(( يوميات رمضانيه " 17 " )) الحاجة عسيريه تشمر عبأتها وتهرول ...!!!!! - نادي الهلال السعودي - شبكة الزعيم

المنتدى الاستشاري · #1 18/09/2008, 03:31 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "السابع عشر"
المتألقة::عسيرية
لكي تحكي لنا احداث يومها مع شهر رمضان المبارك ..

السلام عليكم ورحمة الله وبركاته
صبحكم / مساكم الله بالخير

17 رمضان 1429 هـ
هذا احنا صرنا بـ 17 رمضان

مين يصدق كلنا متفاجئين رمضان هالمره مشى بسرعه

خلصت ايام الرحمه وهذي ايام المغفره تمشي وما بقى لنا الا ايام العتق من النار
ونسأل الله القبول

بدأ يومي من الـ ساعة 2 صباحاً كنت هالوقت ع النت ومابين نت وفوتوشوب ضاع وقتي

وما انتبهت الا وهم يقولون السحور
جلست خمس دقايق وبعدها تذكرت السحور دخلت على اهلي وانا ابتسم

شافني ابوي قال صح النوم كان جلستي زياده

<~ أبوي يذب الله يطول بعمره

جلست اتسحر بعدها قمت توضيت ورجعت ع النت وانا جالسه ع النت كانت الساعه تقريبا 40و4 دقيقه
شفت قدامي مويه وكاس تذكرت اني ماشربت مويه

بعد ماشربت انتبهت للمصيبه

الكاس كان كاس ابوي وابوي تعباااان بطنه يمغصه

حللتها براسي وقلت أكيد بـ أنعدي من مرض ابوي
وطوال فترة جلستي ع النت أحس ان بطني يعورني
ويوم قلت لأمي قالت ماعليك مابيجيك شي ان شاءالله

أذن تركت النت وصليت وبعدها رجعت على جهازي وفتحت الفوتوشوب أصمم شغله

ما امداني افتح جهازي الا اسمع الجوال يدق جيت بشوف مين لقيته رقم غريب

وتذكرت ان هالرقم امس متصل بنفس الوقت رديت وكعادتي الكريمه ارد ولا اتكلم

سمعت صوت بنات وازعاج قلت هذي أكيد وحده من البنات تستهبل

بعدها جتني رساله من نفس الرقم مكتوب فيها كلمه مافهمتها

رديت من المتصل <~ اخس ياشديده

جتني رساله مكتوب المتصل الوليد بن طلال

تركت الجوال بس ازعجني كل شوي يدق قلت مافيه حل الا اني اقفله

بعدها رجعت على جهازي ولتصميمي الى الساعه 7 صباحاً

نمت نومه مافيه احلى منها

وماقمت الا على اذان الظهر
صليت ورجعت أنام الى صلاة العصر بعدها قمت وصليت العصر !

بعدها ناداني ابوي لقيته يجهز اشيائه حقت الفطور

كعادته اليوميه بيفطر بالحرم

جهزت معه التمر

وبعدها مشى ع الحرم

بعد ماراح ابوي جلست اسولف مع خواتي جتني بنت اختي تقول ياخاله

بقولك شي
قلت لها وشو قالت انا أمس حلمت ان رورو (اختها) ماتت

قلت لها لا وش ماتت ما ماتت شوفيها مع مامي بـ جده تبغين تروحين عندهم !
قالت لا ابغى أجلس عند امي (أمي = أمي أنا

/ مامي =أمها هي يعني أختي

)

تركت بنت اختي واتجهت لمصحفي وقريت قران

بعدها نادتني أمي تقول وش رايك تنزلين تشترين لكم فطور أخذت بنت اختي ورحت شريت

جاني الطلب وتوجهت للسوبر ماركت اشتري بيبسي
قالت بنت اختي ابي حلاوه قلت روحي خذي اللي تبغين
جتني بحلاوة مصاص

قالت باقي ابغى ايسكريم قلت لااااا الأيسكريم يعور بالحلق وحق الكبار

توجهت لثلاجة الايسكريم
وشريت آيسكريمي المفضل (يوفو) "فيس مستحي يناظر رعبوبة

"
طبعا شفت نظرات بنت اختي وتجاهلتها

قالت انا ابغى قلت لا <~ قلت لكم شديده

قالت ياسلام انتي تشترين وانا لا

<
قلت خلاص خذي بس ترا اذا مرضتي مالي شغل

جتني وحده اجنبيه اتوقع مغربيه او جزائريه طلعت لي ايسكريم قالت ماهي مكونات هذا

طالعت فيها قلت وش عرّف عسيريه

حاسبت ع الأغراض ورجعت عند اهلي

قبل الأذان بدقايق فتحت نت شيّكت على ايميلي وطلعت

أذن وأفطرت وبعدها أخذت لي دش سريع لبست عبايتي ومشيت ع الحرم

وأنا بطريقي للحرم طبعا اختي تدف امي ع العربيه لأنها ماتقدر تمشي للحرم تتعب

وانا ماسكه الكرسي حق امي وشطنتي وسجادتي وحالتي حاله

كل شوي اوقف وازين الأغراض

وفجأه ماصرت اشوف امي واختي

وأمشي أمشي والله مالهم اثر

أنا ماتفرق معي اصلا ادل مكه كلها

يعني ماعلي خوف بس انا اعرف امي بتخاف

فجأه لقيت ابوي من بعيــــــــد

وكان معه
امي واختي وانا ابغى الحق عليهم !
قلت يابنت مالك الا حل واحد اني اركض

والله ما احد داري مين انا

شمّرت عبايتي أول شي استحيت اركض

مشيت سريع سريع وشوي هروله

وبعدها ركض

المنطقه ماليااانه ناس وبعضهم يناظرون فيني

قلت والله ماعلي منهم أهم شي الحق على أهلي

وصلت عندهم شافني ابوي قال وين كنتي قلت ضعت

قال طيب خذي البيبسي حقي بدف امك قلت ارميه
قال لا باقي ابغى اشرب منه

يوم وصلنا الحرم قال ابوي ارمي البيبسي ما ابغاه بس كنت ابغى اتعبك

دخلنا الحرم اتجهنا للقسم المُكَيف

(التوسعه)

صليت تحية المسجد بعدها قريت قران الى أذان العشاء
صليت السنه بعدها اقام وصلينا

بعد صلاة العشاء صلينا ع الاموات الله يغفر لهم ويرحمهم

نادوا على صلاة التراويح (صلآة القيام أثابكم الله ) <~ لازم تقول كل شي

وصلينا 5 تسليمات مع الشريم و3 تسليمات مع الجهني (قلووووووووووووووووب) هذا الشيخ ماشاءالله تبارك الله يخليك غصبـ (ن) عنك تخشع معه

وبعدها تسليمتين والشفع والوتر مع الكلباني

ماقصر والله دعائه كان حلو دعينا وكلنا أمل ان الله يتقبل منا

بعد الصلاة الناس كلها طالعه زحمه مره مره جلسنا شوي بعدها تقدمنا لمّا صرنا قدام الكعبه (بالدور الثاني طبعا يعني مو تحت

)
وقفت أدعي لأن الدعاء يخرج لا شعورياً وانت واقف قدام الكعبه

دعيت دعيت دعيت بكل اللي بنفسي بعدها جلست قريت قران شوي الا وابوي جاي

توجهنا لـ وقف الملك عبد العزيز للحرمين الشريفين (ابراج البيت

) طلعنا فوق لقينا خواتي وبنت اختي حاجزين لنا مكان بالمطاعم طلبنا برجر كنج

قبل العشاء قلت لا زم اغسل

ايدي رحت انا واختي الحمامات اللي يكرمكم

بس فيه شي غريب هناك الدخول بـ 5 ريال

يوم جينا بندخل قال لحظه لوسمحتي ادفعوا خمس ريال

انا واختي طالعنا ببعض

قلت لها ادفعي بس خليني ندخل الحمامات

دفعنا من الغباء الزايد اللي فينا

ولقينا الجميع مكترث

من هالـ 5 وانا اردد على اختي ياشين بعض العرب لا تطوروا

وبما ان الحمامات صارت تندخل بـ 5 ريال انا اطالب المنتدى الاستشاري
بـ ان يدفع اي عضو او عضوه 5 ريال على حسابي رقم **************

قبل الدخول لقراءة يومياتي أجل يوميات ببلاش

! <~

رجعت ودقيت بالبرجر كنج

لأني كنت ميته جوع عقب الصلاة
بعدها استأذنا من أمي وأبوي قلنا نبغى نتسوق شوي عاد انا الوحيده اللي ماشريت لبس للعيد

ومحل ورا محل مالقيت شي دخلت بينتون لقيتهم حاطين اعلان (واخيرا راجعين للدراسه) قلت ما اسمجكم يا بينتون

وطلعت
آخر محل دخلته دبنهامز

وكلي امل اني القى شي عنده دايم ينقذني وقت الزنقه لكن للأسف خذلني هالمره وطلعت اجرجر اذيال الهزيمه

شافني ابوي مكتئبه قال ماعليك بعدين نروح جده

وتشترين من هناك
طلعنا من مجمع ابراج البيت يازين أسواق الرياض بس

كان الجو جدا حار

واول ما رجعت فتحت المكيف على
أعلى شي قبل لا تجي امي وتخفضه

وبسرعه أخذت لي دش بعد هـ التعب

~ بمكه اذا
رحت الحرم لازم تتروش مرتين قبل لا تطلع وبعد ماترجع لأن الجو حار

فتحت لا بتوبي وهذا انا أكتب اليوميات

هذا يومي مافيه شي جديد غير اني بمكه يمكن غيرنا
الروتين الرمضاني السنوي بـ جلستنا بداية رمضان بالرياض

بس آخ يالقهر

ياليتني بالرياض كان وريتكم سناعتي

مو مثل بعض الناس اللي كل يومهم نوم

عاد انا معذوره مسافره يعني مافيه امل أطبخ

صح تذكرت هذي صور صورتها بالحرم طبعا صورتها
أول رمضان أما الحين مايمدي الواحد يصور زحمه

هذا الأجنبي اقلقني

ما عرفت كيف اصور وتراه لا يمت لي بأي صله

وهنا بعد ما راح

بس ياحليله شكله طيوب

يوم شافني اصور راح

هذي الصوره مدري وش محلها من الاعراب

بس مو مشكله اعتبروا المعنى في بطن الصوره <~

وبس

شكراً لكل من قرأ وللمنتدى الأستشاري

ورده +

الحاجّه

عسيريه
مع التحيه

كل الشكر
للمتميزة**][ عسيريه...♥][ **
وانتظرونا غداَ مع ا المتميز S K Y

أرق التحايا وأطيبها من
مشرفيي واستشاريي
المجلس العام

بركان أزرق · #2 18/09/2008, 03:40 AM

إقتباس


	جلست اتسحر بعدها قمت توضيت ورجعت ع النت وانا جالسه ع النت كانت الساعه تقريبا 40و4 دقيقه شفت قدامي مويه وكاس تذكرت اني ماشربت مويه بعد ماشربت انتبهت للمصيبه

انا يوم وصلت هنا قلت اكيد نست البيك

والكولا

إقتباس


	نمت نومه مافيه احلى منها وماقمت الا على اذان الظهر صليت ورجعت أنام الى صلاة العصر بعدها قمت وصليت العصر !

وه

بس يازين نوم مكة

إقتباس


	تركت بنت اختي واتجهت لمصحفي وقريت قران

ياحظكم بالحرم يتضاعف الاجر

إقتباس


	صليت تحية المسجد بعدها قريت قران الى أذان العشاء صليت السنه بعدها اقام وصلينا بعد صلاة العشاء صلينا ع الاموات الله يغفر لهم ويرحمهم

مرة ثانية ياحظك واربي اني اغبط يا حاجة

إقتباس


	توجهنا لـ وقف الملك عبد العزيز للحرمين الشريفين (ابراج البيت ) طلعنا فوق لقينا خواتي وبنت اختي حاجزين لنا مكان بالمطاعم

ترا هناك مافيه بيك

وتستاهلين الموقف اللي حصلك

هذا جزا اللي ما يروح للبيك

وبعدين وش فيها 5 ريال

هارون الرشيد يقول أدفع نصف ملكي

وانتي منقهرة من 5

برااايفت :

دعواتك ياحاجة

البالون · #3 18/09/2008, 03:53 AM

عليكم السلام ورحمة الله وبركاته

يا حيـا الله الحــاجّــه (عسيريـة) ..

والله عـز الطلـب ... سيـرت على المجلـس العـام حصلـت مـوضـوع اليـوميـات ..
خشيـت مستعجـل كـ العـادة و ماني فاضـي أرد .. لكـن شفـت السالفـة (مكاوية)

قلـت يبيلهـا قعـدة

عـاد خـويكـم في الله من سكـان مـكـة المكـرمـة ,,

طبعـا الفـوتـوشـوب لاعـب فيـك هـ اليـوميـن .. حتـى وانتـوا مسـافريـن مسنتـرهـ عليـه

أمـزح .. بـس من جـد صـرتـي مبـدعـة ومن أفضـل مصمميـن الشبكـة !!

إقتباس


	هذا احنا صرنا بـ 17 رمضان مين يصدق كلنا متفاجئين رمضان هالمره مشى بسرعه

اي والله انـك صـادقـة .. اليـوم بعـد صـلاة التـراويـح قـام شيـخ وقـال تـرانا في ليلـة 18 رمضـان
عـاد تفآجـأت بالمـوضـوع .. قلـت شكـله يمـزح

!!

والله يجـزاهـ خيـر عجبنـي كـلامـه قال ان ما فـات مات والعبـرهـ بالخـواتيـم ..
يعنـي لا أحـد يقـول ما سـويـت شيء ومعـد يمدينـي (الشهر خلص)

أكثروا من الأعمـال الصالحـة في العشـر الأواخـر ..

^ ما تحسون اني شطحت وعطيتكم يومياتي

العذر والسموحة ^

إقتباس


	وصلت عندهم شافني ابوي قال وين كنتي قلت ضعت قال طيب خذي البيبسي حقي بدف امك قلت ارميه قال لا باقي ابغى اشرب منه يوم وصلنا الحرم قال ابوي ارمي البيبسي ما ابغاه بس كنت ابغى اتعبك

أكتــفــي بــ(

) !!

إقتباس


	دخلنا الحرم اتجهنا للقسم المُكَيف (التوسعه)

هـو فيـه غـيـرها

بصراحـة مع الزحمـة مالك إلا التـوسعـة و إلا السطـح .. غيـرها لا تـدوّر !!

إقتباس


	توجهنا لـ وقف الملك عبد العزيز للحرمين الشريفين (ابراج البيت )

بـرج خيـآلي الصـراحـة .. من طـولـه ينشـاف من طـريـق جـدة ..

خـوفي يطيـح على الحـرم

إقتباس


	قبل العشاء قلت لا زم اغسل ايدي رحت انا واختي الحمامات اللي يكرمكم بس فيه شي غريب هناك الدخول بـ 5 ريال يوم جينا بندخل قال لحظه لوسمحتي ادفعوا خمس ريال انا واختي طالعنا ببعض قلت لها ادفعي بس خليني ندخل الحمامات دفعنا من الغباء الزايد اللي فينا ولقينا الجميع مكترث من هالـ 5 وانا اردد على اختي ياشين بعض العرب لا تطوروا

غريبـة .. لا يكـون يضحـك عليـكم

من جـد غريبـة والله لو انا بنـدخـل (ملاهي

) كلهـا حمـامات وانتـوا بكرامـة ..

طيـب اذا كـان الواحـد مزنـوق وما عنـده إلا ريـاليـن ونـص .. تخارج و إلا لا

صدقتي .. يا شيـن العـرب اذا تطـوروا !!!!

إقتباس


	وبما ان الحمامات صارت تندخل بـ 5 ريال انا اطالب المنتدى الاستشاري بـ ان يدفع اي عضو او عضوه 5 ريال على حسابي رقم ************** قبل الدخول لقراءة يومياتي أجل يوميات ببلاش ! <~

خـلاص بعطيـك الحيـن رياليـن و نـص حقـت الحمـام وبكـرهـ الباقي

إقتباس


	طلعنا من مجمع ابراج البيت يازين أسواق الرياض بس

تلـومـوني وانا رجـال .. عـاد كيـف تسـوق الحـريـم

والله بالقـوة ألاقـي أشيـاء بسيطـة .. يعنـي في الرياض أطـرف محـل أحصلهـا ..

و اللـه مكـة مشكلتهـا في الأسـواق باقي " مالهـا حـل " ..

هـذا وانتـي داخلـه أحسـن سـوق في مكـة ..

إقتباس


	كان الجو جدا حار واول ما رجعت فتحت المكيف على أعلى شي قبل لا تجي امي وتخفضه وبسرعه أخذت لي دش بعد هـ التعب ~ بمكه اذا رحت الحرم لازم تتروش مرتين قبل لا تطلع وبعد ماترجع لأن الجو حار

آآه يا الحـــر

عـذاب أعـوذ بالله .. عـاد حـر مع رطـوبـة مع غبـار

ألف ألف شكـر اختـي (عسيريه)

يـوم ولا أحلـى وان شـاء الله نشـوف ابـداعاتك في المنتـدى وفي الفوتوشـوب

وتحياتـي مـوصـولـه لـ هلالي من أرض اليمن و سندريلا و الهنووف

اخوكم / عـبـداللـه

DR.KHALID · #4 18/09/2008, 04:35 AM

هلا اختي عسيرية .. يومياتك رائعة

وي حظكم بالحرم

م شاء الله تبارك الله .. الله يهنيكم

كل يوم اقول بروم مكة ول المدينة وللاسف اهون ..

يوميات حلوة واهم شيء سباق الماراثون

وفقك الله لما يحبه ويرضاه

تحياتي

ملاحظة : كلمة photo في الصورة اتوقع الصح انها تكون

photographed by وسوري عاللقافة

كاسانو · #5 18/09/2008, 04:37 AM

تقبل الله منا ومنكم صالح الأعمال

عسيرية ممكن طلب ؟

ادعي لي

تكفييييييييييييييييييييين ورده

عاشقة الزعيم15 · #6 18/09/2008, 04:53 AM

هلا والله وغلا

ماشاء الله بمكه ادعيلي >> مسويه توها تدري

انقهرت لما رحت وماشفتك بس يالله الجايات اكثر ان شاءالله

بالنسبه ليومك دلخ مافيه اي شي

الا صح متعشمه تلاقي ملابس حلوة بجده

اذا لكي نيه تشتري هوني احسن

ولا ايش رايك عنوود

يعطيك العافيه يالغلا يووم زرييف ولطييف اووي

ورده
تحياتيـ
عاشقة الزعيم15

الهنوووف · #7 18/09/2008, 05:34 AM

وعليكم السلام ورحمه الله وبركاته

هلا بالحاجه

اولا عمره مقبولة

ماشاء الله عاد بمكه اجواء رمضانيه وروحانيه مختلفه

ماشاء الله الفوتو ماخذ وقتك كثير

واحلى شي الركض دائما يصير لي هالموقف
اهرول واحيانا انادي وحاول ارفع صوتي

نتفشل بكيفنا بس لانضيع

وحركه الخمس ريال ايه سمعت بها

استغلال
بس اهم شي نظيفه

وهم غرضهم علشان مايدخل كل من هب ودب

وملابس العيد مالقينا بالرياض تلاقين بمكه

انا لفيت الرياض وجده ماحصلت شي
يعني لاتتعبين نفسك

خذي عشره ريال قديمه بعد

خمسه لاني قريت وخمسه ابيك تدعين لي

/يك العافيه يالغلا

ع اليوميات والصور

وترجعين بالسلامه

بانتظار sky

الهنوووف

كانت

هنا

ورحلت

أسيرة الزعيم · #8 18/09/2008, 05:36 AM

يوميات رمضانية مختلفة كونها في مكة ، و بوصف عسيرية ..

المهم أنك استطعت الوصول لأهلك بغض النظر عن الوسيلة

عمرة مقبولة عسيرية ،
والله يتقبل منا و منك صالح الأعمال ..

شكراً يا معطاءة

شكراً فريق العمل المتميز .

&& هلااااااليه && · #9 18/09/2008, 05:49 AM

هلااا وغلااا ومرحبااا بـ عس عس

<<دلع عسيريه

ماشاء الله تبارك الله انتي بمكه
العمره مقبوله
ادعيلنا وانا وخيتس الدعاء هناك مستجاااب
بيني وبينك عس عس لو انتي برياض بتقومين من الظهر وتطبخين

والله وانتي تركضين ماتنلامين مير بمكه من الزحمه محد يجيب خبر احد
لو انا مكانك وحتى لو ادل مكه ومامعي جوال ان انهبل

إقتباس


	بس فيه شي غريب هناك الدخول بـ 5 ريال يوم جينا بندخل قال لحظه لوسمحتي ادفعوا خمس ريال انا واختي طالعنا ببعض قلت لها ادفعي بس خليني ندخل الحمامات دفعنا من الغباء الزايد اللي فينا ولقينا الجميع مكترث من هالـ 5 وانا اردد على اختي ياشين بعض العرب لا تطوروا

حركااااااااااااااااااااااااااات
ع بالهم تطورو الحين بيسون مثل بلاد بره

مير ودي اعلم اخوي بذي الخبريه
نعلمه ان السعوديه تطورت

عس عس يمااال العافيه ع اليوميات التحيفه
لاخلاا ولااعدم ورده

كاريزمـا · #10 18/09/2008, 05:50 AM

إقتباس


	أذن تركت النت وصليت وبعدها رجعت على جهازي وفتحت الفوتوشوب أصمم شغله

ياحبي له هالبرنامج

أشهد بالله من أفضل البرامج

ويفك أزمات
ويطلع مواهب

إقتباس


	تركت الجوال بس ازعجني كل شوي يدق قلت مافيه حل الا اني اقفله

إقتباس


	بعدها رجعت على جهازي ولتصميمي الى الساعه 7 صباحاً

أهم شي عرفتي مين

مير لأفتحنا الفوتو نسينا الوقت أنا مير يرتفع ضغطي مااطلع الا ضابطة التصميم

إقتباس


	قلت يابنت مالك الا حل واحد اني اركض والله ما احد داري مين انا شمّرت عبايتي أول شي استحيت اركض مشيت سريع سريع وشوي هروله وبعدها ركض

هههههههههههههههههههههههههههههههههه

مزدية والله مالك بأحد

إقتباس


	بل العشاء قلت لا زم اغسل ايدي رحت انا واختي الحمامات اللي يكرمكم بس فيه شي غريب هناك الدخول بـ 5 ريال يوم جينا بندخل قال لحظه لوسمحتي ادفعوا خمس ريال

اووه شوفي النصب على اصولة مستغلين الزحمه

لا ومن زينها ولا زين مكانها

المشكله لا وساع ولا مكان سنع

إقتباس


	وبسرعه أخذت لي دش بعد هـ التعب ~ بمكه اذا رحت الحرم لازم تتروش مرتين قبل لا تطلع وبعد ماترجع لأن الجو حار

بمكه ضروري على قولتس قبل وبعد

يالله منفضلك راضين لو ان شاء الله 4 مرات ميخالف

يالله من فضلك ياذا المكان عسيريه لا تنسيننا من صالح الدعاء

يعطيك الف عافية ياغلاهم على هاليوميات

والله يتقبل منا ومنك صالح الاعمال يارب

THE-SMART · #11 18/09/2008, 05:51 AM

هههههههههههههههههههههههه ..

يوووم روووعه ...

ولا تركضين بالحرم .. وعيباآآهـ

وأنـآ أقول من الي تركض اليووووم ...

زين اني عرررررررررررررررفت ...

وشووووكرن ...

abo_nasser · #12 18/09/2008, 05:59 AM

هلا وغلا بيوزر الحكومه..

هلا باختي عصيريه..ورده

يوميات وبمكه..يا سلاااااااااااام..

يارب ان ترزقني بعمره بهالشهر الكريم..

إقتباس


	جتني بحلاوة مصاص

كلمة السر..

إقتباس


	شافني ابوي مكتئبه قال ماعليك بعدين نروح جده

يمدحون سوق الصورايخ..

عصيريه..يوميات اكثر من رائعه ..والاجمل انها بمكه..

لا تدعين لي..

سلااااااااااااااااااااااااااااااااام

فجر الرياض · #13 18/09/2008, 06:34 AM

هلا عسيريه

إقتباس


	هذا احنا صرنا بـ 17 رمضان مين يصدق كلنا متفاجئين رمضان هالمره مشى بسرعه خلصت ايام الرحمه وهذي ايام المغفره تمشي وما بقى لنا الا ايام العتق من النار ونسأل الله القبول

من جد بسرعه مرت الأيام الله يتقبل

إقتباس


	طبعا شفت نظرات بنت اختي وتجاهلتها قالت انا ابغى قلت لا <~ قلت لكم شديده

إقتباس


	شمّرت عبايتي أول شي استحيت اركض مشيت سريع سريع وشوي هروله وبعدها ركض

اي والله محد نافعك إذا ضعتي اركضي وانا اختك لايهمونك

إقتباس


	دعيت دعيت دعيت بكل اللي بنفسي بعدها جلست قريت قران شوي

الله يتقبل ان شاء الله

مبدعتنا عسيريه

يعطيك العافيه على هـ اليوم الممتع ولاتنسينا من دعائك

إقتباس


	وانتظرونا غداَ مع ا المتميز S K Y

بالإنتظار ورده

المحبره · #14 18/09/2008, 09:12 AM

اهلين عسيرية

عمرة مقبولة .. وماشاء الله .. الله يهنيكم ..
أنا رحت لمكه بس يومين

.. كان ودي انها تكون أكثر بس ماحصل

يومك حلو .. ويكفيك روحة الحرم كل شوي .. أما التروش قبل وبعد

صدقتي والله .. حر هناك مرررره ..

الله يعينك على ملابس العيد .. و ركزي لاتضيعين أهلك مره ثانية

لولي الهلالية · #15 18/09/2008, 09:31 AM

مرحبا عسيريه

عمره مقبوله الله يتقبل دعائكم .. ماشاء الله تبارك الله
رمضان يكون له نكهه خاصه بمكه ..
اما سالفة الركض بالحرم يا ما صارت والله خلي العالم تتفرج اهم شي ما تضيعين اهلك

اجل حتى بمكه فوتو

والله ما الومك سحر عنيف سارق الوقت والقلوب

ترجعين بالسلامه وبالنسبه للبس العيد لا تشيلين هم يحلها الف حلال اذا رجعتي الرياض

لك تحياتي عسيريه ..