محل ملابس رياضيه .. على القناة الرياضيه
السلام عليكم ورحمة الله وبركاتة ..
اكيد تعرفون المحل هذا ..؟؟ قصدي البرنامج برنامج يجي على القناه السعودية (اللي تدعي انها رياضيه)
قبل كل مباراه ..
ويقدمه ثلاث (حفلات)
اول حفله هو ( المقدم) : وهو مقدم معروف ثقيل طينه ويلبس لبس (حكم)
ثاني حفله : واحد لابس لبس احد الفرق اللي عندها المباراه .
ثالث حفله : واحد يلبس لبس الفريق الثاني .
والله مابقى الا يحطون ورا المقدم ( ربطات يد وشالات وقفازات حارس ...)
بالله عليكم هذي ملابس يطلعون فيها قدام العالم ..
ابو لحج المقدم لابس لبس حكام ... مقاس XXL
وجايب اثنين من عيال حارتهم .. وملبسهم ملابس الاهلي والنصر ..
اللي رافع ضغطي انه فيه ناس تتصل على البرنامج وتتفاعل معاهـ ..
وبعدين فرحانين وجايين الموسم هذا وبقوه وحماااااس ..
طيب اذا كان لازم يجيبون البرنامج هذا ..
ليش مايجيبون ملابس على مقاسهم ..
واخيراً : حبايبي ... تعرفون متى هو يوم السعد ؟؟ اليوم اللي تتقفل أو تنعطب أو تختفي فياها القناه الخشبيه ..
وتعرف انه ما احد يتابعها ..
لانها بصراحه موجوده للاستخفاف باللي يتابعها ..
لانه حتى قنوات الاطفال مهتمه بمشاهديها اكثر من الخشبيه الله لا يردها ..
.....