعني الحين اهلها بيوافقون تغير دينها عشانك لنفرض إنها عاندت أهلها وغيرته وراحت معك اصبر لها كم سنه وبترجع لدينها ..

ما شاء الله تبارك الله
أهنيك على الضمان الديني !!!!

سبحان الله هل تعلمين الغيب؟
ما عندك ورقة ضمان محل برجوعها عن دينيها؟

استغفر الله بس

^^^^
أخوي اللي فوق أنا ماضمنت ولا شيء بس فيه قصص كثير تصير وواقعيه صراحة تمثل كلامي
وأنا قلت لصاحب الموضوع أنه رد أي شخص يعبر عن رأيه تجاه الموضوع ومال أحد دخل فيه ,
أنت مؤيد وأنا معارضه مو مشكلة ,.
أنا والله ماقلت إني عالمة غيب ولا أي شيء من هالقبيل ذكرت وجهة نظري ورأيي لك الحق كما لغيرك في تقبل كلامي ورأيي كما لك الحق في رفضه :/

إقتباس استغفر الله بس

بهالكلمة حسستني بشيء غريب حسيت إني قايله أن اللي بيتزوج اجنبية كافر !

استميحك عذر أخوي كاكا20 على المداخله .ورده

يعني بتترك الشقر و البيض وبتجيك انتي يالأشهب الألهب لسواد عيونك

ولا لتفكيرك المتطور

و لا لنظرتك الحنونه

ياشيخ اطلع من مخي بس


الزواج قسمه ونصيب ..

و يمكن تلقى اجنبيه مسلمه أخيّر من سعوديه !!!

بس تعميم الشي هنا الغلط ..

معمم ان كل واحد مثقف لازم يعرس على اجنبيه ...!!

مقدّر بحساباتك ان اي زواج من سعوديه هو فاشل لأنها ما تفهمه ليش حضرتك رياضيات محدن فاهمك !!

ومثل ما قالو الشباب الدين ما تركنا على عمانا قال لنا فيه شي اسمه نظره شرعيه

و فيه شي اسمه استخاره تصلي بعد ما تشوفها ان ارتحت اقدمت وان ل ترتاح تراجعت و العرس مثل ما ذكرت قسمه ونصيب ..

الأخلاق و الطيب ما اعتقد فيه وجه مقارنه بين وحده ربت نفسها بنفسها وربما تكون ربتها الشوارع و بين وحده مربينها اهلها و عايشه بنفس مجتمعك يعني تقارب بالأفكار تقدّرك و تعتمد عليها و تثق فيها
اما ان كنت تدوّر على الجمال مانيب قايلك بناتنا وش زينهن ..

بس بقولك شي ..

ان هاللي انت معرس عليها كم بتقعد لك بهالوجه سنه !!

سنتين


10 سنين


20 سنه


وبعدين بتعجز و تبدأ ملامح جمالها تختفي

وش بتسوي ساعتها !!

بتطلقها وتعرس على اجمل منها !!!!

قصه حقيقيه واقسم بالله اني اعرف الرجال تزوج اجنبيه تأقلمت معه بشكل مو طبيعي لدرجة يوم رجعو الرياض تعلمت القهوه و صارت تسويها له ولأهله

بعد ولد وبنتين سافرت لبلادها بدون حتى ما تعلمه

البنتين عند امهم يكلمون ابوهم كل فتره

والولد بعد ماتخرج رجع السعوديه يشتغل مع ابوه

وش ذا التشتت !!!!!!!

والرجال مقهووووور لو ياخذ بناته يمكن يقضي عمره بالسجن !!


ليش ترمي نفسك بطريق مانت متأكد من نهايته

انا ما أجزم لك ان الزواج من سعوديه ناجح .!!! بالعكس فيه زواجات هنا تقصر العمر

بس عالأقل ان كانت هي مهبوله تقدر تفاهم مع ابوها .. اخووووها .. اذا كل العايله مهبّل

عندك الشرع يضمن لك بنتك بعد 7 سنين وهي عندك و ولدك يخيرونه

الله يهدي الجميع بس ..

و العرس بالنهايه قسمه ونصيب ..


وهذي وجهة نظري بالنهايه تخصني انااا ماهوب شرط اللي اقوله صح

امثال صاحب الموضوع الله يسعدكم روحوا تزوجوا من برا وفكونا شووووي
خلونا ناخذ راحتنا وناخذ الي نبي حنا بعد !!!!!

إقتباس الرسالة الأصلية كتبت بواسطة الزعيمة 3 امثال صاحب الموضوع الله يسعدكم روحوا تزوجوا من برا وفكونا شووووي خلونا ناخذ راحتنا وناخذ الي نبي حنا بعد !!!!!

هذولي بنات الديره وشوفوا تفكيرهم

هم بعد يبون اجنبي

كلامك مافيه اي شي غلط الا من ناحية المثقفين

ثااااااانكس

اشكر اخوي المبدع على الرد الوافي

اذا كان هذا الفكر اللي سوف نجنيه من البعثات فيا الاسف

انا بنسبه لي اتزوج ابن البلد احسن بكثير من اتزوج اجنبي



والله لا يحرمناا من شباب السعوديه مافيه مثلهم في العالم

احب اضيف نقطه ...




اكييييييييييييد الزواج من الاجنبيه سيكووووووووون فااشل


لا تقولي مثقف وما مثقف



النقطه الثانيه

إن كان الزواج من الاجنبيه لردع الحرام والشهووه والفتنه



فهذه نقطه الثانيه وانا اقووووووووووووووول خذها بس لدرااسهــ

وبعد الدرااسه واذا رجعت لسعووديه قلها اياام فيري فيري سوووووووووووووووووري


ومسكها الباااب

وخذ شنطتك وتعال ولا تعلم شيبااااااااااااااااانك والله لتصير علووم



سلملم ..!

الله يرشد المبتعثين لما فيه الخير لهم

الي فهمت من كلامك ان المتعلمين والمثقفين امثالك هم الي يتزوجون اجنبية لانه يعيش معها علاقة حب في البداية واذا حسو انهم متوافقين ولافيه مشكله راح تأثر على علاقتهم يتزوجون يعني بوي فرن وقيرل فرند

وابوي وابوك وجدي وجدك وكل الي في السعودية ومتزوج سعودية غير مثقف وجاهل


ما ادري انت تهايط ولا منلحس ولا لاقيلك وحده وفارضه شخصيتها عليك
ترا الانسان اذا تخلى عن دينه تراه يصير ذلول

بعدين اكشط وربح ذي منوين جبتها؟
الي اخبره انك اذا خطبت تروح وتشوف البنت اذا عجبتك تتملكون ويصير فيه مكالمات وطلعات عشا من ذا القبيل لا تلخم العالم الله يصلحك
ويقول المثل الي مافيه خير لهله مافيه خير لناس

اجل المثقفين والمتعلمين ............ معقولة !!!!!!!

ممممممم

صراحه أحترت من كلامك ..

طيب يامثقف ..أقدر اناديك جيمس عشان تكمل الثقافه ..؟

خلاص تزوج ووسع صدرك ..

إقتباس أنت الحين وغيرك من الشباب المؤيدين للزواج من الأجنبية ,أهل الأجنبية تهقون بيوافقون عليكم ! ؟

بيني وبينك ..اذا على فلوسهم بتوافق
اما اذا على الخشه فالرفض على طوول
بتترك مايكل وكيفين وجورج وتجي عندك ياضب؟؟؟

الزواج من أجنبية معناها إلغاء البعثة
وش حادني أجازف على البعثة علشان أتزوج من أجنبية !!

بعدين وش فيها بنت السعودية علشان تقول أن الزواج من الأجنبية أفضل أقلتها محافظة على دينها و متمسكة بها

أما الأجنبيات ما تدري وش البلاوي الي فيها و هل تضمن كمثال أنها تسلم هذا غير المشاكل لو فرضنا مشاكل مستقبلية و أنت بدولتها بتكون بمصيبة مع الحكومة و إحتمال ترجع لديرتك , خاصة أن العيون مفتحة عليك و تدور الزلة

غير أنه من تقاليدهم أنه شيء طبيعي العلاقات الغير زوجية يعني الأجنبية بسهولة تخون الزوج هذا إذا ما كان لها علاقات قبل الزواج نفسة !!

بخصوص بعض الردود ليبراليين و ما أدري أيش أي واحد يطلع برى على طول ينغسل مخة و يصير ليبرالي !!!
الحمد لله غربتنا كان له الدور الأبرز بزيادة التمسك بالعقيدة الأسلامية و خصوصا ً بمثل حالتي ديرة ما فيه سعودي تقريباً و تقضي الوقت بقرائة القرآن و الأدعية , و المتطرف ما يحتاج أنه يطلع يا ما ليبراليين ما طعلوا برى السعودية
و على قولة المثل الي عقلة براسة يعرف خلاصة

بعدين حنى طالعين من السعودية بهدف واحد فقط لا أكثر الدراسة أما التنزة و ماخذينها سياحة أبداً يمكن بالإجازات أما وقت الدراسة ما فيه لعب خاصة أن الملحقية مشددة علينا من هالناحية و كل الطلاب الي طلعوا عارفين هالشيء أما اللف و الدوران و أهمال الدراسة مصيرة الرجعة لسعودية و قطع دراستهم

كلامك صح

والله يعطيك العافيه

كلامك صحيح ياهلاليه

الزواج من بنت البلد أحسن

من الخارج لكن المهورغاليه

هذا مايدفع الشباب الزواج من

الخارج.