عاجل (( إلى محمد بن نايف بخصوص سرابيت اليوم الوطني )) الى متى ؟؟؟؟؟؟؟؟؟ - نادي الهلال السعودي - شبكة الزعيم

مجنون الزعامه · #1 27/09/2008, 05:19 AM

بسم الله شديد العقاب

وصلاة ربي على النذير المبين..

يبدو أننا الشعب الوحيد .. الذي إذا فرح .. أو جاءته مناسبة تحمله على أن يفرح بها .. يُفسِد ويخرج عن النظام .. ويتجاوز العرف والشرع !

حقيقة لم نعد نفرح بأي مكسب وطني .. سواء فوز تاريخي في مباراة لكرة القدم .. أو غيرها .. طالما أن يد العابثين ستطول الأبرياء .. وستكسر المحال التجارية .. وستغلق الطرقات .. وتهان الأعراض .. وتنشر شريعة الغاب .. في طرقات معروفة .. يحصل فيها السيناريو كل مرة ..

بل حتى الفرح في أعيادنا .. لم يسلم من الأذى .. وليت شعري أهالي الأحياء القريبة من أصحاب المفرقعات المدويّة .. كيف يأنسون بألعابهم النارية .. والبيوت ملئى بكبار السن .. يتعب الواحد منهم ويتقلب في فراشه ساعات طويلة .. ينتظر نزول النوم .. ليغمض طرفه وينسى همه .. فإذا التفجير البريء والمحمود في مثل هذه الأزمنة .. يصب فوق رؤوسهم ! وكأننا نخلي مسئوليتنا عنهم .. أو نخلي مواطنتهم وحقهم في أن يأمنوا في بيوتهم .. ويهنأوا في فرشهم ..

دعوكم من هذا كله .. فالمقام قد يطول بي .. ويطول عليكم .. ولكن ماذا عن اليوم الوطني .. لبلادي - حرسها الله - والذي يفترض فيه .. أن نستشعر النعم التي حبانا الله بها .. ونفكر في كيفية بناء أجيال يحفظوا تلك المكتسبات والثروات من الضياع .. ونستشعر أيضاً نعمة الدين التي لولاها لما كُنـّـا عيناً بعد أن كنا أثراً ..

من المؤسف حقاً .. أن يكون اليوم الوطني .. يوم انفلات أمني .. على مستوى بعض الشباب وعلى عينك يا مرور .. وعلى عينك يا شرطة .. وعلى عينك يا هيئة !

لا أبالغ القول إن قلت ما يحصل في ذلك اليوم .. أنه جرائم نكراء .. متنوعة .. فمن مخالفات مرورية .. ومخاطر أمنية .. وتجاوزات شرعية .. وغزل .. وأصوات صاخبة .. وانتشار في الشوارع بشكل مقزز .. وغياب عن الوعي .. ولا أنسى المطاردات الجريئة للبنات في شوارع مكتظة بالأوادم .. والسيارات .. وبعضاً من العسكر !

أذكر أني عشت أحد هذه الفصول المخزية .. في سنة مضت .. وتحديداً في برج المملكة .. عندما وفقت للاحتساب في ذاك الزمان والمكان .. ورأيت ما يهول .. رغم أن الهول الحقيقي كان يسبق مجيئي بليلة كما حدثني كثير من رجال الأمن هناك .. وكيف تجرأ الشباب بوفود حاشدة ودخلوا بالقوة برج المملكة .. وحصل بين الشباب والفتيات أمور أستحي من كتابتها .. ولكنها أغضبت الجميع واستدعت مسئولي الأمن في اليوم التالي.. بأن يوفروا أعداداً من العساكر .. وأعداداً كبيرة من باصات خط البلدة .. تحت البرج المشئوم .. وامتلأت بشباب صايع .. لم يجـد عصاً غليظة .. تجعله يفكر في عواقب الأمور ..

وأذكر وقتها أني كتبت موضوعاً مستقلاً عن الحادثة ومجرياتها .. وأثنيت أيما ثناء على رجال المباحث - فالشهادة لله - أبلوا بلاءً حسناً .. في تلك الليلة التي عشت فصولها كاملة ..

من المحزن أن يكون اليوم الوطني يوم تهور .. وخروج عن الشرع والعرف والنظام لدى البعض .. وأن يوافق هذا التهور .. ليلة من ليالي رمضان المبارك .. بل ليلة من ليالي العشر الفاضلة ..

إننا نطالب مسئولي الأمن .. وأخص منهم (( ذيب الداخلية )) بأن يكون لهذا العام .. وضع خاص .. وسياسة حازمة .. وإعلان تحذيري مسبق .. وتعامل ينهي معاناة الكثيرين .. ممن تأذوا من تصرفات الشباب اللامسئولة .. والتي لا يغفل جانبها .. فقد تتطور فيما بعد .. ويصبح من الصعوبة السيطرة على مثلها ..

إنني أدرك تماماً .. أن التقارير المفصلة لما يحدث من مآسي ومخالفات أمنية وشرعية في يومنا الوطني .. تصل إلى أهلها .. ولكن أمنيتنا أن تكون ردّة الفعل - هذه المرة - قاسية بمعنى الكلمة .. فما رأيته بنفسي من أحداث .. يجعلنا أمام مصيبة قادمة .. في يوم الثلاثاء .. واليوم الذي قبله ..

فهل يكفينا الله شرهم هذه المرة .. وأن تكون الإجراءات المتخذة .. على قدر من الحزم والضرب على يد من حديد .. لمن جعل من هذا اليوم .. يوم انفلات أمني .. مع سبق الاصرار والترصد .. وعلى عينك يا تاجر ..

نأمل أن نرى ما يسر خواطرنا .. ويكفي المسلمين شرّ كل من فيه شرّ ..

ختامــاً ..

آمل من كل شخص يقرأ أسطري هذه أن يحفظ نسائه وأهل بيته وأبنائه .. من الخروج في اليوم الوطني واليوم الذي قبله .. وأن يغنم العافية .. فالسلامة لا يعدلها شيء ..

وإليكم بعض الصور وهي غيض من فيض..

إغلاق للشارع .. ورقص واستهتار بحقوق الآخرين !

إزعاج وإهانة للعلم .. الذي يحمل كلمة التوحيد

فوضى عارمة .. تخيل شخص وضعه الصحي يحتاج إلى تدخل طبي والحالة اسعافية .. كيف سيصل إلى مبتغاه في ضل هذه الحشود المستهترة ؟

يتعرضون للمارة وللسيارات الأخرى !

استهتار برجال الأمن ! وإرباك لهم وإشغالهم عن واجبات أخرى ..

بداية .. إغلاق للطريق .. ورقص .. وموسيقى عارمة ..

ثم

تجمهر وتعطيل للطريق ! ولا حسيب ولا رقيب ..

حتى هذا العامل يقوم بالمخالفة .. ولا حسيب ولا رقيب ..

اسألكم بالله الذي رفع السموات بغير عمد هل هذه الوطنيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في بعض الموقف تجعلك تتفكر بنعم الله عليك ومن بينها هذه المناظر

...... يارب لك الحمد والشكر كما ينبغي لجلال وجهك وعظيم سلطانك على نعمة الدين والعقل ....

المووج الهلالي · #2 27/09/2008, 06:40 AM

صادق وربي انك صااادق لاتنسى اخي الكريم انه كانت في اياام فضيلة ايام اجر وثواب وعتق من النيران كانت في العشر الاواخر لاتعاد بالسنه الا مره ...

سألت اغلب الشباب لماذا تهدر الاموال..في هذا اليوم فرد علي لانه العيد الوطني ويجب علينا كمواطنين ان نفرح به..فقلت له كم عيد للمسليمن قال اثنين قلت لماذا اذا نفرح بهذا اليوم؟؟

فسكت نعم سكت..لاننا واجبنا ان نفرح بهذا الوطن طوال السنين وان نفتخر به..وبملكنا الحبيب..

لكن ارجوا ان نجعل له اعتبار وان نتعم بهذه الايام العظيمه...ولا نظيعها في امور لا غايتا لنا فيها..

شكرا لك من القل..شكرا لحبك لوفائك لتقديرك لبدلك..ولحبك ايضا..في شبابه..

اتمنى منك ان تدعوا لهم بالهدايه والصلاح وان ينير الله قلوبهم بطاعته يا ارحم الرحمين..

اخووك- المووج الهلالي..

عـطـر الـريـاض · #3 27/09/2008, 07:37 AM

وانت مصدق انهم فرحانين ومستانسين عشان الوطن !!

ياعزيزي هؤلاء المتخلفين .. وجدو اليوم الوطني فرصة للاستهبال !!

وللاسف اقولها بالفم المليان .. نحن شعب مانعرف نفرح !!

الفرح عند شبابنا .. معناه .. استهبال وقلة ادب !!

مجنون الزعامه · #4 27/09/2008, 03:18 PM

المووج الهلالي

هلا بك والله وغلا ...........

والله انك صادق ايام عشر الناس اعتكاف وقراءة قران وقيام ليل وهذولا هبال الله يهديهم ويفتح على قلوبهم ويجعلهم ائمة للهدى والصلاح .........

انورت متصفحي يالغلا وتشرفت بمداخلتك التميزه

مودتي وتقديري لفكرك الراقي

مجنون الزعامه · #5 27/09/2008, 03:21 PM

عـطـر الـريـاض

هلا بك والله وغلا .........

الله يهديهم ويفتح على قلوبهم وربي الصور ترفع الضغط بأيام رمضان وعشر الاواخر بعد ؟؟؟؟؟؟؟؟؟؟؟؟؟؟؟؟؟؟؟؟؟

يارب اهدهم وافتح على قلوبهم وعلق قلوبهم بالمساجد والذكر ............

شرفني مرورك يالغلا

خالص مودتي وتقديري لفكرك الراقي

Trust Me · #6 28/09/2008, 09:56 PM

راح اقول لك كلمه حق اخوي حنا كاشباب بالله عطني يوم نقدر نسنتانس ونفرح غير اليوم الوطني

إذا فاز المنتخب خل احد بس يحط العلم في يده قسم بالله هو والسياره بالحجز

وماعندنا غير اليوم الوطني وفوق هذا السيارات اللي اللي مبخوخه تتمسح ليش مادري

ادري انه مخالفه بس مجرد يوم يعني في السنه اللي عنده شغل يتحمل المفروض ماتلوم الشباب

المفروض تلوم الشرطه والمرور ياخي شوف دول الخليج وشلون مسيرتهم بتنظيم المرور اما

حنا يوقفونا ويخلونهم يمسحون السيارات اخوي ياليت ثاني مره في طرحكـ تشوف الوضع من كل الجوانب

مجنون الزعامه · #7 29/09/2008, 12:31 AM

عاشق الهلال99

هلا بك والله وغلا .........

اوكي ماقلنا شيء بس نفرح زي العالم والناس مو هبال يعني هالمناظر استغفر الله ياربي بايام رمضان وعشر الاواخر شيء يفششششل وين الدين وين العقل وين الاعتكاف وقيام الليل وقراءة قران بعد ليش دايم نلوم الشرطه والدوائر الحكوميه ومانلوم انفسنا يااخي هالتصرفات بغض النظر عن الاشياء السيئه اللي سببتها لمجتمعك تضر دينك ومسؤول عنها يوم القيامه ( ومن يعمل مثقال ذرة خير يره ومن يعمل مثقال ذرة شر يره ) طيب اللي مايبغى يعتكف ومايبغى يقرا قران ومايبغى يقوم الليل يكف شره على الاقل عن ازعاج الناس وعن الاشياء اللي تغضب رب العالمين ويجلس ببيته او بااستراحة اصدقاءه مو لازم هالقلق بالله عليك لو معك حاله طارئه بتقدر تتحرك بسيارتك والمهبل سدوا الطريق بقلة حيائهم ؟؟؟؟؟ ونقول نبغى مطر من وين يجينا مطر والحال كذا الله يرحمنا برحمته ويهدي ضال المسلمين ويفتح على قلوبهم ويثبت قلوبنا على دينه لو كل واحد هذب تصرفاته وارتقاء عن هالتصرفات والهبال اللي ماله داعي واللي يغضب رب العالمين كان ماشفت الحال كذا ومتى بس بشهر العتق من النيران الله يعتق رقابنا ورقاب المسلمين من النار ويرحمنا برحمته ..............

شرفني كثيرااااااااا مرورك ومداخلتك .........

خالص تقديري ومودتي ...............

شمايل وتشجيع هايل · #8 29/09/2008, 02:47 AM

لا حول ولا قوة الا بالله حرام عليهم والله هذول
ناس متخلفين الوطنيه موب بالرقص والاستهتار والاغاني ومادري وش
قصه اهلهم انا احب وطني بس مو للدرجه هذي اخرب كل شي واحنا بالعشر الاواخر
ولاعندهم ولا عند جدتي حسبي الله ونعم الوكيل

مشكور اخوي سلمت اناملك

♥ N E V E S ♥ · #9 29/09/2008, 03:31 AM

والله مادري وش يحسون به...........؟!

ياخي قمة التخلف والغباء....!

مــعــآذ · #10 29/09/2008, 04:35 AM

هههههههههههههههههه

سراحه شي يضحك

معقوله هذا هو الشعب السعودي

الواعي الفااهم سراحه شي مخجل

والله مخجل ,,

مشكوور على المووضوع

عاشـ الزعيم ــق · #11 29/09/2008, 06:12 AM

يعني لآزم آلوآحد يقعد ببيته ؟؟

من كثر آلآيآم يعني

ترآه يوم وـآحد بسسس

خلهم يطلعون ويستآنسون حنآ وش علينآ منهم

يمكن ونآستهم كذـآ برـآحتهم

ـآهم شي مستآنسين

AL7UB · #12 29/09/2008, 06:13 AM

المسألة لا تستحق تدخل شخصية أو منصب كبير كمحمد بن نايف
إذا كانوا ارتكبوا جنح أو جريمة هل يوجد هنالك نظام أو قانون
يعاقب تلك الجرائم ـ إن كانت جرائم ـ أصلاً
وإذا كان ذلك النظام مجود هل هنالك جهة تستطيع تطبيق وتفعيل ذلك النظام
أنا اشوف إن من دليل عدم مهنيتنا وتكاسلنا في العمل أننا ننتظر كل شئ يأتي من أعلى المسؤولين
بعدين هؤلاء أغلبهم شباب خلهم يفرحون واللي يرتكب جناية عاقبه
هم احتفلوا في الشارع والشارع حق عام واليوم الوطني فرحة عامة للجميع

KING.20 · #13 01/10/2008, 11:17 AM

إقتباس

الرسالة الأصلية كتبت بواسطة عاشق الهلال99


	راح اقول لك كلمه حق اخوي حنا كاشباب بالله عطني يوم نقدر نسنتانس ونفرح غير اليوم الوطني إذا فاز المنتخب خل احد بس يحط العلم في يده قسم بالله هو والسياره بالحجز وماعندنا غير اليوم الوطني وفوق هذا السيارات اللي اللي مبخوخه تتمسح ليش مادري ادري انه مخالفه بس مجرد يوم يعني في السنه اللي عنده شغل يتحمل المفروض ماتلوم الشباب المفروض تلوم الشرطه والمرور ياخي شوف دول الخليج وشلون مسيرتهم بتنظيم المرور اما حنا يوقفونا ويخلونهم يمسحون السيارات اخوي ياليت ثاني مره في طرحكـ تشوف الوضع من كل الجوانب

والله انك صآدق وافضل رد الصراحه .. انت

мя.ħάίţħάм · #14 01/10/2008, 08:47 PM

أهنيك ع الموضوع الرائع !!

...................................

تقبل مروري والف شكر !!

تحياتي !!

الزعيمـ الاسيوي · #15 02/10/2008, 04:20 AM

أول شي احترم نفسكـ وعدل الفاظكـ وشو ((سرابيت)) حنا بموقع محترم
وتعال ابيكـ وش سوينا شي غلط ؟ّ! خاصه هالسنه الشرطه مقفله علينا تقفيل اللهم انكـ تولع اغاني وترقص مع الشباكـ بس

ياخي حنا يالشباب عطنا يوم واحد نستانس فيه غير اليوم الوطني والعيد ؟

مافيه حتى اذا فاز المنتخب تحط علم واحد انت وسيارتك بالتوقيف

تقول بالعراق مو بالسعوديه