نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (( يوميات رمضانيه " 16 " )) المشرف القدير S U L I M A N : من هالعين أبل هالعين ولك تؤبريني !!

المنتدى الاستشاري · #1 17/09/2008, 03:13 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "السادس عشر"
المشرف المتألق:: S U L I M A N
لك يحكي لنا احداث يومه مع شهر رمضان المبارك ..

السلام عليكم ورحمة الله وبركاته ..

في البدايه أشكركم على هالاستضافه وأستغل هالفرصه ونهنيكم بالعشر الأواخر .. وبالعيد بالمره

.
. الله يعيده علينا وعليكم بالصحه والعافيه .
. والله يتقبل منا ومنكم صالح الأعمال ..

يومي كان كأي يوم برمضان .. بعباره أخرى لاجديد عن الأيام الماضيه بس على خفيف

.. تسحرت يالله لك الحمد ببيتنا

بعد مارجعت من عند الشباب .
. لانو مابحب آكول من غير يدون الماما ع السحور

..
عاد يومها الشباب متسحرين بروستد بعد قلت أوالله الي باكل معكم

..
يجيك الواحد منهم يتسحر الي يبي ويقولك الحمد لله ماعطشنا اليوم
.. وحظرته نايم 5 وقايم 5

.
. نرجع لمحور حديثنا .. تسحرت الحمد لله

وجلست أقرى الجرايد لانو أصلو مافي وات أأراهون الا هالوأت :$

.
. أقام الفجر رحت صليت ورجعت البيت وصاروخ للفراش ودبغتها نومه لين الساعه 8 ونص صباحا .

. قمت غسلت والزي منه وعلى 9 وشوي طلعت من البيت ع الدوام ..
للمعلومين دوامي يبدا 10 لكن لأني انسان مجد ومجتهد ومثابر اجي قبل الدوام بساعه

الواحد لازم يهتم بشغله ياعيالي ماله داعي السهر الي ماله سنع همن يجي آخر واحد بالمبنى < هذي بس علشان يحطونها بالعنوان ترى

..
صبحت بوجيه حبايب قلبي زملائي

طبعا السلام والزي منه لازم يستمر لمدة ساعه تخبرون لي يوم كامل ماشفتهم ! ..

صلاة الظهر عاد هنا نوقف .
. يعني كل اليوم نكرف ونكد ولا نرتاح لأ مايصلح
.. وقت الصلاة ربع ساعه بالكثير لكن لأني انسان مثابر زي ماتعرفون لازم اجلس شويتين اراجع نفسي وارتاح .. وأقرى قرآن
.. بس مهب بالمصلى لانه مافيه مسجد عندنا للاسف

.
. قراءة القرآن على حسب شغلي متى ماجاني شغل سكرت القران وكملت الشغل ..

صلاة العصر تتاخر شويتين علشان اذا خلصنا صلاة دويس للسياره

.
. لكن هالكلام موب لي

انا زي ماقلت لكم انسان مجد ومثابر ما اطلع الا 4 ونص وفوق مع العلم ان الدوام يخلص 4

.
. نطلع من الدوام حول الوقت المذكور آنفا وبأسرع وقت نوصل البيت .. يعني أي سياره بالشارع تشوفونه طاير اعرفوا انه انا

خو تعرفون مابقى الا ساعه تقريبا يالله نلحق ننام به .. بالطريق افتح ام بي سي اف ام على الساعه 4 ونص فيه برنامج الافتاء جدا رائع بصراحة ..
مجرد ما اوصل البيت افرغ ما في جيوبي من امور شخصيه واغير وصاروخ بس مهب نفس صاروخ الفجر

قومة الفطور تكون قبل الاذان بشووووي .
. يعني اذا فتحت عيوني قال المؤذن الله واكبر

.
. اغسل واروح بشكل مباشر للسفره بدون اي تحويله جانبيه .
. وبسم الله اللهم لك صمت وعلى رزقك أفطرت ..
بعد هالجملة لاحد غلط ويدور سليمان تراني حذرتكم .
. ماراح يصير فيه عنف لكن بيصير فيه تجاهل آآآآد كده

مهب لشي بس منب سامع شي غير قرقشة اللقيمات بأفمي

ان كان فيه لقيمات تقرقش طبعا ولا بالعاده مهب تقرقش

..

بعد الفطور الواحد يتكي له شوي ويهوجس والزي منه لين يقيم الإمام لصلاة المغرب .. طبعا نظامنا حنا النظام الصحيح والسليم اننا ماندبغ كل شي قبل الصلاة

نترك مساحه فاضية لمابعد الصلاة
.. خلصت صلاة المغرب رجعت للبيت ولا الاهل مزهبين الامور السنعه .
. جلست على السفره حبيبة قلبي والا فيه شي مهم ناقص
.. وإذا بي أقفز مثل الريشة في عز الخريف واجيب الليمونه علشان الشوربه

.. ومن هنا يبدأ الفتك بأي كائن على وجه السفره .
. يتخللها عيال قريّّه على بيني وبينك
على أي شي يجي خلال فواصل الام بي سي

..

بعد كذا صلاة العشاء والتراويح .. خلصنا تراويح طلعت رحت للمكتبه والصيدليه أشتري بعض الامور

رجعت البيت جتني الوالده تبيني اوديها كذا مشوار
.. قلت له من هالعين أبل هالعين ولك تؤبريني

..
وديتهم ورحت للشباب .. ساعه وحولها الا والماما تتصل علي تبيني أرجعهم .. رجعتهم ورجعت للشباب نكمل طقة البلوت

.
. بس بصراحة مادري هم كشفوا الاوراق ولا لأ بس قبل اروح كانوا منرقعين ويوم رجعت جتهم قوه غريبه

وخويي ياغافلين لكم الله

.. جلسه ووناسه لين الساعه 2 ونص .
. هنا عاد حدي في بعض الاحيان ..
اذا فيني نوم رجعت للبيت نمت لي ساعه قبل السحور .
. واذا مصحصح ما أرجع الا 3 ونص وعليها علشان ألحق على سحور المامي

..

هذي يوميات سليمان سردتها لكم ووش صارلي خلال هاليوم بكل مافيه من احداث مثيره < .. تشرفت بحلولي ظيف عليكم واتمنى ما أكون ظيف ثقيل عليكم

..
بحفظ الرحمن

برايفت :
تراي قريت الذب الي صار بيوميات الاخت هلاليه لكن وبما اني انسان مجد ومجتهد ومثابر راح أقول للعذال ماااااعلي منكم

خصوصا الي يقول الله يستر لاينام ويخلينا

ولا الي يقول بعطيك أيقونة لابسه شماغ

ارسلها لي على الخاص بالله

كل الشكر
للمتميز**][ S U L I M A N...♥][ **
وانتظرونا غداَ مع المصممة المتميزة عسيريه

أرق التحايا وأطيبها من
مشرفيي واستشاريي
المجلس العام