والله كنك تقراء اللي في باالي
انا قريت فقرة هديه امك وابوك
اولا الله يحفضهم لك ويحفضك لهم ويخليهم
ثاانيا انا محتاااره كثيير ابغى اهدي امي بس المشكله اني مااطلع السوق الاوهي معااي ولا تفاارقني يعني بشتريها وهي تشوف مايصلح انا بسويها مفاجئه لها

الله يعين بس
وكل عاام وانت بخير اخوي << مقدما قبل الزحمه

تصدق عمري مافكرت أمي وأبوي هديه مدري ليه

بس انشالله عقب موضوعك مفكرة اشتري لابوي عطر بس مدري وش ينفع له

وامي بشتري لها طرحه زينه لان حقتها ضاعت

الله يجزاك خير ويعطيك الف الف عافيه على الفكرة ... فكرة حلوة واهلي يستاهلون

مشكور اخوي على التذكير

وانا شريت هدية امي قبل العيد

وهي قماش لثوب العيد


تحياتي

هلا وغلا اخوي واهنيك على موضوعك

انت كفيت ووفيت بصراحه وطرحت افكار ربما لم تكن على خاطر البعض جزاك الله الف خير

انا بتكلم عن نفسي ....

طبعا ايام وانا طالب انسى الموضوع العيديه تجيني من ابوي وامي وما اعرف احد ولا قد فكرت اعيد احد

لكن الحمد لله بعد ما اشتغلت ....

ما اجيب هدايا لاني احس احلى شي الكاااااااااااااااااش

يعني كل من هم اصغر مني سواء اخواني واخواتي ... او عيال اخوي واختي ... اعطيهم عيديتهم فلوس اريح لي وهم حرين يجيبون اللي يبون

بالنسبة للي اكبر مني اعيد خواتي بس ... اخواني يدبرون اعمارهم ماني فاضي اصرف عليهم

ابوي طبعا صعب جدا ومو حلوه اعيده اصلا ... لكن الله يجزاك خير انت جبت ببالي فكرة اني اجيب له هديه

الوالده الله يخليها ... مرات نحلف عليها ما ترضى تاخذ تقول خلو فلوسكم ووفروها ما ابيكم الا تتزوجون وانا مبسوطه

العيد الماضي انا وكل اخواني جبنالها ذهب يعني صارت الدعوه غصب

عموما احس اني كبيت العشا وكثرت كلام

لكن صدقوني والله العيديه والهدايا بالعيد لها طعم خاص وخاص جدا عند الصغير والكبير

خصوصا الصغار ممكن تملك قلبه وحبه بشي بسيط

يعني والله على مستوى مرات اشتريلهم شي من البقاله وانا راجع شوفو انواع المشاعر الجياشه والمصالح اللي تصير منهم تجاهي

لكن القلق اللي زي حالاتي ابوه وامه ما شاء الله كانو متفاهمين جدا وما قصرو بموضوع العيال لا وزود على كذا عيال خواني الصغار يعني انسو موضوع الميزانيه بالعيد

ما ودي اطول ... شكرا لك وربي يجزاك خير ... وباذن الله ان الجميع يستفيد من موضوعك

وعليكم السلام ورحمه الله وبركاته


هلا بك اخوي قوي الباس عودا حميدا

لغة الهدايا جميله جدا والكثير يعشقونها وانا اولهم
وايضا الرسول صلى الله عليه وسلم حبب بهالشي (تهادوا تحابوا)

بخصوص الهدايا
مره انا واختي تقاطينا وشرينا عطرين وساعتين وحده لـ ابوي وحده لـ امي

تحسهم يستحون لاقدمت لهم هديه

عاد ابوي تونا شارين له جوال طبعا قطه مني ومن اختي وامي
هديه لو احنا مخلينه عيديه كان احسن
راحت علينا

مشكله الهداياا ماتدري وش تشتري خصوصا اذا لامك او ابوك
مشكله الاشياء الفخمه تكون غاليه مره ومافي شي بسيط ينفع لهم
وواحيانا افضل تكون الهديه مني لحالي مو انا واختي
شكلي بعطيهم فلوس وبكتب عليها ورقه هذي عيديتك
اسم انها عيديه
وبعد اسبوع بطلب منهم مقاضي الجامعه يعني بترجع لي اضعاف مضاعفه


عموما فيه اقتراحات كثيره ومو شرط شي غالي
اي شي بسيط بيفرحهم يكفي انك متذكرهم
بقول امثله احب الامثله تكون مصورة
وممكن تكون اشياء بسيطه بس اشتر كذا غرض بصندوق
الهديه بمعناها مو بقيمتها















وبس


شكرا لك اخووي
وكل عام وانت بخير مقدما

هلا وغلا بك اخوي الحبيب عبد الملك ..
موضوع جميل وفكرة رائعة ..
الهدية مهما كانت قيمتها يكون لها وقع وآثر طيب في النفس ..
وحقيقة اختيار وقت الهدية له دور كبير...

مثل العيد .. والمناسبات الجميلة .. والهدية للوالدين مهمة جدا..
وبصراحة اعجبتني فكرة الاهداء مع كتابة كلمات معبرة ..
في البدابة حسيت انها صعبة اكتب للوالد والوالدة

وتذكرت احد الاصدقاء والذي حججت معه العام الماضي حين قال لي :
ماجد بصراحة ما اعرف ادعي لابوي وامي واخواني .. استحي !! فتعجبت منه !!

لكنني اليوم ارى اني اصبحت مثله استحي
لكن ان شاء الله العيد هذا اكسر الحاجز ..وتكون هناك هدية مختلفة ورده

شكرا لك عبد الملك
ودمت بحفظ الله ورعايته ,,,

الله يجزاك خير يالغالي ..


تذكير بمحله والله ..

بس الصراحة احترت وش الهدية المناسبة !

لعل به جوله اليوم ونجيب معنا اللوازم ..ورده

أهلا أخوي قوي الباس ورده

الهدية بالنسبة لي مو شرط تكون مادية
..ممكن المعايده تعتبر هديه ..
بصراحة أنا من النوع اللي يموت في شيء اسمه هدايا ..ولو كانت بسيطه تفرحني ..لان ماتهمني الهديه قد مايهمني الشخص اللي تذكرني وجاب لي الهديه..

ماراح اتكلم عن الهدايا كلهالأنك أنت تكلمت عن هدايا العيد بشكل خاص ..
بالنسبة لهدايا العيد ..فهي تفرح الكل الكبير والصغير ...
والكل يهدي اللي يعزون عليه ,,

هالسنه أنا والله امي وابوي ,,مافكرت وش اهديهم ولا حتى خواتي واخواني مع ان مو من عادتي اهدي اخواني وخواتي, امي وابوي والمبزره ويالله بعد,,

طبعا المبزره معروفه هداياهم ..وهالحين صاروا يتفننون فيها بعض الناس وأنا منهم هنا طبعا يكون شكل الهديه يفتح النفس إذا تفننا ,
والصغار صار شيء أساسي عندهم هدايا العيد ..
------------

ممكن أهدي أمي عطر وأبوي دهن عود ..
,/
/,
/
,

قوي الباس ..كل الشكر لك عزيزي ..

كل الود..