:
:

الســلام عليكم و رحمــة اللهـ ,, وردهوردهورده


وش علومكم ؟

ما عاعرف للمقدمات بــس أحاول

..


طبعــا مع هالرمضان الناس تبدأ تخترش < تخترش = انهبال بالحركه و زي كذا
انا سبب لي ذا الانخراش اصابهـ بمشط قدمي , الل يسامحه واحد من الشباب عطاني كعب يحبه قلبك و صارت رجلي مجبصه للركبه و صرت اصلي التراويح وانا جالس على الكرسي .

..

طبعا انــآ من المصلين خلف الشيخ القارئ : ياسـر بن راشـد الدوسري
صاحب احسن قراءه بالعالــم من جهة نظري : هاذي مقاطع له

http://www.rofof.com/87ft43n/Tlawh_Khash3h.html

و هاذي صفحة من موقع رياض القرآن

http://www.ryadh-quran.net/showauthor-1-0.html

طبعا زي ما قلتلكم اصلي معــه , و على كرسي يعني ما امل ابد , عشاني ما اتعب . وصار لي يوم الخميس ذا الموقف ...

..

طبعا بالمسجد طوال الايام ما كان احد يجيب لي مويه و لا يجيب مصحف و لا شي مع اني على كرسي الا ناادر

..
السالفــهـ :
كنت اصلــي على السراميك او البلاط او القرميد مدري وش اسمه ,

و على الكرسي , بالصف الثالث الا رجال قدامي بالصف الاول يفصخ الشماغـ و

يحجز مكانه و يطلع 5 دقايق الا وهو راجع مع سجادته جايبها من السيارة

عطاها الرجال اللي جنبه على القرميد و ما اخذها الرجــال عطاها اللي

بالصف الثاني على القرميـد و ما اخذها بعــد و قدمها لي قلت انا على كرسي ما

يحتاج المهم عطاها اللي وراي و اخذها الحمد لله , طبعا الى الان الامور

طبيعيـه , بعد دقيقه راح رجال بالصف الثاني معه سجادته احتياط , و ما احتاجها لانه

صلى على السجاد فقام و عطاها واحد ثاني بعد بعدين التفت علي اللي جنبي و

قال سلامات طهور و واحد ثاني راح جاب لي كرسي اكبر و احد جاب مويه للي

جنبه و واحد جاب لنا مصاحف و رجعها بعـد أنا انهبلت وش ذا ؟؟

بديت افكر قلت الآن هذا اللي راح جاب السجاده اول واحد هو السبب

كلنا اعتبرنا به , و بعده تأكدت ان الأخلاق تنشر .

..


بعد هالسالفة اتوقع الكل يقدر ينشر أخلاقه الحلوهـ بكل مكان , فانت تقدر تسوي خير بأي مكان و الكل يسوي زيكـ

و انتهى و شكراً

الله يجزاه خير

الرجال نشر أخلاقه والكل اتبعه ومن دل على خير كان له مثل أجره

وبعدين أخوي سلامتك والله من الشر والله يرفع ما بك

إقتباس الرسالة الأصلية كتبت بواسطة الموسيقار توتي : و على الكرسي , بالصف الثالث الا رجال قدامي بالصف الاول يفصخ الشماغـ و يحجز مكانه و يطلع

ههههههههههههههههههه مرهـ وحدهـ فصخ شماغهـ..

....................................................

اي والله صادق الأخلاق تنتشر..بعض الأحيان ناس يطيحون من عينك بسبب ان

اخلاقهم زفت وبعضهم بالعكس تحبهم بسبب اخلاقهم هذا اللي ودك كل الناس تلتزم فيه

مشكور أخوي ع الموضوع المفيد

تقبل مروري بنت عبودي**

هلا و غلا و الحمد لله على سلامتك

و الله بصراحه ما أقدر أسويها أبد هذي إسمها بجاحه مره

الله يعطيك العافيه على الموضوع ...

إقتباس 1- سـلامـات عـسـى ما شـر .. ليـه قـاعد على كـرسي .. طهـور ان شـاء الله

إقتباس الل يسامحه واحد من الشباب عطاني كعب يحبه قلبك و صارت رجلي مجبصه للركبه

جزاك الله خير الموسيقار ..
احيانا الواحد وده يسوي شي بس ما يتجرأ الا اذا شاف واحد يسوي مثله .

إقتباس الرسالة الأصلية كتبت بواسطة البالون هـلا فيـك يالغـالـي .. يا خـي أمنيتـي في حيـاتي أصلـي ورى الشيـخ ياسـر ماشاء الله تبارك الله .. ما أقـول إلا الله يحفظـه من كـل شـر .. بـ صراحـة أحسـن شيخيـن هـو و محمـد المحيسنـي في مكـة الله يحفظـه تـلاوهـ خـاشعـة و ما تحـس بالتعـب و دعـاء تبكـي معـه لا شعـوريـا عـاد بتفلسـف مثلـك وأحـط مقطعيـن للمحيسنـي : قل يا عبادي ,, دعـــــاء ,, بالنسبـة لـ سالفتـك أستخـرج منهـا عـدة فـوائـد : << بدا يتفلسف 1- سـلامـات عـسـى ما شـر .. ليـه قـاعد على كـرسي .. طهـور ان شـاء الله << هذي فائدة انت ووجهك . 2- فعـل الخيـر و خصـوصا أوقـات فعـل الطاعات كـ الصيام أو القيام لـه أثـر كبيـر على القلـوب و يتسـبب في الألفـه و التـرابـط بيـن المسلميـن .. 3- الابتسامـة تبعـث الراحـة النفسيـة في قلـوب من تبتسـم لهـم .. اكثـروا منهـا فـ هـي دواء لمشـاكل كثيرة 4- ما عـاد عنـدي شيء أقـولـه 5- مشكـور على المـوضـوع

هـلا و مسهـلا .. !
آآآخ يالمحيسنــي بـس زحمــه و هو جنب الحرمـ ما شاء الله
تصدق انهم يقولون ان اميـر القصيم منعه من الصلاة ببريده لأنـه فتن الحريـم

..

و الله جالس على كرسـي لانـي مصاب

..

من ناحيــة الفوائد فاللـه يعافيك عليها

وشاكـر لك مرورك على موضوعي المتواضع

لكـ

إقتباس الرسالة الأصلية كتبت بواسطة هلالي ... دوم الله يجزاه خير الرجال نشر أخلاقه والكل اتبعه ومن دل على خير كان له مثل أجره وبعدين أخوي سلامتك والله من الشر والله يرفع ما بك

الله يعافيك على مروركـ ورده

إقتباس ههههههههههههههههههه مرهـ وحدهـ فصخ شماغهـ.. ....................................................

و يالله يالله محد يجي للمكــان

إقتباس اي والله صادق الأخلاق تنتشر..بعض الأحيان ناس يطيحون من عينك بسبب ان اخلاقهم زفت وبعضهم بالعكس تحبهم بسبب اخلاقهم هذا اللي ودك كل الناس تلتزم فيه مشكور أخوي ع الموضوع المفيد

حياك الله ,,

إقتباس تقبل مروري بنت عبودي

حركااات

إقتباس الرسالة الأصلية كتبت بواسطة راكان _20_ هلا و غلا و الحمد لله على سلامتك و الله بصراحه ما أقدر أسويها أبد هذي إسمها بجاحه مره الله يعطيك العافيه على الموضوع ...

هلا بك راكان ..
.. شاكر مرورك

إقتباس الرسالة الأصلية كتبت بواسطة al7oot-99 جزاك الله خير الموسيقار .. احيانا الواحد وده يسوي شي بس ما يتجرأ الا اذا شاف واحد يسوي مثله .

و هاذي الخلاصــة

شاكـر مرورك