(( يوميات رمضانيه " 16 " )) المشرف القدير S U L I M A N : من هالعين أبل هالعين ولك تؤبريني !! - نادي الهلال السعودي - شبكة الزعيم

المنتدى الاستشاري · #1 17/09/2008, 03:13 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "السادس عشر"
المشرف المتألق:: S U L I M A N
لك يحكي لنا احداث يومه مع شهر رمضان المبارك ..

السلام عليكم ورحمة الله وبركاته ..

في البدايه أشكركم على هالاستضافه وأستغل هالفرصه ونهنيكم بالعشر الأواخر .. وبالعيد بالمره

.
. الله يعيده علينا وعليكم بالصحه والعافيه .
. والله يتقبل منا ومنكم صالح الأعمال ..

يومي كان كأي يوم برمضان .. بعباره أخرى لاجديد عن الأيام الماضيه بس على خفيف

.. تسحرت يالله لك الحمد ببيتنا

بعد مارجعت من عند الشباب .
. لانو مابحب آكول من غير يدون الماما ع السحور

..
عاد يومها الشباب متسحرين بروستد بعد قلت أوالله الي باكل معكم

..
يجيك الواحد منهم يتسحر الي يبي ويقولك الحمد لله ماعطشنا اليوم
.. وحظرته نايم 5 وقايم 5

.
. نرجع لمحور حديثنا .. تسحرت الحمد لله

وجلست أقرى الجرايد لانو أصلو مافي وات أأراهون الا هالوأت :$

.
. أقام الفجر رحت صليت ورجعت البيت وصاروخ للفراش ودبغتها نومه لين الساعه 8 ونص صباحا .

. قمت غسلت والزي منه وعلى 9 وشوي طلعت من البيت ع الدوام ..
للمعلومين دوامي يبدا 10 لكن لأني انسان مجد ومجتهد ومثابر اجي قبل الدوام بساعه

الواحد لازم يهتم بشغله ياعيالي ماله داعي السهر الي ماله سنع همن يجي آخر واحد بالمبنى < هذي بس علشان يحطونها بالعنوان ترى

..
صبحت بوجيه حبايب قلبي زملائي

طبعا السلام والزي منه لازم يستمر لمدة ساعه تخبرون لي يوم كامل ماشفتهم ! ..

صلاة الظهر عاد هنا نوقف .
. يعني كل اليوم نكرف ونكد ولا نرتاح لأ مايصلح
.. وقت الصلاة ربع ساعه بالكثير لكن لأني انسان مثابر زي ماتعرفون لازم اجلس شويتين اراجع نفسي وارتاح .. وأقرى قرآن
.. بس مهب بالمصلى لانه مافيه مسجد عندنا للاسف

.
. قراءة القرآن على حسب شغلي متى ماجاني شغل سكرت القران وكملت الشغل ..

صلاة العصر تتاخر شويتين علشان اذا خلصنا صلاة دويس للسياره

.
. لكن هالكلام موب لي

انا زي ماقلت لكم انسان مجد ومثابر ما اطلع الا 4 ونص وفوق مع العلم ان الدوام يخلص 4

.
. نطلع من الدوام حول الوقت المذكور آنفا وبأسرع وقت نوصل البيت .. يعني أي سياره بالشارع تشوفونه طاير اعرفوا انه انا

خو تعرفون مابقى الا ساعه تقريبا يالله نلحق ننام به .. بالطريق افتح ام بي سي اف ام على الساعه 4 ونص فيه برنامج الافتاء جدا رائع بصراحة ..
مجرد ما اوصل البيت افرغ ما في جيوبي من امور شخصيه واغير وصاروخ بس مهب نفس صاروخ الفجر

قومة الفطور تكون قبل الاذان بشووووي .
. يعني اذا فتحت عيوني قال المؤذن الله واكبر

.
. اغسل واروح بشكل مباشر للسفره بدون اي تحويله جانبيه .
. وبسم الله اللهم لك صمت وعلى رزقك أفطرت ..
بعد هالجملة لاحد غلط ويدور سليمان تراني حذرتكم .
. ماراح يصير فيه عنف لكن بيصير فيه تجاهل آآآآد كده

مهب لشي بس منب سامع شي غير قرقشة اللقيمات بأفمي

ان كان فيه لقيمات تقرقش طبعا ولا بالعاده مهب تقرقش

..

بعد الفطور الواحد يتكي له شوي ويهوجس والزي منه لين يقيم الإمام لصلاة المغرب .. طبعا نظامنا حنا النظام الصحيح والسليم اننا ماندبغ كل شي قبل الصلاة

نترك مساحه فاضية لمابعد الصلاة
.. خلصت صلاة المغرب رجعت للبيت ولا الاهل مزهبين الامور السنعه .
. جلست على السفره حبيبة قلبي والا فيه شي مهم ناقص
.. وإذا بي أقفز مثل الريشة في عز الخريف واجيب الليمونه علشان الشوربه

.. ومن هنا يبدأ الفتك بأي كائن على وجه السفره .
. يتخللها عيال قريّّه على بيني وبينك
على أي شي يجي خلال فواصل الام بي سي

..

بعد كذا صلاة العشاء والتراويح .. خلصنا تراويح طلعت رحت للمكتبه والصيدليه أشتري بعض الامور

رجعت البيت جتني الوالده تبيني اوديها كذا مشوار
.. قلت له من هالعين أبل هالعين ولك تؤبريني

..
وديتهم ورحت للشباب .. ساعه وحولها الا والماما تتصل علي تبيني أرجعهم .. رجعتهم ورجعت للشباب نكمل طقة البلوت

.
. بس بصراحة مادري هم كشفوا الاوراق ولا لأ بس قبل اروح كانوا منرقعين ويوم رجعت جتهم قوه غريبه

وخويي ياغافلين لكم الله

.. جلسه ووناسه لين الساعه 2 ونص .
. هنا عاد حدي في بعض الاحيان ..
اذا فيني نوم رجعت للبيت نمت لي ساعه قبل السحور .
. واذا مصحصح ما أرجع الا 3 ونص وعليها علشان ألحق على سحور المامي

..

هذي يوميات سليمان سردتها لكم ووش صارلي خلال هاليوم بكل مافيه من احداث مثيره < .. تشرفت بحلولي ظيف عليكم واتمنى ما أكون ظيف ثقيل عليكم

..
بحفظ الرحمن

برايفت :
تراي قريت الذب الي صار بيوميات الاخت هلاليه لكن وبما اني انسان مجد ومجتهد ومثابر راح أقول للعذال ماااااعلي منكم

خصوصا الي يقول الله يستر لاينام ويخلينا

ولا الي يقول بعطيك أيقونة لابسه شماغ

ارسلها لي على الخاص بالله

كل الشكر
للمتميز**][ S U L I M A N...♥][ **
وانتظرونا غداَ مع المصممة المتميزة عسيريه

أرق التحايا وأطيبها من
مشرفيي واستشاريي
المجلس العام

ابو طـــــلال · #2 17/09/2008, 03:18 AM

سعيد كوني أول واحد ... في إستضافة ( الذيب ) السلمي

شهادتي في هالرجل مجروحة .. راجع لقراءة درر السلمي ..

لي عودة

===========

قريت اليوميه لقيت السلمي صاير ( زلمة ) من ورانا .. أخس يابو بدر

.. وش مامي ومامامي .. وهون !! تش مير

يوميه جميلة خفيفة من شخص يستحق كل الإحترام والتقدير .. ولو انه قليل حضوره في المجلس العام وردوده .. ماغير مسنتر في الرياضه العالمية .. ياخوي إذا على هالخمسه .. وبعدها الثلاثة .. ماحناب متكلمين فيها

بس تعال ..

سليمان مكسب في أي مكان هو فيه .. وفرندلي على قولة الأنجليز

.. وربي اعطاه قبول لدى الغير ( مثلي بالظبط )

سعيد بتواجدي في هالإستضافة وكوني اول من يمد القهوة للضيف الغالي ..

تحياتي لك .. ولكل من ساهم في حضورك

اخوك الصغير ابو طلال

الهنوووف · #3 17/09/2008, 03:25 AM

وعليكم السلام ورحمه الله وبركاته

امين يارب وع المسلمين اجمعين

والعشر عليك مبارك + العيد عليك مبارك

إقتباس


	وجلست أقرى الجرايد لانو أصلو مافي وات أأراهون الا هالوأت :$

إقتباس

كم استغرقت هالجمله بالكتابة

إقتباس


	تشرفت بحلولي ظيف عليكم واتمنى ما أكون ظيف ثقيل عليكم ..

ياعيب الشؤم عليك ظيف بتنكتب هيك (ضيف )
كنت بعدلها لك بس نسيت

وفرصه اتشمت بمشرف

وعالمي بعد احلى واحلى

والبرايفت
تقصد فياض صح >>طالعه منها

شلون ماعندكم مسجد بالدوام

وش بيضرهم حديدتين وخشبة

وسجاد
الله يعضوك بوظيفه عندهم مسجد

\
/
كل الشكر لك اخوي سليمان ع هيك يوميات مهضومه

>>لايكثر
واحنا الي تشرفنا باستضافتك
بس مرتن ثانية لاتسحب ع صديقك

والتزم المواعيد
المسابقة اهم من العمل >>>نامي

يومياتك مافيها دوران كثير منظمه نسبيا

وهذا طبعا يدل ع ان الكاتب انسان مجتهد ومثابر

>>ماتذب ترى

بانتظار مصممتنا عسيريه

الهنوووف

كانت

هنا
ورحلت

وعد أنا هلاليه للأبد · #4 17/09/2008, 03:37 AM

يوميات طويله

مشكور سلوم

^^^
هذا رد تسكيت

وهنا الرد الاصلي بعد القراءه

إقتباس


	مافي وات أأراهون الا هالوأت :$

قعدت سنه وانا اقرا هالجمله

واعيد واعيد والحمدلله اني فهم ولا كان طلعت حماره

بالله كيف تعلمتها ؟؟؟؟

إقتباس


	وبأسرع وقت نوصل البيت .. يعني أي سياره بالشارع تشوفونه طاير اعرفوا انه انا خو تعرفون مابقى الا ساعه تقريبا يالله نلحق ننام به

يؤ يؤ يؤ يؤ يؤ

السرعه مو كويسه

ملحق ع النوم

إقتباس


	بعد هالجملة لاحد غلط ويدور سليمان تراني حذرتكم . . ماراح يصير فيه عنف لكن بيصير فيه تجاهل آآآآد كده

يااااااااشيخ والله ودي اجيك في هالساعه بالضبط

وفي هالدقيقه اكزاتلي

وفي اللحظه سيكند

<<<< تبي لها درس خصوصي

إقتباس


	هذي يوميات سليمان سردتها لكم ووش صارلي خلال هاليوم بكل مافيه من احداث مثيره < .. تشرفت بحلولي ضيف عليكم واتمنى ما أكون ظيف ثقيل عليكم .. بحفظ الرحمن

ادوووووخ انا على الاحداث المثيره المثير بس اللقيمات والزي منو

المشرف\سليمان ورده

بحفظ الكريم

واحده ملاحزه : اول يوميات ازورها كانت يومياتك يعني لك الشرف

أختك
وعد

مدريدي جداً · #5 17/09/2008, 04:20 AM

و يلوموني في عيال العالمية...

...

ما شاء الله يوم حافل بس ما لاحظت انك ما كتبت متى تقعد على النت...

يعني المنتدى ماله أهمية في حياتك...

ياليت نشوف أعضاء من العالمية أكثر من هالعدد...

تحياتـ ي ــ

Je t'aime Hilal · #6 17/09/2008, 04:42 AM

إقتباس


	السلام عليكم ورحمة الله وبركاته

وعليكم السلام ورحمة الله وبركاته

إقتباس


	وأستغل هالفرصه ونهنيكم بالعشر الأواخر .. وبالعيد بالمره . . الله يعيده علينا وعليكم بالصحه والعافيه . . والله يتقبل منا ومنكم صالح الأعمال ..

الله يسلمك ويتقبل منا ومنك آمين

يوميات خفيفة ظريفة استمتعت بقراءتها بس أشوفك قالب لبناني مدري سوري وش عندك

تقبل إحترامي ورده

SNEIJDER10 · #7 17/09/2008, 04:58 AM

هلا بالغالي الـ سلمي ..

يوميات جميلة جدًا ..

تمنياتي لكـ بالتوفيق يالغالي ..

إقتباس


	. جلست على السفره حبيبة قلبي والا فيه شي مهم ناقص

حسبتكـ تقصد اللي يعطي اللقاء حلاوته ..

f*y*d · #8 17/09/2008, 07:16 AM

أقطع يدي لو ما قال " من هالعين أبل هالعين ...." لأمه الله يحفظها
عشان يكتبها باليومية

وكله من &هلالية& لما قالت "تعي .." بيقلدها

يا صباح الخير السلمي باشا

منور المجلس منور أعضاءه بهالطلة الحلوة

والله يجزا خير من اختارك

يومية كانت حلوة مثل ما توقعت والدليل ما صبرت وقريتها بالجوال
بس أشوف بعض البرايفتات تلمح فيها تغمز وتلمز بتوصل لإنك راعي ذبات ولا كيف ؟ لا تخليني أجيب فيلسوف يذب عليك

يعطيك العافية سليمان ولا تقطع عن المجلس

على فكرة ما لقيت الأيقونة بالزعيم

ورده

.
.

بإنتظار مصممتنا ولو تصمم يوميتها بتصميم تكون فتحت نفسنا
وغيرت جو شوي

:p

.
.

:: فتّكـ بـ ع ـافيــة ::

مَاهِينُورْ · #9 17/09/2008, 08:50 AM

..
وعليكم السلام ورحمة الله وبركاته
..
هلآ بالعالمي

} مبرووك الفوز على الأهلي

> مضيعة

..
..
حيّا الله المشرف / سليمان ورده ,.
كل عام وأنتَ بخير وصحة وسلامة

..
يومياتك جميلة جداً

حلوه اللهجة الشامية شكلك مستعيين بباب الحارة

الله يعينكم ياللي تدواموون برمضان وخاصة إذا كان الموضف مثابر

..

الله يعطيك العافية سليمان هيك يوميات

> الله يبارك بيومياتك عطاني فرصة أقول هيك

..
{{ ورده ورده ورده }}

نتمنى نشوف تواجدك الدائم بالمجلس

,.

..

شكراً الهنوووف , طارق

بانتظار المبدعة عسيرية

..

قبل الختام

بالأمس كان أجمل يوم مر علي في حياتي ولله الحمد والمنة

ودي أكتب يوميتي المليئة بالأحداث لكن عاجزة

كان يوماً شاقاً بالبداية

ولكن ما أقدر أقوول إلا :

الحمد لله

..

عاشق الموهوب 10 · #10 17/09/2008, 09:50 AM

وعليكم السلام ورحمة الله وبركاته ..

هلا فيك يالغالي ..

إقتباس


	. جلست على السفره حبيبة قلبي والا فيه شي مهم ناقص .. وإذا بي أقفز مثل الريشة في عز الخريف واجيب الليمونه علشان الشوربه

بصراحه مثلي الليمون مهم على السفره وخصوصاً مع السلطاات

..

سؤال لـلأعـضاء :: كم مره ذكرت جملة [والزي منه] في الموضوع ..

يوميه حلوه .. كلها جد ونشاط ومثابره .

. والله يعينكم عالدواام ..

الف شكر لك والشكر موصول لـ :: هلالي من ارض اليمن و الهنوووف ولبقية المشرفيين والأستشاريين ,,

الهلالي 11 · #11 17/09/2008, 10:53 AM

سليمان منت عاقل يا البرشلوني

تتكلم لغات

حقيقة ... يومياتك رسميه زيك بالضبط

وتدل على مدى العقليه الرائعه اللي تمتلكها

رجل منضبط ... عارف مصلحتك ... ما تبي احد يزعل منك

بالتوفيق لك يا رب

أوَار · #12 17/09/2008, 02:57 PM

وعليكم السلام ورحمة الله وبركآته
أهلاً ومـرحبا بالمشرف الغالي .. سليمان
منور المجلس واليوميات أخوي

الله يعطيك العافيه على هيك يوميه

إستمتعت كثيراً وأنا أقرأ
مآشاء الله تبارك الله نشيط ومثابر الله يزيدك

يوم حافل ومميز .. شـكراً لكـ لكن لاتقطع المجلس

بالتوفيق لك مشرف سليمان ورده ,.,
شـكراً الهنوووف شكـراً أخ طارق
بإنتظار مصممتنا عسيريه

فتّك بـ ع ـافيه

راكان _20_ · #13 17/09/2008, 03:08 PM

الله يعطيكم العافيه على اللقاء الأكثر من رائع

و مميز مع مشرف مميز

و ما شاء الله يومك ملئ بالجديد خخخخخخخخخخخ

بالتوفيق و ننتظر الجديد إن شاء الله

Z3EEM . FC · #14 17/09/2008, 11:23 PM

اختيار موفق

ويوم جميل يجتمع فيه الجد والفله مع الاخويا

يعني ماشاء الله قدرت تقسم يومك بصلاتك + عملك + اهلك + اخوياك

ننتظر ضيفه الغد

شكرا لكم ورده

hilalemooot · #15 18/09/2008, 04:09 AM

.
.

سليمان كم مرة قلت لا تكثر من كلمتين .. وما شابه .. و اللزي منوه

؟

يعطيك العافية يا عسل

.. يومياتك حلوة .. ياخي مع ان الدوام ما ينطاق الصبحيات بس خل عنك والله ياهو ينظم الوقت ويخليك تحس بقيمة الويك إند

حبيت اسلم عليك يالقاطع

.. وتراني للحين زعلان منك

!

.
.