بسم الله الرحمن الرجيم


السلام عليكم ورحمة الله وبركاته




مساء / صباح الخير



أعرف جيدا ان النفقة هي من واجبات الزوج ويجب ان يراعي حقوق زوجته بالإنفاق عليها ولكن .. !

هل حصول الزوجه على وظيفة ووجود راتب لديها يبقي الحال كما هو عليه .. ؟

قبل أيام كنت مع احد الأصدقاء والذي قال لي عن مشكلته مع زوجته التي ذهبت الى والدها ( زعلانه ) بحجة انه لاينفق عليها .

يقول لي : ان راتب زوجته 7000 ريال وانه يذهب بالكامل لجيب والدها .. يقول لاعلي منها فأنا قادر على تأدية واجبي تجاه بيتنا ومتطلباته وتلبيت كافة احتياجاته
رغم ان راتبي لايتجاوز 4000 ريال ونصفة يذهب لتسديد الاقساط


في بداية المشكلة يقول انها طالبته بأن يعطيها 2000 ريال لشراء ملابس ومعدات الحضور لزواج زميلة عمل ..

يقول حين سألتها وراتبك .. ردت بأن راتبي لابي وانت مكلف بالصرف علي وليس راتبي

هنا حدث الخلاف وتفاقم دون الوصول لحل فالزوجه رغم راتبها ابو 7000 اذا ارادت فستان ب 2000 على سبيل المثال فالجيب الذي سيدفع هو جيب الزوج المتكالبة عليه الديون .


هنا تنتهي المشكلة عند هذه الحد وذات مره تجادلت ومجموعه من اصدقائي حول ذات الأمر ولكن سأنقل لكم وجهة نظر تحترم ..

تلك الوجهه تشير الى انه طالما الزوجه لديها راتب فعليها ان تنفق على نفسها والبيت واولادها والا فمن حقي ان اطلبها بالجلوس في البيت حيث مكانها الطبيعي ..


وجهة نظري الخاصة بالموضوع :

طالما انها تاخذ راتب وتركت اعمالها المنزلية من اجل العمل فمن باب اولى ان لاتطالبني بحقها بالإنفاق عليها .. لكي لا اطالبها بحقي بالوقار في البيت ..

لدينا ( الشرط شريعة المتعاقدين ) لهذا فمن البداية عليك ان تترك الخجل اثناء عقد القران وان تحل مثل هذه الأمور منذ البداية وان تكون مكتوبة وموثقة بشرط اثناء كتابة عقد الزواج لتكون على بينه ولكي لاتحدث خلافات فيما بعد انت في غنى عنها

لما يجي المملك تفلسف ذاك الوقت وامحط باللي عندك ان شاء الله تخربها ويقولك ابوها ضف وجهك ياولدي وانقلع


خفائف على الطائر


1- احد الأزواج الذي تعتمد زوجته عليه في تصحيها للدوام احيان يسحب ولايصحي زوجته متعمد اذا سألته وراك ماصحيتني يقول : صحينك بس انتي عيتي تقومي ..

............................. ( نصاب وده تنفصل من العمل )


2- احد الأزواج يشتكي من والد زوجته يقول انا اداوم بزوجتي كل الأيام ماعدى اليوم حق الرواتب ابوها يجي ويدوامبها


في الختام :

اتمنى مشاركتي الرأي امامك ثلاث امور احدها صح او اصح فبأيها تقتنع ولماذا ..






هذا والله من وراء القصد ..

يستاهل من يحجز له رد .. لي عودة ..


باك ,,!

القحماني والله انك رجل رهييب ومواضيعك فله ..


وجهه نظري ..

بما ان راتبها 7000 ريال والزوج 4000 ريال .. افرض ان الزوج راتبة [ 12000 ريال ] مثلاً
,
راح اصرف على البيت والعيال .. لكن هي تصرف على نفسها .. يعني 7000 على جنب وانت اصرف
,
والله الحريم ذولا اعووذ بالله [ الحياة مشاركة ] .. الرجال يصرف على البيت وكل شي اما هي ماراح يكلف
.
من راتبها 2000 ريال كل شهر حق مشتريات وملابس وو الخ ..



الف شكر لك

وش فيك جاي هنا << ترى ماامزح خخخخخخخخ

والله من وجهة نظري يعني وادري ان مالكم دخل فيها بس يالله من باب الاطلاع <<< مناك بس

شوف حبيبي بما انك تريدين أن تعملين في العمل << اخس ياللغه

لا جد ابعد عن اللغة وبتكلم بالعاميه ازين

والله وانا زوجك تبغين تشتغلين الراتب حقك تصرفين به عليك وانا ملتزم بصروفات البيت بكل شيء

يعني انت عليك مكياج ادوات التجميل الطلاعات فستان وكل شيء عليك << تصدق اريح

اما انت تشتغلين وراتبك لـ ابوك اجلسي في البيت أحسن

لا تستلم راتب 7000 ريال وبعد تقول وين مصروفي

مدري والله ليه تتعب واخر شيء أبوها ياخذ كل شيء

ومثل ماقلت انا خليتك تشتغلي ولا قمتي بأعمال المنزل << رجعنا للغة

لا جد فواجب عليك انك تصرفي على نفسك مو انا انحرم من ابسط حقوقي عشان أبوك وش رايك تتزوجي ابوك ايو الله اقسم بالله هذا الاب ناشب

ياخوي البنت تزوجت فك عنا اجل توصلها كل يوم واذا جاء يوم الراتب هو يصير سواق لها

والله صدق يأنا يااهو

عوافي ادري النقاش ماكان في المطلوب

ان شاء الله لقد كنت الاول <<<

وعليكم السلام ورحمة الله وبركاته


عمل المرأة طالما هو في حدود المباح حق لها _ بعد اذن ولي امرها طبعاً_ ووراتبها لها ومحد يقدر يجبرها على الصرف منه لزوجها او عيالها او بيتها او حتى نفسها

نفقة البنت مهما كانت غنية على ولي امرها

>> هالكلام موجود بالشرع

لكن من رأيي لو شافت الوحدة زوجها راتبه ضعيف المفروض من نفسها تتنازل عن حقها وتساعده

مسألة ان الزوج يطلب منها هالشي اعتقد انه غلط بتحس انه طمعان براتبها

عموماً كلشي يجي بالتفاهم والله يوفق الجميع

إقتباس الرسالة الأصلية كتبت بواسطة أحلاهم واتحداهم وعليكم السلام ورحمة الله وبركاته عمل المرأة طالما هو في حدود المباح حق لها _ بعد اذن ولي امرها طبعاً_ ووراتبها لها ومحد يقدر يجبرها على الصرف منه لزوجها او عيالها او بيتها او حتى نفسها نفقة البنت مهما كانت غنية على ولي امرها >> هالكلام موجود بالشرع لكن من رأيي لو شافت الوحدة زوجها راتبه ضعيف المفروض من نفسها تتنازل عن حقها وتساعده مسألة ان الزوج يطلب منها هالشي اعتقد انه غلط بتحس انه طمعان براتبها عموماً كلشي يجي بالتفاهم والله يوفق الجميع

بعد اذن اللي حجزو رد جاهز لو سمحتولي ..

شوف ان ضد ان الرجل يأخذ هلله وحده من زوجته والرأي الذي طرحته هو رأي وليس بالضرورة ان اكون مقتنع فيه ولكن يظل رأي

وعلى العكس الزوجه لديها راتب والزوج راتبه ضعيف طيب الزوجه عيت ورفضت تتنازل عن حقها وتبي الا زوجها يصرف عليها ..

هل من المعقول ان يصرف وهي تستلم راتب ضعف راتبه ..


اعرف ان التفاهم والقليل من الهدوء سيحل الأمور ولكن ارى ان التفاهم يجب ان يكوت قبل اتمام الزواج بشكل رسمي لكي لاتحدث مشكلات بهذا الأمور ..


نحن لانتكلم عن رجل راتبه فوق العشره لنقول انه يجب ان يصرف نحن نتكلم هنا عن زوج راتبه ضعيف وزوجته متمسكه بحقها ..


اما عن طبيعة العمل فانا هنا لا اتكلم عن العمل وماهو .. لكي لاندخل بقضية اخرى


شكرا لك على التواجد ومداخله احترمها واقدرها لك كامل الإحترام والتقدير

هلا والله اخوي القحماني ..

بخصوص الراتب اعتقد ان المسئله يجب ان نأخذها بالعقل ,,

وليس كما هو معلوم ويجب ان يطبق ان الزوج يصرف على زوجته مهما كان راتبه ,,

بعض الحريم الله يهديهم يصرون الا ان زوجهم يصرف عليهم باشياء ماتستاهل
انا مانكر ان الرجل يجب ان يصرف على زوجته من ناحيه الاكل والفواتير ومصاريف الاطفال ووو

ولكن في امور وحاجات يعني لازم انها تقدر ضروف زوجها وماتظغط عليه دام انها عندها القدره على دفع هالمبلغ

مثل سالفه الالفين ..

وهم عندهم اضعاف الي عنده يعني فيه امور ماتستاهل انك تطلب من زوجك

والفلوس متوفره عندك ولكن هم اخذوها عاده ان الزوج يصرف عليهم مهما كان راتبهم

اعتقد المفترض من زميلك ان يتفق على هالامور مثل ماتفضلت انت قبل الزواج ..
تعطي ابوها على العين والراس لكن الراتب كله مو معقوول ..!

كان اخذت النص طيب
شكرا لك عزيزي

إقتباس الرسالة الأصلية كتبت بواسطة السمسار الهلالــي يستاهل من يحجز له رد .. لي عودة .. باك ,,! القحماني والله انك رجل رهييب ومواضيعك فله .. وجهه نظري .. بما ان راتبها 7000 ريال والزوج 4000 ريال .. افرض ان الزوج راتبة [ 12000 ريال ] مثلاً , راح اصرف على البيت والعيال .. لكن هي تصرف على نفسها .. يعني 7000 على جنب وانت اصرف , والله الحريم ذولا اعووذ بالله [ الحياة مشاركة ] .. الرجال يصرف على البيت وكل شي اما هي ماراح يكلف . من راتبها 2000 ريال كل شهر حق مشتريات وملابس وو الخ .. الف شكر لك

هلا وغلا

انا قلت لو الزوج راتبه جيد يعني عشره وفوق فبنظري غصب عنه يصرف بغض النظر عن المستلزمات ضروريه ولا ماهي بضرويه ..


هذا انت جبتها يعني راتبها 7 ورى ماتاخذ الفين على جنب من باب تقدير الحياة الزوجيه ومن باب درء المفاسد وتجنب المشاكل


خصوصا انها عارفه ظروف زوجها ولكن طالما انها مصره وجالسه ببيت ابوها وتطالب بالفيتو


هذي بنظري تجلس في بيت ابوها لين الله يفرجها وتعقل وتركد وترد لزوجها وتعرف انها غلطانه ( وجهة نظر خاصه )


الحياة الزوجيه تعاون وعفو قدر المستطاع وهذا الأمر من وجهة نظري من الامور المستطاعه ولاداعي للدخول بمتاهات من اجل امور بسيطه ..


كامل تقديري واحترامي

عليكم السلام ورحمة الله وبركاته
مسائك أحلى حبيب قلبي ابوعبدالله .. بشر عسا الأتصال صار أحسن
تراني موجود وأتابع من بعيد < ظهور دون إتصال دائما

بما اني عزابي وماحصل لي وعايشت مثل هذي المشاكل الزوجيه قد تكون وجهة نظري صحيحه وفي الغالب خاطئه لكن بعطيكم اللي في بطني

اذا كانت زوجتي موظفه وراتبها جيد ماراح أمنعها تصرف على أبوها بشروط
1: يكون والدها فقير أو تعبان ماديا والمبلغ اللي يروح له يسد حاجات ضروريه مايستغني عنها أي بيت ومايمنع تعطي أبوها اذا كان عنده فلوس بدون مايجبرها يعني كهديه
2: جزء من راتبها لازم يكون لها لتسد كمالياتها وأحتياجاتها الخاصه

وبالنسبه لصرفيات المنزل من أغراض مطبخيه أو غيرها هذي مسؤوليتي وانا كرجل قبلت بالزواج لازم أكون مقتدر عليها وماراح أخلي زوجتي تدفع من شنطتها شي < بما انها ماعندها جيب
الا اذا صارت كريمه سبله وقالت لي عند المحاسب ( عنك عنك )

طبعا كل شي لازم يكون بالتفاهم وشغل الفواتير ورجع الباقي هذي بين الأخوان

طبعا وجهة نظري هذي بدون خبره يعني كلام فوري طلع من راسي يمكن يتغير بعد الزواج

أخيرا .. تواجدك يابوعبدالله في المجلس له رونق خاص وأسعدني كثير وجود معرفك بيننا .. والله لا يحرمنا هالطله

مرحباً

شوف ياخوي


يمكن انو ابو زوجة صاحبك شديد ويحب الفلوس يمكن هو اللي يجبرها على انه ياخذ راتبها

ويمكن انو اهلها ضعيفين وابوها ما يقدر مادياً يصرف ع البيت وهي ترحمه وتعطي ابوها

المفروض انو زوجها يقدرها

وخله يتاكد يمكن انو البنت ما تعطي ابوها يمكن انها تجمع وناويه تتزوج عليه...<<انواع التشيييييش

^^^ ترا امزح


وهذي وجهة نظري
تقبل مروري بنت فهد

وعليكم السلام ورحمة الله وبركاته
مرحبا أبوعبدالله ..

/

مما لا شـك فيه أنه يجب على الـزوج التكفل بكامل مصـاريف زوجتـه الأساسيـة ؛ وأي تقصيـر أو إخلال يؤثم عليـه .
لكـن ؛ هذا لا يعنـي بالضـرورة أنه من الواجب عليه التكفل بالمصروفات (الثانوية) .
وبطـبيعة الحـال ؛ يجب أن تكـون الزوجـة متعـاونة إذا رأت أن زوجهـا غير مقتدر ( وراتبه على قده )
وإذا شركات التقسيط والمواد الغذائية والملابس كلها ما راعت هالرجال المسكين ؛ انتي يالزوجة قدري زوجك ومشاكله وأنتي أكثر وحـدة عارفة بظـروفه !

\

أبـوعبدالله يعطيك العـافية على فتح المجال للحوار حـول هذا الموضوع

ورده

عــودة بعد ما شفت رد بنت فهد ..

إقتباس المفروض انو زوجها يقدرها

يقدرها وراتبه ما يبقى منه الا 2000 !!
المـفروض هي الي تقدر وما تروح تتشكى عند ابوها وتظلم رجلها انه ما يصرف عليها !
حتى لو يوصل الحال أنها تعتـذر عن حضـور الزواج ؛ "تقـديراً" للعشـرة .

إقتباس الرسالة الأصلية كتبت بواسطة موديل توب وش فيك جاي هنا << ترى ماامزح خخخخخخخخ والله من وجهة نظري يعني وادري ان مالكم دخل فيها بس يالله من باب الاطلاع <<< مناك بس شوف حبيبي بما انك تريدين أن تعملين في العمل << اخس ياللغه لا جد ابعد عن اللغة وبتكلم بالعاميه ازين والله وانا زوجك تبغين تشتغلين الراتب حقك تصرفين به عليك وانا ملتزم بصروفات البيت بكل شيء يعني انت عليك مكياج ادوات التجميل الطلاعات فستان وكل شيء عليك << تصدق اريح اما انت تشتغلين وراتبك لـ ابوك اجلسي في البيت أحسن لا تستلم راتب 7000 ريال وبعد تقول وين مصروفي مدري والله ليه تتعب واخر شيء أبوها ياخذ كل شيء ومثل ماقلت انا خليتك تشتغلي ولا قمتي بأعمال المنزل << رجعنا للغة لا جد فواجب عليك انك تصرفي على نفسك مو انا انحرم من ابسط حقوقي عشان أبوك وش رايك تتزوجي ابوك ايو الله اقسم بالله هذا الاب ناشب ياخوي البنت تزوجت فك عنا اجل توصلها كل يوم واذا جاء يوم الراتب هو يصير سواق لها والله صدق يأنا يااهو عوافي ادري النقاش ماكان في المطلوب ان شاء الله لقد كنت الاول <<<

ياخوك هالموضوع مقطع قلبي ومنرفزني وضارب فيوزاتي عشان كذا قلت مالى الا اعضاء المجلس افرغ اللي بقلبي عندهم


شكرا لك على التواجد والمشاركة وشد حيلك احسك متحمس بزياده


شوف يالغالي من ناحية عمل ماقلنا شيء امر الله شق القربه


صرف على البيت ماهو من حقنا نطالب بذا الشيء

صرف على العيال نفس الشيء

بس هي وشغلاتها اللي مالها اول ولاتالي ولالها حدود .. تقل انك صرافة وهي جاية تسحب فلوس

هذا البلا وانا اخوك معليش لو ماعندها عمل او عندها عمل وراتب ضعيف

بس راتب عالي وتبيني ادفع ...



اسف جدا ان الجيب المطلوب خارج الخدمه مؤقتا



كامل احترامي وتقديري لك

بنت فهد - SKY

للتوضيح

الاب اللي اتكلم عنه ماشاء الله تبارك الله عنده ملايين يعني ماهو بمحتاج لريال واحد من هذا الزوج واذا هو عنده بيت وماشاء الله يسع جمهور الزمالك المصري

الزوج منتف ويالله يمشي اموره ..


لي عوده مع ردودكم لاني ماقريتها كامله وبقية الردود اللي قبلكم وبعدكم بإذن الله

إقتباس تلك الوجهه تشير الى انه طالما الزوجه لديها راتب فعليها ان تنفق على نفسها والبيت واولادها والا فمن حقي ان اطلبها بالجلوس في البيت حيث مكانها الطبيعي .. وجهة نظري الخاصة بالموضوع : طالما انها تاخذ راتب وتركت اعمالها المنزلية من اجل العمل فمن باب اولى ان لاتطالبني بحقها بالإنفاق عليها .. لكي لا اطالبها بحقي بالوقار في البيت

اذا المسائله وصلت للحقووق ....فمن حقي ان اطلبه بالجلووس بالبيت للاهتمام بالاطفال..

عموما اذا كانت المراءه عامله فالغالب يكون البيت عباره عن ازعجات ومشاكل لا تنتهي

إقتباس - احد الأزواج الذي تعتمد زوجته عليه في تصحيها للدوام احيان يسحب ولايصحي زوجته متعمد اذا سألته وراك ماصحيتني يقول : صحينك بس انتي عيتي تقومي .. ............................. ( نصاب وده تنفصل من العمل )

هذا افضل الحلول...
ولو تطلب الامر عطها منوم بالعشاء لاجل ماتصحى الا الظهر..
وتنهي المشكله بسلام