شي عزيز عليك ومحتفظ فيه الى الان.. - نادي الهلال السعودي - شبكة الزعيم

بنوتة**هادية^_^ · #1 18/09/2008, 12:55 AM

مرحبا لكل هلالي وهلالية..

كل واحد فينا عنده ذكريات خاصة فيه

وانا اقصد الذكريات المحسوسة يعني صور او دفاتر قديمة او اوتوجراف قديم او او او ...الخ
طبعا انا حطيت الموضوع هذا بعد ما شفت بالصدفة شنطة صغيرة كانت لي ايش تتوقعون فيها ؟؟!!

فيها اوراقي حقت الاختبارات الشهرية لسنة ثاني وثالث ابتدائي

شفت خطي وانا صغيرة وقعدت اضحك

والدمعه في عيني ..اشتقت لايام زمان..انا كنت مفتقدة هذي الشنطة بعد ما نقلنا من بيتنا في سنة من السنين..
ياما بكييت عليها يوم فقدتها كنت وقتها 2متوسط..

انا طبعا محتفظة بأشياء كثيرة حتى بصمة رجلي وانا صغيرة عندي..

المطلوب منكم شاركوني ذكرياتكم وخلونا نرجع شوي لورى

..كل واحد فيكم يقول شي واحد بس عزيز عليه و محتفظ فيه الى الان...
(من الصعب على الإنسان أن ينسى أشياء عزيزة إفتقدها ...
وعقل يحمل ذاكره تحوي كل عزيز...
ومن الصعب بأنه يحتمل فقدان إحداها ...
وعندما يفقد إحداها فإنه يلجأ لبلسم الجراح " الذكرى "
حينما يتذكر أشياء كثيره إفتقدها ...
يبتسم قليلاً ثم تنهمر دموعه على وجنتيه ...
فلتبتسم إذن أيها الإنسان ... إبتسم لحاضرك ولمستقبلك ولماضيك ...
ولكن..
دون أن تنسيك الإبتسامه دمعتك عند الحاجة إليها )>>>عجبتني وحسيتها حلوه مع موضوعي

اتمنى يعجبكم الموضوع وابي تتفاعلكم

هلالى 24 ساعه · #2 18/09/2008, 01:02 AM

جوال n95 كنت مضيعه قبل 11 سنه ولقيته الخميس اللى فات <------يستقبل جميع انواع الشتائم والسب

والله يالغاليه مافى اى شي ثمين محتفظ فيه

ماحب احتفظ فى شي

انا اذا حافتظ على نفسي زيين

قسم انى دااااج ورايحن فيها

موضوع رائع على فكره ...!

مودتي....!!

بنوتة**هادية^_^ · #3 18/09/2008, 01:45 AM

[QUOTE=هلالى 24 ساعه;9620676]جوال n95 كنت مضيعه قبل 11 سنه ولقيته الخميس اللى فات <------يستقبل جميع انواع الشتائم والسب

ههههههههه هلا وسهلا فيك اخوي..
الحمدلله انك لقيته..

ههههههههه
شكرا على ردك..

زعيـم أسيـآ · #4 18/09/2008, 03:52 AM

و الله انا عندي اشايء محتفظ فيها و تذكرني بأيام كانت حلوة و ياليت ترجـع

صور لي ايام ماكنت صغير حافظها الى الحين بدولابي

فنيلة الهلال كنت مفصلها ايام الابتدائي و الى الحين عندي

سريري ايام ماكان عمري 3 , 4 سنين و كنت ملزق علية صور ريكـو و صور السيارات اللي تجي مع العلـك

و هو الى الحين فوق بالسطـح ومتطاق انا وامي عشانة تقول ذبة وش نبي بة

<-- يقول في نفسة لا حطيت الرد بروح اشوفة

و عندي شهادة شكر و تقدير من مرس القران يوم كنت بـ ثالث متوسط

وو .. بس

و يعطيك العافية ع الموضوع اللي حرك مشاعري و خلاني اتذكر ايام الطفولة الرائعة

taroki · #5 18/09/2008, 04:18 AM

صراحة موضوع روعة من عضوة روعة ...

اشكرك والله ..

وبالنسبة لي انا محتفظ شيء من الاشياء من عام 2000 وعليكم الحسبة عاد ...

ابو طـــــلال · #6 18/09/2008, 05:57 AM

موضوع فكرته حلوه ..

انا من الناس الل أحتفظ بالهدايا حتى لو كانت بسيطة .. وعلى أيام المراهقة كنت مجمع بلاوي ..

لكن أهم شي .. واللى أتذكره للحين في هالوقت .. هو رسالة ولد عمي جتني من بريطانيا عام 1996 م في مرحلة دراسته وكانت أحلى رسالة قريتها ... ذاك الوقت ماكان في جوال .. والرسايل لها طعم وفرحه .. كان مرسلي شي مسفطة تسفيط وصايره بكرتون صغير .. يوم فتحتها لقيتها ( دمية ) حرمة

.. ونفختها بالهواء وإلا هي بحجمي ... وكاتب لي آخر الرسالة ( تزوجها مالقيت لك أحلى منها )

وفيه عندي ريال مشقوق نصفين .... وكان مكتوب ( ذكريات ابو سلمان و أبو بدر ) عام 1412 هـ مشقوق لنصفين .. نصف معي .. ونصف معه .. الله يرحمة ويغفرله .. توفي بعد هالتاريخ بثلاث سنوات بحادث ..

* ابو سلمان .. هذا انا كان لقبي أيام العزوبية

.. قبل طلال .. والعرس .. الله .. كانت أياااام

وفيه أشياء كثيرة والله ... وذكرتينا بالماضي

الف شكر لك .. بصراحة موضوع جميل
اخوك الصغير ابو طلال

عاشقة الزعيم15 · #7 18/09/2008, 06:18 AM

هلا وغلا بنوووته

بيني وبينك احتفظ بابتسامتك لي فقط

واذا تبغي شي قديم محتفظه فيه فهي بعض الهدايا ايام الثانوي اوتغراف واقلام خشبيه
مكتوب عليها اسمي واسم خويتي ومتذكر الباقي

كل الود

ورده
تحياتيـ
عاشقة الزعيم15

تميــــ100ــه · #8 18/09/2008, 06:19 AM

مــوضوع حلــو وفكرتـه احلى

الذكريات على قــد ماانها حلــوه الا لمى تتذكرينها تضيق الصدر

انــا عندي ذكــريات بس اكيد موب زيــك خطك بالبتدائي

عندي منديل زي الايشارب من يوم كان عمري 6 سنوات كنت البسه مع كل فستان

وعنـدي تجــراف فيه صديقاتي ومعلماتي بكل المراحل كاتبين لي فيه

واحتــفظت بقميص المريـول وعبايه التخرج من الثـانوي

يعطيــك العافيه بنوته

ننتظر جديــدك

برايفـتـ

كارولين · #9 18/09/2008, 06:47 AM

والله انىآآ ماعندي ولا شي محتفظ فيه

بس الاب تووب هو الي محتفظ فيه
الابتوب عندي له 4 سنيين

والحين خرب وشريت واحد جديد ومخليه تحت السرير مقلوب بعد

Hilali88 · #10 18/09/2008, 06:56 AM

أنا عندي شنطة مغبرة مليانه ذكريات

فيها شهادات وأسئلة اختبارات من أول ابتدائي إلى ثالث ثانوي

وفيها صور ودفتر لتجميع العملات أحتفظ فيه من 7 سنين

وعندي ذكريات التخرج من الثانوي وهو كتاب من المدرسة مع الشال إللي يلبسونه المتخرجين مدري وش اسمه
وقطعة من جريدة فيها اسمي مع الخريجين

وصندوق فيه أوراق مثل شهادة الميلاد وبطاقة مستوصف وخرابيط ثانية
وعندي إمساكية شهر رمضان لعام 1422

يوم كنت صغير كنت أحتفظ بأشياء كثيرة ومعظم الحاجات إللي كنت جامعها ضاعت
بس في الوقت الحالي صرت ما أحب أحتفظ بالأغراض لأني أحس إنها مالها قيمة
لكني متأكد إن بعد سنوات بتكون الأشياء إللي رميتها ذات قيمة
وكثير من الذكريات كان في وقته بدون قيمة لكن الآن صار ثمين عندنا

Financial 3ziz · #11 18/09/2008, 06:57 AM

عن نفسي من الناس اللي يعشقون الذكريات..

عندي أشياء كثيرة..

لدرجة أن عندي تذاكر كل مباريات الهلال اللي حضرتها..

و من الأشياء اللي عندي على سبيل المثال..

يوم أنا بثاني متوسط.. كان فيه دوري بالمدرسة..

و طلعت نشرة بآخر الدوري,,

و كان اسمي مكتوب فيها.. (هداف الدوري) و لاتزال عندي..

-------

بصراحة عندي أشياء وااااااااااااااااااااااااجد لا أبتل أعدها ما أخلص..

شكرا لموضوعك الراااائع..

(التميمي)

العقيد أبو شهاب · #12 18/09/2008, 07:12 AM

هههههههههههههههههههه

والله الموضوع ونااااااااااااااااااااااااااااااااااااااسة

انا محتفظ بهدية من 6 بـــ إلى الان

الله يعطيك العافية ...

تسلم الانامل

nahi · #13 18/09/2008, 07:22 AM

محتفظ باحلى مرحله من حياتي بصورها ودفاترها و اغراضها ثاني و ثالث ثانوي

والى اليوم وانا متخرج العام من الجامعه وانا محافظ عليها

ومحتفظ بدفتر قصايد لي " انواع الكسر " ما تجبر ولا باسمنت

بس ما افتحها الا اذا صارت ضايقه الدنيا على الآ خر

اوسع صدري فيها

واشوف ناس بعضهم فوق الارض و بعضهم تحت الارض الله يا ذيك الايام

موضوعك رائع

محمد 22 · #14 18/09/2008, 07:39 AM

انا معي ريال على ايام الملك الراحل

الشجاع ريال الملك فيصل عطنياها الوالد
واحتفظ بجميع شهادات التقديرمن اولى ابتدائي الى سادس بعدها ماحصلت شيء واخذ متفوق بس مايعطوني

وورقة اول اختبار انقليزي في حياتي

وصورتي يوم عمري 4 سنوات

وعند اخوي لابتوب باسونيك قدييييييييييييييييييييييييييييييييييم مررررررررررررررررررررة يمكن له 15 سنة او اكثر

شاريه عمي هدية لابوي واخوي خذاه

SA.99.MI · #15 18/09/2008, 07:50 AM

انا عندي اول كمبيوتر اشتراه ابوي لي يوم اتخرجت من الابتدائي
وكمان عندي سجلات المحادثه حقت الماسنجر ما مسحتها من اول ماطلعوا "المسنجر بلس"<<قبل كذا سنه ونص