#1  
قديم 20/09/2008, 12:37 PM
زعيــم متواصــل
تاريخ التسجيل: 06/09/2006
المكان: ميلانـــــو
مشاركات: 88
لــكــل مبــتــعث شوي من وقتك

السلام عليكم ورحمة الله وبركاته

وكــل عــام وانتم بخـــير ,, والله يــعيــنكم على الصــيــام يالمــبتعثين

المهم ياشباب ابي ادخل في الموضوع على طول..

انا ياشباب متخرج من الثانويه العامـه لي سـنه ولا لقيت لي وظيفه ولادخلت الجامعه

الي ابيها الي هي جامعة اللملك سعود,, بسبب اعتذارهم الدائم النسبه

ورحت للجامعه ثانيه واقبلوني في قـــســـم بـــنظـــري انا مالــه مستقبل في وقتنا هذا

ومثل مايقولون خلاص طابت النفــس ولاعــاد فيه الا اني اغــامر واروح بعثه

لكن شباب الي ابي استفسر عليه وين ارووح اقدم فيه مع العلم اني في الرياض

والنســبه حقتي 82 علــمــي ,,

شباب الله لايهينكم انتظر الافــاده منكم يمكن ربي ماوفقني هنا وانا في ديرتي وعند
اهـــلي تكـــفون ابي اعــرف كل صــغيره وكبــير لان انا عزمت ان شالله ...
  #2  
قديم 20/09/2008, 05:24 PM
الصورة الرمزية الخاصة بـ ALAMEER 14
زعيــم مميــز
تاريخ التسجيل: 08/06/2007
المكان: ....
مشاركات: 1,949
السلام عليكم . .



اخوي هذي الشروط وكيفية التقديم وطبعا التقدير لازم من جيد جدا فما فوق



طبعا هذا التقديم للسنه هذي يعني راحت عليك اصبر للسنه الجايه




من موقع الوزاره



تفضل


،،




الشروط العامة للإبتعاث


ببرنامج خادم الحرمين الشريفين للإبتعاث الخارجي





1- أن يكون المتقدم سعودي الجنسية

2- ألا يكون المتقدم يشغل وظيفة حكومية

3- يجب أن تتم الدراسة بالتفرغ التام وأن ينتظم الطالب ً بالدراسة انتظاما كلياً

4- الحصول على التأشيرة الدراسية اللازمة من سفارة الدولة المعنية للدراسة في إحدى الجامعات الموصي بها من وزارة التعليم العالي.

5- ألا يكون قد صدر للمتقدم قرار ابتعاث سابق ضمن برنامج خادم الحرمين الشريفين.







كيفية التقديم على برنامج خادم الحرمين الشريفين



· يبدأ التسجيل في البرنامج إلكترونياً على موقع الوزارة على شبكة الإنترنت ببرنامج خادم الحرمين الشريفين للإبتعاث الخارجي من 14/ 07/1428 هـ الى 27/07/1428 هـ على موقع الوزارة بالإنترنت ولا يتطلب ذلك الحضور للوزارة مطلقا .

· يتم إعلان الترشيح المبدئي بناءً على أفضل المتقدمين الحاصلين على المعدلات العلمية .



· يتم الإعلان عن أسماء الطلبة المرشحين للإبتعاث ببرنامج خادم الحرمين الشريفين المرحلة الثالثة على موقع الوزارة بالإنترنت و ارسال رسائل SMS على الجوال.






ملاحظات مهمة للطلبة الذين يتم ترشيحهم بعد انتهاء فترة التسجيل




- تعبئة الإستمارة الخاصة بمراسلة الجامعات التى سوف تكون متاحة بموقع الوزارة الاليكتروني بعد انتهاء فترة التسجيل فى البرنامج واعلان اسماء المرشحين.

_ تجهيز صورة ملونة و مصدقة من الشهادة الأخيرة لما قبل المرحلة المطلوبة للدراسة باللغة الإنجليزية وصورة قرار معادلتها إذا كانت صادرة من الخارج مع كشف الدرجات المترجم باللغة الإنجليزية، وثلاث توصيات مترجمة باللغة الإنجليزية، وخطاب يوضح الهدف من الدراسة باللغة الإنجليزية، و صورة ملونة من بطاقة الهوية الوطنية أو صورة ملونة من البطاقة العائلية و صورة ملونة من جواز السفر ساري المفعول ، ( تسلم هذه الطلبات عند الحضور للتسليم الوثائق ) .

- بعد الحصول على قبول من جامعة موصى بها سيتم إصدار خطاب توصية للسفارة للمساعدة في الحصول على التأشيرة الدراسية.

- بعد الحصول على التأشيرة الدراسية ، سيتم إصدار قرار الإبتعاث للطالب وتذاكر السفر .
  #3  
قديم 20/09/2008, 05:56 PM
زعيــم متألــق
تاريخ التسجيل: 15/02/2008
المكان: مانشستر - بريطانيا
مشاركات: 1,223
أعتقد الأخ الفاضل الي قبلي شرحلك الموضوع ....



انا ماا أبي احطمك بس 82 ما تفيدك ..


شوفلك واسطه ..


لا هنت
  #4  
قديم 20/09/2008, 09:20 PM
زعيــم متواصــل
تاريخ التسجيل: 06/09/2006
المكان: ميلانـــــو
مشاركات: 88
الله لايهينك الاميـــر بكـــل صـــراحه انك امير من جد
  #5  
قديم 20/09/2008, 09:21 PM
زعيــم متواصــل
تاريخ التسجيل: 06/09/2006
المكان: ميلانـــــو
مشاركات: 88
إقتباس
أعتقد الأخ الفاضل الي قبلي شرحلك الموضوع ....



انا ماا أبي احطمك بس 82 ما تفيدك ..


شوفلك واسطه ..


لا هنت

مايحتاج تحــطــم انا متحطم من النسبه من اول ماتخرجت ..
  #6  
قديم 22/09/2008, 05:28 PM
زعيــم متواصــل
تاريخ التسجيل: 11/12/2007
المكان: في الديرة
مشاركات: 187
طيب يصير ادرس

بحسابي الخاص

مع العلم اني داج

شرعي ونسبة 82
  #7  
قديم 22/09/2008, 05:42 PM
زعيــم متواصــل
تاريخ التسجيل: 11/12/2007
المكان: في الديرة
مشاركات: 187
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
  #8  
قديم 22/09/2008, 06:19 PM
زعيــم فعــال
تاريخ التسجيل: 25/07/2007
مشاركات: 491
شف اخوي البعثات اشوفها صعبه عليك لانهم يطلبون نسبه عاليه جدا , وانا سمعت ان بعثات البكالريوس سوف تلغى .
فيه حل ثاني انك تدرس على حسابك وبعد مرور ترم تطالب الألتحاق بالبعثه , انا في امريكا وفيه ناس طلعوا على حسابهم وبعدين انضموا للبعثه.....لكن بأمانه ماأعرف طريقه الانضمام للبعثه لكن الضاهر انهم لازم يشوفون درجاتك ...وياليت اذا فيه احد انضم للبعثه هنا يعلمك وش الطريقه .
الله يوفقك .
  #9  
قديم 23/09/2008, 02:17 PM
الصورة الرمزية الخاصة بـ قـهـر
زعيــم فعــال
تاريخ التسجيل: 19/05/2008
المكان: Riyadh
مشاركات: 275
ـآلسلام عليكـُم

ـأخـُوي

أنـآ نسبتي 80 %


والحمد لله أدرس بأسترآليا وملتحـق بالبعثهـ


ماالك إلا حـل .!


تطلـع على حسـآبكـ وبـعدين تضم نفسك للبعثـهـ
  #10  
قديم 23/09/2008, 04:46 PM
زعيــم متواصــل
تاريخ التسجيل: 15/08/2006
المكان: أمريكا
مشاركات: 188
إقتباس
الرسالة الأصلية كتبت بواسطة زعيم في حب الهلال
طيب يصير ادرس

بحسابي الخاص

مع العلم اني داج

شرعي ونسبة 82

إيـه يصيــر .. ليش لآ ؟؟

وبعدين ترى فيه ناس أدج منك ونسبهم في السبعينـات .. وطالعين بعثات وهذول قدامي ماشين في دراستهم واللي باقي له سنه ويتخرج واللي باقي له سنتين

يعني أمورهم ماشيه .. وبعدين الدراسه بالخارج (وامريكا خصوصا) أسهل نوعا ما من الدراسه بالسعوديه ... بس تعتمد على اللغــه

يعني الصعوبه اللي راح تواجهها هي في البدايه في فتره تعلم اللغـه لأن لازم تدرس كثير وتحفظ كلمات وتختلط مع الناس عشان تتقن اللغـه مضبوط ..
بعـدين الجـامعه سهالات امورك بتمشي ان شاء الله

نصيحه .. اذا انت عندك رغبه في الدراسه لاتضيع على نفسك السنين ترى بعدين بتندم على السنوات اللي ضيعتها بدون فايده
تعال وادرس على حسابك الخاص لفتره معينه وبعدين يضمونك البعثه ان شاء الله

وأمورك ان شاء الله تكون بالسليم ..< طبعا هذا يعتمد على نفسيتك اذا حبيت الدوله اللي انت رايح لها أو لا

لأن بعض الشباب يجون بعثه ويجربون شهر او شهرين ثم مايعجبهم الوضع او مايقدرون على الغربه ويرجعون على طول ويسحبون على البعثه ..

وبعضهم بالعكس يعجبه الوضع ويتأقلم وتمشي اموره

وبعضهم وكثير منهم من كثر ماهو مبسوط في حياته يقعد بالسنين ماينزل يعني اعرف شباب من اخوياي يقعد سنه ونص سنتين ماينزل السعوديه .. يعني متعود وعايش مع العالم ..

وأنت ونفسيتك ..!! ومدى رغبتــك في الدراســه ..!!

< ياكثر قرقرته ذاه هههههههههههه

يالله سي يـو
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:35 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube