مساكم زعامة مســاء الزعيـــم وصباحة بالخـــير والبطولات


أتمنى أن يطلب صاحب السمو الملكي الامير عبدالرحمن بن مساعد وسمو نـائبة الامير نواف بن سعد وبعد المشاوره مع الطاقم الاداري والفني في النادي من الاتحاد السعودي نقل مباريات الزعيم الى استاد الملك فهد بدلا من ملعب الملز

بسب كثرة الحظور الجماهير الى الملعب الي زاد عن طاقته الاستيعابية للحظور بسبب كثرة الجمهور الهلالي وبعد حرص من المدرب الروماني كوزمين على أهمية الجمهور وتأثيرها في حماس الاعبين وكسب نقاط المباريات وتعوديد الاعبين صغار السن على هذة الاجواء وايضـا من اهمية الحظور الجماهيري الحرص من الاعبين على التركيز على قله الاخطاء واسعاد هذة الجماهير .......




يالله كلمة حبيتها واتمنى من كل قلبي اني اسمعها هذا الموسم ويكون نقله في الحظور الجماهيري <<<<وليش لا


اذا شعبية الزعيم تغطي ثلاث أرباع مربعة من المملكة

اذا شعبية الزعيــم في منطقة الرياض تمثل ثلاث ارباع وزيادة والعاصمة مقر النادي ومقر الجمهور الرئيسي


الجماهير هي الفريق الجماهير هي كل شي


ياجماعة الفريق بدون جمهور ولا شي رئيس يدفع بالملايين من جيبه شركات تدفع ملايين مو خسارة جمهور يحظر ويخسر 20 ريال من اجل حظور لدعـــم الفريق معنويا قبل الماديــا




اذا والله تحب تتابع المباراة في التلفزيون ومع التحليل وانت انسان بيتوتي كلها ساعتين احظر وارجع البيت وارتي مو مقصرة اعادات من البداية وقبل وبعد المباراة وتشووف كل شي فاتك ....

وبعد شبكة الزعـــيــم مو مقصرة تنزل المباراة كاملة والتصاريح وكل شي حصل قبل وبعد وكل شي تعتقد انها فاتتك وانت في الملعب من تصاريح واذا اتصالك زفت <<<<حمل واطلع ساعتين ثلاث اربع وارجع وتلقى كل شي جاهز مع الشبكة .......



واذا انت من هواة الشيشة احظر المباراة وكلها ساعتين وارجع شيش على كيفك ولا احلى من التوقيت بعد المبارة خفت الزحمات وحزت عشاء والزعـــيم يستاهل الدعم المعنوي والمادي..


واذا انت ما تحب الجلسة في الملعب والملعب مو مريحك اصبر واخذ سجادتك وكلها ساعتين والزعيم يستـــاهــل ليــن الله يفرجها <<هذا اذا كنت ما تقدر على الدرجات الممتازة واصبر ولا احلى من كراسي درة الملاعب اذا صارت مباريتنا فيــه ....



ياجماعة الزعــيم يستاهل ورئيس زعــيمنا وشركة موبايلي الي تدعـــم مو احـــسن منــا ندعم بــ20 ريــال وفي نهاــية الموسم بيوضح دعم الجمهوور ...


واذا تقولي اللعب مافيه متعة بالعكس الامير عبدالرحمن بن مساعد مو مقصر شال العنقري والمفرج اصبح مدافع خامس في الفريق ...


ياجماعة لاعبيــنا ليــه يجوون الملعب مو عشان الجمهوور والي على باله مو عشــان الجمهور كان خلو المباريات في صالات مغلقة ولحد يحضر


ياجمهووور الزعيــم طارق التايب ويــاسر القحطاني ومحمد الدعــيع وويلي وخالد عزيز واحمد الفريدي ومحمد الشلهوب اســياد الامتااع بانتظاركم في الملعب ولا يأتوون الى من اجلكم ...


ياجماعة تأثير الجمهوور على لاعبين وعلى نتايج الفريق غير وبالذات على لاعبين الفريق صغار السن مثــل الفريدي والدوسري والزوري والذياب وصالح الدوسري والصويلح في تطوير مستوياتهم واحساسهم بالجمهور وهيبته راح تطور الفريق وتجعل اصحاب الخبرة تحت المسئولية والحرص على عدم اخراج جماهير الفريق خايبة وخصوصا في ظل تواجد عوامل الانتصار والقوة والخبرة في الفريق ...



اتمنى كل التمنى ان اشاهد الجرايد ووكالات الانباء ومواقع الانترنت والبرامج الرياضيه تبث هذا الخبر ....



الامير عبدالرحمن بن مساعد يطلب من الاتحاد السعودي نقل مباريات الزعيم الى درة الملاعب $$




قصة كاتب الموضوع ..................


انا ياجماعة وياجمهور الزعــيم كنت احظر مباريات الزعيــم من صغري مع الوالد الله يطول في عمره لانة هلالي صميم وولاكنت احظر الا مباريات المهمة والحاسمة بسبب ظروف الوالد الاجتماعية...



وبعد مرور الوقت اصبحت احظر المباريات مع السائق والمباريات المهمة ايــضا


لكن بعد ما اصبحت املك السيارة ما صارت ولا مبــاراة تفوتني وكنت اوفق بين حظور المباريات والدراسة وذلك بفضل الله ثم بفضل الوالد الله يطول في عمرهـ...


وقدر الله علي واعلنت التغرب وكنت بين خيرين يا دراستي يا مباريات الزعــيم والواحد اهم شي مستقبلة ولاحق على الزعيــم بأذن الله <<<<<قصة مالها داعي بس يمكت تحمس بعض الاشخااص..


.................................................................................................... ...............................


تكفوون يا جمهور الزعــيــم يا عزوه الزعــيــم لا تقصرون مع الزعيــم ولا تخيبون ظنــه الجميــع يريد ان يشاهد الرقم الصعب يحطم الارقام بعدد الحظور ويردد ما نبي الملز نبي الاستاد الملز صغير عــلينــا ولاهو قدر الزعــيـــم





اسف على الاطالــة لكن من الحــره الي في قلــبي جميع عوامل النــجــاح والاحترافيــة عنــدنــا الا الحــظور الجماهيري الي يســكــر الملعب ...مثل الانديــة العالمية الي حالها من حالنـــا ولا تفرق عن الزعــيم الا بحظورهــا الجماهيري ....


كونو في الموعد ومباريات الدوري بتحكم يا ابطال ورجال الزعــيــم الي يستد علــيه نــاديــنــا


اتمنــى كلامي يــأثر في اي قاري يقرأ الموضوع ويوصل الى اكــبر عدد من جمهور الزعــيــم



يالله يا حلو هل الكلمة ويارب اسمعها في القريب .........................



الامير عبدالرحمن بن مساعد يطلب من الاتحاد السعودي نقل مباريات الزعيم الى درة الملاعب $$



والف شكر ومع الف سلامة للجمــيــع والموعد البطولات ان شاء الله

مشكوور أخوي ع الأخبـــــار

وهذا يـــــدل // ع الإدارة الواعية بقيادة الأمير عبد الرحمن ونائبــــــــــــــه ....

وفي نقطة ثارت أهتمامي :

إقتباس تكفوون يا جمهور الزعــيــم يا عزوه الزعــيــم لا تقصرون مع الزعيــم ولا تهيبون ظنــه الجميــع يريد ان يشاهد الرقم الصعب يحطم الارقام بعدد الحظور ويردد ما نبي الملز نبي الاستاد الملز صغير عــلينــا ولاهو قدر الزعــيـــم

.
.

(( تقبل مروري ))

الله يعطيك الف عافيه ويسلمك اخووي

هذا دليل على أن الهلال النادي الأكثر جماهرية في المملكة
.....تحياتي....<الموهوب الأزرق>

إقتباس الرسالة الأصلية كتبت بواسطة الموهوب الأزرق هذا دليل على أن الهلال النادي الأكثر جماهرية في المملكة .....تحياتي....<الموهوب الأزرق>

الله يعطيك العافية وشكلك ما قريت المووضووع الله يسلمك

هههههههههههههه خوفي محد بجي

الله يعطيك العافيه
وبأذن الله الجمهور يبيض الوجه

الله يسمع منك يارب يالله ياشباااااااااب شدو الهمه الوعد بكرا على صبات ملعب الملز

هع هع هع

تبي الصراحة

موضوعك يحمس

بإذن الله الجمهور الهلالي سيبهر جميع من ينظر الى المباراة

والجماهير ليس لها عذر

اجازة
رئاسة جديدة
مدرب ولاعبين اجانب على مستوى عالي
فريق متكامل
منتصر باللقاء الماضي
الجو جيد

كل هذه العوامل المفترض تكون حافز للجمهور بانهم
يحضرون ويساندون الزعيم

شكرا لك...

الهمه يا جمهور الريااااااض لا تخلون الزعيم

شكرا لك ، ونتمنى حقيقة أن تكون كل المباريات بالاستاد ، ولكن رعاية الشباب هم من يقرر ذلك ..!!

موضوع رائع جداً بمعنى الكلمة

حبيت أنبهك اخوي ياليت تطلب من ادارة الشبكة تغير (اليوزر) الى اسم اخر وانا شخصياً مارضها لك ولا يرضاها اخوك مسلم
عليك بتسمية نفسك بأسم من أسماء الشيطان .. وهذي نبذه عنهم .

أول شي أذكر لكم بعض أسماء الشياطين

خنزب
الولهان
الأجدع
الأعور
الأجدع شيصبان
ميطرون
شمهروس


هذا والله اعلم

والموضوع أكثر من رائع ولكن اليوزر شدني أكثر لتنبيهك فالافضل ان تطلب من الادارة تغير اليوزر ولا ترضها
على نفسك أن يكون اليوزر من اسماء الشياطين اعوذ بالله من الشيطان الرجيم ...

حياك الله