كلنا شفنا النهائي..

وكلنا قرينا الجرايد .. وكلنا مرينا على المنتديات ...

نسى الجميع كل النهائي ماعدا اخطاء الحكم ...

ونسى الجميع كل اخطاء الحكم .. ماعدا كرة اليامي + النزهان ...

ويمكن يرد علي احد ويقول .. بس الناس ما تتكلم الا عن اقوى اخطاء الحكم واشدها تاثيرا على النتيجة ..

اقول له على شحم ...

على أي اساس تصنف الاخطاء التحكيمية بهذي الطريقة ؟؟

انا لي وجهة نظر في هالموضوع تعرفونها الحين

خلنا نستعرض بعض هالاخطاء :

1-- في كل كرة يستلمها سامي او نواف كانت السواطير الاتحادية مثل العادة في كل مباراة لنا معهم تجلد وتجلد في نجمي اسيا ..
ولو كان هناك حكم ( عادل ) و ( يطبق قوانين الفيفا ) كان انطرد اليامي 10000% قبل نهاية الشوط الاول واحتمال كبير انه ينطرد لاعب اخر من هاللي تناوبوا على ضرب النجمين

ومن زين الطبايع تلقى التكارنه من قوة الوجه يعترضون على كل خطأ من هالاخطاء !!

والحكم ناسي او متناسي القانون !!!

يعني زود على التكسير اللي بدون كرة ، اعتراض مضحك على قرارات الحكم !! يعني اكثر من سبب يدعو للطرد او على الاقل الانذارات !!

( على فكرة اثبت الجويني ان اليامي يستحق الطرد من الدقائق الاولى من المباراة )
راجع هاللينك لاخوي ياقاهرهم ياسامي

2—كرة الجمعان في الشوط الثاني اللي كان منفرد بها انفراد تام واحتسب عليه تسلل اقل مايقال عنه انه نكتة !!

3—هدف الحسن اليامي في الشوط الثاني .. تسلل واااااااااااضح وضوح الشمس


هذي اهم 3 اخطاء ارتكبها الحكم ضد الهلال في المباراة

ولا فيه اخطاء كثيرة غيرها مثل تسدح لاعبين الاتحاد في منطقةجزاء الهلال اكثر من مرة واللي يعاقب عليها القانون الدولي بكرت اصفر غير قابل للنقاش

الحين خلني اسالكم كم سؤال ...

هل كان فيه أي شيء في الملعب يمنع الحكم من طرد باسم اليامي في الشوط الاول ؟؟؟
هل كان فيه أي شيء يجعل رجل الخط يرفع الراية على كرة سليمة 1000% (كرة الجمعان)؟؟
هل كان فيه أي شيء يمنع رجل الخط من احتساب تسلل على اليامي في هدفه ؟؟
باختصار ...
هل كان فيه أي شيء يمنع الحكام من تطبيق القانون في الحالات الثلاث السابقة ؟؟

يمكن تقولون كلها سوء تقدير من الحكم وانا اقول يمكن !!

لكن مع وضوح الحالات الثلاث يزداد الشك في النية والله اعلم بما في القلوب !

خلنا نشوف اخطاء الحكم ضد الاتحاد ..

ما اخطا الحكم ضد الاتحاد غير في كرتين طوال المباراة:

1-- في الشوط الاول دف الدوخي احد لاعبين الاتحاد خارج المنطقة ولم يحتسب الحكم فاول

2—في الشوط الثاني حادثة باسم اليامي + النزهان وضربة جزاء اتحادية لم تحتسب ( لو فرضا تغاضينا عن دخول اليامي العنيف )

خلنا نسال هالسؤال نفسه هنا هل كان فيه أي شيء يمنع الحكم من تطبيق القانون في الحالتين السابقتين ؟؟

في الكورة الاولى ماكان فيه أي شيء يمنع الحكم من احتساب الخطأ

وعلى هالاساس نقول مثل تو انها ربما تكون سوء تقدير من الحكم

اما في الكورة الثانية (القضية)

فان موقع الحكم ورجل الخط يمنعهم تماما من رؤية أي شيء

بعض الناس يحسب الحكم شافها مثل ماهو شافها في التلفزيون من فوق

لو تعدون عدد اللاعبين في منطقة الجزاء في تلك اللحظة او على الاقل عدد اللاعبين اللي مغطين على الحكم

تلقون انه مستحيل باي حال من الاحوال انه يشوف الحالة ..


اصلا مافيه احد شاف الحالة في الملعب غير باسم اليامي + النزهان + لاعب اتحادي ماشفت رقمه

ولا اقول هالكلام من باب علم الغيب

ولكن من باب انعدام زاوية الرؤية لأي احد غير هاللاعبين الثلاثة

يعني لو كان هناك خطا على الحكم في الحالة راح يكون عدم التمركز الصحيح

وخطأ من هالنوع يستلزم 10000% انك تعتبره سوء تقدير ولافيه مجال غير كذا ..

يعني الحكم كان داري انه راح تصير هالسالفة من هالكورنر عشان كذا اخذ هالمكان ؟؟؟

ممكن يجي واحد ويرد علي ويقول شف صورة اوربيت بالجهاز الماخوذ حقهم

اللي هي هذي :



بالله عليكم وش ذا ؟؟

حاطين لي 4 لاعبين في منطقة الجزاء ويقولون شوفوا زاوية الحكم واضحة !!!

يابوي تلعبون على مين !!!!!!!!!

اتمنى من الكل الرجوع للقطة الاصلية في المباراة ويعدون كم فيه من لاعب في منطقة الجزاء الهلالية ويقارنون بين هالعدد وعدد اللاعبين في لقطة هالجهاز الماخوذ اللي صجونا فيه !!

اذن بعد هالكلام من اللي له حق فعلا انه يشتكي من الحكم ؟؟

الهلال الذي لم يكن للحكم أي عذر في ما أخطا بحقه( تسلل غير صحيح ضده+ هدف غير صحيح في مرماه + عدم طرد احد لاعبين الفريق الخصم في وقت مبكر من المباراة)؟؟؟

ام الاتحاد (خطأ خارج منطقة الجزاء+ ضربة جزاء مافي امل تنشاف اصلا) ؟؟؟


%%%%
اتوقع انه مافيه احد خاف طول المباراة مثل الجوهر واللي كان كأنه شخص عنده تحف غالية مرة وقاعد يتفرج على بزر يرميها على الارض مرة ورى الثانية !!


%%%%
اكبر ظلم في المباراة النهائية وقع على الهلال بوضع المباراة في جدة على الرغم من عدم رعاية الملك لها !!!

%%%%
حتى لو ظلم الاتحاد امس ( وهو لم يظلم بقدر الهلال ) فهو يستاهل على الاسلوب الخسيس اللي يلعبون فيه وللاسف بمباركة من حكام الغفلة

%%%%
حتى انت ياخميس ؟؟؟

%%%%
بعد مباراة الامس اثبت الجمعان ( قاهر اوسكار) واليامي انهم (وبدون أي مقارنة ) افضل من يمثل المنتخب في الهجوم امام سامي ونواف طبعا

%%%%
الجمعان والدعيع ، اذا ظهروا بهالمستوى الرائع في كاس العالم فلن نراهم في الهلال الموسم القادم والله اعلم !

%%%%
ادميلسون لاعب كبير وراح يندم الهلاليين بعنف اذا مافرط فيه عشانه ضيع كورتين!

%%%%
احمد الدوخي + عمر الغامدي + احمد خليل = وش سالفتكم ؟؟ عسى ماشر ؟

%%%%
الجوهر في ورطة كبيرة جدا مع الدفاع

%%%%
حتى لو اعطي للطائي 5 ملايين عن كل مباراة لعبها الدعيع مع الهلال ما اظن يكفي !

%%%%
نجم النهائيات : ابو عبدالله ... وعدت واوفيت .. ان شاء الله نشوفك احد اهم نجوم كاس العالم والله يخليك لنـــــــــــــــــــــــــــــــــــــــــــــــا

%%%%
سبحان الله المراكز هي نفسها قبل وبعد المربع الخشبي حقهم ذا

%%%%
39 -23 = 16
يمديهم يجيبونا السنة الجاية اذا جابوا ستعشرية القرن

مرتاح ;)