قد لايعلم البعض لايدري البعض عن
المشاده الكلاميه التي والا وشو له اتكلم بالفصحى!!!!
اقول شوف الهواش اللي حصل بين الحلوي وهادي شريفي
الحلوي قصير
شريفي طويل.
::::::::::::::::::::::::
كانو يلعبون سوني
حلوي:ياالطويل يا الخبل وخر كراعينك عني
شريفي:وينك انت ياخي ما شوفك تحت المخده ولا وينك
حلوي:شفني قاعد اتمرجح بين سيقانك يا الدلخ
شريفي:الا قاعد تمرجح بين اصابعي يا العبسه
حلوي:بالله كم مره جلدوك عيال الجيران يحسبونك قاعد تويق عليهم
شريفي:وانت كم مره تصفقت من ابو ركبه ذاك الفار المنسم يحسبك تغازل بنته
حلوي:اقول اهجد ولا نسيت يوم ترفع راسك بسرعه
وطاحت علينا طياره شبح ما درينا عنها
شريفي:اجل انت يوم نركب الجيب حق ابو طارق ويمسك راسك يبي يعشق يحسبك قير ارضي
حلوي:عاد ابو طارق يوم نزلنا قال لي لاعمرك تماشي ناس ما تشوف نهايته
شريفي:اقول نسيت شقتك اللي في الدور العاشر
كل ما جيت معك رقينا في المصعد دورين والباقي رجليه
اقولك ليه تقول خربان وانت هذا حدك يا اصبع النمله
حلوي:ازين من اللي وحنا قاعدين في الشقه يويق علينا يقول تبون شي قبل لا اجي
شريفي:اقول نسيت ذيك النمله اللي جت تشتكي منك تقول ضفو ذا عني تراه كل يوم ينام بفراشي
حلوي:ازين من اللي يروح هو واهله بسياره وحده ودايم ياصل قبلهم
شريفي:اقول يسلم عليك ابو الجيران ويقول لاعمره يتعلق على الرصيف اللي قبال بيتنا
حلوي:ذكرتني يوم نمشي انا وياك وجت سياره وشالتك بسرعه
يوم رحنا نشوف ليه قالو ممنوع اصطحاب ذوات السيقان الطويله
شريفي:والا انت يوم تنشب بشماغ واحد من العيال
ولا درى عنك الا يوم وداه الغسال قال له
هازا فيه سيم سيم سنافر موجود شماغ انتا
حلوي:اقول نسيت يوم يقدمون شركه الكهرب علينا شكوى
يقولون ليه تحطون عامود كهرب بدون كيابل بوسط البيت
ما درو انك قاعد تمغط ياماصوره خمس طعش بوصه
شريفي: تذكر يوم نلعب بك مصاقيل مع عيال الحاره
وكلهم يقولون لي من وين جايب ذا المصقال السحري
حلوي:اجل انت يوم نلعب حبشه لقيناك متغبي بجيبوتي وش وصلك لها مدري
شريفي:عاد انت لقيناك متغبي ورى بياله ويالله قزيناك بعد
حلوي:اجل يوم حنا بحديقه الحيوانات شافتك زرافه اغمي عليها
يوم صحوها قالت اموت واتعرف عليه
شريفي:عاد انت يوم يعطس ابو دحيم لقوك برى حدود السعوديه
لازق بعلك بدولاب هندي
حلوي:لايكثر عاد تراك انت اللي خليت ارسال جوالتنا ضعيف
كل ما مرو شركه الاتصالات من عندنا وانت فيه قالو ايه ذولا عندهم برج نروح لغيرهم
شريفي:اجل ذاك المدرس اللي عصب عليك وحطك بعلبه ببسي
ورجك انت وياه يوم فتحه لصقت في السقف
حلوي:اجل فيه احد راسه جوا الفصل ورجلينه في السياره وايدينه في المقصف حاجز مكان
شريفي:اقول قم ترى كسرت راسك فيه احد ينهزم 5/1
اقول رح خذ دوره وتعال بار يا ضفر البعوضه
حلوي:وليه ما انهزم دامك مغطي الشاشه علي با صابعك
اللي ذكرتني بسيقان كومار وهو قاعد يغسل سيارتي
شريفي:اقول انا بروح تبي اوخر البس اللي في الحوش لايجي يتفاهم معك
حلوي:ايه تكفى قبل لاتروح شلني ابي اشوف اهلي وجماعتي بجيبوتي>
:::::::::::::::::::::::::::
هلالي الديره
الوضع العادي
