هلا والله

شوف ياخوي سالفه الاعجااب بين الفنانين او الاعبين مالها داعي

يعني انا من وجهة نظري ما أأيد اني احب فنان ما يدري عني ويتقطع قلبي تقطع

وهو ما جاب خبري

اقول يازين بس الكورا بعيد عن الاعجاب

مشكور اخوي على هالموضوع

تقبل مروري بنت فهد

فيه بعض الردود تحس فيها نصب << بيتحرش ..

سالفة البنات مع الكورة ماهي طويلة ..

1) استمتاع باللعب ..
2) إعجاب ..

وسنبين هذين الشيئين بشيء من التفصيل :
أولاً : إذا كانت تستمتع باللعب .. وتشاهد الرياضة لأجل اللعب فهذا لا بأس به ..
ثانياً : إذا كانت تشاهد لأنها معجبة .. مانقول إلا الله يعينها على نفسها ..
انتهينا .....

^
^ أبووك يالتفصيل


وشكراً لك يالهلالي .. ومواضيعك حلوة .. بس كثر شطة هاه ..

ياحيـا الله الهلالي

شسمه مير موضوعكـ مستهلكـ بكل متسـان
ودايماً مايناقشـون تشجيييع البنات للكورهـ

إقتباس انتشرت في الفترة الاخيرة ظاهرة ان البنات يعشقون ويتابعون كرة القدم ... خاصة الاوروبية

ايه صـادز واكثـرهم تشجيييع مهايط بـس
يعني انها بتسووي اني اعرف خخخخخخخخخخ

ولو تجيب لها مالك معاذ وتقول ذا كرستيانو بتدودل رأسه
وتقول ياملـحه

صراحتن أكثرهم مايدورن وش السالفه بس أهم شـي عندها
انها تشجع فريق اجنبـي وتشوف ناس حلوه تراكض

يعني وش فييييه محمد نور
الا على طاري نور

ترا له معجبيـــن كثير
اذكر وحدتن تقول خلتس من لونه بس ركزي في الولد والله انـه مملوح << مايخلن أحد


انه صراحتـن أشجع الاعب على لعبـه مب على شكلـه
بس اكثـر اللي ينتقدون تشجيع البنات
يحطوون في بالهم ان كلهم سوا وانهم بـس يشجعوون عشان اشكـال الاعبيـن

لا والمشكلـه في بنات يناقشون بهالأمور ويقولون حمدالله والشكر مابقى الا هي اشجع لاعب عشان جسمه والا عشان شكله
وهي حاطــه صور لراشد اولماجد المهندس بكل مكان .. !!!


متشكريـن أخيي على هالموضوع


فـجـر !

هلا وغلا وباك مرة ثانيه مدري ثالثه

اختي الحلا مبتليها

كلامك منطقي ومقبول وشاكر لك مرورك

إقتباس وكرستيانو رينالدو

مدري بس اخبر اسمه كرستيانو رونالدو

اختي قائد روحي

بصراحه خويتك لا تعليق اجل طاحت على ورى هاه اللهم لا شماته

زيزو

اوف اوف لو ادري انك بتاخذ تاكسي من العالميه للمجلس عشان ترد علي كان كتبت كلام اكثر بالموضوع

نورتني يا غالي واوافقك الراي بالنسبة للبطولات الكبيره ... لكن صدقني هوس الاعجاب بالاعبين صار لازم تتابعه وتتابع كل اخباره لو على البطولات الكبيره بسيطه

منور والله عزوز

إقتباس شجعنا الهلال كـ كيان وحنا مانعرف فيه احد وبعد ماعرفنا ماتغير شي كثير

قلتها وبقولها كثيرا ... فيه كثير يتابعون الرياضه كلعبه ... واللي لاحظته من الردود ان مشكلتي اللي طرحتها تبان اكثر بالرياضه الاوروبيه اكثر من المحليه ونادي الهلال

شاكر مرورك

اخوي مروان

إقتباس ماينفع ليز ..

اوووه الليز اطلق وبقوووه بس انا قصدت بالتسالي مو الشيبس لا كل ما يروح عن النفس ويسليها <== يمديك

اخوياك هاللي يتابعون التنس اردى اسمحلي يعني القدم اللعبة الشعبيه الاولى على مستوى العالم ... وممكن الواحد يتابعها من جماهيرتها لكن يتابع تنس نسائي فقط اجل اغسل يدك

انا احب كرة الطائرة ... والله استمتع بالطائرة الرجالية اكثر من النسائيه ... الرجال حماس وما عندهم الا تمزيع بس النسائيه لعبتهم هادئة وحساسه وانثويه

اختي ساندرا

إقتباس والله عاد .. التشجيع كثررته مب زييينه .. يعني حلاة البنت تكون هاديه .. ماتدل إلا المطبخ

هذي هي ... البنت لازم تراعي بعض الامور بتشجعيها ... اتفق بكل ما قلتيه الا اخر جمله اللي بين القلبين

قلتها قبل بعض البنات يصل درجة تشجيعها وعشقها للجنون ... وهذا يعكس على تصرفاتها اللي بالتاكيد ما احد يقبلها من شاب كيف من بنت

اختي هلاليه سنعه

إقتباس لكن في بعض الشباب والبنات يجعلون هالحب والعشق متنفس لهم .. عشان يشغلون انفسهم بأخبار اللي يحبونهم ويحسون ان فيه شئ يهتمون له .. بالعكس فيه بنات ماشاء الله عندهم ثقافه كرويه احسن من بعض المحللين اللي يقرقون على غير سنع ..

قلتيها يبون يتسلون فيه والاهم وصدقوني هذي اغلب المشكله عشان تجاري خوياتها اذا انفتح موضوع لاعب حلو او فنان او غيره

والدليل ان هالمشاكل ممكن نواجهها بالمدارس والجامعات اكثر من غيرها ... والسبب ان البيئه هناك تخلي البنت لازم تتابع اخبار لاعبين عشان ما يطلع شكلها غلط بين خوياتها وعاد كل وحده تنقي لها مزيون

وبالنسبة ان فيه بنات يعرفون كورة اكثر من المحللين بهذي صدقتي انا شايف هالشي بالمنتدى وبرابطتنا وهذولي من النسبة المستثناه اللي انا حشيت فيهم

اجل اختك تتابع الدوري السوداني خلها تدور غيره لانهم يلعبون اسبوع ويقعدون شهر راحة لجميع الفرق

اختي المحبره

احيي فيكي ردك الرائع ... واسماء الاعبين الاوروبيين اللي ذكرتيهم تكفي لك اني ابصم لك انك متابعه للكرة عموما

لكن مو الكل مثلك وبقولها للمرة المليون ... شجعو وتابعو انا ما قلت انه عيب لكن بادب وانتي قلتيها باخر ردك ... فيه تصرفات ما احد يقبلها

تعبتوني يقطع سمو حضرة بليسكم يا كثر ما خشيت نقاشات بس نقاشاتكم مشاكل كل وحده تقول رايها والا لازم هي اكوس وحده

لي عوده للتعقيب على ما تبقى باذن الله

.

.

مرحبا بـ تي في المجلس
حياك الله ورده


بالنسبه لـ سبب تشجيعنا
البنات ينقسمون لـ قسمين

يا انها تشجع للهلال أوانها تشجع للاعب معين وخلونا نكون صريحين تشجع عشان (ياسر القطاني) !

تشوف البنت ماعندها سالفه غير ياسر وياسر وصلت فيهم ان وحده اعرفها من بنات المدرسه يوم عرفت ان ياسر ملّك قامت تصيح تقول راح علي !
معليش صراحه هذي قمة قمة التخلف !


أجل تتابع مباريات عشان فيس لاعب
لو ابغى اشوف مماليح وش كثرهم والله

ولاّ تعالوا تشوفون مدرستنا اذا فاز الهلال كلهم لابسين تي شيرت الهلال من داخل
وكاتبين وراهم 20

ولاّ جدران المدرسه فيها كلمات ياربي لك الحمد بس
بس وش نسوي كل اللي بالمدرسه مراهقين توهم ماعقلوا الا القليل جداً منهم


لكن انا من ناحيتي من عرفت نفسي وانا هلاليه اقتداء بالوالد طبعاً
ومباريات الأجانب مالي فيها الا اليورو الأخير تابعته من نهايته

بإختصار حبي للهلال فوق مليون لاعب مملوح


شكراً لك يـ الهلالي 11 وحياك الله بالمجلس ورده

مع التحيه

هلا أخي الهلالي 11ورده
ماأخفيك فيه بنات تشجع علشان الشكل والجمال وإلا أخيره بس تلقاها مراهقه
وتشجع سنه سنتين ثلاث وبعدها تترك الكوره "ولو سألته شئ بالكوره ماتدري عنه "
وبالطرف الثاني في بنات تشجع علشان الفن واللعب والمتعه وأنا وحده منهم من صغري وانا أشجع الهلال ماعمري شفت مباراة علشان شكل لاعب لا محليه ولا عالميه
:
هلاليه سعودية

أخوي الهلالي 11

ودي أسوي كبسة و مانيب فاضي أقطع البصل ناد وحدة من اللي يتابعن الكورة تقطعه عني

وش عرف البنات في الكورة ؟

اللي أعرفه إن البنات يعرفون يسوون مكياج يختارون أغراض من بودي شوب .. يسوون رجيم .. يطبخون أشياء خفيفة و بعضهن بارعات

أما .. الكورة .. أحسهم ما يفرقون بين الحارس و لحاق الكور

فيه واحد بيجيني يتفلسف و يقول هذا تخلف و ألحين البنت دخلت في مجال الكورة

بأقوله حتى في كندا البنات ما يفهمون في الكورة و الشباب يعلقون عليهم في هذه الأشياء

البنات ممكن يتابعون أو يمارسون كرة طائرة .. كرة الريشة ,, سباحة .. تنس أرضي ,, ممكن ممكن ممكن ممكن تنس طاولة

أحسن شيء اللي يلعبن كرة الريشة

أحس اللي تتابع كورة مسترجلة شويتين


أخوي الهلالي .. قريت العنوان و قريت الردود و درعمت .. ما أدري إذا إني حول الموضوع و لا لا


عوافي ورده

هلا بالمانشستراوي
هلا بالمهايطي 11 ...

بالله أبي اعرف ليش كاتب الموضوع مرتين في العالميه قد قريته وهنا بعد خلاص يكفي مره وحده غصب تبي تعلمنا انك كاتب موضوع

--------------------

بالنسبة لظاهرة حب البنات للكورة عشان اللاعبين واشكالهم اللي زي كذا احتقرها يعني وش تحس به الله يهديها والله تلقاها ماتعرف الفرق بين البلنتي والفاول تحسبهم واحد

وعني,,
أنا شخصيا متابعه للدوري السعودي عشان الهلالوالدوري الاسباني عشان ريال مدريد
ريال مدريد .. أفضل فريق بالنسبة لي يكفيك انه محقق دوري ابطال اوروبا 9 مرات ..,,
يكفيك الاسطورة زيدان لعب معهم
{أنا أتابع للفن والمتعه فقط لا للشكل ,,يعني شكل بدون لعب وش ابي به }
بصراحة ما افكر اخق على اي لاعب هلالي او مدريدي ...بعدين أصلا أنا هلاليه منذ نعومة أظافري أنا هلاليه من أيام خالد التيماوي
أكون صريحة معاكم أنا ماشجعت الهلال الا عشانه بس هذا هو ترك اللعب ومازلت هلاليه (بتن وظهر)..



لا انكر انه كان عندي مشروع خقة معه .. بس هالحين لا والله مستحيل اسوي زي بعض بنات هاليومين ماعندها سيرة غير ياسر وياسر سوا وامس شفتيه وشلون جاب الهدف ومدري وش سوا وشفتيه يوم ركض ...الخ
بعدين غالبا البنات اللي يحبون الكورة عشان لاعب تلقاهم مراهقات ترى

-----------------------------







------------------------
سيرجيو راموس_روبن دي لا ريد_راؤول غونزاليس_رود فان نستلروي_فرانسيسكو بافون_ فابيو كانافارو..الخ
^^
قلي بس هذولا وجه وحده تشجع الريال عشانهم ...بس هذولا وجه وحده تشجع الريال عشان لعبهم ,يكفيك لعبهم
-------------------

الهلالي 11
كتبت عن ظاهرة منتشرة وبكثرة بعد ....
مايميز كتاباتك اسلوبك, تجيب الموضوع بطريقة عفوية ...

كل الود..

كلام موثر بصراحه

وتسلم يالغالي

وماقصرت


وتسلم وتراني قريت الموضوع كله

إقتباس لو شخص يتابع كرة قدم نسائية ... وتجي وحدة مزيونه تشوت بلنتي وتضيعه انا شخصيا ... بقول يفداك القول والعارضه ... ليتني حارس واخليكي تسجلينها

مجرد انكم مع نظرة المجتمع قال البنت عيب تناظر
خلاص عيب

طيب يعني حلال عليكـ تقول كذا وتسوي كذا اذا المباراة فيها بنت
وحنا حرام علينا .. !!
مع اننا ماقلناها
بس مجرد ضرب مثل

إقتباس أما .. الكورة .. أحسهم ما يفرقون بين الحارس و لحاق الكور

إقتباس بأقوله حتى في كندا البنات ما يفهمون في الكورة و الشباب يعلقون عليهم في هذه الأشياء

إقتباس أحس اللي تتابع كورة مسترجلة شويتين