لو كنت متزوج وعندي عيال كان الحين جايبهم هنيا

واقول لهم شوفوا يالله ترا منذ مبطي كنت افحط هنا

شوفوا جدارن المنتدى كلها ذكريات عاشق الثنيان 15 خلصت الرشه الزرقاء اللي بالسوق

يالله ايااااام ياعيالي


والله اشتقنالكم يالمنتدى العام وايام السواليف وابو الجماجم الغايب ماندري وين اراضيه

تصدقون مشتاق لجمجوم اللي عنده رقم جواله يرسله لي خاص ارجوووكم

والله سوري يعني اسف لان انشغلت ببطولات الهلال

تعرفون فزنا بكأس اسيا وبعده كأس الملك

وصرت صحفي ولقاءات وتغطيات

واللحين خلصت تقريبا وجيتكم

بس المشكلة عندي فاينال بعد اسبوعين يعني بس هالموضوع واختفي علشان الاختبارات

برووووق ياليتك مدرسنا خخخخخخ

علشان اوريك نجوم الظهر مثل مدرس من الشرقية توه متعين طلعت عيونه ايام المتوسط


لدرجة انه كان علشان يخليني اسكت يعطيني دفتر الدرجات (العلامات)

ويقول لي زود على كيفك ونقص اللي تبي بس يرحم والديك خلك جالس

مع اني كنت الاول على الفصل بس مجنن المدرس

المهم لاحظتوا يقول خلك جالس يعني مو بس كثير كلام ولاني اتبلى على المدرسين بس مجننه جنااااان

الله يسامحني

المدرس شرقاوي خليته يتكلم نجدي من كثر ماوسوست فيه

مرة يبي يقول لي

إقتباس اجلس هنيه ياولد

قال

إقتباس وراك ماتجلس في هنيه

يبي يقول وراك ماتجلس في ذا اختبص الشرقي بالنجدي عنده

قمت اناظره واضحك وكنت معذور طبعا اني كنت صغير وبرئ

قلت له كمل حصتك والعن ابليس احسن لك تراي امس متهاوش مع ابوي

<<<<<=== ياقوة عينه

المدرس الله يجزاه خير كان يخاف من شري فياخذها من قاصرها ويمشي


تصدقون عاد

كان اقوى شخصية بالمدرسة خخخخخ

صار

افشل مدرس بسببي


======

انزل تحت انت وياه وياها

كمل الموضوع

والله ترا كان عمري 13 سنة وحبوب بس مادري وش فيني ذيك السنة

حتى المدير تأذى مني بس كل مااخذ فل مارك = درجات كاملة يسامحوني

<<== الاول على مدرستهم بس كنت مجننهم

اتذكر حصص الفراغ المدير يجلسني عنده بالمكتب

علشان ماسوي له مصيبة خخخخخخخخخخ

ولا يتصل على ابوي ويقول ولدك ماشاء الله مستواه طيب تقدر تاخذه للبيت يراجع ولا يستفيد من وقته


انا ادري انها تصريفة بس وش اسوي حظي ان المدرسة جنب البيت على طول كل ماسويت شي .. اتصلوا على ابوي

بس صاروا يستحون بالاخير واخذت راحتي انا

وكل يوم وانا والمدرس طقاق وهواش واخرته يررضيني بدفتر الدرجات

جملته المعتادة

زود على كيفك ونقص اللي تبي بس خلك جالس

انا بصراحه قلت يمكن ينصب علي اجلس ازود وانقص بس علشان يسكتني ويشغلني بشي

ومعطيني قلم غير اللي كاتب فيه بالدفتر

قمت اخذت قلم زي قلمه وخذ ياتعديل

طبعا ماشاء الله علي درجاتي كاملة مايحتاج ازود وانقص

بس استلمت عيال الحارة زودتهم غير واحد خسفته

يستاهل والسبب .. مرة كنا نلعب كورة وشاتها قوية وطارت بحوش الجيران ومعروف اللي يسطح الكورة بعيد يروح يجيبها اولا وبعدين نحسب عليه بلنتي

هذا لاجابها ولا حسبها بلنتي مستغلا عضلاته

فاستغليت دفتر العلامات وخصمت عليه بمواد الدين كل مادة درجه

<<== طيب ماخصم الا درجه

تدرون ليش

لانه كان ماخذ فيهم 2/15 يعني قلت حرام احط له صفر

خل عنده شي يتفشخر فيه عند ابوه بدل مايقول يبه اخذت صفر ويسطره ابوه

خله يقول يبه خذت واحد ويسطره بعد ابوه

<<=== انواع الشماته

اللي جاب هالسيرة

هو ان فيه اختبارات بعد اسبوعين بس حبيت احش المدرسين

خصوصا ضعوف الشخصية

تخيلوا البارق لو انه مدرسنا

كان بالفصل اخذ فش فاش وعصير

واجلس اركض بين الطلاب برووووق يابرووووق هيا الي العملي

زي بشار يابشار



عاد شوفوا هالموضوع المفروض انه اخر شي علشان الاختبارات ((ايه هين))

بس مااضمن نفسي اشتراكي توه ماله اسبوع


يالله سي يو


اخوكم / أمجد وفي قول اخر / مجودي

هلا وغلا بمراسلنا في جده

أخيراً سيرت علينا <---- البارق داق لطمه

وش أنت مسوي بمدرسك حسبي الله على عدوك

يعجبك المدرس الضعيف شخصية اللي تلعب عليه ويعجبك بعد أكثر
اذا كان مخفه فوق هذا

إقتباس اللي جاب هالسيرة هو ان فيه اختبارات بعد اسبوعين بس حبيت احش المدرسين

والله ما أتوقع إذا كان كل هذا على شأن سيرة وأنفتحت

والله يوفق ان شاء الله وكل هلالي ,.,

تقبل تحياتي ,.,

هذا وعندك فاينال فارما بعد اسبوع وثلاثة ايام (يوم الثلاثاء المقبل)
اجل لو كنت فاضي وش بتسوي


والله انك رجه

قــــــــــم اطـــــــــــلـــــــــــــع بــــــــــــرى ..... اخـــــــــرج خـــــــــــــــــــــارج .....


وش رايك فينى شديد صح ....

ترى بروووووووق ما يصف شى عندى ...

ياحليلك هذا انت اللي مع المصيبيح؟؟؟

اول مره اشوف طلتك البهيه

يعطيك العافيه وموفق انشاالله في الفاينل

هلا حفيدي

بس كنت بسالك شي من ذا الشين الي جنب فهد المصيبيح

يعطيك العافيه

مشكور

[gl] يعطيك العافيه[/gl]

;) ;) ;)

مشاء الله عليك اخوي عاشق
نشاط بالفعل تشكر عليه
والله يوفقك يارب بدراستك
وعقبال انشاء الله ما تغطي للبطولات الجايه
واكيد شبكة الزعيم ما تستغني عنك
ولا اعضائها
وبالتوفيق يارب
وانشاء الله تجيب اعلى العلامات

[c]

أقــــــــــــــــــــــول ... ؟



تــــــراكم ما عرفتوا الهسترة على أوصولها


دختورنا أمجد ..


رح ذاكر الله يقويك ... مع أني ما ظنيتك وإشتراكك جديد



شكلك بتجيب العيد هالسنة ..



بتطنش الدخترة وتقلب صحفي



إلا على فكرة ما حاولت تلين دختوركم .. وإلا شاطر بس على مدرسين الإبتدائي ;) ;)



علعموم برووق ما بين للحين .. الظاهر ناويلك برد مسكت


بس ما عليك بفك عليهم هالغربان اللي فوق أنا متأكد أنها تذكره بالمبزرة اللي في المدرسة



سلامي ;)[/c]

كن فيه واحد داق علي بيجر..

آآآآآآه لو إنك عندي .. أنا اللي أقولها ماهوب أنت..

مدرسة كاملة ما قدرت تأدبك أظن فيه من بيأدبك..

عمدوما تلقاني مسوي لك (( تثبيت )) في آخر الفصل..

وإلا مسوي لك (( إغلاق )) في زاوية محشور فيها..

على العموم أظن هالبطولات ذي سوت لك رجة زادة عن اللزوم أو أظنها من مفعول ( العسكريم )..

===> طبعا ما أحد يدري وش سالفته..

على العموم جمجوم موجود وهو على الوضع ( ستاندباي ) وكانك تبغى رقمه إرسل لي على رقم حسابي وأبشر بالرقم ..


حياك الله وروح إشرب حليب ونام بكير وراك إختبارات

====> يا ما غثونا بهالكلام..

عاد تصدق أنت ذبحك الهم وش بتسوي في الاختبارات .. وأنا بعد ذابحني الهم وشو الفطور بكرا كبده والا شكشوكة والا فول

كل واحد وهمه..بخخخخخخخخخ


يا حليلك يا مجودي ..


تحياتي لك ،،،

أخوك / البارق

حياااااااا الله مجودي
من زماااااااااااااااااااااااااااااااااااااااااان ما شفناك
ويش ذا القطيعة
كل ذا تغطية للهلال
طيب وقبل التغطيه حضرتك وينك فيه
منتدى سامي افتقدك كثيييييييييييير

طيب طل لو دقيقة

أجل مهبل بالإستاذ بخخخخخخخخ
لو اني منه كان مصفقتك ومريتك نجوم الظهر

اعوذ بالله

يا اخي اعقل وأثقل دكتور ومخفه ما تجي
عفوأ بس انا اموووووون عليك

أجل من شرقي إلى نجدي بخخخخخخخخ

والله قعدت أضحك عليه مسكيييييييين ذا الأستاذ

الله يوفقك إن شاء الله

وزنا من مبزرتك هااااااااي

تحياتي:وردة الهلال
على فكرة تدين لي بموضوع بمنتدى سامي;)

خخخخخخخخخخخ هههههههههههههههااااااااااااي

أأأأأأأأييييييي يابطنييييييييييي

هههههههههههههههه

ياسلاااام ياسلاااام

كل واحد يبيله رد صفحة لحاله

وانا وراي اختبارات

خلوني اخلص وارفع لكم الموضوع ان ماسدحتكم واحد واحد