#1  
قديم 24/09/2008, 11:52 PM
زعيــم متواصــل
تاريخ التسجيل: 08/12/2006
مشاركات: 57
Exclamation MOBILY..SV..STC تعبنا والله>>ALhilalفي أمريكا (صــوورamazing)

السلام عليكم ...




أعضاء ومحبيــن............. شبكة الزعيـــم







الموضوع يا شباب >>>>> ايه شباب لانه كل مكان يقولون عوايل



المهم الموضوع ثلاث اجزاء فيه والجزء الاكبر منه


لتغييير الجو الساخن هاليومين بالمنتدى


حتى مهب ساخن الا محترق...


سوو هو لتغيير الجو فرفشه >>>>>>ويتطرق للهلال من نواحي






أولاً :


أنا مبتعث سعودي بأمريكا ولا أخفيكم يا شباب حتى فتره قريبه


كنت أقول أن للهلال منافسين >>>بالنسبه للجماهيريه


المهم يوم وصلت أمريكا وخلال فتره اكتشفت انه


تقريباً 70 بالميه من الشباب ((اللي في مدينتي))


هلالين والباقي مشكل ولا ما يهمه وهم طبعاً مشجعين


من قبل يعني مهب مسكت هاليومين يشجعون


فلم أيقن أن للهلال منافسين بالجماهيريه



بل أيقنت أنه ليس هناك نادي في السعوديه قريب من جماهيرية الزعيم




ومن ناحيه ثانيه لو تشوفون عدد الزيارت للشبكه من أمريكا ....>>أتوقع عدد كبير




يعني أنا أدخل الشبكه يمكن ثلاث مرات باليوم خصوصاً اذا كان


فيه أحداث



وتخبرون مع موبايلي والاتصالات تفقعت بطونا من الحيره


مره يقولون وقعنا ومره لا





اللي محيرني :ليه مركز الهلال الاعلامي ما يقوم بدوره بهالمرحله؟؟








أيظاً انه لو فسخ عقد موبايلي مع الهلال


يعني اخلال بالعقد فأرجوا عدمه >>ومتولين الموضوع هم سادة العارفين فيه


______________________________________________




The Second :>>>ما صدق يقول أنا بأمريكا تفلت علينا





النقطه الثالثه يا شباب ان الموضوع تغيير جو و وناسه


فحبيت تشاركوني الفرحه بوصول فلينة الهلال


لي مع أغراض أرسلت لي من السعوديه


وكان وقتها ويك اند فقعدت اتفلسف وازبط بالتمر


والاغراض المرسوله لي مع الفنيله >>>>>>>>>تحملووني



اولا الوصول










طبعن الفنيله للمبدع طارق وما لحقت


على الطقم الجديد وابوالعز ما يشتري


الا من اقرب محل للبيت ما يجيب اصلي >>>اقول احمد ربك


وللشباب اللي بأمريكا يعرفون


كيف السنتات تقعد على قلبك ما تدري وش تسوي بها :


وأعطيها باص عيـــون والله اشتقنا يا طارق لك وللوطن



طارق عشقاً لا ينتهي >>>مش حيخلصووه










المهم الفضاوه عذاب واتمنى من اي شاب سعودي طموح انه


ما يحاول او تسول له نفسه انه يكون


فاضي في يوم من الايام :::


واذا سولت لك نفسك صرفها


وقلها منب فاضي لك وللا عطها مشغول


ولا ترا بتصير مثلي :









>>>>>>>>>>>>>>تحمدوا الله ما ابتليتوا بالفظاوه لمدة ثلاث ايام في شقه




بعد كذا تطور الشكل شوي وصار اكثر كمال >>>>اكثر كمال محمود



طبعن ما يلاحظ الفرق الا الذكي


وتخبرون الذكي هاليومين ما تلقاه الا بطلعت العين


يعني نادر >>>اخو سلطان اللي يتعلم بلياردو >>وش فيــــــه











والتطور اللي بعد كذا كان نقله نوعيه


وإن كانت تدل على شي فهي تدل على رقي ودهاء


وأيظاً إبداع المبتعث السعودي في شتى المجالات


الهندسيه المبتعث عشانها والتقنيه >>فهااوه والله :








طبعن ما يحتاج اتكلم كلكم اذكيا بععد اول اختبار


الزياده هي سيقان زبيريات >>>كرم الله القارئين لانه ما فيه سامعين



طبعن الصوره اللي بعدها فيها زياده خياليها >>>طولها ما وده يخلص الموضوع


لدرجة ان الصوره يوم جيت اسويلها ابلود طلع حجمها قيقا :








هاه من الذكي العبقري اللي يعرف واعطيه نجمه؟؟؟؟ >> سمجها



هذا 900 ميقا من العلم السعودي


و100 ميقا من ابوماجد الماثل امامك على يمين الصوره


طبعن من حسن حظ المذكور آنفن ان الفنيله طلعت كبيره علي


وصادرها جعله يصير ممنوعات ويصادرونه على المنفذ >>وش يحس ذا



آخ بس لو ابلغ السلطات انك مصادر الفنيله




طبعن اسم التايب ذكرنا بالمباريات والزعيم فخطرت فكره :








وطبعن للمعلوميه فقط ولا يقول أحد أني ما قلت وتراكم عزيزين


وتستاهلون هالمعلومه :


في المجتمعات المتحظره اذا احد خطرت في باله فكره يطلع برا الشقه



أكيد بتسألون ليه >>أنا ما ادري ما لي دخل




المهم الفكره اننا نحظر مباراه لفريق جامعتنا ضد التتار


اسف مهب التتار فريق ثاني ما ادري وشو


الا على طاري التتار لهلحين فيه ناس تظيع وقتها


بالقمح والطين وجنود قيصر >>>>>



مع الوصول كانت الاجواء تشجع انك تحظر


مباراه منتب فاهم نص قوانينها >>طبعن مهب زي تشجيعنا مقرفونات


وطبوول و واحد يدخن عند اذنك











ومن الاشياء الحلوه الغريبه انه جانا واحد بغا يشوتنا >>مبسوط انك بتتشوت



يقول ليه ما لبستوا احمر طبعن انا كنت لابس تشلسي وابوماجد لابس الهلال


قمنا نصرف قال لا يكثر الفنايل توزع ببلاش هناك


المهم رحنا ولا لقيت مقاسي لانه مخلص ما فيه الا XL


فرجعلنا النشبه ذاك وشرحناله فقال عادي حتا لو كبير >>والله النشبه


مع انه مشجع عادي


والشي الاحلى انه فالملعب خلف المدرجات فيه دومينوز بتزا وكشكات كثيــره


يعني المباراه متعه من جد >>>اتمنى يكون بملاعبنا اشيا تشجع تجي


المهم


ابو طبيع ما يخلي طبعه :تخبرون كيف اذا قربوا اللاعبين للجماهير


باستاذ الملك ولا الملز


طبعن ابو ماجد ما صدق اللاعبين كلهم تجمعوا عند الشبك


راح متعلق بالشبك:







بس زين مدنق ولا كان شوتك اللي وراك



فيه موضه طاحوا فيها هنا بالمنتديات


الشباب يحطون صورة لاعب ويقولون يا ابومساعد جبه تكفا


وليش انا ما اطلب حتى لو لفترة التسجيل الثانيه>اخبر ابومساعد متابع


لكرة القدم الامريكيه وهذا هو اللاعب : ورقمي ابرسله على الخاص عشان


ننسق معه يجي السعوديه :







هيــــه لا احد يروح باله بعيد


اللاعب اللي على اليسار رقمه 99)ADAMS



والله يا فيه سرعه اذا انطلق بالكوره ما يردونه الا الجماهير اللي بالجهه الثانيه


وبنيه كانه ثلاث رجال ببدي رجال


يعني لو يسلم عليك من دون قصد يفصل يدك


وطويل يعني قلب دفاع مهاجم حرباء خلف الوسط >>>>بتاع كلو



وعلى العموم لاحظوا الحظور كان مش ولا بد بس ابشركم فزنا






_____________________________________


طبعن تعبت اكتب فعشان كذا ما فيه شي ثالث



وبالاخير أهدا متواضع لقادة الزعماء أبناء مساعد :


أعلن ثقتي بكل خطوه ينوونها :>>مهب حتى يطبقونها








طبعن هذي زهره صفراء مع احترامي للزهوور



وعلى طاري الرئيس


والرجل المحنك عبدالله بن مساعد


اقول يا جماعه هذا رجل ما ينخاف على الهلال اذا صار معاه


اذكر له مقابله يتكلم عن اول شركه سواها


طبعن كان راس مالها حدود3 مليون الان ما شاء الله


نشوفها بالسوق شركة الورق راس مالها اكثر من مليار


فخلوا الرجل يرتقي بالزعيم






وأرجو المعذره كان الموضوع ما له داعي ولا شي


انا حبيت اغير الجو هاليومين بالمنتدى


ونسولف سوا



واتمنى للهلال


التوفيق واتمنى من موبايلي أحترام الهلال





سلام










توه ما خلص الموضوووع


أهداء لسيد الرجال :








اوصل سلامي لابو العز واقوله نحن في الوطن العربي اجمع نقف صفاً


واحداً ...قلباً وقالباً معك ضد حارة ابو النار وحارة ابوعرب








اي والله والله لو اشوف ابو غالب بأي مكان انه لا يااكل أتله عمره ما أكلها بحياته


لعيون ابو العز وحاره الرجالات ابوشهاب وجماعتو لابوشهاب



واحب ايظاً انوه على ابوعرب >>اقصر الشر يا ابو عرب



ترا والله حاره الظبع ما يمزحون
وعلى عيني و راسي بتاخذ


بتار ابنك بس عاد مهب تتهمنا بدمه لابنك وحنا مالنا دخل
لا من قريب ولا من بعيد
وتذكر >> شكلين ما بحكي


يا عيب الشووم


>>>وترا احس ان ابوالعز هلاليكفو يا ابو العز




الصوره ملطوشه حقت ابو العز وتم الاستأذان من صاحبها

______


واشكر الاخ والزميل أنا معك اللي عطاني معرفه عشان اعبر عن خلجاتي وشعوري تجاه الكيان الازرق


إلى اللقاء

اخر تعديل كان بواسطة » أنا معك في يوم » 25/09/2008 عند الساعة » 05:18 AM السبب: الخط
اضافة رد مع اقتباس
  #2  
قديم 24/09/2008, 11:59 PM
زعيــم فعــال
تاريخ التسجيل: 11/11/2006
مشاركات: 209
ههههههههههههههههههه
والله موضوع في غاية الروعه
والله يوفقك يارب
مو غريبه على الزعيم
وان شاء الله ترجع لاهلك سالم غانم
ويشرفني ارد على الموضوع اول واحد
اضافة رد مع اقتباس
  #3  
قديم 25/09/2008, 12:01 AM
زعيــم متألــق
تاريخ التسجيل: 12/03/2006
المكان: اينما يذهب الهلال
مشاركات: 1,057
الله يرجعك لأهلك ان شاء الله
اضافة رد مع اقتباس
  #4  
قديم 25/09/2008, 12:02 AM
زعيــم نشيــط
تاريخ التسجيل: 30/03/2007
مشاركات: 958
ههههههههههههههههههههههههههههههههههه

يرحم والديك كل يوم طب المنتدى

تدري جمهورنا صار فاضي و يتأمر نبي اتصالات لالا نبي موبايلي وكلن يفتي على كيفه

الله يعينك على الغربة وقلوبنا معكم

وان شاء الله نتواصل بافراح الزعيم وعودتكم سالمين غانمين
اضافة رد مع اقتباس
  #5  
قديم 25/09/2008, 12:07 AM
زعيــم فعــال
تاريخ التسجيل: 01/01/2008
المكان: مملــ الزعماء ـــكة
مشاركات: 439
ههههههههههههههههههه

الطفش جنـنــك

والله موضوع في غاية الروعه

وان شاء الله ترجع لاهلك سالم غانم
اضافة رد مع اقتباس
  #6  
قديم 25/09/2008, 12:10 AM
الصورة الرمزية الخاصة بـ إبراهيم الهزاع
زعيــم مميــز
تاريخ التسجيل: 30/03/2007
المكان: الرياض
مشاركات: 2,255
Icon18

يا حليلك .. والله وصار للهلال جماهيريه اكثر هناك شي مب غريب
ومن مصدر موثوق الا هو انت .. ()
ولا عن وعن ..() وش خليت

تكفى باتسر صور وقل وش صار ()

موضوع يشرح الصدر يا خيي () لا تحرمنى منك
وان شاء الله ترجع لاهلك سالم غانمــــــ

()
اضافة رد مع اقتباس
  #7  
قديم 25/09/2008, 12:10 AM
زعيــم فعــال
تاريخ التسجيل: 04/06/2008
مشاركات: 225
يعطيك العافية وموضوع جميل ، وأن شاء الله ترجع بالسلامة
اضافة رد مع اقتباس
  #8  
قديم 25/09/2008, 12:12 AM
الصورة الرمزية الخاصة بـ ana hlaali
زعيــم مميــز
تاريخ التسجيل: 27/05/2008
المكان: في كل مكآآن لي فرع *_*
مشاركات: 1,986
ههههههههههههههههههههههههههههههه

وسعت صدرنا الله يجزاك خير,,تكفى كل يوومين والا اسبووع عطنا مثل هذي المواضيع نفرفش فيها,,

وترجع لأهلك سالم وغانم ان شاء الله,,


هذي باقه لك وردهوردهوردهوردهورده
اضافة رد مع اقتباس
  #9  
قديم 25/09/2008, 12:14 AM
زعيــم فعــال
تاريخ التسجيل: 30/09/2007
مشاركات: 394
الله يعافيك ويرجعك بالسلامة..)
الله يوسع صدرك مثل ما وسعت صدورنا..)
اضافة رد مع اقتباس
  #10  
قديم 25/09/2008, 12:14 AM
الصورة الرمزية الخاصة بـ omar_44
زعيــم مميــز
تاريخ التسجيل: 06/07/2008
المكان: USA- NewYork
مشاركات: 2,167
اي والله مثل ما قلت السنتات تقعد على قلبك << اسال مجرب

انا في اوروبا لكن مو مبتعث جاي مع ابوي << ذاب وجهي معه

والصراحه هالرحله اللي للملعب متعه بكل ما تحمل الكلمه من معنى

ومشكووووووور على هالموضوع الرائع
اضافة رد مع اقتباس
  #11  
قديم 25/09/2008, 12:16 AM
زعيــم مميــز
تاريخ التسجيل: 09/05/2008
المكان: أعيش وحدي!
مشاركات: 1,981
و الله إنك داج..
ونستنا و الله؛
كل يوم تعال..
ابن مساعد شايفـ (ن) مصلحة الهلال
و لا هو مبعد عنها..
و الجمهور كل واحد طاب في شركة..
.
يعطيك تريليون عافية؛
و الله يرجعك لأهلك و إنت سالم غانم و safe بعد..
Thank you very much
اضافة رد مع اقتباس
  #12  
قديم 25/09/2008, 12:17 AM
الصورة الرمزية الخاصة بـ خـــــــالديانو
زعيــم نشيــط
تاريخ التسجيل: 20/01/2008
المكان: الرياض
مشاركات: 685
يعطيك العافية وموضوع جميل ، وأن شاء الله ترجع بالسلامة
اضافة رد مع اقتباس
  #13  
قديم 25/09/2008, 12:18 AM
زعيــم متواصــل
تاريخ التسجيل: 08/12/2006
مشاركات: 57
يعطيك العافيه على الردوود الحلوهـ واللي توسع الصدر والله .. وتحمسنا شوي

ــــــــــــــ

ana hlaali >> شكراً على الباقه وصلت يالغالي

اضافة رد مع اقتباس
  #14  
قديم 25/09/2008, 12:21 AM
زعيــم فعــال
تاريخ التسجيل: 11/07/2007
المكان: Creativity World
مشاركات: 231






روعة ..

وسعت صدرنا الله يوسع صدرك ..

والله يوفقك بدراستك ..

..• :: ولكم مني أرق التحيات :: •..

––––•(-• .:. KITO KID .:. •-)•––––






اخر تعديل كان بواسطة » KITO KID في يوم » 25/09/2008 عند الساعة » 01:11 AM
اضافة رد مع اقتباس
  #15  
قديم 25/09/2008, 12:22 AM
زعيــم مميــز
تاريخ التسجيل: 29/04/2008
المكان: عايش بالرياض لكن زلفاوي
مشاركات: 2,658
انشاء الله تنجح

بالتوفيق لك........
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:33 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube