( الفوبيا ) اذا انت خواف ادخل - صفحة رقم 2 - نادي الهلال السعودي - شبكة الزعيم

فـهـد بن سـعـيـد · #16 27/09/2008, 02:12 AM

الله يشافيكـ

ويشافـي جميع المسلمين

بتيل · #17 27/09/2008, 05:09 AM

مساك الله بالخير

جبتها على الجرح

توي شايفه صرصور يغى قلبي يوقف طوييل واسود وله جنحان مت مت من الروعه يوم ناديت اخوي ابيه عون صار فرعون قام بتطنز

تخافين من صروصور

وشال الصرورصور بيده ونطله علي

هنا دورني ما تلقاني نطنطه وصراخ وسب وتلعين للين ان الصروصور فطس

...

والشي الثاني رهاب من الاماكن الضيقه والمغلقه.. زي المراكز والنوادي ومواقف السيارت المدرسه من ادخل هلاماكن تجيني كتمة وضيقة صدر<< احب النفاهه

واخاف من الظلمه ...

واخاف من القطاوة...

واخاف من من الاماكن المنخفظه...

واخاف من الاصوات العاليه والمطاقات اللي بالشوارع..

والسته تطول وتطول

يعطيك العافيه

بتيل

هو فيه مثلك · #18 27/09/2008, 05:26 AM

موضوع في الصميم بس نبي حلول

شف انا عن نفسي اكره شي اسمه تلفريك بشكل مومعقول والشي الثاني الطيارات

حاولت اتغلب على هالمشكله لكن لاحياة لمن تنادي

من جد عجزت وماقدرت والمشكله انا اسافر بالطياره حدود ال 17 ساعه كل سنه والى اللحين قبل الرحله بشهر يكون وضعي سيئ جدا من كل النواحي وعلى هالحال
في كل رحله

الله يكون بعوننا ويكفينا شر هالفوبيا

مشكور اخوي على الموضوع الحلو وياريت نلقى حل

Los Merengues · #19 27/09/2008, 05:30 AM

انا في فوبيا من البسس ( القطه )

اخاف منها ليش مدري

hp_sa · #20 27/09/2008, 06:13 AM

انا عن نفسي اخاف الأماكن الضيقة خصوصا المصاعد واذا كانت زحمة فهذي مصيبة المصائب

ربطـه و شبـاصه · #21 27/09/2008, 07:48 AM

آآآآخ بس ، بطني بدا يعورن من يوم سمعت طاري الدم

أنا عندي فوبيا الدم والمسحة الطبيه والإبر

والله انّي اتعذّب عذاب نوب صاحي

وكل مره بالمدرسه أو بالمستشفى لمّا يصير فيه تطعيم لا زم أسوي لهم فصل

حاولت اكثر من مره أمسك نفسي بس لاشميت ريحة المسحة الطبيه حسيت الدنيا تدوور تدوور ثمن طخخ

<--= صوت الطيحة

عشان كذا أحترم نفسي وماأصف إلا بآخر الطابور عشان كبريائي ماينخدش

حتى مره رحت مع أختي اللي أصغر منّي بخمس سنوات للمستشفى ، ولمّا جوّا ياخذون منها عينة دم ، دخت عليهم انا وانا مالي دخل بالسالفة

وماقمت إلين ماهاوشتني ذيك الممرضة الهنديه الشينه

أنتي هـ(ح)ورمه مايصلهـ(ح) اوختي صغيره مايدوخ وانتي دووخ يالله قووم

بنت اللذين خلتني أقوم غصب وأصقّع بممرات المستشفى حسبي الله عليها من شيفه

الله يشفيني وجميع مرضى الفوبيات

شكراً لك

إلا وش معنى اسمك ؟

الهنوووف · #22 27/09/2008, 08:30 AM

وعليكم السلام ورحمه الله وبركاته

هلا بك اخوي

انا اكثر شي يخوفني القطط (البسس )
عموما انا اخاف من كل الحيوانات صغيرها وكبيرهاا

بس تبقى القطط نقطه ضعفي
وحتى الصغار منها بعض الناس يستلطفونها انا ماحبهاش

يمكن اخاف منها اكثر بعد
يعني الي يبني انجن او يبي يضحك ع شكلي

يجيب لي وحده قدامي اعرفوا اني بروح بخبر كان

اخاف منهم بشكل غريب

حتى صورهم واصواتهم اكرهها
بس اكتشفت ان اغلب الحيوانات اخاف منها

بالجامعه كان فيه عصفور ناشب يروح ويجي ابدا ماسويت شي تراني

المستشفيات والاماكن العاليه والأبرر
اتوقع كثيرر يخافون منها يعني ماحسها شي مستغرب مررره
يعني تراني اخاف منها

انا مثل الي فوق ايضا الصوت العالي ماحبه خصوصا الصراخ او اصوات الايقااعات حقت الزفات بالزواجات هههههههههه
ع طول ادخل بنوبه بكاء لو مالي دخل

او تنزل دموعي واحس جسمي يرتعش

جد احيانا احس باحراج لانزلت دموعي ع موقف مالي دخل فيه

اخاف من العمال >>>>لايكثر

كفانا الله شر الخوف ورزقنا الشجاعه

شكرا لك اخوي

الهنووف

كانت

هنا

ورحلت

(اسير& المحبة ) · #23 27/09/2008, 05:16 PM

صراحه مشكله الفوبيا هذه منتشره انتشار كبير في الناس .

بالنسبه لي الاماكن العاليه هذه على طول ادوخ ولا احبها

مره ركبت تلفريك غصب ركبني خالي والله نزلت والدموع في عيوني الناس

يضحكون على وش كبري وعيوني مدمعه وزعلت من خالي والى الحين مستحيل

اركب تلفريك .

بالنسبه لباقي مشاكل اعتقد انها عاديه ماتاثر مره يعني لدرجه الخوف

بالنسبه للطيارات انا خالي عمره تقريبا 45 سنه توه يركب الطياره السنه هذه بسبب

انه كان مريض في البدايه رفض لكن اجبرناه يخاف من الطيارات خوف مره سافر

مسافه 1000 كيلو الجمعه ويوم الاحد رجع مع نفس الطريق 1000كيلو .

شوق الكويت · #24 27/09/2008, 05:26 PM

والله انا اخاف من اشياء وايد واولها
القطط : انا دايم قبل لا اطلع من البيت اخلي الخدامه تطلع تشوف الطريق امان ولالا من القطط طبعا ومره من المرات كنت مصرخه ومعصبه عليها ولما بغيت اطلع سوت فيني مغلب ولا في قطوه بالشارع وهي قالتلي مافي شي ولما طلعت البيوت اللي يمنا كلهم اسمعوا اصراخي والله فشله

الاسنسير ( المصعد ) : لو اموووت مااصعد المصعد مره من المرات سكر علي مده نص ساعه وتوووبه بعدها اصعد حتى لو 50 طابق اركب الدرج

الرياضه زينه

تقبلوا مروري

Hictar · #25 27/09/2008, 06:56 PM

إقتباس

الرسالة الأصلية كتبت بواسطة المنفهق


	فوبيا طبيب الاسنان

أنا لو تطيح أسناني كلها ما رحت لطبيب أسنان
قبل سنتين جلست شهر كامل أتألم من ضرس
ولما زاد الألم لدرجة ما أقدر أستحملها ، قررت إني أكشف عن طبيب أسنان
ولما دخلت على الطبيب ، قال لازم نقطع الأعصاب

قلت بنفسي : تبطي أجيك مره ثانيه

وإستمريت على المسكنات لحد ما إنكسر الضرس لنصفين والحمد لله إرتحت

-----------
أما بخصوص الخوف من الطائرات
فأعرف الكثير يسافر بالسيارة ، وموفر له تذكرة طائرة وشحن سيارة مجاناً.
لكنه يرفض ويسافر ( خط ) ، كل هذا خوف من ركوب الطيارة

A S D · #26 27/09/2008, 07:02 PM

إقتباس

الرسالة الأصلية كتبت بواسطة مواصل من عام 1413هـ


	أنا لو تطيح أسناني كلها ما رحت لطبيب أسنان

سبحـآن الله

مثلي بالظبط , لو تقول بتموت ان ما رحت لطبيب الأسنان بقول اموت أبرك

يجيني حاله غير طبيعيه إذا رحت لطبيب أسنان

,’
و بالنسبه للطياره ما قد ركبتها , لكن لو تقول لي اركبها ما عندي مشاكل

ورده
..

SunStyle · #27 27/09/2008, 07:19 PM

إقتباس


	وعليكم السلام ورحمه الله وبركاته هلا بك اخوي انا اكثر شي يخوفني القطط (البسس ) عموما انا اخاف من كل الحيوانات صغيرها وكبيرهاا

من جد حتى انا اخاف من القطو

لحد يضحك

بس من ربي كذا من يوم مانولدت : d
الحيونات اغلبهن يخافون منهم ..

اما بالنسبة للأماكن المرتفعة .. الحمد لله ماعندي مشاكل معها

والمستشفيات صار شئ طبيعي معي كل شوي وانا زاير لهم

الا دختر الأسنان

..

وفقك الله

الـــــــــــوان · #28 27/09/2008, 08:27 PM

انا اخـــاف من أي كائن حي يتحرك

غير الأنسان

اما الأشياء البااقيه الحمدلله ماعندي مشــاكل معها

**
واللي عنده مشكله من الحيب ترى هذي حساسيه مو فوبيا

وفيه اشياء كثـيره فيها كالسيوم و تقدر تعوض عن الحليب

***
تحيتي لك ورده

مطيع · #29 27/09/2008, 08:57 PM

إقتباس

الرسالة الأصلية كتبت بواسطة ربطـه و شبـاصه


	آآآآخ بس ، بطني بدا يعورن من يوم سمعت طاري الدم أنا عندي فوبيا الدم والمسحة الطبيه والإبر والله انّي اتعذّب عذاب نوب صاحي وكل مره بالمدرسه أو بالمستشفى لمّا يصير فيه تطعيم لا زم أسوي لهم فصل حاولت اكثر من مره أمسك نفسي بس لاشميت ريحة المسحة الطبيه حسيت الدنيا تدوور تدوور ثمن طخخ <--= صوت الطيحة عشان كذا أحترم نفسي وماأصف إلا بآخر الطابور عشان كبريائي ماينخدش حتى مره رحت مع أختي اللي أصغر منّي بخمس سنوات للمستشفى ، ولمّا جوّا ياخذون منها عينة دم ، دخت عليهم انا وانا مالي دخل بالسالفة وماقمت إلين ماهاوشتني ذيك الممرضة الهنديه الشينه أنتي هـ(ح)ورمه مايصلهـ(ح) اوختي صغيره مايدوخ وانتي دووخ يالله قووم بنت اللذين خلتني أقوم غصب وأصقّع بممرات المستشفى حسبي الله عليها من شيفه الله يشفيني وجميع مرضى الفوبيات شكراً لك إلا وش معنى اسمك ؟

أما ذا الرد سبحان الله مفصل تفصيل للفوبيا حقي

من الدم الى الطراخ مرورا بآخر الطابور وسالفة الاخ الاصغر

شكرا لكاتب الموضوع

عريب عبدالله · #30 27/09/2008, 09:27 PM

أنا كان يضرب المثل بي في الخوف

حتى ظلي خفت منه يالله لك الحمد

بس الحين خف واااااااااااااااااااجد بعد مجموعة من الكتب والأشرطة والإصدارات

وبما أني أول شخص يخاف ما عمري شفت أحد خايف

ومرة من المرات كنا في المزرعة وطلع على الحريم فارة

طبعا حاستهم حوس

بالصدفة أنا كنت بعيدة جدا عن موقع الحدث لكن كان الموقع مكشوف بالنسبة لي

وأنا اللي أموووووووووووووووووووووووت من الضحك

طبعا كلهم كانوا ودهم يجلدوني

قالوا يعنني مات خافين قلت حرااام عليكم أنا أول مرة أشوف أحد خايف

وهذا الموقف خلاني أتخذ إجراءات عشان أتغلب على الخوف

والحمدلله ما عاد صرت أخاف لأن شكل الناس لين خافوا يموت من الضحك

بالحب والإشراق