و... ((( طـــار))))... كوزمين ... يا حسااافه ... أيه أهم شي يا هلاليون.. لا تتنازلوا عن الشرط الجزائي - صفحة رقم 3 - نادي الهلال السعودي - شبكة الزعيم

المرتاح · #31 23/09/2008, 05:39 PM

وأحب أن أضيف

لو صادف أن الفريق الهلالي تعرض لهزة لاسمح الله

هل ستصمت موبايلي أو حتى الإتصالات

سنرى كلاماً آخر

ولن نلومهم

لأن وضع الهلال وزعامته وليس شيء آخر

هو مايجذب موبايلي وغيرها من الشركات

لتوقيع عقد مع الهلال

لك التقدير ,,,,,

ARROW20 · #32 23/09/2008, 05:42 PM

من قال كووزمين برووووووووح

والطقم نبي
كل الزعمااااااااااء
يشتررررررررونهـ

احـــــ سامي ـــب · #33 23/09/2008, 06:01 PM

كلام سليم ...

المتضرر الاكبر جمهور الزعيم مع الاسف !!

لو كان الموضوع البحث عن مصلحة الزعيم فقط لما اختلفنا ..

ولكن يبدوا ان لدى عبد الله بن مساعد اسباب خاصه ؟؟

الله يكتب الخير للزعيم الهلالي ويعوض المشجهع الهلالي ..

زرقـــــاء · #34 23/09/2008, 06:04 PM

إقتباس

الرسالة الأصلية كتبت بواسطة ARROW20


	من قال كووزمين برووووووووح والطقم نبي كل الزعمااااااااااء يشتررررررررونهـ

يقولون حيدرب الاتحاد.. يا خسارة

بس مو مشكله اهم شي ناخذ الشرط الجزائي انت وش رائك ؟

طيب تشتري الطقم .. انتظر لحد يوقف بعد سنه على فوال الغامدي او مطعم علي اكبر بخاري ساعتها تشوف الهلال يلعب ويا الله يقبل فيه علي اكبر يخاف يفك العقد ..

معقل البطولات · #35 23/09/2008, 06:09 PM

إقتباس

الرسالة الأصلية كتبت بواسطة زرقـــــاء


	ماذا لو فسخ العقد الداهيه كوزمين ... وماذا لو .. فسخ العقد طارق التائب ؟ وراح للفريق الاصفر.. هل ستقبلوا با الشرط الجزائي .. وتقولوا رح الله يسهل عليك او بتقولوا .. ايه عادي فسخ العقد .. ام ستقولوا نقض العهد ؟ من يستطيع الأجابه فل يأتي ومن لم يستطع فليقرا ويمشي .. ولكن .. عامل الناس كما يحب ان يعاملوك .. وقفات .. يقولون الحقوا واشتروا تي شيرت نادي الهلال الاصلي وقيمته 200 ريال يمه طيب في البيت طفلين معقوله 400 ايه موب مشكله .. طيب ؟ لو شرينا ب 200 وتغييرت الدعايه اكيد بيفقد رونقه وبيطلع ماله ميزه وبننتظر لحد يوقع الهلال عقد جديد .. طيب لو جاء عقد جديد وش يضمنا أن الهلال ما بفسخ العقد؟ طيب لو فسخت العقد وراح لزين بعد الاتصالات وموبايلي ثم الاتصالات وزين ؟ طيب وش يضمنا ان الهلال ما يفسخ العقد ويروح لمطعم علي خان البخاري .. وتصير اشكاليه بين فوال الغامدي وعلي اكبر بخاري كم قضيه بتكون علينا حتى بلدية جده بتتدخل . بس نرجع ونقول يا لطيف ... الوفاء ولا غيره سر تميزنا في الوفاء وسر بطولاتنا في الصدق وسر بهجتنا الالتزام بحقوق الاخرين وسر سعادتنا تمسكنا بحب الله ومن يحب جل في علاه ف صل الله على نبينا وسيدنا محمد وآله وصحبه وسلم .. لذا نقول الله الله با الوفاء لكي نتزعم القاره وهذا ما ميز الهلال الوفاء ولا غيرة ...

انا ابغى افهم وش تبي بالضبط ؟

هل انت مع الزعيم ام ضد الزعيم

اقوالك تقول انك ضد الزعيم في كل شيء

يابوي انصحك تتابع اخبار فريقك ازيلك

ولا وش رايك يحطونك بدال عبدالله بن مساعد تفاوض

ولا تبيهم يبيعون فننيلة الزعيم باقل من 200 ريال ؟ طيب احد غصبك تشتري؟

الموضوع يحتاج الى حذف

leo messi · #36 23/09/2008, 06:16 PM

هلا والله ,, زرقـــاء ورده ..!!

بالتأكيد ان كلمة خائن راح تطال اللاعب فيما لو هرب وما حـادثة
كالون ببعيد بعد ان اغراه البلوي .. رغم انه هرب قبل توقيع العقد ..!!

ولكن اللي اشوفه ان الادارة وبكله صراحه اقولها ( ماسكه معها ع الاتصالات )

لأني رحت لموظف امس كبير بالاتصالات وسألته .. عن الخبر .. قالي السالفه
وان كلها اياام بس يقنعون الهلاليين موبايلي فيها بالفسخ وراح يتم التوقيع ..!!

اللي اعجبني بصراحه مداخله حمود الغبيني في قناة ابو ظبي .. عندما المح
الى العواطف والمصالح الشخصية بطريقة غير مباشرة ..!!

عموما والله ياهالموضوع دوخنا لين قلنا امين ... والله لو موقعيــن مع
بخاري اكبر كان اصرف لنا من هالحوووسه < يتخيل ولي وهو
على صدره صورة دجاجه مشوي

عواااااافي زرقاء ع الموضوع ومثل ماقلت لك اهدي شوي ورده ..!!

هلاليٌ انا · #37 23/09/2008, 07:12 PM

انت قلتها الوفاء بالعقد ويقولك من شروط العقد في حال الفسخ دفع شرط جزائي انا رح نوفي بالعقد وهو دفع الشرط الجزائي وكل واحد يمشي بطريقه

abo-bandar-15 · #38 23/09/2008, 07:34 PM

عنوان مخاف للمضمون وش ذا الجره

نزيه المشاعر · #39 23/09/2008, 07:39 PM

والله اتمنى اننا نكون وفيين مع موبايلي

بصراحه انا اتمنى موبايلي

zaben20 · #40 23/09/2008, 07:44 PM

بشأن كوزمين الصراحة قهررر يروح

بس طارق التايب انت خابر مهما صار الهلال مايتأثر بغياب اي لاعب

اممماا من ناحية العقد الاعلاني كنت اتمنى نستمر موبايلي بس والله من كثرة الأخبار مدري حنا بنستمر ولالا

تقبل مروري

زرقـــــاء · #41 23/09/2008, 07:46 PM

إقتباس

الرسالة الأصلية كتبت بواسطة معقل البطولات


	انا ابغى افهم وش تبي بالضبط ؟ هل انت مع الزعيم ام ضد الزعيم اقوالك تقول انك ضد الزعيم في كل شيء يابوي انصحك تتابع اخبار فريقك ازيلك ولا وش رايك يحطونك بدال عبدالله بن مساعد تفاوض ولا تبيهم يبيعون فننيلة الزعيم باقل من 200 ريال ؟ طيب احد غصبك تشتري؟ الموضوع يحتاج الى حذف

هلا با الاسترالي ..ذكرتني بزوج عمتي كل يوم يجيب لها تيسوس استرالي قالت جيب تيوس بلدي احلى للمندي ..
نعود للمداخله الجميله .. تقولي انك ساكن في استراليا اقولك والله انك ساكن في غليل او في المنفوحه لوكثرت طبعا تقولي ليش اقول لأسلوبك .. تقول استرالي مفلوت من الرباط ..
بعدين الفانيله تقول ليش موب غاليه نقول الاشكاليه في كثرة تغيير الدعايات يا استرالي يعني لو اشتروا الحين بكرا حتتغير وبيكون بلاش قيمتها والا انتظر لحد تصفى على مطعم علي اكبر بخاري يا اخونا الاسترالي

بعدين تقولي ليش مايحطوني بدال بن مساعد اقولك والله ماني كفؤ اكون مكان الشيوخ الله يخليهم ياارب
وللمعلوميه صح لساني شديد بس والله العظيم من محبتي لهم خائفه يوقع الفاس براس ويندم ساعتها ماراح ينفعه الندم ..

saya · #42 23/09/2008, 07:47 PM

السلام عليكم ورحمة الله وبركاته

ردا على سؤالك ...؟؟

اجابتي لك بسؤال ....؟؟

ما ذا قدمت شركة موبايلي للهلال...؟؟

دعاية تلفزيونيه (( لموبايلي الهلال )) والدخل كله لهم !!
عقد شراكه ولهم سنه ...!! اخر شيئ كفتريا في النادي وتوه ما بعد جهز...!!
اعتقد يجب على موبايلي ان تدفع الشرط الجزائي لنادي الهلال لانها استفادة من الهلال اكثر من خلال دعايتها لنفسها على حسباب الهلال ونجومه .

موبايلي تدعي انها خسرت على الهلال 250 مليون دعاية ايش الدعاية لوحات موبايلي وموبايلي الهلال ..

يعني ببسي خسرت على دعاية على توتي ورونالدينيو وراؤول وبيكهام وربيرتو كارلس....

اعتقد ان موبايلي لم تقدم ما يليق بنادي الهلال ومرحبا بالجوال في سبيل دعم الهلال واحترام جماهيره

زرقـــــاء · #43 23/09/2008, 07:48 PM

إقتباس

الرسالة الأصلية كتبت بواسطة abo-bandar-15


	عنوان مخاف للمضمون وش ذا الجره

اقرا المضمون وتعرف ..

بعدين ياكثر ماجريتونا لحارتكم فوق الطلعه .. لما الواحد يروح للبديعه يلقى اهلها لابسه طواقي زري وصداريات مدري ليش ,,,,

شيفا الهلال · #44 23/09/2008, 07:54 PM

القصد واضح

والجواب لسؤالك

ولمثله من الأسئلة

كل واحد يدور مصلحته

وهذا طبع جميع البشر

ولا يلام من يبحث عن مصلحته

كلامي صحيح وإلا ....لا

أحمد الهلال 20 · #45 23/09/2008, 07:55 PM

إذا كانت الأدارة ناجحه لن تقيل كوزمين